亞萊泰 (黃大仙中心北館) (已搬遷) 新店位置

這天有事過來黃大仙，時間也比較晚，隨意看看商場還有什麼餐廳可以選擇，見到這間亞萊泰，記得之前在九龍灣吃過，印象中不錯，便決定進去。餐廳店面大，座位很寬敞，餐牌上食物選擇不少，還有優惠和二人/四人餐。在咖喱蟹和二人餐中掙扎，最終因爲懶拆蟹便選了二人餐。先送上的是香濃泰人椰汁雞湯，說實話，不覺得很香濃，酸味比椰香重，不過內裡的雞頗滑。再來是小食拼盤，有春卷、魚餅、龍鳳蝦丸和蝦餅。整體炸得不錯，春卷、蝦餅也做到香脆而不太油，蝦餅內裡口感爽彈，魚餅、蝦丸香口而內裡口感軟中帶彈性。還有半隻海南雞配三款醬料，雞的肥瘦適中，調味恰到好處，口感紮實有彈性卻不過乾不粗糙。通菜可選馬拉盞、鹹肉和蒜蓉，選了惹味的馬拉盞炒，真不錯。二人餐可加$50升級點泰式鮮蝦炒金邊粉，蝦的數量不少，口感也算爽彈，金邊粉不會炒得太散太乾，酸甜度亦剛好。最後是跟餐的甜品拼盤，就是最左邊的沒什麼味道外，另外三款也好吃。而2人餐可以半價去點特飲，點了一杯青檸梳打和椰汁冰，爽。其實二人餐本身已經很豐富，加了金邊粉，我覺得3個人吃也足夠，走的時候真的飽到幾乎走不動，這個價錢計實在太抵了。

黃大仙亞萊泰，晚市的二人套餐好抵食。$318 的二人套餐（免加一服務費），有泰式小食、湯、主菜、蔬菜及甜品，加$50有泰式菠蘿海鮮炒飯或炒金邊粉。泰式小食拼盤（細）：即使是細的拼盤，份量都幾大。最底的炸蝦餅最好食。大頭蝦冬蔭湯：味道酸酸辣辣，有大頭蝦兩隻，非常適合夏天的湯。泰式海南雞（半隻）：雞肉好嫩滑，點中間的泰式酸辣汁好好食。蒜蓉炒通菜：蒜頭片下得足夠，好有蒜味。泰式鮮蝦金邊粉：酸酸甜甜的炒金邊粉好開胃。泰式甜品：分別有亞麻籽椰青糕、綠豆糯米滋、椰汁西米糕及芒果西米椰汁糕，中間兩件最好食。飲品有買一送一優惠，好抵。椰汁珍多冰、龍眼冰

相對於一些飲食旺區, 黃大仙區在飲食業方面的發展確實較落後, 自從黃大仙中心翻新後, 情況開始轉變了, 皆因有些較高級的餐廳已落户在這商場, 其中一間就是亞萊泰, 就趁是日人在黃大仙, 在晚上時段來試試。先來一杯椰汁珍多冰解渴, 椰汁香甜夠滑, 味道清爽而冰涼可口，唔錯。來個泰式生蝦, 蝦肉口感爽脆鮮甜，配上了泰式青檸辣汁, 十分滋味。點了泰式鮮青檸蒸明爐烏頭，整條半熟的烏頭魚放在爐上, 淋上些酸魚湯, 再加熱後便可食用, 烏頭肉是鮮甜嫩滑,也沒有什麼腥味, 配合魚湯的酸味, 就更加惹味, 很快便吃剩一排魚骨。賣相已經討好的泰式海南雞(半隻)，雞肉整齊排列, 雞肉烹得唔會太熟, 海南雞食落啖啖肉,肉質嫩滑非常, 雞皮好滑，雞味夠濃, 蘸上酸酸地又有少辣的醬汁, 吃起來更醒胃。也不能錯過泰式甜點椰汁西米糕, 濃郁甜美的椰香跟軟熟的西米配合起來效果很好, 這一味甜點勝在不太甜，也不錯。食物方面也是正宗的泰式做法, 如果想吃泰國菜,這裡都可以是其中一個選擇。

今晚去到黃大仙中心買野順便晚飯，試試這間環境舒適的亞萊泰，餐廳裡點綴著泰國風味的裝飾，又有卡位，檯面夠大，一家人👪食飯可坐得舒適～..大頭蝦冬蔭湯不太辣，酸度適中，仲有好多材料在湯內大蝦、好多香菇，開胃!..泰式小食拼盤 (細)細拼盤都有四款小食：炸蝦餅香脆彈牙; 炸魚餅好有咬口; 另外兩款是泰式素春卷、香草雞肉丸都唔錯..招牌咖喱海中寶睇到個名就想叫，睇下咩係海中寶😆有驚喜！好大份、好長，真係招牌菜式，超有派頭！長法包盛載住咖喱海鮮，法包盡吸咖喱汁，咖喱汁唔辣，可加薄餅食哂所有汁！..另外飲品都有買一送一優惠，我們都點了兩杯！..全餐食咗唔洗$500，超抵！

今晚又唔煮飯，去左黃大仙中心買野順便食飯，發現了一間泰菜餐廳，座位寬闊又有卡座，好啱我帶住小朋友來食~~..有套餐、單點餐牌都好多選擇! 我地好肚餓都叫了好幾款食品~..大頭蝦冬蔭湯 (少辣)來到泰國餐廳，老公一定會叫冬蔭湯，酸酸辣辣適中，我唔食得好辣都飲到，仲有大蝦、好多香菇，愈飲愈開胃!..泰式小食拼盤 (細)估唔到細拼盤都有四款小食! 炸蝦餅香脆肉彈牙; 炸魚餅好有咬口; 另外兩款是泰式素春卷、香草雞肉丸..招牌咖喱海中寶一入來在餐牌上見到就決定一定要叫，佢上枱時真係好surprise，好大份、好長呀! 貴為招牌菜式，出場好有派頭！海中寶好似架潛艇，長法包盛載住咖喱海鮮，超多料！法包盡吸咖喱汁😋，麵包就算放久了也很耐吃，食完一舊又想再食，分量可以三個人食都夠！..海鹽炭燒盲鰽魚肉鮮嫩，海鹽炭燒，魚皮好脆口！阿仔超喜歡食，整條都比佢食哂！..另外都叫咗薄餅及炒芥蘭都好好味~..一個豐富的晚餐😚😚

星期日出街食～之前食過尼間既lunch，有set,覺得幾抵食，味道都ok，今次試下夜晚先！有set，但冇叫🤣泰式菠蘿炒飯（$95）用料豐富，配料仲多多，味道岩岩好，甜甜地～但 點解一舊菠蘿都冇既😕炭燒豬頸肉（$78）份量ok，燒得好香，最緊要唔會好乾身！而且夠晒入味，豬頸肉入口爽口彈牙，但唔會好油膩芒果糯米飯（$55）哇好驚喜，係心型咖個糯米飯！貌相100分😍糯米飯仲要暖暖地，好軟熟！芒果好甜，埋以椰汁，為今餐畫上完滿既句號^_^

終於都拎到4000蚊，咁就要對自己好d...是日晚餐就一於出街搞店，去左間好多街坊既素國菜餐廳~黃大仙南館（黃大仙街坊表示龍翔中心會清楚d）既亞萊泰menu有2人餐、4人餐，價錢相宜亦都好滿足其實唔岩食都可以選擇散呃，見門口寫住星期一至五都有8折，都幾抵食，不過2人餐已經岩晒我心水，所以2話不說直接order~泰式小食拼盤 （春卷、蝦餅、魚餅、鳳凰卷）~最欣賞就係炸魚餅同蝦餅，好香既香茅味，感覺似係自家手打，大大件，配上泰式酸辣醬，岩晒大小朋友泰人大頭蝦冬陰湯~竟然有3大件蝦，亦有好多秀珍姑，椰味足既，椰酸味夠晒，記得趁熱飲！主菜選擇~泰式脆香盲鰽伴青芒果沙律~主菜係5選1，呢個沙律好特別，先將盲鰽炸過，再拌青芒果手，加上泰式特有醬汁，大力推薦！馬拉盞炒通菜~炒通菜最緊要夠穫氣，呢間完勝，好岩送白飯！泰式菠蘿海鮮炒飯 （加$50）~好夠料，好多蝦同魷魚，菠蘿都甜既，腰果香口，上面再舖上豬肉鬆，同通菜一樣夠穫氣2人餐仲有埋甜品，係傳統既泰式甜品，鐘意椰汁系列既清晒，亦都為呢餐帶黎perfect ending!p.s....免收加一，亦都會主動refill水

今日又約左哥哥食飯，我通常都會就佢去反呢區或且附近食，哥哥之前提過話想食泰國菜，我就食乜都無所謂，當我唸更食乜嘢既時候，見到眼前就係一間泰國菜，所以就唔使再唸，就決定食泰國菜😊法國紅酒🍷—-👍夠厚身，又香又濃郁1-小食拼盤—夠熱夠味脆口😊2-冬蔭公湯—小辣都夠哂辣，味道正✌️😋3-海南雞半隻—-肉夠滑，不肥穢😋4-馬拉盞通菜—-味道剛剛好，菜嫩口5-菠蘿炒飯——炒飯口感炒得不錯，配料亦算多，味道又係相當不錯6-四色甜品🍮✌️👍三個人食埋單四百幾元，無加一🤗🤗🤗🤗🤗🤗🤗價錢無敵，仲係好食，完全係可以下次再去過食👍服務就一般，不過有D嘢要改善，就係千萬不要在客人前面說粗言穢語，須然不是罵客人，但就太順口，而且這個字是相當粗穢，果一刻真係好叉耳，不過佢都即刻和我說對不起，知道自己太順口說了，始終上班時間，而且不是大排檔，環境同格局都算唔差，呢個扣左分😅

住係黃大仙又想食泰國菜？唔使去再九龍城咁遠喇，可以嚟呢間位於黃大仙北館嘅亞萊泰，真係好就腳呀，一於試一試。至尊泰式海南雞 份量好大，雞嘅肉質鮮嫩，入口非常之滑。仲三款醬汁，分別有辣椒醬，薑油和黑醬油，搭配雞肉食風味十足。冬陰功湯冬陰公辣辣地幾開胃，份量都多，我地四個人食都食唔晒。湯好足料有一隻大頭蝦同秀真菇，仲有點椰香滲透，香濃味美。迷你泰式小食拼盤拼盤分別有泰式春卷，蝦餅，魚餅，鳳凰丸。蝦餅，魚餅外層炸得香脆美味，又彈牙，食落幾有口感。至於甜品，就嗌咗個芒果糯米飯，椰漿香濃，糯米飯整得很煙韌，熱騰騰糯米飯，混合了椰汁，每一口都充滿濃郁的椰子味，在口中停留不散，食落甜而不漏，芒果又香甜。

係黃大仙搵食，周街大把餐廳, 勁難揀。 最近就去咗一家泰國菜餐廳, 叫「亞萊泰」, 係黃大仙只做泰國菜的餐廳唔算多。先總結一下，食物未係最頂端，始終街坊平民多, 但質素亦不失禮，平民價錢, 唔洗飛去泰國, 性價比都算高！ 坐落先發覺，餐廳都好深, 坐到好多人, 亞熱帶風情的裝潢,柔和的光線，望落去感覺都幾舒服。 - 翻開餐牌細看，有好多泰式美食可以揀。沙律、小食、泰式飯品、主菜、甜品及飲品等等, 係懶得揀的情況下我地最尾揀左個4人餐。 - 除此之外, 每日都有特價小食, 我地揀左串燒豬肉 - -串燒豬肉 食泰國菜當然唔少得叫沙爹串燒。雖然係特價菜, 但同樣有雞、豬可以揀。 串燒帶點炭火香, 肉質幾爽, 沙嗲醬亦不錯夠惹味。 -  小食拼盤 4人餐前菜我地揀左小食拼盤。小食乜都有，啱晒個仔。一客有8件之多，春卷炸得外皮香脆唔油，內裡夾雜好多粉絲同木耳等，清新爽口；魚肉卷同蝦卷彈形爽口, 作為前菜就最arm, 最正甜酸醬，酸香醒胃。 - -馬拉盞炒芥蘭 跟餐蔬菜揀左馬拉盞炒芥蘭, 其實，平常芥蘭多數都係炒到腍晒或者白烚。芥蘭色澤青翠口感爽脆，火喉恰好，

今日同朋友來黃大仙龍翔中心食飯🍽見到間泰國野好似幾好食😋一於入去試吓。同朋友叫咗個四人餐，首先就嚟咗個冬陰公湯先。冬陰公湯底酸酸辣辣，作為開胃菜絕對可以食多🍚。馬拉盞炒通菜，必點😋明爐烏頭又係必叫之一😋有少少🌶無骨海南雞，啖啖肉肉質又嫩滑，雞皮又不會太肥膩。來泰國嘅餐廳點能夠唔食🍢肉質鮮嫩，夠份量👍小食拼盤🍤🥟 下🍺菜必備清單👍青檸梳打酸酸甜甜，配上微辣的食品唔錯。朋友試咗芒果沙冰，又香又甜又夠凍，消暑必備👍

今日同表姐、表外甥黎到黃大仙亞萊泰，雖然喺平日，正值食晚飯黃金時段，餐廳近乎坐滿人。 餐廳環境方面，樓底高，都有滿滿的泰國風情，木系桌椅，加上不少熱帶植物，亞熱帶地區燈飾，又加上光效，叫人感覺舒服。 -今次叫左個4人套餐， 套餐包括湯品、沙律/ 拼盤、主菜2款、蔬菜、飯及甜品 小食拼盤 - -小食拼盤分量多，每人起碼有2件, 炸蝦餅香口彈牙, 木耳春卷炸得香脆，炸魚餅有香茅味口感也Q彈。 - 香草仿蟹肉雞絲魚肚羹 - 咩叫做眼前一亮，一睇個湯羹送上嚟就知嘞。入口有勁多魚肚，亦多一入鮮甜味。配合含有仿蟹肉雞絲的魚肚海鮮羹，湯羹味道鮮甜，別具一格。 - 至尊泰式海南雞 賣相都幾靚仔, 去晒骨方便食, 皮下無乜脂肪, 皮爽肉滑。配埋甜醬油、辣醬及薑蓉, 同枱老友覺得都幾好食。 - -馬拉盞咸魚炒芥蘭 芥蘭炒得幾爽脆，馬拉盞椒絲帶微辣，食起來頗惹味。 - 原個菠蘿海鮮炒飯 - - 飯量認真唔嘢少, 炒飯爽身唔油，而材料豐富, 菠蘿、海鮮、肉鬆、腰果, 口感豐富。 - 甜品 芒果糯米飯 -賣相討人喜悅，糯米飯用上白糯米，加上濃濃椰

上次表弟同我講去泰國玩一定要食泰國菜，因在當地食是最平和好食。今天因工作要去黃大仙，收工後就順便行過商場比我見到有間食泰國菜食館，看下門外餐牌發現價錢不太貴，但唔知食物如何?所以打電話約朋友出來試下，這間個名是ARO IThai亞萊泰(黃大仙)MTR C3出口，侍應生很有禮貌地請我們座在卡位上，我們今晚叫得比較清，不想食太多肉，就叫左個海鹽炭燒盲曹$148，盲曹魚上鋪滿很多海鹽，魚肚就有幾片薑、香茅、葉，魚肉都幾鮮嫰，因海鹽鋪滿在魚皮上所以魚肉不會太鹹，如喜歡可以點一些醬汁，更覺魚肉鮮甜，又不油膩實在太好食。蒜蓉炒通菜$65，蒜蓉比較馬拉盞清而且不會太辣，菜炒得很脆綠，非常多蒜頭，味道剛好。炭燒泰式串燒-豬肉2串-雞肉2串$65，豬肉串比雞肉串好食D,雞肉鞋在少少而豬肉比較滑，一陣陣燒烤的味道。黃薑飯$18，黃薑飯一粒粒分明，飯質軟熟好香。泰國鮮椰青$38，椰青清甜多椰汁，$38好抵飲。亞麻籽椰青糕4件$30，飯後食甜品就最滿足，冷凍的糕上面有亞麻籽，而下面就是椰肉，爽口又不太甜，食物好味而且價錢平，唔使再去泰國食啦！😉😉😋+++++++++++++++如果大家喜歡💕我寫既食評，麻煩比

去完黄大仙廟就在附近的商場濕平避避暑！臨近晚飯時侯就吃個早飯才回家！天時暑熱，東南亞食品深得我心！這裡座位寬敞，佈置在屋村商場來說是五星級，簡約得來有格調及整潔，不太擔心會中伏。先點消暑開胃心水：金柚子沙律再慢慢點菜！酸酸甜甜微辣，正！這處提供多款單點食物或套餐，價位親民！二人套餐頗合眼緣就二話不說選細項。首先來的是小食併盆及香草蟹肉仿鮑魚絲魚肚羹。併盆上枱時還很熱，為免上火就先喝碗羹先。碗羹雖說細，但也可以裝滿四飯碗，且用料份量足，很有滿足感，伴以那幾款美味小食，已可幫人忘却近期的煩憂！小菜選了泰式海南雞及馬拉盞鹹魚炒通菜。半隻雞去了骨，肉很滑溜味鮮美，上乘之作。菜炒得很到位，味濃而菜鮮爽，伴飯良伴！到此慶幸沒點白飯，更沒有加錢追加炒飯，否則只有不是浪費良物便是肚皮苦撑的結果！份量剛剛好就慢慢食慢慢享用美好的一餐！最後來了泰式甜點，實在太飽吃不下，只好外帶回家益下家人！😛整體來說此餐CP值高，美味可口，工作人員也親切有禮，服務不錯！

今日來到黃大仙中心的亞萊泰，見到餐廳裡外裝修都帶著泰國風味，部份卡位用了屏風做間隔，非常雅緻。餐廳有傳統的泰式美食，有炭燒海鮮、青咖喱雞、鮮蝦金邊粉、泰式鹵豬手、馬拉盞炒通菜...等。在門口已被圖文並茂的菜色吸引。最後要了:海鹽炭燒盲鰽，泰式辣椒膏炒蜆，泰式鮮蝦金邊粉及馬拉盞炒通菜。泰式辣椒膏炒蜆$88先上的是泰式辣椒膏炒蜆，蜆新鮮又大隻，配料裏面有香葉、洋蔥、辣椒膏及香茅，豐富的配料令鮮甜的蜆帶辣更美味。泰式鮮蝦金邊粉$85泰式鮮蝦金邊粉，炒粉裏面有牙菜、鮮蝦、豆乾、蛋碎、花生碎、韭菜及炸菜絲。豐富的配料，這是泰式的特色，配上泰式特有帶少少甜的調味，老少都喜愛食。馬拉盞炒通菜$70每逢食泰菜，我都比較喜愛馬拉盞炒，尤其是喜愛馬拉盞炒通菜，馬拉盞味道較濃，與通菜非常夾，令通菜入味之餘又爽口。海鹽炭燒盲鰽$148海鹽炭燒盲鰽，面上還有海鹽及炭燒的痕跡，看落已覺吸引，盲鰽肉質嫩滑，配上秘製的泰式醬汁，令魚肉更顯鮮味。至於飲品，有部份是買一送一優惠，要了椰汁紅豆冰及珍珠奶茶$29，感覺非常抵飲。椰汁配上紅豆，味道不會很甜，甜度剛剛好，椰汁味很香濃。而珍珠奶茶，奶及茶的味道都調較得相當好，奶及