亂炒一通 (已結業)

近來每逢經過葵涌,例必幫襯,因為佢地炒粉麵水準為附近眾多快餐及茶餐廳之冠.今午又嚟發現唔多對辦,叫咗個排骨炒麵,,貪佢D麵炸得夠脆,點知個pat汁仲多過麵,浸到淋晒,雖然唔係難食但係十分失望,平時老板娘望落個樣好兇,諗住同佢講都無用,慳番啖氣.踫啱隔籬檯話D飯好硬,老板娘立即入厨房睇吓又話同佢換過碟,估唔到又幾好服務,於是放胆向佢反映,又真係好細心聽,今時今日,咁嘅服務態度至得嘅.希望只係一時失手.