二鍋頭 (福苑)

营业中

休息中

前幾日約咗幾位媽媽朋友一齊食晚飯，大家可以飲下食下傾吓計放題就最好不過.我哋先食雞煲 (鍋)，再食火鍋，兩個半鐘任食好抵食.第一鍋惹味雞煲真心好惹味， 我地叫左小辣，連配菜紫洋蔥、京葱同芫荽炒埋勁香口開胃. 本身份量唔少，但好食到我地要refill.然後第二鍋我哋就揀咗豬骨湯打邊爐. 配料方面肉類需要order. 蔬菜、飲品及甜品及蔬菜係自助式，飲品有汽水、茶類、涼茶同啤酒等等. 自助食物區擺放整齊，種類都算多，可以因應個人需要拎就唔會浪費.個人推介響玲、魚皮夠香脆. 鮮蝦雲吞夠大粒足料，唔會只係粉團鮮牛肉肉質好鮮嫩.最後仲食咗一支榴槤味嘅雪條為呢一餐畫上完美嘅句號。呢度食物質素唔錯，座位都幾舒服唔會太迫， 不得不提佢哋嘅服務質素好好，員工友善，係晚飯聚會既好地方，值得encore.

間餐廳好闊落坐得好舒服，食物夠新鮮乾淨，食完雞煲再打邊爐，無謂係落單定出面拎嘢食都有好多種類揀，仲有2.5鐘食，揀呢間同朋友聚餐啱曬。最想讚嘅係餐廳嘅服務真係一流，所有員工都以客為先🥰首先員工一直都好nice好有禮貌，想麻煩佢哋拎多幾對筷子俾我地都即刻做，唔會hea我地！之後係出面拎嘢食，一個碟裝唔曬諗住拎多個碟，有個員工見到我拎住咁多嘢竟然主動話幫我拎翻枱面先，仲要唔只一次，幾乎每一次個員工都主動過尼幫我拎翻去，服務真係超好，服務費抵俾呀！以後會再幫襯😇

今日難得放假，就約左朋友去旺角行街，出到黎就諗住食埋晚餐先返屋企，我就想食雞煲，但我朋友就想食麻辣火鍋，所以我地就去搵一間，可以一次過滿足哂，我地所有願望既火鍋店，最後選左旺角西洋菜街附近既二鍋頭以間火鍋店超級抵食，二個半鐘頭~價錢都係$198仲可以任飲任食，而且食完雞煲/鴨煲，就可以再轉其他湯底打邊爐我就叫左二鍋頭惹味雞煲雞肉有好多唔同部位，而且好入味，味道麻麻辣辣，十分惹味食完我地就叫左川椒麻辣鍋湯底麻得黎，非常過癮火鍋配料除左點單上的，還有可以去食物自助區到夾，有菜類，丸類，腸仔等，款式種類超多我就叫左肥牛(肥瘦適中)，海蝦(彈牙)，水土魷(爽口)，脆鯇魚腩(鮮美冇骨)，青口(鮮甜肥厚)等飲品我就鐘意飲凍檸茶，出面火鍋店都少見有枝裝飲品最後食埋杯雪糕，就已經好滿足了

今晚約了朋友們晚飯，提議食辣雞煲，惹味又啖啖肉，任食就最著數，全程2.5小時，慢慢食慢慢傾。可以選擇惹味雞煲，火焰鴛鴦鴨煲，辣度可以自由選擇，小小辣/小辣/中辣/大辣，今次試少辣，辣味不重，雞件大件，肉嫩惹味，份量足，可因應人數選擇再添的份量。再直接食火鍋，鴛鴦湯底+$20，8款湯底選擇了正宗豬骨湯，奶白色湯頭濃郁自動區有多款蔬菜、丸類、稻庭烏冬、炸魚皮、嚮鈴、即食麵，飲品、雪糕、雪條一樣任飲任食。今晚座無虛席，職員有禮，聚會好地方，下次再來！

今晚一行四人到了旺角打邊爐聚聚，選了旺角中心對面的福苑二樓 - 二鍋頭吃雞煲及火鍋。一入店需要度體溫，門口就是飲品雪櫃及雪條櫃。飲品選擇相當多，有汽水、茶及潤喉飲品。雪條也十分吸引。我們一開始先吃二鍋頭惹味雞煲，點了小辣，微辣吃得舒服，非常惹味，除了雞件還有炸鳳爪，紫洋蔥香甜好味，我們吃完一鍋還多追加一鍋。餐廳座位分兩邊，另一邊就有自助食物 bar，有菜、丸、菇、粟米、蘿蔔、萵筍、腐皮、炸魚皮、炸響鈴、烏冬、牛餐肉、出前一丁等等供食客自取。而另外肉類、海鮮、餃等則可以點單方式叫。湯底有8款選擇，加$20可多一款。我們點了正宗豬骨湯，香濃美味有豬骨、粟米、芹菜等材料。推介食物包括鳳城水餃、粟米、雲吞、響玲、鮮牛肉，萵筍、帆立貝等等。最後吃完出前一丁我們每人也吃一條雪條，透心涼。餐廳晚飯時段滿座，侍應服務良好有禮！

同朋友想食雞煲加打邊爐，上網睇完評價就揀呢一間，上到嚟估唔到仲有鴨煲，個鴨煲比雞煲更入味，所以我哋encore左多次（上面係雞煲下面係鴨煲），當然係無限添加架啦❤️食到咁上下我哋就轉做打邊爐，我嗰一煲係皮蛋芫荽湯底，都幾清朋友果煲就係養生湯底嘢食方面都有好多嘢嗌，個人比較推介墨魚滑，同蜆，海鮮都幾新鮮，我覺得選擇都算多嘅，仲有水餃都幾好食嘢飲都有好多嘢揀，各種汽水，如果唔鍾意飲甜嘅，都有好多茶類可以揀仲有雪糕雪條，但係我都冇食到🤣

近排頻頻同D好朋友見下面, 一大班人一齊滾滾下就最好不過旺角既二鍋頭地點好方便, 今次我地一行6個人就黎呢度聚聚首先就揀左個煲底, 可以揀雞煲或者火焰鴨煲, 仲要係任食無限添都得!雞煲成日都食, 所以我地就揀左鴨煲, 上菜果陣已經聞到好香既味道店員首先就會倒D酒落去然後點火, 好可惜我補捉唔到火焰果個畫面!鴨肉好香, 仲帶有酒香添, 果個酒香真係好正, 個醬汁都好惹味, 所有配菜煮得好入味支竹吸收埋D酒香味道更濃!!所以呢個鴨煲真係好出色!!食完鴨煲之後, 一般餐廳都會直接倒湯落去打邊爐但二鍋頭係唔同架, 佢可以比你再揀一個湯底邊爐我地就揀左藥饍鍋, 夠哂養生餐廳都設有自助區域, 丸類及蔬菜類都可以去自助區既雪櫃自己攞款式都好多, 肉類同海鮮類就係寫紙仔落單必食既海鮮當然有蝦, 蜆同白鱔片, 夠哂新鮮!!另外墨魚滑都超正, 夠彈牙!!其他火鍋配料既質料都幾高, 仲有飲品任飲同雪糕雪條任食!

【#SUPERMAMA開心SHARE】回味無窮二鍋頭有時候，想食就去食 不需任何理由 就好似食雞煲咁 話晒係香港人最愛 一開聲，自然有朋友一起去食去二鍋頭食番轉「雞煲」 可以揀唔同的辣度 入味又彈牙食完可以再加 極之和味 之後再點個湯式—藥膳湯 就再狂食打邊爐我最愛呢間店的海鮮同肥牛 乾淨新鮮，冇泥冇沙 肥牛唔係透視式的薄切 是正常自家買的厚度 有口感，有牛味仲要上菜極快手 永不甩單 職員醒目有禮叫得放題，自然是啤酒、汽水、涼茶任飲 食飽正餐之後，仲可以足夠時間飲野吹水 同朋友食飯，咁就開開心心聚一晚 重點係：每位只需188 加一都係抵！去邊搵？  

旺角都有唔少野食，同朋友仔一齊聚會想坐得開心又舒服，最緊要係可以任食！咁樣就可以唔驚大家會有唔鍾意食既野，嗌嘢食都要就住就住！鴨煲送上熱辣辣鴨煲，份量可以再追加！啖啖肉又入味，而且會有火焰嘅感覺可惜影相影唔出嚟酒味好濃郁！仲有🐔雞煲可選擇！醬料選擇多，香蔥、蒜蓉、辣椒香菜都有！湯底都有唔少，有麻辣、藥膳、冬陰公、豬骨等，我就揀咗藥膳，雖然味道唔係特別大藥材味，不過感覺上都好養生同埋健康嘅感覺！火鍋配料可以用點餐紙，或者其實出邊都可以有自助地方可以攞到！蔬菜同埋其他配料都可以直接領取！海鮮選擇都唔少，推薦食帆立貝、蝦，同埋墨魚滑！因為真係好香濃墨魚味，同埋新鮮，肥牛都不錯啊！野飲都係任飲㗎！店員服務都好主動💪🏻唔會迫到唔舒服，講真同朋友難得一聚，最緊要係大家食得舒服，傾得開心！

好耐冇一班人去食雞煲、打邊爐gathering喇，朋友book咗呢間食。餐廳地方幾大，容納多人👍🏻飲品嘅選擇多👍🏻.先嚟任食雞煲/鴨煲，雞煲就見得多，鴨煲真係少有呀，仲要係任食！真係好吸引！我哋雞煲同鴨煲各一，鴨煲出色啲！好香酒味！好惹味😍而且夠入味呀！👍🏻我哋都大讚個鴨煲正呀🤤竹枝吸晒汁既精華，勁好食🤩其實雞煲都唔錯呢！好大煲！朋友話愈燘愈入味👌🏻跟住就揀湯底打邊爐，有八款湯底選擇，我哋六個人可以揀兩款～我哋揀咗滋補藥膳鍋同芫荽皮蛋鍋。藥膳鍋既味道唔錯，好足料咁🤣而芫荽皮蛋就清清地👌🏻有好多任食火鍋配料選擇！必點肥牛啦，我哋都覺得幾有質素🤣白膳片出面都唔係常見呀～活蜆、墨魚仔同墨魚滑都幾鮮！👍🏻鮮蝦雲吞好好食🤤另外蔬菜就可以自己去拎～整體來說，呢間雞煲、火鍋店幾好，抵食呀！cp值高👍🏻❤️

✿╮❤╭✿ ✿雜感女生   好味日記✿ ˚*•✰。二鍋頭．抵食好食。✰•*˚ ✿✿小資女的Dolce Vita✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤❤ 好朋友生日，特意去食佢最中意的雞煲 二鍋頭一向受同事歡迎 得閑我們就會去食飲品區又有我的最愛：咖啡 細細罐，唔怕飲太多 即時飲番2款，味道很不錯今次點了強大的雞煲 肉質滑，夠入味 而且有好多小雞亦，好0岩食 特別推介要食洋蔥同芫茜，勁香口！點了藥膳鍋 當然是因為本小姐中意飲補湯的關係 那香噴噴的參味，特別滋潤暖胃任點任食的材料包括大量海鮮 有花枝、大蝦、肉蜆、鱔、魚片等等 我們怕骨骨，所以主打無骨類肥牛、大蝦、羊肉、雞片、豚肉 非常新鮮可口 豚肉鮮滑，牛有牛味，羊肉香口 大蝦更是啖啖肉 推介：水餃——非常好味有質素！自取區的菜菜子極多選擇 我們最愛是生菜和菜心 又有大量菇菇、魚皮和芋頭 作為芋頭與菇菇的愛好者 大量入貨，香軟好食 連湯都鮮甜，飲多2碗！小評： 味道：★★★★☆ 環境：★★★★☆ 服務：★★★★☆

抵食推介‼️$198任飲任食雞煲鴨煲邊爐🤩好耐無行過街今次行完就去左補充返體力~有得任飲任食就放肆一日啦🤪.📍二鍋頭.一坐低員工好有禮貌咁問有無食過~無食過嘅我地就揀左出面少見嘅火焰鴛鴦鴨煲🤩一上枱原來有表演睇嫁喎!服務員加左酒再點火即場炒一炒~啲酒味好香!鍾意食辣嘅仲可以揀辣度嫁(小小辣-大辣)😆唔夠喉又再可以encore到打邊爐時間🤩揀左清清地嘅香茜皮蛋鍋!落單填嘅有肉類同海鮮~其他嘅丸類菜類就可以去自助區拎款式選擇多全部都幾新鮮😋野飲選擇都好多!仲有無糖茶啱哂唔飲甜野嘅🙆🏻‍♀️食飽仲有雪糕雪條任食😝真係捧住個肚走~

限聚令放寬，第一時間緊係要食下雞煲，又或者打下邊爐！旺角呢間二鍋頭，就令我有雞煲、火鍋雙重享受～坐低揀好食雞煲定鴨煲，雖然鴨煲少見，但呢日心情想食雞煲鴨煲留番下次先！雞煲惹味，雞件數量又多，四個人食都唔一定食得晒店員仲會幫手搞下個雞煲，等佢唔會燶兩個人食下食下，半個鐘左右就差唔多食晒，但都半飽，真係好足料！然後再可以嗌邊爐本來以為會好似出面一啲雞煲邊爐咁直接倒湯底落嚟，但原來邊爐個湯底又有得再揀有辣有唔辣，任君選擇！跟手再落埋點餸紙，趁點嘅配料未到之際出去望下自助區有咩食除咗丸同菜嗰啲，仲有年糕、公仔麵嗰啲飽肚嘢飲品有成3個雪櫃，中式涼茶又有，鬼佬涼茶又有食到咁上下仲有雪糕、雪條！任飲任食2個半鐘都係$200幾，抵食喎！

2020年6月14日。雨。旺角。呢日晏晝個天都好地地，夜晚就落雨喇避雨最好好啲咩？緊係打邊爐喇！任飲任食兩個半鐘都係$198，好抵喎！時間尚早，未算多人，之後全場爆滿！建議想食嘅話訂定枱～醬汁配料種類多！（埋單仲要見唔收醬料費！感覺更抵！！）除咗雞煲，原來可以嗌鴨煲，第一次見！但可惜我唔食鴨，鍾意食鴨嘅朋友可以試試新意思～火鍋選擇都算多款！6人以上仲可以2個鍋，幾貼心～出去攞嘢飲嘅時候順便睇埋雪糕櫃～但係最後食太飽。。。搞到食唔落甜品。。。好傷心！飲品都係好多元化～除咗汽水，隔籬仲有中式消滯、下火飲品同埋啤酒～任君選擇～二鍋頭惹味雞煲有埋餐廳個名，好明顯係招牌菜！男朋友唔太食得辣，揀咗小小辣，但完全無減惹味程度！首先，雞嘅份量驚人，雞腳都有3隻！入面應該有唔止一隻雞～兩個人努力地密密食，最後食剩5分1左右下次再食，我會講聲減啲份量，唔好浪費～滋補藥膳鍋食完惹味雞煲，我哋決定食清淡啲，所以嗌咗個藥膳鍋湯底非常清甜，乜都未淥，我已經飲咗2碗湯，呵呵～餐廳另外一邊有自助區，可以自己夾菜、丸、菇之類嘅材料側邊仲有響鈴、魚皮同公仔麵～我哋另外就用點餐紙落海鮮～推薦活海蜆！！勁大隻～仲要非常新鮮，

因為疫情關係, 呢幾個月都唔敢出街食飯, 難得疫情減退, 朋友同自己都放下戒心, 決定去食返餐勁既! 今次我同朋友黎到旺角既一間任食雞煲同打邊爐，間鋪叫做二鍋頭，相當有氣勢！雞煲辣度分左４類，分別係小小辣，小辣，中辣同大辣，因為有朋友唔係好食得辣，於是我地就叫左個小辣既雞煲。雞煲既雞份量非常多，好足料，連唔食得辣既朋友仔都話非常惹味，仲話小辣其實都唔算辣，下次要挑戰中辣，唔食得辣既朋友們都可以初嘗小辣先。食完雞煲就可以轉打邊爐，湯底分左８種口味，我地今次就試左沙爹湯底，好有沙爹味，唔辣，令到每件放入去既食材都入曬味。大家可以係後面既雪櫃拎自己想食既野，有唔同種類既菜，公仔麵，烏冬，雜丸等等，仲有我最中意既支竹同響鈴，岩曬食素既朋友。另一邊有飲品櫃，汽水啤酒同涼茶咩都有，隔離仲有雪糕雪條做飯後甜品添！而落單紙都有唔同既肉類同海鮮可以揀，呢到既肥牛絕對唔un，反而好柔軟易趙口，值得一試。