二鍋頭 (嘉芙中心)

营业中

休息中

今日同朋友去尖沙咀買嘢，順便搵嘢食，經過漆咸道行嚇睇嚇就黎到呢間餐廳，餐廳有好多唔同嘅煲叫，又有打邊爐。任叫任食，每位都係$268。我仲意打邊爐咁就試嚇啦。原來仲有安格斯牛食。🍽一坐低就叫咗個羊腩煲，羊腩煲材料豐富、好多羊腩，支竹、馬蹄，冬菇、鮮荀，羊腩炆得好林好入味。個味都唔錯。🍽又再叫多一個雞煲，麻辣雞煲小辣，自家製麻辣醬炆雞，夠香夠味，啲雞都好好食。仲有好多煲，有豬手煲、有牛尾煲。食唔到咁多，所以無叫。🍽之後又叫咗個胡椒豬肚湯打邊爐。打邊爐材料豐富，有安格斯牛、有蝦有蟮有脆肉鯇魚，仲有牛肉丸、豬肉丸、蝦丸等等。蔬菜柜都有好多唔同蔬菜，有飲品有雪糕任食，非常滿足👍

見到網上有人推介呢間火鍋放題，性價比好高。夜晚同朋友嚟試吓😚 晚市好多人光顧，要提早預約～餐廳氣氛好熱鬧，適合一班朋友聚會🍻 二人晚市消費💰 $880 🌟設有加一服務費🌟秋意臨近，店員推薦新出嘅羊腩煲(+$88/位)，羊肉羶香，肉厚嫩滑，加上豐富配料 口感豐富🤤 支竹浸滿醬汁，好好味😚招牌「秘製火焰牛尾煲」，牛尾肉經過長時間燉煮，肉質煙韌有咬口，搭配特製微辣醬汁好惹味！最後打邊爐，我哋揀咗B餐120分鐘火鍋放題（嚴選安格斯牛），湯底揀咗養生滋補鷓鴣鍋，鷓鴣肉質鮮嫩，滋補養生，以多種草藥和滋補材料熬製而成 如大量蟲草花、紅棗、杞子，湯底清潤鮮美🔥 套餐包括兩款高質牛肉：安格斯牛板腱、安格斯封門柳，肉質細嫩，油花分佈均勻，入口即化！另有大量火鍋配料，如本地鮮滑牛、豬肉、羊肉、白鱔片、鵝腸等等，質素都很不錯，肉質鮮嫩🤤 自取區有蔬菜、飲品及雪糕雪條無限量供應，食到捧住個肚走😆

天氣轉涼又係時候食返啲熱辣辣嘅嘢暖吓胃，平時都係食雞煲或打邊爐，呢度竟然提供任飲任食黑椒豬手煲、火焰牛尾煲、仲有近期新出嘅羊腩煲，想食嘅記得要book位🤭坐底後即刻叫咗個羊腩煲，店員話星期日至四做指定任食套餐加錢可以無限時食羊腩煲放題！上鍋後香氣四溢，未食已經流晒口水，羊腩炆到好腍，醬汁香濃入味，配料豐富，枝竹、蘑菇、蓮藕、馬蹄，點埋腐乳醬，要瘋了🧡牛尾煲會落酒再加火焰，散發著淡淡嘅酒香氣，牛尾好大塊，煮至入味、豬手煲又爽又Q彈，滿滿骨膠原，補補身體、個人最鍾意雞煲，食落啖啖肉超過癮，又嫩又juicy，配埋洋蔥簡直係絕配！食完一輪煲已經飽咗半😌火鍋湯底有好多款式，店員極力推介鷓鴣鍋，每日限定20鍋，將鷓鴣放入雞湯熬煮3-4個鐘，加入蟲草花、紅棗、杞子等中藥材料，記得要先飲湯再打邊爐，湯頭鮮甜可口，四季適合，老少咸宜，養身滋補，必點之選😃火鍋配料款式眾多，值得一提嘅係出面嘅丸子，台灣直送，當中嘅貢丸、花枝丸同餃子最印象深刻，個人喜歡芝士波波腸同蟹柳，雖然好飽但encore咗好多次、另外有豬牛雞同海鮮，正常發揮，都幾入味，最後以雪糕作結，滿足嘅一餐😊

🚩二鍋頭〰️〰️〰️〰️〰️〰️〰️〰️〰️〰️〰️〰️秋風起我個羊肉鍋癮就犯了，當然要食到夠‼️二鍋頭真係每年必到訪嘅店，羊肉/豬手/牛尾/雞煲四款任fill任食，味道仲好好添🤤今次食咗羊肉鍋同埋雞煲，羊肉炆得夠淋，帶點皮加脂肪，倍感增香🐑雞煲叫咗小辣，係咸左少少不過好惹味🐤食完煲之後大家就可以自選湯底打邊爐，我哋就叫咗胡椒豬肚湯，夠暖胃呀嘛～自助區有好多蔬菜俾大家揀，未食肉之前食左ground菜先，娃娃菜吸滿胡椒湯，超贊～出面嘅丸子都好有特色，紅薑皮蛋貢丸你試過未☝🏻我哋叫咗🌈嚴選安格斯牛 $268套餐，當然要主攻安格斯牛肉片啦，油花分布平均，不過略嫌薄切得滯，厚返少少口感會更加好🥹除咗牛肉之外仲有羊卷肉，海鮮等等俾大家揀😎 encore左勁多碟鵝腸，爽爽脆脆超啱打邊爐🍲食到飽飽豬大家記得都要去雪櫃拎雪條，咁先完美架嘛～

二鍋頭火鍋任食，之前已經食過旺角分店，都已經覺得好抵食，今次同埋啲朋友成班一齊去尖沙咀分店120分鐘放題！入到去，環境好闊落，打邊爐最緊要夠冷氣，就唔會食到成身大汗。一坐低望吓個Menu，就俾個羊腩煲深深吸引，每位只需要加$88，所以就決定一開始叫個羊腩煲先！勁大煲超足料, 啲羊腩好大嚿，最緊要係唔騷! 朋友隔籬枱就叫咗個秘製火焰牛尾煲，我忍唔住都食咗啲，啲牛尾好入味, 加埋啲蔥炒埋好夠鑊氣! 呢兩個煲都極力推薦! 之後，就進入戲肉，打邊爐！我哋睇Menu嘅時候已經比呢樣湯底深深吸引！就係養生滋補鷓鴣煲! Menu上面仲要寫住每日限定20鍋！好彩我哋仲叫到一鍋！心諗普通養生湯底都試得多，但係用鷓鴣熬湯真係未試過! 個煲一嚟到，見到超級足料, 有紅棗、杞子、蓮蓉、蟲草花、冬菇 同埋大半隻鷓鴣! 滾起上黎勁香！其實任食打邊爐有呢啲咁養生滋補嘅湯底真係極少有！仲要只係加$68…講到火鍋配料，我哋叫嘅係中間價位$268嘅任食套餐，都已經有好多款牛肉任揀！極力推薦封門柳同埋牛板腱！脂肪比例超好，勁香！除咗可以手機落單之外，出面仲有一個巨型雪櫃，有好多唔同嘅蔬菜，同埋丸類，聽聞有啲遠慮係台灣直送，

今日突然想打邊爐，就約埋兩個朋友，今次想食任食，㩒㩒下就揀咗呢間《二鍋頭》，佢有雞煲、豬手煲同牛尾煲揀，因為朋友唔食牛，所以我哋最後揀咗雞煲，揀咗小辣。我哋揀埋湯底for之後打邊爐，有成10款湯底揀，花多眼亂添，最後員工推介咗鷓鴣鍋，可能因為我哋比較早到，而佢鷓鴣鍋係寫住每日限量，聽講話好似煲成4個鐘，推介我哋未試過可以試下，咁我哋就一於試下。雞煲一黎到好香，望落雞件都多，食落都幾嫩滑，好似應該可以再加，但因為一黎都唔少，所以都ok我哋已經急不及待打邊爐。即刻上鷓鴣鍋，一黎飲咗個湯先，感覺都有啲似燉湯，有少少藥膳feel，但唔會話好大陣中藥味咁嘅，感覺幾滋補，不錯。跟住打邊爐有啲食物要出去自助區攞，環境好乾淨，拎醬油調味料都好整齊好full，聽職員講啲丸類都係台灣丸來的，即刻拎啲試下，幾彈口。其他就QR code落單，安格斯肉封門柳、安格斯牛板腱都好食，牛板腱比較腍身，封門柳就牛味重啲，最有驚喜竟然係佢碟鵝腸，我哋encore咗幾次，最後last call朋友仲一次過點咗5，勁大碟😂雖然好飽，但最後梗係要食埋條雪條（甜品）先完滿，佢仲有乳酪、雪糕，都幾多味揀，呢個價錢都幾抵食。二鍋頭尖

喺旺角、尖沙咀兩大旺區都有分店，主打多樣化火鍋款式放題，以無限時放題形式作為店舖賣點🥳套餐分為A、B、C餐，主要分別係肉類款式上有分別！號稱全港獨一無二嘅羊腩煲火鍋放題，平時出去食一煲閒閒哋都講緊三、四百蚊起跳，呢度每位加$88就食得到😱🙀每逢星期日至四，揀選指定任食套餐，加$88就可以無限時任食羊腩煲放題！火焰牛尾煲，店員會落酒🍷然後再點一點火，視覺效果已經十足🤪牛尾嘅肉質好淋、夠嫩，煮完夠晒入味🤩重點嚟喇，我都係第一次食羊腩煲嘅放題👻枝竹、冬菇、馬蹄等等嘅配料都做得非常入味🤤羊腩嘅肉質腍滑、多汁，蘸少少腐乳食真係冇得頂😋安格斯牛板腱，脂肪比例較少，肉味好濃郁😜自助區有好多款蔬菜、瓜類、丸類可以自取🤪飲品櫃都有好多選擇，啤酒、汽水、茶類都有😁就算食到飽晒，最後都要食返杯雪糕，或者食返條雪條先完滿😎

多煲選擇之《二鍋頭》之前試過一次二鍋頭，覺得唔錯，今晚再again先，餐廳算大，坐位舒服，menu好多鍋選擇，頭一輪可以先揀(二鍋頭惹味雞煲、香濃黑淑豬手煲、秘制火焰牛尾煲、羊腩煲+$88、特別時令推介養生滋補鷓鴣湯鍋：+$68)，頭三款都可以揀辣度，我地試咗羊腩煲同豬手煲，羊腩都算幾入味，而且好多料(有冬茹、蓮藕、馬蹄、芹菜)，豬手好淋，黑椒味都幾重，因為朋友想飲湯，所以有試到養生滋補鷓鴣湯鍋，職員講用左淮山、杞子、圓玉、蟲草花、鷓鴣用左5-6小時淆制而成，飲落好清順喉，飲完好舒服，絕對唔係味精湯，絕對推介，大雪櫃出面有好多唔同既火鍋料，全部日日台灣直送，飲品都算多，仲有啤酒任飲，甜品都有雪糕雪條，$268嚴選安格斯牛套餐，主打係安格斯牛肉︰牛胸腹、封門柳、牛板腱，全部淥幾秒就食得，肉質脂肪少鮮嫩，薄切淥完唔會韌，封門柳肉質嫩滑，豬肉片、羊肉片同樣好食，好出色係鵝腸，我地order8次，中意食鵝腸既人一定要試，總括呢個價錢算係好抵食。

入秋必備暖身嘅羊腩煲，佢哋放題鍋底都好多選擇，我哋一開始先點咗羊腩，然後再食打邊爐。確實，他家的羊腩煲，🐑真的真的沒有讓我們失望它裡面滿滿的都是配料，腐竹蘿蔔等等都超級入味，但是全部不會掩蓋主角的風頭。羊肉真的滿滿一大口，🥢又軟又嫩，還超級香。而且一點羶味都沒有，絕了。大家還可以點上一些火鍋配料，😙就著一起吃，真的又香又入味。除咗羊腩，牛尾煲都是任食，🥰濃郁牛尾，連皮都是充滿膠質，煙煙韌韌，好有口感。

準備入冬，吃羊腩煲的時間來了！羊腩煲、牛尾煲、滋補湯火鍋，一次性吃了三個煲，親身驗證沒有滋補過頭流鼻血🤣晚市人均 $430 羊腩煲 $88 惠顧任何一款火鍋放題 +$88 即可享用羊腩煲放題，作爲本餐的第一個鍋十分足料；燉得怡到好處的羊腩并不會太肥膩，口感柔韌彈牙，羊肉味甘而不膩；配菜腐竹吸收了湯汁，推薦再加半個即食面👍🏻 120分鐘火鍋放題 $228 / $268 / $318@1 二鍋頭惹味鷄煲 / 香濃黑椒豬手煲 / 秘製火焰牛尾煲 (3選1) 大推秘製火焰牛尾煲！仿佛在吃牛肉版本的鷄煲，香而不膩；牛尾肉質軟嫩而不爛，特別一提秘製醬汁很不錯，微辣已經足夠 嚴選安格斯牛 $268@1 火鍋湯底方面 +$68 至養生滋補鷓鴣鍋，鷓鴣放入鷄湯熬煮3-4小時後取其精華，其間會加入蟲草花、中藥材、紅棗、杞子等材料，因此湯頭味道鮮美 喝完第一碗湯後便可開始吃火鍋，我們選擇了中間價位的嚴選安格斯牛，一共有一百多款的火鍋配料、蔬菜等供應，亦有提供額外收費的海鮮配料；店員特別推薦台灣直送的丸類，當中有一款章魚丸印象頗為深刻

秋風起，當然係時候食羊腩煲同打邊爐啦！原來尖東的二鍋頭就可以一次過滿足哂兩個願望。 佢既任食火鍋放題係可以先選惹味雞煲，黑椒豬手煲或者火熖牛尾煲。餐廳主打牛肉，大家可以按自己喜好，叫精選牛肉火鍋放題、安格斯牛火鍋放題或特級極上和牛。最後，加$88仲有羊腩煲。 🔸火熖牛尾煲：平時食得多雞煲，所以今次決定叫牛尾煲。牛尾煮得好諗，又好入味，加埋佢秘製既醫汁非常好食！🔸羊腩煲：羊腩煲絕對對得住價錢！羊腩煲非常足料。羊腩煲加入鮮冬菇、冬筍、炸枝竹、馬蹄、南乳等熬製，唔錯唔錯！羊腩炆得岩岩好，唔會好硬，亦無膻味。🔸牛肉火鍋放題：湯底絕對係今日既重點！首先湯底有好多選擇，但大家一定一定要試養生滋補鷓鴣鍋。店員上菜前都專登介紹一下依個心機之作。原來廚房用左十個鐘以上去煮依個湯底。首先廚房會蒸鷓鴣，再將佢既肉汁加埋雞湯、五指肚毛、蟲草花、圓玉、紅棗、杞子等再煲。飲落去非常清甜，一啲都唔油膩，絕對係養生之選！所以一定要係落食材前飲一飲湯！牛肉方面，我就叫左安格斯牛。我就首推美國牛胸腹、安格斯牛板腱同封門柳。牛味都好濃郁同埋肉質嫩滑。至於其他配料方面，我就介紹花枝片、花枝丸、鵝腸同醬爆肉丸。配料都非常高質，

今日心思思想食餐好，於是嚟咗上次食過嘅尖沙咀二鍋頭，再嚟試吓呢個三合一滋味，食勻任食羊腩煲放題、牛尾煲、火鍋，食到肚仔飽到捧住走😆一嚟就加咗錢叫咗個羊腩煲，因為星期日至四加錢可以無限時任食，非常抵食，羊腩完全冇異味，而且好有咬口，配搭埋啲腐乳醬，滋味滿瀉，仲有佢啲腐竹非常索汁，好正😊除咗羊腩煲之外仲有正常嘅雞煲，仲有豬手煲同埋牛尾煲都可以試，牛尾好有咬口，微微辣辣，非常惹味😆食完兩個煲之後我哋仲叫咗火鍋，加咗$68鷓鷓鴣湯，呢個湯真係好有驚喜，聽講鷓鴣蒸咗4個鐘，然後用雞湯紅棗、淮山、五指毛桃、蟲草花等等一齊煮，啖湯飲落去非常鮮甜，冇諗過喺放題嘅舖頭飲到老火湯嘅質素，夏天飲落滋潤又唔會燥熱✌🏻火鍋套餐都有三種，我哋叫咗中間嗰種，有幾種靚少少嘅牛，叫咗牛板腱，同埋新出嘅金錢戰，兩個都切片均勻，好有肉味；丸類方面都高質，全部都係台灣直送，喺出邊放題舖頭好少見，另外佢啲海蝦都好新鮮，都食咗好多隻😆雪糕呀嘢飲呀都非常之多選擇，特別鍾意佢玄米茶雪糕，好正😋餐廳整體非常之闊落，而且最值得人一讚就係老闆同員工嘅態度都好好，久唔久都會嚟慰問吓好唔好食，非常之貼心，今晚真係食得好滿足呀🩷

雞煲火鍋，現在開到成行成市！論份量和味道，二鍋頭其實很不錯！除了雞煲之外，餐廳主打任食豬手煲和牛尾煲！雞煲可以選擇辣度，一行幾個朋友最好就是選擇小辣，曾經食過不辣的雞煲，絕對不夠惹味啊！雞煲今次有驚喜，除了雞件大之外，還可以選擇加鳳爪，鳳爪吸收雞煲醬汁味道，份外滋味，幾特別！豬手煲的味道也很不錯，但是豬手烹調稍為不夠時間，豬手肉和皮不夠軟身！朋友喜歡爽滑的豬手皮，他倒覺得剛剛好！建議大家如果想試試幾件留肚吃火鍋就可以向店員提出要少量，不致浪費！鷓鴣雞湯火鍋湯底的確一流，店員先建議湯滾起先飲，品嚐湯底原本味道。果然湯底有鷓鴣鮮甜味，令火鍋突然間滋潤一百倍🤭其他火鍋食物都很不錯，夠新鮮！而且在雪櫃保存，感覺整潔！除了飲品、蔬菜、雪糕雪條任食之外，還有不同的麵類選擇，包括出前一丁、烏冬、韓國拉麵和粉絲等等，絕對夠多選擇！

二鍋頭 📍尖沙咀漆咸道南53-55號嘉芙中心1樓 💰$268 (星期六日及假期或前夕 +$10)嚴選安格斯牛餐 🐄用餐時間為120分鐘，可以任食火焰鴨煲、馳名雞煲、豬手煲，食夠就可以揀湯底打邊爐。簡單嚟講，就係喺用餐時間內按喜好轉鍋，非常高自由度，亦好適合有選擇困難症嘅朋友。餐廳嘅火鍋食材主要係用QR code落單，而飲品、蔬菜、丸類、醬汁、甜品等則可以自助形式自取。火焰鴛鴦鴨煲 🦆上菜時好似有得睇表演咁，因為鴨煲有酒，所以一點火就會著晒火，同時令酒精揮發，散發酒香味。我哋揀咗小辣，對我嚟講都係辣咗少少，但鴨肉好紮實，而且無羶味。佢嘅醬汁偏濃，鍋內枝竹索滿醬汁，非常好味。二鍋頭惹味雞煲 🐓呢個小辣嘅雞煲認真惹味，料頭香氣四溢，雞件嫩滑多汁，份量好足，呢個價錢食到咁高質嘅雞煲都幾抵食。香茜皮蛋鍋 🍲食完兩個重口味煲之後，我哋揀咗款清淡啲嘅香茜皮蛋湯底打邊爐。同一般嘅火鍋湯底唔同，佢嘅食材一啲都唔馬虎，皮蛋仲係溏心嘅，可見餐廳選材認真。呢度嘅火鍋配料有好幾十款，我就唔一一介紹啦，加上我自己無食到牛肉，所以喺度想分享幾款我個人認為味道不錯嘅嘢食，大家不妨參考一下。泡菜餃子 🥟一般火鍋店嘅餃子

第一次嚟食二鍋頭覺得真係幾有驚喜，值得分享一下。👍🏻特價生蠔 - $38/隻都幾抵食，味道好鮮甜，口感屬爽口唔會太重海水味，個醬汁味道帶少少黑椒同香草都幾特別。👍🏻任食火焰牛尾煲 - 店員會即場加玫瑰露點火再爆炒，個醬汁非常惹味～連洋蔥都好好食！👍🏻呢度打邊爐係先食完爆炒煲，店員再換另一個新煲打邊爐，咁就唔會俾濃味嘅牛尾煲影響打邊爐湯底。👍🏻湯底好多款式 - 有泰式冬陰功鍋、越式牛肉鍋、胡椒豬肚雞鍋、麻辣鴨血鍋，但我地揀左養生滋補嘅鷓鴣鍋嚟試，湯底有好多藥材，眼見有蟲草花、淮山、紅棗、圓肉、杞子、仲有半隻鷓鴣好真材實料，好啱依家入秋滋補一下。👍🏻火鍋配料幾款值得推介 : -封門牛柳油花好平均-皮蛋貢丸，台灣直送嘅-鵝腸洗得好乾淨、好爽口-卜卜蜆、蝦都好鮮甜-墨魚滑夾雜有少少墨魚碎，好有咬口另外，仲有椰子水、有汽利賓納、芝麻雪糕、榴連雪條，出面比較少見。總結：爆炒牛尾鍋、養生鷓鴣湯，睇得出好用心整。火鍋材料唔算係好多，但好多款食材都係唔馬虎！另外店員都好親切、好熱心介紹佢哋嘅食物嘅特色。