亂炒一通 (已結業)

俾個名吸引至走入去試吓,環境唔使講都係地痞格局不過尚算乾淨,食過兩次都係中午時份,好多人俾個事頭婆指咗去隔咗個車房嘅鋪位,入到去原來別有洞天.巳經坐咗不少客.中午有快餐($23)同粉麵套餐($26)包餐飲,冷熱同價,比一般茶餐廳抵.快餐每日有三款,上次食咗個蒸排骨,肉質唔錯好入味,今次試吓炒粉麵,叫咗星洲米,等咗十幾分鐘至有得食,証明即叫即炒,新鮮熱辣,最好嘢係完全唔油膩,食完碟底可以無油但又炒得好香,好嘢!個老細真係改錯名,咁正點算亂炒一通.