二世祖

营业中

休息中

星期六約朋友食lunch最大的好處係可以悠悠閒閒hea住咁食，今天約了E在大角咀，這個本來是舊區的地方已漸漸變得熱鬧，愈來愈多有特色的餐廳在這裏開業，今天我們會和"二世祖"來一個食物的交流，開心的短聚。店子雖然不大，但環境舒適，絕對可以舒舒服服咁傾吓計食吓嘢！士多啤梨梳打$42~自家煮的士多啤梨蓉mixed埋冰凍的梳打，甜甜酸酸的特別開胃，還有新鮮的士多啤梨伴飲，正！蝶豆花蜜糖青檸梳打$42~蝶豆花本身的紫藍色令人非常迷醉，随着加入青檸汁，飲品顏色亦出現變化，而蝶豆花本身味道偏淡，但加入青檸汁和蜜糖就非常清新可口！墨汁龍蝦海鮮意大利飯$218~龍蝦雖然得半隻，但啖啖肉，肉質仲好彈牙鮮甜，墨汁意大利飯非常濕潤，充滿咸香的墨魚汁鮮味，好味！片皮鴨刈包$78~片皮鴨肉質鮮嫩甘香，帶鴨皮的油潤，配上青瓜絲，大葱等，用柔軟的刈包夾着一起吃，滋味無窮。Homemade Brownie, 豆腐雪糕~ Brownie蛋糕唔會好甜，朱古力味好香好濃郁，質感綿密厚實，我好喜歡。再配豆腐味濃的豆腐雪糕，真是一大享受！

講三次我係為左佢杯吹到好衡嘅特濃朱古力而黎！但！係！冇！呀。我長期得閒想黎飲都冇。今次唔例外...都係冇。想去嘅朋友可以留意佢facebook😵朱古力有否提供😭.🍴 泰式軟殼蟹香烤菠蘿青瓜漢堡配薯條 $168.顧名思義佢哋嘅醬汁梗係泰式風味嘅醬啦🤪,酸酸辣辣嘅感覺好開胃👍🏼。重點佢係原隻軟殼蟹！係冇切開嘅原隻啊😆.🍴明太子櫻花蝦配青瓜扁意粉 $138面頭好多青瓜絲，份量都幾多。櫻花蝦夠香，明太子味唔係太突出，配埋青瓜絲幾清新😀，不過個人認為唔夠creamy😅...🍴士多啤梨奶昔 $ 42冇朱古力唯有叫士多啤梨啦，佢哋嘅士多啤梨味係真架飲到啲士多啤梨嘅粒粒。唔會話好甜味道正常😄.🍴 洛神花柚子梳打 $ 42其實飲落去都係柚子味嘅梳打，重點係佢哋杯野好大！真係可以夠兩個人飲😵😵

最近好hit既西餐小店二世祖Booking 好爆，book到7pm已經好好彩最想試佢極濃朱古力就未有緣了...但食物都是令人期待的！餐牌最有驚喜既係佢竟然會為素食者多想一步可以制定素食版菜式抵贊❤️❤️莓汁脆爆牛柳配薯蓉有點像wellington beef但用了脆皮不是焗酥皮牛肉先焗後炸鎖汁之餘牛肉味夠濃牛柳厚身 5成熟 很嫩口脆皮又夠香，不重油味用海鹽 雜莓汁 伴碟即食就最嫩滑最入味！脆漿不油膩 沾點莓醬更能帶出牛的肉味很神奇用創意改量令牛扒更有吸引力策略成功💪🏻煙燻燒春雞釀蟲草花香菇中東米用蘋果木煙燻 雞皮最吸到蘋果木味，有一點焦脆，很開胃的！雞肉很嫩滑，一撕就散底下的中東米很有咬口又飽肚而且有蟲草花加添了一點中式味道很特別的配搭份量算大，2個女仔share好夠食！ 店員推介士多啤梨沙冰 青蘋果沙冰 檸檬茶沙冰每日新鮮製作而洛神花柚子梳打 山楂玫瑰梳打 則是先煲好花茶隔渣再整沙冰超級大杯不過想飲熱的 點了matcha latte, 抹茶濃厚👍🏻good 總括黎講係性價比很高的西餐小店服務好 環境舒適乾淨亦好岩傾偈飲野 可以encore🤓

係百忙中都抽到時間同朋友食晚飯，認真good啊！今晚黎到大角咀呢間Easy Joe又稱二世祖食晚飯，好在有預先book位，但都要8點鐘先有位，認真多人黎食。大家今晚一於齊齊變身做番個二世祖先hahaha!我地look左本menu好耐，終於決定到食咩，因為有太多野都想食。我地選了墨汁芝士軟殼蟹燒煙三文魚海鮮薄餅、三級風暴薯條、特色炸雞翼、士多啤梨奶昔及士多啤梨梳打。先係迷人的士多啤梨奶昔，夢幻般的粉紅色，好靚。口感好滑，味道香甜的士多啤梨同奶非常夾，好creamy呀！而這杯是士多啤梨梳打，梳打夠氣，同酸甜滋味的士多啤梨醬mix埋一齊，好正。再加入加了蜜糖的藍莓，不論味道及外觀就更加豐富。這是份量十足的三級風暴薯條，薯條形狀好特別，好似旋風咁，怪不得叫三級風暴。而且配有三款醬料，由左至右分別係黑松露、明太子同埋藍芝士。我個人比較鍾意藍芝士醬，第一次見用藍芝士做醬料，都幾特別，味道重又濃郁，口感有啲似腐乳。呢個係特色炸雞翼，有三種味比你選，分別有麻辣、蜜糖芥末同避風塘味，我地就選了少見的避風塘味。雞翼炸得外脆內嫩，juice又香口，而且用料十足，成隻雞翼佈滿生蒜同炸蒜，蒜頭咬落脆卜卜。味道食

慶生餐，2個人點了4樣食物加1杯檸檬茶冰沙。最先到的三級風暴薯條炸的火候好好，食到最尾都唔油膩，松露醬很配，明太子好食但同薯條有些不配，好怕藍芝士所以無試到。冰沙甜度適中夠大杯，2人share也可。煙三文魚沙律非常大碟，菜和魚都新鮮，大量芝士碎也帶出味道。明太子櫻花蝦青瓜意粉是因為無牛柳而後加的，味道還不錯，濃淡得宜。三大主菜之一的豬肋骨，等了超過45分鐘至上枱，賣相唔差，但可惜煮得差，肉很硬，難以切開及進食，加上接近1.5小時的用餐時間被催還枱，差不多有半碟是食唔到。不得不提餐廳服務很怪，訂了7：30，早到了15分鐘，入邊未滿座但不許入坐，一定要等到夠鐘。3個主菜落單後要等30-45分鐘，但用餐限1.5小時。最離譜是落單後至話無牛柳，仲要話主菜系訂座時要一齊訂，那麼我訂座時店員為什麼不問問是否需訂菜？臨走時，旁邊有新客，店員照介紹主菜要等，但竟然無提牛柳售罄，難道又要落單後至通知？

二世祖真係超難約 講緊嘅係呢一間網紅Cafe EasyJoe二世組🙀🙀 夜晚想walk-in真係好難 一定要預早book位阿🙀 (好彩阿囡book左帶我黎 如果唔係一定撞板😿)試咗佢嘅招牌意粉 明太籽櫻花蝦青瓜絲意粉😻 賣相真係幾吸引 份量超多😻 唔單止意粉好多 連材料明太籽櫻花蝦青瓜絲都十足😽 每條意粉都粘滿明太籽 實在太豐富啦 😽青瓜絲就中和左濃濃既明太籽同忌廉汁 帶啲清爽既口感😼原條鰻魚蛋包飯不愧係份量推介😹 先唔講有幾多飯 淨係原條鰻魚都已經有兩隻手板咁長😼😼 鰻魚汁嘅甜度都適中 啖啖肉冇乜骨 部份位置都整得幾香脆嘅 食晒成條鰻魚其實都已經幾飽😹 但係佢個蛋包飯啲蛋又整得好香滑 忍唔住又要食多幾啖😸 飯係偏濕潤 不過未夠味 一定要鰻魚蛋包飯一齊食先好😺飲品方面本來鐵定要飲朱古力 因為係佢嘅招牌😻 72.5%特濃朱古力飲品 仲要朱古力奶係全人手製 花心機又花時間啊😻 但今日竟然無提供無得飲 真係好失望呀😿😿😿試咗佢個玫瑰鮮奶 賣相都幾靚嘅 玫瑰味好香 口感都幾幼滑😸花茶好多都係自家製 用心花時間煲😼 檸檬草薑茶好足料 一飲真係幾辣 全身都暖晒 其實一壺兩至三個人share都夠😼

聽說這家餐廳的朱古力出品非常好味，今天有空閒來試試。在港鐵旺角站A2出口進入旺角道後往塘尾道方向走，途經一家油站越過塘尾道後便直接進入福全街。福全街一邊有酒店，一邊有食肆，靠近有食肆的一邊走不到一分鐘便能見到餐廳。餐廳有簡約的工業風，與這區的工廈環境亙相配合。店員安排好座位後便向我們說朱古力食材還未到貨，所以未能供應朱古力飲品。是有點失望，唯有將心情放在主食上。午饍可以選擇午市餐牌或主餐牌，若是每日限量的食品便要預訂。我和友人選了兩份午市套餐。B02香辣忌廉香蔥雞絲意粉 $68香辣忌廉汁與意粉融合，意粉熱騰騰，份量比想像中要多，香辣好味。雞肉和菇菌有數小件，有輕微焦黑及乾身，所以單吃會帶點苦，若與意粉一起吃就沒有問題。配凍柚子茶清甜好味，有柚子肉在杯底，可以舒緩一下香辣意粉的辣度。B06 黑松露原隻虎蝦忌廉意大利粉  $98黑松露的香味不停發放，連同桌的友人也感到香味非常濃郁。原隻虎蝦厚肉，意大利粉份量一樣多，調味適中，熟度剛好，又香又好味。泡沫咖啡  $19泡沫咖啡甘苦，選擇午市套餐時可以以半價優惠享用主餐牌的飲品，這個飲品優惠非常滿意!我和友人在十二時左右到達餐廳，半小時內餐廳已坐

二世祖超級窩夫配雪糕 ($88)窩夫好香好鬆軟 重點仲要大大舊同之前食過既窩夫口感有小小唔同呢個食落會覺得煙煙韌韌 幾特別😋另外仲會見到有兩種醬 都係自家制～用杯仔裝住既士多啤梨cream chesse🧀🍓好有食芝士蛋糕既味道 配埋窩夫好正🤤圍住個碟邊係抹茶蛋黃醬 食落甘甘地🌱係好足料既綠茶味 勁濃！每啖都點唔同既醬 好滿足😳👍🏿仲有一球玄米茶味既雪糕 幾獨特既味～手打牛肉芝士酸青瓜漢堡配薯條 ($158)睇到佢既賣相係相當吸引第一啖咬落個包食到有陣燶味不過店員都有解釋既 話餐廳係會用炭烤下最後好彩有幫我換過塊包 好香仲熱辣辣塊牛肉都好厚 好有份量😂

Easy Joe 「二世祖」| #大角咀 有一良心小店，支持一下認真做飲食的香港年輕人！單單店舖名都夠「玩味」，店舖走文青簡約風！落場時間未過已經開始排隊，好彩有訂位 用餐時間個半鐘！餐廳走Fusion風，主打多國菜混合西餐！今日想食得Light啲，所以無點主菜同甜品！ 不過單單兩道菜都好滿足！1⃣軟殼蟹煙三文魚墨汁芝士Pizza不少餐廳近期都可喜歡加軟殼蟹入不同的菜式，但不時食到炸蟹好油！呢度的軟殼蟹「100分‼」炸得乾身夠脆，重點係蟹肉蟹膏夠多！餅底上加入墨魚汁芝士和薯蓉，有咸香 多重口感 第一次食哩種配搭， 餅底夠薄夠脆！煙三文魚上菜前燒過面層， 炙燒過更香！ 2⃣片皮鴨刈包份量比想像中多，兩個女仔做前菜Share 都夠飽！刈包切半包住切絲的鴨肉，醬汁比平時的片皮鴨醬稍甜！刈包入口鬆軟，鴨肉份量比皮多！加埋青瓜絲同京蔥，正呀！ 👍🏻🥰3⃣洛神花柚子烏龍茶好Surprise 竟然有一種飲品有晒我鍾意嘅材料， 柚子醬中和咗洛神花的酸味 後勁帶淡淡蜜糖味，烏龍茶味濃！重點係個茶壺的Size 真係嚇親，夠4個人飲🤣 4⃣士多啤梨梳打因為今日無全店之寶「朱古力奶」，所以試下另一個「二世祖」推介！自

同老公去左大角咀揾食，因為最近睇到雜誌介紹有間 cafe, 佢地招牌的72.5%特濃古力奶，朱古力奶全人手製，其中凍朱古力更需5小時製作，誠意十足！而賣點係特別濃郁、順滑，朱古力控必試，所以吸引我老公，他由細到大都鐘情朱古力奶，所以提意趁假期去試下，當然要 book定位啦，因為都幾 full架。可惜去到門口先發現貼左告示，暫時所有朱古力暫停供應，雖然有點失望但都去到，更係要去食啦！ 朱古力留待下次吧轉左 plan我 order左青檸可樂，估唔會係咁大杯，夠晒喉因為夠氣同淡淡青檸味！ 好特別的三級風暴薯條 $108薯條整左特別的形狀還跟上的三款醬汁，讓大家醮來配薯條同食，有黑松露醬，藍芝士醬同明太子，又幾夾嘅尤其熱辣辣金黃香脆，無得輸外脆內鬆軟，食不停。叫多左碟特色炸雞翼蜜糖芥末雞。金黃外脆耐嫩，味道香甜之後慢慢滲出微微芥末味，恰到好處！ 另外自己製手打牛肉芝士漢堡配薯條即叫即燒熱辣辣+ $10 可以多隻流心煎蛋添！一口未能咬，要壓偏食有點狼狽，但好 juicy同 yummy!

聽聞特濃朱古力好出色，一心想試下，但黎左好幾次都冇，唔係賣哂就係冇供應，好失望😞但甜品唔錯，窩夫岩岩好👍🏽自家製豆腐雪糕好味，漢堡包都唔錯，但其餘主食一般

放左工去大角咀攞D野,見有D餓就決定係度食埋!呢度行去旺角或者奧海城都有D距離,係街左度右度,赫然發現呢間叫easyjoe既餐廳,就入去試下!黎到時都係6點幾,入面唔多人,不過好多檯都有人booking,睇黎呢間餐廳好受歡迎!不過好彩都安排到我地坐,睇黎下次要訂位啦!食完佢D野,真係知道點解咁多人黎啦!我地叫左個原條鰻魚蛋包飯,黎到時真係嘩一聲,好大碟,唔怪得叫「份量推介」啦!唔係淨係份量夠,鰻魚又唔腥又無骨,連平時唔食鰻魚既我都食左半條!D蛋好好口感,配合埋鰻魚汁撈飯真係正到呢!然後就叫左個莓汁爆脆牛柳配薯蓉,呢個要等半個鐘先有得食,到黎時就知係等得值既!件牛柳唔只大件,仲要肉質鮮嫩一D都唔靱,外面有層脆片包住,軟硬口感都有,D薯蓉甜甜地配合得好好,唔怪得叫廚師推介!食到有D飽飽地,但唔可以唔試埋佢既甜品!就係二世祖超級窩夫配雪糕!個窩夫係難得既脆口,唔似普通既咁軟淋淋!個雪糕係玄米味,夠晒別開生面!仲有D醬搽落窩夫度,好耐好耐未食過咁正既甜品啦!最後要介紹一杯好好味既飲品,就係特濃朱古力奶昔啦!佢既比例剛剛好,飲落去每一啖都係享受,無可挑剔!一定要試!

店舖裝潢走簡約工業風，以深色為主，座位設計寬敞舒適，加上乾花裝飾，空間營造得很輕鬆，感覺非常悠閒寫意。蜜糖芥末特色炸雞翼 ($78)外皮酥脆，肉質鮮嫩多汁，而且蜜糖與芥末調味得恰到好處，甜甜辣辣，非常惹味，讓人一口接著一口。二世祖全日早餐 ($128)份量十足，而且配搭極具特色，相當豐富。牛肉軟腍，牛味濃郁。炒蛋嫩滑，松露醬份量慷慨，和蛋味非常夾。香草雜菌香口，味道濃鮮。口感有點像雞蛋仔外脆內軟，滋味得令人一吃上癮！多士酥脆可口士多啤梨忌廉芝士，用了新鮮士多啤梨加忌廉芝士打出來的，滑不溜口，非常美味。山楂玫瑰烏龍茶 ($48)餐廳自家泡製的，真材實料。清透艷麗的烏龍茶裡交織著香氣濃郁的玫瑰花和酸甜可口的山楂果，入喉酸甜芳郁，味道清新自然。朱古力心太軟配雪糕 ($68)雪糕有玄米茶和豆腐兩款口味選擇。切下去時，溫熱的朱古力如岩漿般一湧而出，相當澎湃。配上白滑冰凍的豆腐雪糕，一冷一熱，一脆一軟，在舌頭上冷熱交纏，讓人一吃傾心。

十月星期天中午，大角咀。自從發現這邊有那麼多美食餐廳以後，開始愛上在這一區覓食，今天友人就帶我去一家最近很火的人氣餐廳午餐。餐廳位於大角咀跟旺角交界，要不是友人帶著，路痴如我一定不懂怎麼走。名字叫作EasyJoe，中文原來是二世祖，挺有意思的，是二世祖開的嗎？雖然是星期天中午，門外已經有不少客人等候，好東西果然不容易得到呢。從門面掛著的一株株枯草，到裡面吧台景觀位插在空啤酒瓶的乾花，隨處可見的乾花草，餐廳裝潢整體呈現秋天田野氣息，感覺舒服放鬆。愛吃雞翼的我們先點一份芥末蜜糖雞翼，一份六隻，雞肉軟嫩，很容易切開，連裡面也充份吸收了醬汁味道。除了芥末蜜糖，還有麻辣跟避風塘口味選擇。三級風暴薯條，這個薯條有別於一般，新鮮馬鈴薯切成S形薄片，口感實在，份量非常多而且完全不油，有三款特色自家醬：藍芝士、明太籽蟹籽和黑松露，每款都各有特色，我們特愛濃濃的藍芝士和明太籽蟹籽，風味獨特又不膩。友人想要吃蝦，所以主食點了黑松露原隻虎蝦忌廉意大利粉，意粉為扁意粉，彈牙度做得不錯，而且麵條掛汁。虎蝦味重鮮甜，配合黑松露跟各種菇菌，香氣滿溢，真的好好吃。光顧一家餐廳理由不外乎那幾種，但是現在的我們多了一個理由

見到上網好多人介紹呢間朱古力奶作為朱古力控👻當然要黎試下.位置比較難搵都搵左一段時間先見到☹️裝修工業化 幾特別.當日其實仲叫左明太子意粉🍝但太肚餓冇影相就食到意粉最有驚喜🥳🥳份量大份用料唔hea每一條都沾有明太子 好正🤤🤤🤤.而熱朱古力奶濃得黎唔會好膩好好飲❤️而凍飲一樣咁好飲2款唔係一樣味但好好飲❤️❤️