影片
日本野简直系我人生中不可或缺ge野唔开心:食日本野开心: 更加要食日本野行开呢头醒起好耐冇食呢间由于食过几次知道水准ok, 于是就咁撞左入去今次主角:三文鱼亲子饭(好肚饿唔记得影, 到记得ge时候已经面目全非)*三文鱼: 新鲜 / 水准+份量正常*三文鱼子: wow! 好多! 冇三文鱼咁新鲜2者夹埋ge化学作用令我觉得呢个下午好满足!
继续阅读
成语「投井下石」相信好多人都明点解，意思系睇见有人要跌落陷阱里，唔伸手救助不特止，反而推他落去兼扔多旧石头添，比喻为乘人之危仲加以陷害，都够晒毒。职场上依啲场景比比皆是，同事间争上位，见你做嘅嘢有啲问题，唔出声提水都算，有事时仲要晌老细面前踩多你两脚，完全系「睇你死未」嘅心态。今篇食评标题叫「投井下食」，当然系另一会事啦，讲嘅系正面嘢。上次同老婆跟教会朋友一齐嚟食过井上，试咗四色鱼生饭定食、盐烧鲭鱼定食，最尾嘅评语系食物做得有心机，食材具质素，值得翻兜嘅食店。所以，今次再嚟「投井」，在乎揾吓好嘢食，只系估唔到时隔无耐就再嚟食过啫。同样完咗教会，拉埋姊妹K，人少少，一齐食个晏。环境、服务啲闲话唔多讲，上次都写过，见2012-03-18篇「橙色部队鱼生饭」，所以，今次食评直路快放，「拿拿淋」入主题，讲返啲嘢好唔好食？火炙三文鱼饭定食 $52相信姊妹K都系三文鱼迷，上次都系佢介绍我食四色鱼生饭定食，不过今次佢话唔食鱼生，改食依个火炙三文鱼饭，定食包埋前菜同面豉汤。前菜系中华沙律，清爽咬口；面豉汤亦唔错，几浓面豉味，又无过咸情况。主角火炙三文鱼饭，以一只颇雅致又几坠手嘅大饭碗盛载，饭量唔系多，女士啱啱好，男士感觉有啲啲偏少，虽然无份试，但饭粒睇落圆润有光泽，应该唔错；而三文鱼足有6大件，冚晒成个饭面，颇厚身，炙烧成粉橙色，卖相几靓，如果烧深色少少，可能仲好睇。 杂菜鱼饼手打乌冬定食 $56老婆钟意食鱼饼，所以拣依个杂菜鱼饼手打乌冬，乌冬、拉面类定食，因为已有汤底，所以唔会有面豉汤送，反而跟前菜，同埋寿司、卷物各两件，所以都几丰富。寿司系三文鱼同墨鱼寿司，做得细细件，可以一口一啖。饭粒包得唔松散，但食落唔会太死实，前者三文鱼新鲜，不过觉得未够油润；后者嘅墨鱼都感到用料新鲜，柔软可口。至于卷物系两件加洲卷，包住牛油果、蟹柳同鸡蛋嘅反卷，感觉以青瓜代替鸡蛋嘅版本好食啲，而且黐上蟹籽一环亦做得有啲马虎。主角乌冬出场，简单配以清汤、葱花及紫菜就系喇，无花巧，清汤味道清甜，伴以葱花，多一朕清新感觉。手打乌冬果然唔错，咬落有韧劲，但食落又好滑溜，食到尾𠮶一炷乌冬仍然无话又腍又烂，好耐浸，仍然有咬口。个炸杂菜鱼饼，一大块，并已经切成条状，方便食用，鱼饼几弹牙，炸过又香口啲，系鱼味欠咗少少；鱼饼加咗杂菜嚟搓，因为落得唔多，所以同一件炸净鱼饼分别唔系好大。安格斯牛肉猪骨汤拉面定食 $54小弟就要咗个拉面定食，上文讲过，拉面定食同样跟前菜、寿司、卷物各两件，款式无变。故此重点讲讲个拉面，虽然系猪骨汤底，但就唔会浓到浆住个口𠮶只，猪骨味颇重，但质感轻身啲、稀啲。除牛肉，仲伴有粟米粒、葱花、紫菜。安格斯牛肉，名字令人觉得个档次高啲，不过依家都唔系咩特别嘢喇，牛肉颇为滑身，又无日本肥牛咁多脂肪，几大片放晌面；唔知依度嘅面条属边个派系，只见面条本身较幼而直身，加上唔系啲啜口浓汤，所以你见唔系好挂汤，但食到「殊殊声」，一样过瘾。午市定食仲有好多选择，留番第时再嚟再试！
继续阅读
寻晚(17-3-2012 Sat)同男友o系美孚签完o野揾o野食,佢话返荃湾,好啦.我o地一路返o黎一路谂食咩o野,井上,星期一同VL,RL食饭时佢o地拣金坊,今次我o地两个o黎试啦.o黎到系7点几,都几多人o系门口等,我想问女侍应系咪攞飞,佢就走出o黎用之前o既人登记电话,话有位会call佢o地,佢记得先后次序,真系劲,而我同男友系最后o既,我o地就行阵街先.8:17pm我试o紧衫时,佢就call我,我请佢hold10分钟,佢答应.之后我o地就走返去,有位啦,系一张六人枱,有一pair客坐o系最埋边,我o地睇完menu落单,落完单同未有o野到时,我见有张2人枱吉o左,就要求转枱,唔系因为侍应serve入面o个两个客人时骚扰到我o地,反而系觉得客人唔友善,唔想同佢o地坐.高妹侍应好乐意帮我o地转枱.之后食物开始到o黎.1.$28.00o既雪花牛肉粒串烧男友一食话好韧,我都食先,可能有根啦,牛肉粒好厚,牛肉味好浓,正.2.$48.00o既芥末日式炸鸡一睇就估到佢系将芥末沟入沙律酱(因为我o地都自制过),o黎到,食食先,果然系,炸鸡炸得唔干,唔错.3.$12.00o既玻璃虾寿司个名改得好靓,食落冇乜问题.4.$98.00o既寿司刺身定食(手打稻庭乌冬)有4件寿司,4片刺身同2件卷物落单时都问过高妹侍应寿司同刺身系咪set定?佢都讲清楚系啲乜.o黎到,都几多o野,有面豉汤,黑醋杂菜沙律,同多o左个唔知乜o野,男友笑问日式腐乳,高妹侍应即笑答系芝麻冻豆腐,哈哈.好!开餐.就先食呢个芝麻冻豆腐啦,好好食啊,芝麻味好香好够,不过豆腐就唔太滑.而两片三文鱼刺身,甜虾刺身,腐皮寿司,蟹籽寿司,三文鱼寿司全部都冇问题,我一开头食o既系卷物,睇个样普普通通咁,但唔错㖞,寿司饭味道同口感都o岩o岩好,有水准.之后食八爪鱼刺身,系厚切,o赵o赵吓,有好浓o既八爪鱼味,即推介畀男友.而寿司呢,原本想同男友一人食半件墨鱼寿司,点知我咬唔开件墨鱼,佢就冇得食,而佢食o左腐皮寿司.手打稻庭乌冬够滑,昆布豉油汤清得o黎够味,都系唔错.黑醋杂菜沙律o既杂菜好新鲜,只系黑醋唔够多.面豉汤相对咸啲,男友话系浓,佢话o系日本高级食肆至会做到咁浓.子姜真系唔系好辣,因为之前o系元气食,次次都辣o既.6.后加$58.00o既樱花虾杂菜饼一食落去,除o左好热之外就系甜同脆,甜系蕃薯o既甜,又咸淡适中,除o左蕃薯条外,重有南瓜条同冬菇,基本上,唔蘸天妇罗汁都冇问题,不过蘸o左味道就丰富啲,呢个食完都唔觉漏.5.$62.00o既吉列豚肉露笋卷除o左露笋外,重有粟米粒o系入面,利用粟米o既甜中和炸物o既油腻感,真系聪明.豚肉唔系好厚,蘸沙律酱食好好味,而佢附上o既吉列酱汁味道太浓,我o地都系蘸返沙律酱食就够喇.服务:落单时,高妹侍应提一提我o地,炸物要等20分钟,点知个吉列豚肉露笋卷等到我o地食完o野都未到,追完都要再得,由8:40pm落完单到食完都已经9:50pm,呢点可能要多加注意.全程好好,三个女侍应主要都系高妹serve我o地,另一个靓靓女侍应同一个唔知系咪老板o既男人都好好,最后应该系senior o既女侍应,o系我o地走o既时候讲好多声多谢,佢应该系要等我o地有回应至得.环境:好日本布局,间开一个个地区,有私瘾但又唔太迫.味道: 4.58分,埋单$336.60
继续阅读
前两日同左两个fan去左呢间店食晚饭,间店冇咩人,得两枱客,以为中计,后尾先知咩事....我地叫左个三色鱼生饭,一个牛肉锅定食,一个忌廉焗蚝,一个蒜蓉炒鱿鱼,佢d野虽然系分量比较少之外,其他都ok.佢鱼生都算新鲜,不过料比较少,牛肉锅最抵食,亦最好味,焗蚝味道唔太好,d蚝有d腥,可以不理,个鱿鱼冇咩蒜味,而且都冇咩鱿鱼味,唔好叫.呢度上菜速度慢到离谱,上晒全部菜竟然要1个钟,而且已经系冇咩客了,如果多人一定唔掂,唔怪得冇咩客.
继续阅读
半年前经过荃湾已经想试一次不过个阵星期六爆场可能要等虽然留了电话都有覆，但我地唔记得听所以就无去是日心血来潮咁想食日本野元气又食到厌了，男友话不如试下呢间即刻打电话book 木台当晚早到+有雨所以早了半个钟入去唔算好多人但入到去都几安静下等左大约半个钟男友都到埋叫得野食啦~叫了三文鱼寿司都算新鲜，不过饭就好劲醋味，应该唔系日本米，所以扣左好多分火焰三文鱼寿司饭就同上，不过想比起来好食奶油蟹饼呢个真系好食，推荐！！岩岩炸好就送上来，所以我俩都辣亲个嘴但最好就到了就尽快食，因为我们打算无咁热再食个底已经有少少淋，口感大减雪花牛粒串烧送上来的时后只是微温但食落都OK，相信烧完即刻送上来会好食好多吉列猪扒拉面set 中间包一个沙津，豆腐，寿司同卷物2件拉面OK，但个猪扒就好失望...食落都入到口，相比其他日本料理可能会比下去...日本叉烧拉面set中间同上比吉列猪扒好味但都只可以说OK是日8折埋单$26x，这个价钱，可能加多几十去荃新可能会较好只可以讲，继续努力！另外以下事件是我等男朋友的时后发生的：当时有2位小姐表示book了4位当中其中一位小姐就拎了蛋糕之后其中一位侍应好心提醒因为蛋糕是外来食物，所以是需要收$50附加费用某中A小姐就话好意外，点解要收$50Book之前都无出声，问如果只拎来影个相得唔得但侍应就表示因为蛋糕就算不是即场食都系外来食物，所以都要收费A小姐就讲出一句「我食咁多间餐厅都未听过食蛋糕要收附加费，咁人地生日唔通唔可以通融下？」过了一阵佢地就决定转去荃新天地食...先唔讲附加费的问题，因为我不算食家但我都听过有D店铺真系会收附加费，我认为都是合理...不过我个下好想爆一句「日日都有人生日咁未日日都要通融...？」成件事那名侍应都好有礼貌，值加嘉许！！
继续阅读