二鍋頭 (嘉芙中心)

营业中

休息中

天氣突然轉冷凍到咁，梗係要打一個邊炉同同埋羊腩煲啦。今日我揀左個羊腩煲，上枱熱辣辣香噴噴，柱候香味撲鼻。原本以為任食既質素可能會低啲，點知出乎意料之外, 羊腩炆得好軟身，一啲都唔羶，羊味夠。枝竹冬菇好入味。第二個step ,打邊爐 叫咗養生滋寶鷓鴣湯黎暖下身先，湯底一上枱，已經聞到暖暖的蟲草花加上鷓鴣嘅香味，試左一口湯底就知係真才實料。 打邊炉一定要叫牛肉啦。呢度係用嚴選安格斯牛肉，今日上枱嘅係牛板腱，肉色鮮明新鮮，少脂肪。主角到齊，即刻落牛肉試下，只需落湯淥十幾秒已經可以入口，肉質嫩滑有咬口，有肉味，一啲都唔“鞋”。

有時唔想淨係打邊爐咁dry就可以黎尖沙咀呢間到試下😎。因為佢除咗可以揀雞煲🐔/豬手煲🐷/牛尾煲🐮加打邊爐之外，星期日至四加多$88仲可以無限時任食羊腩🐑煲添。我同老竇就揀咗個中間價錢嘅嚴選安格斯牛套餐($268)加牛尾煲🐮同羊腩煲🐑。我地兩個都係第一次食牛尾煲😝，黎到店員仲會加上玫瑰露酒點火，有埋表演睇😂。牛尾煲食落去甜甜地，啱晒我口味😚，第一煲成功高速清碟😎。食完牛尾煲之後就上咗羊腩煲，我本身都好少食羊😅，因為驚會有臊味。不過呢度啲羊腩炆得好入味😮，點埋腐乳醬都真心唔錯，一啲都唔臊👍🏻。而且個人特別鍾意佢啲腐竹，入晒味冧哂好好食😋。最後去到打邊爐其實已經飽咗八成🤣。我哋加咗$68試店員推介嘅養生滋補鷓鴣鍋🍲。果然冇推薦錯，個湯好足料🤓，有半隻鷓鴣之外仲有蟲草花，紅棗杞子等等。滋補十足之外，飲落去仲好甜添😙(非常建議淥菜食)。唔知以為係叫咗老火靚湯😂，我同老竇都飲咗幾碗先開始打邊爐呀。肉類就可以喺手機度點單📲，而其他配菜就可以出去自助拎😉。另外一定要提嘅係呢度嘅飲品🥤，有幾款係從來都冇見過嘅😲。好推薦椰子水🥥，好清甜解膩。最後其實佢仲有雪糕不過真係食唔落啦🥹。

冬天❄️啱晒食羊腩煲🍲，呢間二鍋頭食火鍋前加💰$88/位就有得任食，而且佢哋仲有惹味🐓雞煲、黑椒🐖豬手煲同埋秘製火焰🐂牛尾煲全部無限任食，正呀！羊腩煲用料十足好滋補，羊腩肥瘦雙間好嫩滑入味，沾少許腐乳醬更加美味，而且仲可以係自助區添加各式配料入去一齊煮添！秘製火焰牛尾煲勁吸睛，牛尾超腍又入味，而且仲有少少酒香好惹味！養生滋補鷓鴣鍋雖然要加$68，但用料講究，有蟲草花、五指毛桃、紅棗、淮山、杞子同埋龍眼，滋陰補腎，廚師每日煲四個鐘以上，所以每日限定20鍋，今日我哋比較早來先食到。個湯入口超清甜，鷓鴣肉質彈牙，未放其他食材前我哋每人都先飲咗兩碗，而且仲越煲越出味添。 我哋揀嘅B嚴選安格斯牛餐只係$268/位，主打安格斯牛板腱、安格斯封門柳，都幾嫩滑，另外金錢展有咬口我都幾中意，不過之前食咗兩個煲已經食唔到太多。另外海鮮都幾唔錯，尤其係花枝片同埋鮮吊桶仔，鮮味爽口。嘢飲🧃雖然冇大型連鎖店咁多款，不過都足夠亦都有啤酒任飲。自助區仲有好多菜、菇、丸同埋豆品等等嘅火鍋配料，個人就覺得皮蛋紅薑貢丸好啱我口味，味道層次勁豐富！甜品方面就主打雪糕同埋雪條，款式亦都唔少。

🍲天氣凍掃邊爐好地方@二鍋頭🍲@hotpot2f 一次過滿足三個口味（火焰牛尾鍋，羊腩煲，鷓鴣湯底打邊爐），價錢實惠，性價比高，任飲任食，自助材料區多選擇。凍冰冰，良心食店，非常推介👍出面好少地方可以食到。香氣四溢火焰牛尾鍋🐮-超有視覺效果，真係喺你面前點火，好有酒味，黑椒味個醬汁底超好味，超開胃。牛尾肉非常嫩滑，並充滿了肉汁。補充骨膠原超好。🐑羊腩煲-超有風味，炆得好入味。有火侯。食完即刻成個人暖晒。🍲鷓鴣湯打邊爐- 老火靚湯，建議先入湯再打邊爐，藥膳嘅味道，非常養生清甜。配埋頂級牛頸脊打邊爐，真心滿足，佢哋有個火辣牛丸係店長推介必試。食完仲有超多雪糕選擇，好多特別口味，例如芋頭牛奶，榴槤。我去到枱枱滿座，超有氣氛，凍凍地就係要打邊爐。

之前幫襯過旺角嘅二鍋頭覺得好正今日經開尖沙咀 諗起呢邊都有分店就嚟咗食😋呢度有惹味雞煲、香濃黑椒豬手煲同秘製火焰牛尾煲！120分鐘放題有分A,B,C三個餐A餐成人$228精選牛肉餐,B餐嚴選安格斯牛餐,$268/位，而C餐就係特級極上和牛餐$318/位羊煲就係呢個價錢再加$88/位加咗$88即刻變埋冇限時添😳同旺角分店一樣 啲羊肉都係勁好食勁正有羊味但唔蘇😋配料例如馬蹄冬菇都整得好好食餐廳提供嘅腐乳醬好正 唔會太咸食完羊煲之後我地再要咗個秘製火焰牛尾煲職員好細心問我地有冇酒精敏感我地答冇 之後職員就開始整個火焰牛尾煲成個煲都好香呀食晒之後我哋又換咗煲我地要左個養生滋補鷓鴣鍋(+$68)呢個鍋每日限定20鍋打邊爐有啖鷓鴣湯飲都幾正好養生 湯入面仲有大大隻鷓鴣仲有好多其他食材同飲品可供選擇有好多唔同嘅丸、牛肉、海鮮、菜等等

今年未食過羊腩煲，friend 子話想食。所以今次去左間有得食煲同打邊爐放題嘅餐廳！🤤職員好有心機咁menu上面嘅款式，勁有heart😆我地最後叫左set B 同加左錢食無限時仼食羊腩煲放題😍羊腩煲入面勁多羊腩，啲羊腩好𣺉好入味！🤤一啲都冇好重嘅羊嘅臊味👍🏻仲有有好多嘅配料，有馬蹄、支竹個啲😍都好入味。成個煲都唔會話食到好貮好油🤤。除咗羊腩煲之外仲有雞煲個啲😂但食完個羊腩煲再食嘅話以肥米嘅食量會食唔落，所以就冇叫到~打邊爐叫左個養生滋補鷓鴣鍋，入面好多藥材，職員介紹話會冇咁燥，所以就一於試下。個湯底飲落都幾清甜～食物方面嘅選擇都幾多🤤啲安格斯牛都好好食，唔韌，同埋佢會寫埋係咩牛！咁可以覺得邊款好食就叫邊款👍🏻覺得總體唔錯，會再黎食#二鍋頭 📍尖沙咀漆咸道南53-55號嘉芙中心1樓

密製火焰牛尾。這道菜色香味俱佳，火焰澎湃，給人一種很有震撼力的感覺。牛尾肉經過密製的烹調，肉質鮮嫩多汁，帶有一點點甜味。與普通的牛排骨不同，牛尾肉更容易入口，而且口感豐富。吃下一口，肉汁在口中散開，讓人回味無窮。羊腩煲。這道湯底甜鮮可口，讓人感到溫暖。羊腩與配料腐竹、荸薺和竹筍一起燉煮，羊肉鮮嫩，入口即化。在寒冷的冬日，一鍋熱騰騰的羊腩煲絕對是暖胃的最佳選擇。養生滋補鷓鴣鍋。這道鍋菜以鷓鴣肉為主要食材，搭配多種滋補材料，如中藥材和蔬菜。湯底清澈，鷓鴣肉鮮嫩，滋補成分讓人感到身體得到了滋養。這道鍋菜適合追求健康和滋補的食客，是一道美味又兼顧健康的選擇。

今次行過呢間火鍋舖，心諗一定要入去捱一捱。開胃一試就愛上佢隻火焰牛尾煲，啲牛尾咁嫩咁滑，簡直就係寶寶膚質咁有彈性，牛味夠晒香，唔洗講，當然係即刻扮鐘意！😜再嘆個羊腩煲，嘩，啲羊腩煮得啱啱好，個肉質綿密到化喺口，一啖咬落去啲汁液馬上四溢，香到飄三樓。跟住蘸吓佢哋提供嘅特色腐乳，食完全身都暖笠笠，冬天食咁啱冇得頂！🍲食緊火鍋，當然唔少得爽口嘅青菜，自助區嘅選擇多得黎計，咪話好似街市咁完齊，但拎啲時令青菜嚟涮涮，啖啖爽口，有得揀真係一流。最後，咪以為滿足就算，仲有杯滑溜溜嘅雪糕俾你嘆！講真，雪糕質感同味道都唔輸專門店，真係令人驚喜。食罷今次，我心諗，下次一定要再嚟，預咗點解呢嘢會成為人氣熱點！🍨

今次係我第3次同朋友來幫襯，但今次比頭兩次幫襯既差左好多，嗌左中價位+無限任添羊腩+無限任坐”，個羊腩煲我都係睇到好多評價話ok 我先嗌，點知都係要失望。羊腩煲一上菜個陣，好香好濃，賣相又ok，以為好得，但係食第一舊， 好un！😓😓個羊腩會唔會彈牙左少少... 用左好耐時間先咬完一舊....全晚生根變左最多人食，牛都ok，因為穩穩陣陣，其他配料真係食完一次唔想食第二次，唔係話啲咩，打個邊爐399蚊任飲任食任坐，我期望既質素應該係要再好啲，打頭陣話賣羊腩煲但個羊腩都要un到咁，真係要檢討下。其次就係：魚片，魚滑一擺上檯就成陣腥同埋廁所勁臭勁污糟....

呢間餐廳每晚都好旺場滿座。三款肉類放題套餐任你選，食足120分鐘。特別位係湯底可以揀升惹味雞煲、黑椒豬手煲或火焰牛尾煲或升級至滋補羊腩煲/鷓鴣湯底。滋補羊腩煲（升級）羊腩汁好濃，色澤係淺啡色，羊腩索晒d精華好入味，本身廚房炆左好耐，枝竹同冬菇好冧，加埋蔥全個煲都好好味！火焰牛尾煲打卡位！一上菜侍應會係牛尾煲內點火，藍色火焰好靚，睇住佢炒牛尾後火熄後便食得！個汁真係好惹味同勁香。細細舊牛尾好易食，牛尾肉質軟身又有少少肥膏好有口感。養生滋補鷓鴣湯底（每日限量）配料：紅棗桂圓蟲草花依個湯底真係好有住家湯既感覺，我飲左幾碗完全唔口渴。煲耐左會變得金黃色，鷓鴣同配料愈煲愈濃，用來煮瓜菜類勁正索味。安格斯牛板腱&封門柳必食之選，肉類色澤淺紅色代表好新鮮。寫住煮6秒食得，肉完全唔鞋，係超軟身又重牛味！想食火鍋放題，來「二鍋頭」，由選個靚鍋底開始你既火鍋之夜啦～

天氣涼涼哋, 最正就係食下雞煲打邊爐, 嚟到尖沙咀嘉芙中心嘅二鍋頭, 地方又大又舒服, 食放題都零舍開心。先食牛尾煲和雞煲, 牛尾煲炆得好腍滑, 雞煲就夠曬香, 兩個煲都好美味。今晚有養生滋補鷓鴣湯, 變形亞鷓鴣首先煲咗四個鐘, 加入紅棗, 圓肉, 杞子, 五指毛桃和蟲菜花等, 於飲完湯先至打邊爐。飲咗幾碗鷓鴣靚湯, 啲湯真係幾夠火路, 滋潤清甜。牛肉有安格斯牛, 牛板腱, 金錢展和封門柳等, 好有牛味, 淥幾秒就食得。白鱔片和花枝片好大爽脆, 生菜, 粟米和萵筍都好新鮮。多款雪糕雪條任食, 食得好滿足。二鍋頭 (嘉芙中心)尖沙咀漆咸道南53-55號嘉芙中心1樓#尖沙咀美食 #港式火鍋 #火焰牛尾煲 #雞煲 #滋補鷓鴣湯#相机食先 #手机食先 #美食博主 #香港美食 #香港探店 #香港旅游攻略 #香港旅游好去处 #香港美食推荐 #hkfoodie #foodporn #hkfoodblog #foodies #foodiehk #instafood #hkfoodporn #foodblogger

天氣開始上冷喇，好合適打邊爐。咁啱見到二鍋頭有任食羊腩煲雞煲豬手煲牛尾骨煲，所以就去試下。❣️每一款煲都真材實料，十足份量，味道很好。每款都試下，過口穩當晚店員介紹💓💓💓五指毛桃鷓鴣湯💓💓💓，湯料有紅棗、五指毛桃、杞子、蟲草花，此湯藥味不重，清甜可口，男女老少皆宜。湯滾起來後，可以先飲湯，之後做火鍋湯底。五指毛桃鷓鴣湯我飲了3碗喔😋😋。另外餐廳有提供無限量飲品，有台灣特色飲品 及支裝鴻福堂飲品，自助區有台灣產地肉丸，以及有大量粟米、蘿蔔及多種蔬菜提供。掃QR code下單有多款肉類選擇，我哋選了牛肩肉、本地鮮牛肉、白鱔、魚腩、海蜆、青口、海蝦等。

踏入秋冬時節, 最啱食熱煲和打邊爐, 我就最鍾意食羊腩煲和雞煲, 羊腩煲得夠腍, 冬筍就夠曬爽脆清甜, 支竹和馬蹄吸收曬醬汁, 特別美味。雞煲辣辣地, 雞件嫩滑, 濃郁又惹味。店員有禮貌又細心, 食完每款熱煲都會更換, 檯面保持得好清潔。食完熱煲就飲靚湯, 二鍋頭有養生滋補嘅鷓鴣湯, 煲咗幾個鐘真係好夠火喉, 材料都唔少, 有鷓鴣, 蟲草花, 五指毛桃, 紅棗, 圓肉 和杞子, 飲多兩碗就夠曬滋潤。食完熱煲飲完湯已經飽咗一半, 打邊爐環節當然唔少得牛肉, 牛板腱, 封門柳和金錢展新鮮有牛味, 灼幾下就食得。白鱔片好爽脆, 鵝腸新鮮又洗得乾淨, 蔬菜方面就最鍾意唐生菜, 蓮藕片和甜粟, 清甜, 爽脆又嫩滑, 土魷魚夠爽脆。打完邊爐食下雪糕雪條就夠曬涼快, 汽水飲品夠曬冰凍。

依家放題超級抵食，呢個火放題套餐除咗有普通火鍋之外，就仲有得食雞煲，牛尾煲同埋豬手煲。想想食得再再豐富啲嘅話，依家冬天有得以$88加配羊腩煲，而且仲會配一個腐乳醬，而羊腩煲亦都非足料，有冬菇，腐竹芋頭等等。佢雞煲牛尾煲都幾好食，都非常之推介大家試吓，，不過個人覺得份量都比較多。可能食完呢個煲就已經飽飽地。去到火鍋嘅時候佢居然有一個養生滋補鷓鴣鍋，而且每日限量20煲咋，所以我即刻叫咗呢個去養下身。湯底非常之清甜，而鍋裏嘅鷓鴣唔會太老，都幾好食。建議大家都飲幾碗之後先至打邊爐。而打邊爐方面佢啲牛肉都唔錯，而且選擇都幾多，除咗有QR code掃單之外，亦都有得出去拎唔同嘅配料，真心覺得依一間好抵食。

見開始涼涼地，朋友就話想打邊爐，見到呢間120分鐘火鍋放題好多野食，就即刻試下啦。原來佢係可以鍋+打邊爐兩食既，佢有分3款唔同既餐，價錢係200-300幾蚊左右，我地今次就揀左Ｃ餐—最貴既特級極上和牛餐(其實可以食埋Ａ＋Ｂ餐既野，大人都係$318蚊/位，好抵。 🟠 火焰牛尾煲佢呢度有三款揀：包括二鍋頭惹味雞煲、香濃黑椒豬手煲、秘製火焰牛尾煲。我地今次就揀左火焰牛尾煲，店員仲會幫我地撈勻佢，再點火😯😯好吸睛，牛尾夠入味又有咬口，份量十足，我地叫左小辣，都幾香幾惹味。 🟡 羊腩煲 (+$88)咁岩見到星期日至四加錢有無限時羊腩煲放題，必叫🥰🥰 羊肉炆到夠晒林，而且羊羶味唔係好濃，好食(因為我好怕超重羊羶味)，呢期開始凍凍地，食返個羊腩煲補補身就岩晒了，仲夠晒入味添。 🟢特級極上和牛餐佢包左牛胸腹、滑牛、頂級安格斯牛、極黑和牛、熊本豚肉等等A同B餐都有既野之外，仲包左安格斯牛板腱、封門柳、鵝腸、花枝片同白鱔片添，佢地呢度既牛質素都唔錯，牛味濃郁😍鵝腸都夠晒爽口彈牙！🔴湯底聽店員推薦就叫左呢個鷓鴣湯，裡面有五指毛桃、鮮淮山、大量蟲草花、紅棗，熬足4小時，一滾既時候飲啖湯先，感覺夠晒養生！🟣