井上日本料理 (已搬遷) 新店位置

好難搵到好食日本野(在荃灣更甚)。睇食評相,刺身都幾新鮮。刺身好,其他野應該唔差得去邊。-三文魚刺身8片,特價$38。令立立,對板的!不過肉質好似腍左DD。-鰻魚壽司$28,件鰻魚暖既!充滿蒲燒汁；壽司飯醋味出,幾好食!-特色芝士年糕壽司$25,老公唔鍾意芝士,佢未知係咩黎,一吃下,都話好食!件年糕熱烘烘,外脆內軟芝心,有小pet沙津醬o係面,調調味,好夾味!另一提,壽司紫菜仍脆架!-面豉廣島蠔鍋$58,原來係小鍋。有蠔四隻、金菇、透明粗粉絲、菠菜、津白、鮮菇、滑豆腐。相信不論牛肉鍋也好,蠔鍋,什麼鍋也好,都是用那個面豉湯底,湯唔係好甜。小鍋煮熟蠔,所以那湯有輕微蠔味。蠔是剛剛熟,有點腥。這鍋不過不失。食日本野,叫熱鍋,可彌補吓壽司、刺身的生冷,都不失為好選擇。-天婦羅冷烏冬$65,當中有蝦兩隻、茄子、鮮菇、南瓜、蕃薯。蝦天婦羅唔好食!炸漿多,隻蝦幼又唔新鮮!反而其他蔬菜天婦羅,炸漿薄D,好食D,尤其南瓜,和蕃薯,蕃薯是日本紫皮,黃芯蕃薯,很粉甜!手拉烏冬,未至於雪,不過好凍~可能烏冬太煙韌,好似熟唔透咁。烏冬豉油又唔夠味!自己o係日本超市買的冷麵豉油,好味過佢!食物接著上,唔會好耐(

一家人趁星期日來個家庭 LUNCH,叫了2 份今天的井上定食 ($58)有三文魚, 鱆紅 ,海膽, 甜蝦,送汽水同麵豉湯.魚生相當新鮮米飯雖然不是珍珠米但以這價錢真是超值了味道不錯還叫了個蠔鍋 ($58)清清地..有菜有菇,味道也不俗.其他定食價錢也是便宜.見細佬食哂個滑蛋雞扒飯 ($42)應該都係唔錯既我只係叫咗最愛既帶子壽司.味道一般.唔係唔新鮮...不過係咁夠甜.而且帶子細..LI 個就真係 SO SO ONLY侍應勤力加茶服務很好荃灣區有質素的食肆唔多.日本菜只有連鎖經營的先比較可相會再來試其他菜希望小店繼續好好經營 4 個人食, 魚生又新鮮唔洗加一, $250 有找...抵得無話可說.

之前食過元朗井上日本料理又平又正.點知見荃灣又有一間(雖然唔知係唔係同一間)都走左入去試下先!叫左個壽司定食6件壽司,2件加洲卷,1碗烏冬,1罐汽水 $42(雖然比元朗個間d壽司細件d,不過都好食)另叫多個井上刺身定食刺身飯,1罐汽水 $58 (d刺身好食過我d壽司好多呢)全日仲免加一,係荃灣區來講都低囉.

佢新開張左咁耐, 一早已經想黎試. 點知去到就一肚火. 我地兩個人比一張靠牆我6人檯, 但坐近走廊的. 坐入面的客人離開時, 我地兩個人就要起身借過比客人走, 仲要等佢地執完檯, 放好餐具先可以坐低. 見到有兩個客人要入黎, 我地都要起身讓客人入坐. 好麻煩, 食食下野要起身. 好心就唔好分配六人檯比2個人坐啦. 我地 order 左:雜菜鍋- 其實是白灼雜菜, 冇黎味道的. (可能呢d叫日本正宗)甜蝦壽司- 未食過咁腥既甜蝦, 個蝦頭腥到嚇親人.d 飯多左d醋, 酸左d牛肉汁飯-d 牛肉好鞋.紫菜鰻魚反卷-d飯林, 鰻魚都有少少腥味.自家製玉子小卷-普通.d 飯都係多左d醋, 都係酸左d服務好差, 佢地帶位既時候會幫客人拉椅子, 但係拉完就即走, 唔會等人坐好先, 比餐單人單手放o係檯上面, 即走. 要叫先識斟水. 到埋單佢地好有禮貌咁講'多謝曬' 但係唔講幾錢, 要人慢慢o係張單到搵究竟幾多錢. 仲有就係佢地o係我地呢個食飯既過程係冇笑容的. 佢地係做緊野, 但唔係服務緊客人, 食物又唔得, 服務又唔得, 冇原因令我再黎. 我都將呢間店列入黑名單.

食物: 壽司盛 + 醋鯖魚刺身壽司盛有鯛魚, 三文魚腩, 吞拿魚, 牡丹蝦, 海鰻, 帶子...等等魚料十分新鮮甜美, 魚料與飯的比例及壽司飯的鬆軟度亦掌握得剛剛好, 好味到差D吞埋條脷, 師傅的手藝應該有十年以上功力, 令我係好飽之下都忍唔住追加咗份刺身. 不過份玉子卷則很一般.裝潢雖然普通, 但環境乾淨, 座位亦很寬敞, 客人都十分安靜, 感覺舒服.服務OK, 可能因為唔多人, 加茶唔使人指示, 食物上枱速度亦很快.係荃灣想食壽司的話一定要試試.

新開張諗住試試。因為新裝修關係, 環境幾好幾舒服。七點幾客人都唔多, 店內侍應都幾多吓, 應該好得閒。我哋先點幾款食物, 食完慢慢再叫。第一、二次都係有個類似經理幫我哋落單, 唔記得我哋Order乜嘢, 佢好冷淡咁答 “賣哂!” 真係勁, 七點幾話賣哂, 佢唔會推介你食乜, 亦唔在乎你嘅存在, 只係唔出聲企喺我哋隔離, 但眼望遠方 (扮G4呀?!), 完全無將我哋放入眼內。雖然食物都可以叫合格, 但真係頂唔順佢哋呢啲『皮笑肉不笑』嘅侍應, 講嘢都成個機械人咁, 係! 無錯好勤力幫你收碟斟水, 咁又如何？直至差不多食完, 有個侍應走嚟邊收碟邊講 “我幫你哋收咗啲碟先!”。(嘩......唔駛問吓人啲嘢到齊未嘅咩?)我即刻阻止佢 “仲有嘢食未嚟噃!”“我幫你Check吓!” Check完, 頭先落單嗰個女經理走埋嚟又好冷淡咁講 “無落單, 仲要唔要?”我見佢啲死人態度, 我都好唔順氣咁答 “唔要啦!”漏單又無講唔好意思, 毫無歉意, 個態度擺明係....你食就食, 唔食就算, 完全無理客人感受。作為經理, 態度敷衍, 唔該你好好檢討吓啦!完全無Services可言!!!So........

因見到井上日本料理食評不錯, 所以弟弟就提議一到品嘗晚餐. 看到餐牌的價錢感覺應該有水點水準吧!! 因為在荃灣區來說真的不算便宜了. 點了一客刺身, 當刺身上檯時已感覺此餐廳應不是想像中那麼好. 刺身顏色較淡, 切得較薄食下去沒有口感. 事實也不是特別新鮮. 再點了三文魚脆反卷, 炸軟殻蟹, 加拿大特級海膽壽司, 蟹籽沙津, 自家製朝鮮牛舌. 意見如下:自家製朝鮮牛舌因在外較常吃燒, 所以今試自家製, 味道特別, 但牛舌沒有爽口感. 一試無防但還是燒較好吃蟹籽沙津生菜絲幼, 口感味道不錯, 但份量太少四季刺身之秋天刺身盒:這個名稱令我覺得有心思, 壽司師傅一定會細緻上檯. 可惜他 / 她沒有這樣做, 只是一個普通碟放上罷了. 刺身味道非常一般, 切得太薄欠缺口感, 沒有驚喜. 牡丹蝦我會連頭吃的, 蝦身弟弟說可以, 但蝦頭有苦味, 不是甘是苦所以我覺得是蝦不新鮮所導致的. 炸軟殻蟹夠熱, 味道還可以, 蟹有膏可以一試三文魚脆反卷咬下口感特別, 味道好整晚最好就是這一個加拿大特級海膽壽司這個真的令我大失所望, 海膽根本就不是特別. 只是比迴轉壽司大一點.

We were the first guests to step into the restaurant on this Sunday lunch. First thing I noticed was the menus were dirty. I thought to myself, hmm, this isn't going to be a good experience. A new restaurant with dirty, oily menu. (Hope they read this and wipe down their menus)As this was the first time to this restaurant, I wanted to "play it safe" and order more cook stuff than raw. Tempura udon ($50), special sushi combination ($30), chicken wings-yakitori ($40, I think), and chicken cartila

I had my dinner there by myself tonight, ordered only two items: grilled mackerel & sashimi rice bowl, both items were good in terms quantity, quality, taste & freshness. The staff were pretty attentive for my tea cup was never empty. Will I eat here again? Hell yes., they'd better stay in business until I get tired of eating their food.

一行三人,兩個月後再到井上(荃灣),七點幾來到不過人唔多, order 咗一份"二人前", 燒雞翼, 炸豆腐, 刺身, 清酒, 壽司師父介紹我地食秋刀魚刺身.燒雞翼 - 拆咗骨都幾有心機,味到幾都ok.炸豆腐 – 幾滑.刺身 – 新鮮份量都ok ,秋刀魚配咗個酸汁好好味,兩樣刺身都擺得好靚.二人前 – 相當豐富, 有蟹籽沙律,8件壽司,雜錦天婦羅,(魚生冷麵or鰻魚飯)order咗魚生冷麵,本來有燒秋刀魚師父同我地改咗條燒青魚.天婦羅 完全唔油膩,炸蝦,日本南瓜蕃薯好……………..好好味.整體都相當有水準.荃灣區日本菜必食推介.

早幾日見到呢間新開張既日本料理,佢開果位平時唔算好旺,見lunch個餐牌都係四十蚊度,所以就同bf入左去試la,環境幾寧靜,我bf就叫左個櫻花魚生飯,而我就叫左個鰻魚飯,再加多客三文魚壽司,不過跟餐就得汽水,仲有麵豉湯送,個魚生飯一上枱,嘩都幾多三文魚粒,又有d白色魚肉既(唔知叫咩魚),我試左一舊,d魚好有魚味,我bf話d魚新鮮所以先禁有魚味,正喎,鰻魚好有炭燒味,d肉又厚,又幾正,壽司就細細件,起碼夾得起先,有d日本料理d壽司標榜大件,但唔好味又有咩用,之後佢仲送埋三文魚刺身6塊,臨走仲有鏡盒送,呢餐lunch真係食得好開心...

在荃灣收到這間新開的 "井上日本料理" 傳單, 剛巧這晚幫一個朋友慶祝生日, 便試試這間料理的出品, 一直以為只有在尖沙咀, 銅鑼灣, 跑馬地才吃到非常有水準的日本料理, 估不到在這個荃灣不大起眼的地方也會給我們一個驚喜....這間舖雖然不是很大, 但裝修很舒服, 很有格調我們都是從刺身開始, 除了鮮味之外, 很喜歡那種溫度剛剛好, 不喜歡有些雪味感覺壽司方面, 我平時都不大鐘意吃饅魚, 但這裡真的很不同, 平時食感覺很"肥膩, 但這裡不單沒有這個問題, 而且味道適中之餘亦不會有腥味, 壽司飯軟硬適中, 更不會像 "某間" 出名的壽司舖, 我看到有兩種不同形狀的米出現, 一夾就 "散"....串燒方面, 配合黑椒非常野味, 肉汁豐富, 亦都有試到 M9 "和牛", 比起出面差不多成千元一塊都係同樣質素, 真係好抵食至於炸物 "天婦羅" 完完全全沒有 "油膩" 感覺, 唔覺得會好熱氣, 所以食多左....整體來講好有水準, 亦感受到用心對待顧客, 一定再來食過....

前兩天經過...小小的店舖開在舊區, 沒有什麼宣傳, 星期六晚上經過時, 也不太多人, 今天老公提起試一試午市套餐吧! 我們要了兩個套餐分享 : (今天還有刺身附送, 新鮮奉上三文魚六件)壽司刺身定食 - 壽司四件 (腐皮, 熟蝦, 三文魚及蟹腳), 刺身四件 (三文魚, 帆立貝, 鯖魚), 熱烏冬及麵豉湯 + 汽水, $42! 壽司飯微暖, 但不夠黏口, 蟹腳沒有什麼味道, 熟蝦都幾實正, 帆立貝硬了一點點, 三文魚厚厚的, 幾新鮮! 店員介紹汽水可選, 可樂, 芬達...沒有其他選擇, 我們也就沒有要飲品了!牛肉窩定食, $48, 牛肉窩 有兩大塊牛肉, 金菇, 旺菜....湯底甜了一點點, 附上生蛋一隻, 但窩不是現煮, 吃時有點膽心蛋仍未熟透, 米飯真的麻麻, 不夠煙韌, 黏口! 牛肉水準一般!整體是...環境舒適(沒有太多人, 靜靜), 店員笑容不多, 但勝在不滋擾, 現階段不能說食物好與不好 (只試了一次), 下次再 a la carte, 叫些燒物, 煮物再下定論吧!

井上日本料理---鹽燒鯖魚日期：2009-08-26在"井上日本料理"(荃灣)買了"鹽燒鯖魚(塩焼き鯖)"($35)。在家用平底鍋翻熱約1分鐘。鹽燒鯖魚---半邊鹽燒鯖魚，附有檸檬、白蘿蔔蓉、紅生菜和車厘茄。鯖魚魚皮十分香脆，鹹香惹味，魚油香十足。鯖魚肉質較結實，略為乾嚡，魚味濃而不腥。灑上少許檸檬汁和白蘿蔔蓉來吃，十分醒胃。"井上日本料理"新開張送相架一個

井上日本料理---天婦羅熱赤麵日期：2009-08-26在"井上日本料理"(荃灣)買了"天婦羅熱赤麵(天ぷら温かい蕎麦)"($50)。天婦羅、蕎麥麵和昆布鰹節醬油湯是分開盛載的。在家用平底鍋翻熱天婦羅。天婦羅熱赤麵------內有蕎麥麵、蔥花、昆布、昆布鰹節醬油湯和什錦天婦羅，包括大蝦、南瓜、蕃薯、茄子和青辣椒。湯頭清淡，帶點昆布及鰹節味，鹹味輕怡。蕎麥麵麵質爽口彈牙，蕎麥香十足。大蝦天婦羅的脆漿層厚薄適中，非常香脆，大蝦肉質爽彈，蝦味鮮甜。青辣椒天婦羅味道很苦。南瓜天婦羅和蕃薯天婦羅外脆內軟，味道甘甜。整體水準非常好。