亂炒一通 (已結業)

之前聽老闆娘話石蟹好好食，就叫老闆娘攞到通知我，今日終於可以一嘗，正！清蒸，蟹味超正！！！我呢個蟹痴都未見過未食過石蟹，老闆娘咁都有路揾到，厲害👍今次有幸食到，真係要唔該老闆娘！！！再叫幾味招牌菜，鮮魚皮、西洋菜豆腐泡肉片豬潤湯、避風塘雞翼、油浸旬殼，滿足的一餐！！！避風塘雞翼夠鑊氣，送酒一流，鮮魚皮夠爽口，新鮮，食到停唔到口！！！西洋菜豆腐泡肉片豬潤湯似媽媽的家常湯，出面大多味精湯，今次真係滿足到不得了！

今天晚上諗極都諗唔到，後來blueberry 話之前有人話這間叫亂炒一通的小炒餐廳幾好食。我們就去了那裏雖然有些貴但是幾好食😋啫啫生菜oK沙薑雞不是太好吃我懷疑中式牛柳給了我一口牛，不過也好吃。魚雲新鮮整體

常來光顧，適逢冬至，預先叫老闆娘訂枱兼訂餸，一家人齊齊整整食餐飯，冬太過年，當然要有魚、蝦、雞、蚊豬肉同蠔豉髮菜。預先落order的黃皮老虎斑，出面都好難食到，老闆娘有竉路，蒸到緊熟，豉油汁同飯絕配！！！正！！！手掌咁大的海蝦，有膏又有蝦味，食2、3隻都已經好滿足，新鮮！！！再嚟上湯浸熟的新鮮雞，滑到不得了！！！老闆娘特別為我哋炆嘅家鄉腩肉蓮藕，仲正，入晒味，又要加飯，好食到停唔到口！最後有髮菜蠔豉冬菇蠔燒腩扒豆苗，正宗男人的浪漫，冬菇又滑又入味，蠔豉係半乾，有陣陣蠔香，又唔硬，好食！！！全部超大碟上枱，抵食又好食！！！多謝老闆娘用佢嘅特殊渠道幫我哋揾正嘢，亦冇因爲冬至而額外收費，非常滿足的一餐！！！

位於光輝圍一條倔頭巷, 裝潢相當簡陋, 但由於佢個名太過有霸氣,所以決定一試, 睇佢點為之叫亂炒一通!店內擺左幾張大排檔式的大圓檯, 晚飯時間客人都唔算少, 餐牌食物選擇亦不多, 諗左好耐先點左幾味餸, 真係有啲亂亂地~先嚟一碟黃金蝦, 新鮮熱辣上檯, 陣陣蛋黃味撲鼻, 大大隻的蝦, 賣相相當吸引! 蛋黃均勻包住整隻大蝦, 好味指數正正正呀!手撕雞個賣相都好吸引, 少少麻, 但略嫌冇辣, 雞肉應該唔係新鮮雞肉, 有醃製過, 但咸過頭! 青瓜夠爽脆, 用嚟中和咸味同麻感就啱啱好!蒜蓉炒芥蘭最失敗, 唔係生炒, 係先焯熟芥蘭再炒, 但芥蘭太熟, 口感好差, 而且無啦啦用生粉水打茨, 味道更怪!最簡單的一味炒菜都可以咁失色, 呢個亂炒係失敗左的。原本黃金蝦帶出了味道的頂峰…可惜俾芥蘭切底擊落, 所以原先嘅好評都變成中評了。加上伙記態度認真麻麻，極需改善。

葵興最多小炒，而它也算是當中的中堅分子。有時想去食下小炒就會諗起，因為是在光輝圍最裡面的位置；可能不是太方便。不過水準大致上也有一定的信心。食小炒不能對地方有太多要求，有冷氣乾淨已經好好。我們不太餓，點了兩個菜就睇下電視等食。涼瓜炒田雞，小時侯這兩款食物我也不會食的。但可能好像涼瓜叫半生瓜一樣吧！長了一些經驗，自然知道內涵所在。這個菜先用油泡田雞之後用豉椒炒涼瓜再把田雞回鍋再炒一會。吃上去田雞十分滑，帶上豉椒涼瓜的香味及甘苦的味道。用來配清酒及燒酒已經可以坐一晚上。脆皮豆腐，上檯已經感到熱辣辣。豆腐面加上了椒鹽，也奉上酸甜醬來吃。不過如果是我自己我不會用醬了。因為豆腐本身外脆內軟一點椒鹽已經可以帶起它的味道。加上清酒就是完美配合！但有一點不足是豆味不夠…如果可以用日本豆腐來做一定會更好。小店小炒加上酒，和朋友好好的座一下。已經是愉快的時刻。

唔知係咪即叫即炒, 一碟野要成五六十蚊係葵涌區相對普通食肆黎講算係貴,因為有同樣既質素既野食都係三四十蚊到,入正題, 我係呢間外賣左個魚香茄子同炸魷魚個好似侍應既阿姐幾鍾宜講野, 講完電話又同我講兩句又打俾第二個講電話不過都冇關係, 我叫完野等佢整完就攞走,而家等果陣出左去行, 不過我覺得佢服務都應該 OK總括黎講, 同一般既冇咩分別, 我覺得價錢就貴左 D 相對平時去同區既其他地區食

到附近的工廠區取東西，看錶已六點幾，又唔想返屋企煮飯，諗住坐低食少少嘢，二個人叫咗兩個餸。可能時間尚早，得兩枱客。海珊骨，有啲話梅味，酸酸甜甜。炸蠔餅，乾身咗啲，加上無咩胃口，不太喜歡。隔黎枱似係熟客，叫咗好多款餸菜，睇黎幾好食，有機會都會黎試多次。

總之就一肚氣...入到去叫左兩個送 一個飯生炒朱串骨 ( 好快就到, 味到ok) 焗腸 (因為我上次去佐敦間酒樓食過1,就愛上呢味送,但唔係四圍有得食,所以見到呢間有,就好想試下...點知)等左 30min 先到,佢話即焗,咁我諗好野一定要等架.... 點知. d 魚腸勁苦架, 雞旦又好硬... 根本全碟到入唔到口. 原本老公想叫老板黎換左佢 . 不過我話算啦. 一黎我地又食左幾咬,再整咪又係苦. 所以撩左兩啖旦食就全碟唔要啦~~唉...老公去找數時好心話比老板聽 "碟魚腸好苦啊", 點知老板一句sorry 到無, 仲話 " 我d魚腸洗得好乾淨,乜你咁唔好彩啊!!"激到我老公想死!!錢我又照比, 但又無乜食過....我地最唔好彩係黎左你呢間食囉!!我只覺得唔識整唔好勉強整, 間餐廳賣少一樣野唔會少左客,但整d難食既野就一定趕客!!

26號 個fd要去北京 於是去咗炒炒佢食開黃金蝦 但果日叫咗個黃金軟殼蟹+魚香茄子煲正!!黃金軟殼蟹比黃金蝦有過之而無不及香脆好味 魚香茄子煲撈飯食一流!埋單又唔貴 又有人情味

名係亂炒一通 但係實在太有水準!第一次去係放lunch 我同幾個fd抱住醫肚既心態 又吾想去m記果d~太行嘛遊下蕩下 去到一間亂炒一通 起初我個fd都問會吾會有野 見到個咁既名嘛~行到入去 真係嚇親 貼左勁多餸係度 我諗要試食哂都真係要個幾月坐低左 發覺d野食又真係吾太貴 仲好多選擇 我地第一次去 每人叫左個c餐d紅腸 午餐肉 真係有水準 雖然係罐頭食物 但係都要煎一煎 又脆口 絕對吾馬虎!之後每個星期去食 都例牌叫碟餸加常餐必食推介:黃金蝦 ( 吾食都吾知咁好食)炒蜆 (一流!)魚香茄子煲 (野味又好食又抵 送飯一流)

近來每逢經過葵涌,例必幫襯,因為佢地炒粉麵水準為附近眾多快餐及茶餐廳之冠.今午又嚟發現唔多對辦,叫咗個排骨炒麵,,貪佢D麵炸得夠脆,點知個pat汁仲多過麵,浸到淋晒,雖然唔係難食但係十分失望,平時老板娘望落個樣好兇,諗住同佢講都無用,慳番啖氣.踫啱隔籬檯話D飯好硬,老板娘立即入厨房睇吓又話同佢換過碟,估唔到又幾好服務,於是放胆向佢反映,又真係好細心聽,今時今日,咁嘅服務態度至得嘅.希望只係一時失手.

俾個名吸引至走入去試吓,環境唔使講都係地痞格局不過尚算乾淨,食過兩次都係中午時份,好多人俾個事頭婆指咗去隔咗個車房嘅鋪位,入到去原來別有洞天.巳經坐咗不少客.中午有快餐($23)同粉麵套餐($26)包餐飲,冷熱同價,比一般茶餐廳抵.快餐每日有三款,上次食咗個蒸排骨,肉質唔錯好入味,今次試吓炒粉麵,叫咗星洲米,等咗十幾分鐘至有得食,証明即叫即炒,新鮮熱辣,最好嘢係完全唔油膩,食完碟底可以無油但又炒得好香,好嘢!個老細真係改錯名,咁正點算亂炒一通.

今次寫呢個食平係因為佢已經變咗我既飯堂原因係每次去個fd 度開枱個晚餐我地一定係叫佢既外賣，雖然要比埋taxi 錢佢送上嚟不過都平過你出去食大家都知架啦坐得係張枱度又點會浪費啲時間去食飯吖，　基本上佢既餸大部份我都食過有以下心水推介　：－野菌炒雞軟骨　（野味）；海珊骨　（餸飯一流）；芥末小丸子　（有意想不到既效果）；醉雞窩　（冬天必食）；啫啫雞煲　（夠晒獲氣）；京蔥爆肥牛　（滋味）．以上都係本人去度必食既推介