二世祖

营业中

休息中

終於黎到bookmark左好耐既EasyJoe 呢間餐廳長期處於排隊狀態 大家最好book定枱⁣先黎 朱古力控好明顯就係為左個特濃朱古力而黎 好彩都冇令我失望原條鰻魚蛋包飯 $158⁣鰻魚份量十足 原條鰻魚幾乎橫跨了整個碟子 鰻魚厚肉 肉質軟冧 甚少細骨 醬汁調味剛好 不會過鹹或過甜 蛋包飯的炒滑蛋 入口滑嫩 跟鰻魚和木魚絲真的很搭很滿足 但整體未到很驚艶⁣⁣明太籽櫻花蝦配青瓜絲扁意粉 $138⁣醬汁很濃稠 每一條扁意粉都掛滿了忌廉汁和明太子 麵條軟硬適中 不會過硬或過腍 單吃麵條會有點膩 但跟青瓜絲撈匀後 起了消膩的作用 爽口的青瓜亦豐富了口感⁣⁣凍二世祖特濃朱古力 $42⁣以濃朱古力醬配上4.3鮮奶沖製而成的特濃朱古力 果然很濃郁 入口順滑 帶一點點稠度 但甜度真的真的真的偏高 有點吃不消⁣⁣山楂玫瑰烏龍茶 $48⁣點了這一壺簡直是明智的決定 山楂茶帶酸 甜度較低 很解膩 但入口略微有些少苦澀 勝在很大一壺份量十足 挺划算

◽泰式香酥軟殼蟹闊麵◾片皮鴨刈包◽特式炸雞翼(避風塘)◾二世祖超級窩夫配雪糕◽二世祖特濃朱古力成件事有讚無彈 好睇好香好味 完架啦最開心係飲到杯特濃朱古力 之前行過見過幾次門囗貼住無供應 今次我地好幸運 唔係因為我係朱古力怪而鐘意 連同行朋友都話正架 唔係好甜但朱古力味真係特濃❤️提返大家 呢度店面不大 Lunch time要排隊 dinner記得要提早book位 我見到好多人walk in都因為full booking撲空呢

三級風暴薯條🍟($108)聽個名都覺得好似好勁咁,事實上薯條既份量係勁量級, 而且有三款特別既醬配埋😌 薯條唔係普通食開果啲, 而係好似腰果形, 唔係太實心同埋鬆脆, 感覺好特別😃 醬方面就有藍芝士醬, sour cream 同埋三文魚籽, 三個醬入面我都係最鐘意sour cream😌 墨汁芝士軟殼蟹燒煙三文魚海鮮薄餅🦀($148)呢個pizza 簡直係冇得頂🍕 口感好豐富, pizza 餅底舖左一層墨汁芝士, 每塊上面都放左一舊煙三文魚,pizza中間放左一隻完整既軟殼蟹🤤 軟殼蟹炸得鬆脆得黎又唔油膩, 芝士完全唔會覺得”漏”大啡菇牛肝菌黑松露天使麵配芝士脆片🍝($148)相比咁多個菜入面我覺得呢個較為失色🙈 雖然賣相唔錯, 不過味道就單一左啲同埋偏咸左少少🤏🏾 不過都好足料既, 有半大舊既大啡菇同埋一大塊炸芝士🧀 原條鰻魚蛋包飯🍳($158)呢個飯既造型實在係不得了, 完全係十分Instagramable📸 蛋同饅魚都好大份, 撈埋個飯一齊食好正, 不過我個人認為可以加多啲饅魚汁去令到成個飯更加好片皮鴨醬鴨肉意大利飯🦆($178)見到呢個咁特別既combination 唔叫好似對

📍Easy Joe, Tai Kok Tsui⠀🔸原隻虎蝦黑松露忌廉意粉🔸二世祖特濃朱古力（熱）💲98（＋24）🔸肉骨茶💲78⠀#️⃣#168hungryki_yellow #168hungryki_hk ⠀⠀🔺⠀⠀以上價錢為Lunch Set價錢。🔺⠀難得去到大角嘴，來訪這家挺有名氣的黃店。雖然武漢肺炎疫情嚴重，餐廳位置也偏僻，但是我到達的時候也要稍微等一下位😂🔺意粉非常非常creamy，奶味和黑松露味道都很濃，好吃，份量也多，所以吃完其實有點膩，也非常飽肚。lunch set可以半價享用其他飲料。由於天氣寒冷，我點了這杯熱巧克力～其實很想喝冷的，因為想打卡😂 但真的太冷了，只好點熱的。幸好，拉花也非常漂亮！另外點了一個肉骨茶，又不像新加坡的，也不像馬來西亞的😂 但是好吃👍🏻 蘿蔔軟稔入味，排骨一些很嫩一些偏柴... 不過偏油啦！整體不錯啦～Lunch set 送的柚子茶，沒什麼好評論的😂🔺⠀味道 🌟🌟🌟🌟價錢 🌟🌟🌟⠀再訪意願🌟🌟🌟🌟⠀Please follow @168hungryki on Instagram. 🔺⠀⠀#hkfood #hkfoodie #hkig #foodie

這家的飲品，非常好喝的巧克力，店位於旺角大角嘴附近，西餐🍴真的也很美味🔥，不過經常都要排隊，中午有午餐lunch set，人均100💰，但是種類比較少！晚上比較豐盛，但是一般需要提前訂位咯，他家的軟殼蟹最好吃了，😋脆脆的，很新鮮，然後流心巧克力🍫也很好吃，裡面軟軟的

網上見到大家話依間餐廳嘅朱古力好正，終於有機會一試！我同男朋友就無訂櫈，差啲無得入坐，建議大家晚餐想去可以預先打電話訂位，以免摸門釘啦！不過店員好nice，我哋係門口企咗一陣諗緊去邊好嘅時候，佢哋安排咗我哋坐bar櫈！主菜我哋點咗蘋果菠蘿醋汁豬肋骨配爆谷同明太籽櫻花蝦配青瓜絲扁意粉。飲品就當然要試下大家都讚嘅熱二世祖特濃朱古力啦！主食嘅配撘都好有意思！平時食西餐好容易覺得太膩，但豬肋骨同意粉食到最後都唔會覺得too much🤣🤣🤣朱古力真係好啱鐘意dark chocolate嘅大家！個晚我真係飲一啖就幸福笑一下！可能OT太多要啲好嘅飲品獎賞下自己😝最後我哋甜品叫咗朱古力心太軟配雪糕！好味！不過我覺得朱古力心太軟通常都好食😂整體來講，我都好滿意依個晚餐！店舖唔係太大，但好有空間感，坐得好舒服😌食物質素高，睇得出係有花心機去設計整個餐單！

係2019 年12 月6 號星期五晚上TGIF 放左工黎到大角咀福全街嘅"二世祖"太子站行去10分鐘 就係塘尾道附近記住要打去book位啊 唔係連平日夜晚都無得walk in 朱古力超濃郁 又唔會太甜沖多幾杯都仲好夠朱古力味墨西哥脆片份量好多同朋友一路食一路傾計就岩哂食極都有醬汁配以酸忌廉 蕃茄 牛油果醬同牛油果粒非常多薄薄Pizza 軟殼蟹熱辣辣 又大隻 配上濃郁芝士依款燒春雞要早幾個鐘打黎預訂先有蟲草花好彈牙 中東米入哂雞味 飯粒彈牙良心小店"二世祖" 誠意推介雖然唔太近地鐵站但好西就要慢慢行下搵食

依間黃店真係book mark好耐😂終於得閒黎一戰午市無得訂位 黑洞星期六去要排隊入座🙊-🔹原條鰻魚蛋包飯（ $158 ）睇頭十足🤩大大條鰻魚係面炒蛋夠滑身 餸嘅份量仲多過白飯黑洞作為鰻魚控覺得大滿足🥰-🔹經典芝士洋蔥牛肉漢堡配薯條（$108）漢堡包身鬆軟 查左牛油好香口😋半融芝士配牛肉漢堡 味道好正伴碟粗薯條新鮮熱辣 加分⭕️-🔹二世祖特濃朱古力（ $42 ）某程度上黑洞係為呢杯朱古力而黎😝有凍熱兩種選擇 ☕️朱古力口感豐厚 但未至於朱古力漿程度朱味濃得黎唔甜膩 必飲推介‼️-🔹士多啤梨奶昔（跟餐半價21蚊）估唔到奶昔都有驚喜😯飲得到士多啤梨果肉 奶味唔係好重整體味道比較清新😉-P.s午市無主食同甜品叫⚠️如果想食甜品嘅朋友仔要揀食晚餐

聞說二世祖嘅朱古力奶超好飲。原來重有西餐食🤤所以係岩過左嘅❄️平安夜24/12我帶左男朋友去食大餐。我Book左地7點鐘，Book枱果陣重order埋主菜。我order左一個主菜‘莓汁爆脆牛柳配薯蓉，之後再加左明太子櫻花蝦配青瓜絲扁意粉。當然重有我期待嘅三世祖特濃朱古力！男友就揀左士多啤梨奶昔。先黎主菜莓汁爆脆牛柳配薯蓉。外層吉列果然爆脆。牛柳應該6、7成熟。牛味好濃，肉質軟熟。配埋莓汁開胃滋味。點少少海鹽味道更豐富！再黎明太子櫻花蝦配青瓜絲扁意粉。好少有咁嘅配搭。上面好多青瓜。。不過食落份量岩岩好。暖暖意粉配清涼青瓜絲。明太子同櫻花蝦味道超夾。意粉偏濃味。撈埋青瓜絲一齊食就岩岩好。驚喜配搭飲品出場～二世祖特濃朱古力～士多啤梨奶昔～我期待嘅二世祖特濃朱古力。其實係小店自家製嘅招牌飲品，一滴水都無加嘅朱古力牛奶。濃厚嘅朱古力牛奶口感香滑。呢種幸福嘅味道一試難忘。士多啤梨奶昔。奶泡質地綿密。士多啤梨奶昔好滑。士多啤梨比例較一般嘅多。酸甜岩岩好。最後食埋個朱古力心太軟配玄米茶雪糕。心太軟配玄米茶雪糕又幾特別。心太軟一定要趁熱食，一啖雪糕一啖心太軟～雪糕茶味唔算太突出。整體都好味～食物有特式又有

已經有1個月多都無食過了，皆因實在太多人幫襯，幸好小妹行快一步，唔係都唔知等到何年何日。我同同事各點一個餐share黎食，我地分別點了B02，B03及B05。飲品就點了特濃朱古力奶及牛奶咖啡。同事點的牛奶咖啡，拉花美美的。我同另一個同事就點了特濃朱古力奶，好味道，好邪惡😈😈😈是日精選薄餅，味道不錯，多重口感；有薯仔蓉，芝士，沙律醬，層次非常豐富。自家制醬汁豬肉溫泉蛋飯，蛋汁拌飯再加上醬汁一齊食，好味。沙茶醬魷魚圈意粉，魷魚彈牙，醬汁香濃，再拌混意粉食，正。

原本係為咗佢杯朱古力同埋啲甜品嚟☹️但係去到先知啲甜品淨係夜晚先供應 有啲失望😭不過好在嗰日嗌嘅所有嘢食都好高質！-二世祖特濃朱古力🍫呢杯朱古力真係我飲過最好味嘅❣️真係整到好濃郁好Rich🍫🍫🍫飲到最後嗰樽底同埋個杯底都仲有好多朱古力粉痴住 可想然之佢真係應該加左好多落去整😂杯朱古力係偏杰身同埋好smooth🤤必試！-山楂玫瑰梳打🌹杯嘢飲一想到枱先知原來係咁大杯 好抵飲🥰佢嘅山楂味好出 不過玫瑰味就冇乜🙈飲嘅時候會食到有好多山楂嘅渣😋好Freshhhhh!-黑松露原隻虎蝦忌廉意大利粉🦐呢個意大利粉真係做得相當之creamy💓啲黑松露味仲好濃🤩佢仲加咗啲菇落去一齊煮 一啲都唔Hea🤤不過就略嫌佢隻蝦太細☹️-墨汁芝士軟殼蟹燒煙三文魚海鮮薄餅🍕呢個Pizza相當之足料🤤面頭放咗原隻嘅軟殼蟹🦀跟住每塊slice上面都擺左塊煙三文魚❣️仲有啲沙律菜喺中間～可以吸下炸軟殼蟹啲油🙈食落仲多咗層口感😚不過芝士味就唔太食得出🧀因為有好多墨汁 所以淨係食到個批鹹鹹地🤣同埋都唔太食得出有其他海鮮喺入面～不過整體黎講都好抵食！但係我個人唔太鍾意食薄批 因為太薄同埋太脆 所以我自己就覺得麻麻地～

一直聽聞附近開左間高質黃店，前幾日終於有機會同阿媽去試下！因為我地兩個都唔太肚餓，所以就淨係嗌咗個墨汁芝士軟殼蟹燒煙三文魚薄餅 （$148）同益力多沙冰 （$48）。個pizza有拉絲，真係啱曬鍾意食芝士嘅各位。因為啲墨汁係芝士度，唔洗擔心食到個嘴好污糟。隻軟殼蟹都好大隻，仲要原隻上，真係貴啲啲都覺得物有所值。（雖然攞pizza嘅時候就要手動「撕蟹」麻煩少少😂😂😂同埋雖然個pizza有好多料，但又唔會唔知自己食緊啲咩。個薄批好脆！亦唔會太heavy。因為有最低消費，每人要order一樣野，反正食pizza就嗌咗杯清爽啲嘅益力多沙冰。杯沙冰好大杯，飲到最後都唔會得冰味，超正！遲啲一定會再黎懲罰Easy Joe!

哈哈😂😂我又嚟食喇🤭主要都係想飲招牌特濃朱古力🤤🤤同埋試下甜品😍仲有好多意粉同輕食嘅選擇.👅二世祖超級窩夫配雪糕.👅二世祖特濃朱古力.窩夫好鬆化😮皮又夠脆😱大家睇下個雪糕以為又係抹茶味呢😏🤨🤪其實係玄米茶味嚟😳第一次食呢隻味😋幾有茶味同回甘味又唔會苦👍🏻.招牌特濃朱古力🤤🤤🤤好好飲呀濃度極高👍🏻少有cafe自制濃厚度極高嘅朱古力奶🤪😋😋朱古力迷必嘆🤘🏻

作為朱古力控嘅我，一見到個72% 特濃朱古力即刻吸引咗我過黎。記住要book 位呀，我地食完出面仲好多人等位, 同埋呢到無得雪蛋糕架原條鰻魚蛋包飯 📍$158上枱已經覺得好靚，成條鰻魚好長好多汁，見到都想食呀 😍泰式軟殼蟹香烤菠蘿酸青瓜漢堡配薯條 📍$168原隻軟殼蟹 😱😱 好大隻 😍 基本上遮蓋哂成個包。其實仲介有烤菠蘿片，好清甜，再淋啲泰式甜酸醬，好開胃二世祖特色沙律 (巴馬火腿) 📍$98沙律份量好多，岩哂我地呢啲平時叫咁少菜嘅人手打牛肉芝士酸青瓜漢堡配薯條 📍$158個包係有烘過嘅，芝士都係半溶狀態，不過食落就無咩特別啦，仲有少少乾明太子櫻花蝦配青瓜絲扁意粉 📍$138醬汁好濃好稠，明太子分量都唔少。本身覺得有啲heavy, 不過原來個青瓜絲咁大幫助， 令到成碟嘢清新咗好多二世祖特濃朱古力 📍$42為咗佢黎架嘛，當然要即刻叫啦... 每日新鮮整個朱古力醬，再加鮮奶落去溝，啖啖都好有心機

終於比我試到呢一間成日都滿座嘅黃店🤤餐廳位置喺大角咀 附近冇咩特別野行所以大家記住要訂位啊～整體食物質素都幾高 分量又足料🤩加上食物嘅種類都好多同好特別 係餐牌上見到樣樣野都好吸引好想試😍一定會再幫襯😎.Finally was able to try this popular restaurant in the Tai Kwok Tsui Area 😋 make sure you guys make a reservation for @easyjoe_hk because its usually really full 😆 food quality is great 👍 portions are decent and lots of instagram worthy food stories 🤤 lots of unique dishes to try, definitely need to come back!.𝐂𝐡𝐢𝐩𝐬 • 𝐁𝐞𝐞𝐟 𝐓𝐞𝐧𝐝𝐞𝐫𝐥𝐨𝐢𝐧 • 𝐌𝐚𝐬𝐡𝐞𝐝 𝐏𝐨𝐭𝐚𝐭𝐨 • 𝐁𝐞𝐫𝐫𝐲 𝐒𝐚𝐮𝐜𝐞 莓汁爆脆牛柳配薯蓉 ($278) 😋😋牛柳超大件！！兩個人sha