九重町日本料理 (已結業)

今日放假同男朋友去完v-city行街shopping😝佢就話都順路就帶我黎呢度食日本料理🤗🤗 餐廳門面都幾日本 掛哂燈籠幾有feel咁☺️晚市依家仲有九折 即係免左加一🤔我哋兩個人叫咗五樣嘢食＋2杯酒💁人氣嘅軟殼蟹牛油果卷果然唔錯 又足料 如果加埋紫菜做軍艦應該仲好食🤓 依家就配沙律醬冇咁漏🤔天婦羅方面我哋就揀咗炸蝦天婦羅 入邊嘅蝦肉好彈牙！即刻炸起熱辣辣超好味☺️店員都好貼心咁提我地小心熱啊👍👍 仲要咗樣燒白鱔💁 佢只係用鹽黎燒 冇調味 鍾意食鱔嘅人就可以食到啖啖白鱔嘅香味😋鍾意食刺身嘅我哋就梗係有叫刺身啊😍 見佢唔單止有普通既三文魚 仲有好多唔係間間日本料理都有嘅刺身 咁我哋就梗係食啲special啦！😍叫左款赤貝同油甘魚腩😍我第一次食赤貝😯😯原來係好甜好爽口好好食架😋🙈 男朋友推介得好😘 而個油甘魚腩就好新鮮 白色油脂既紋分佈得好靚！師傅仲係中間介左一刀 等佢香味再滲出d 好好味阿🙈🙈最尾見佢炸物做得咁出色 我哋仲加左個手羽先 即係炸雞翼😂 as expected💁都係炸得好出色 仲用咗啲七味粉調味 但又帶有少少甜 幾特別！餐廳都幾寧靜 幾適合情侶去食飯傾謁哦☺️讚一讚 間餐廳應該係有

一個人收工想食下好野 飲番杯酒relaxing下😫就係藍地搵到呢間隱密既日本餐廳✌見到佢門口仲做promotion $88任飲Asahi&Hoegaarden 都好似幾抵！不過我一個女仔就算啦 費事任飲嚇親人🙉😂所以叫左個Hoegaarden-Rose啦！其實都幾甜 好易入口 又無咩麥味 女仔好輕易就飲哂lu😝😝下次可以試埋個西柚味 兩枝應該唔醉既😏餐廳入到去就送上一個前菜 應該係蘿蔔牛脷冷盤 配酒都一流 可惜少左dd唔夠我食哈哈 見佢有個人氣推介 牛肉他他 好似幾好食咁就叫黎送酒啦🤤🤤牛肉味好濃 睇落好生 但食落又唔使驚血淋淋 掌握得岩岩好！加d炸蒜片蘿蔔蓉同生洋蔥一齊食好match好爽🤤佢個sauce就帶酸既 不過我今日飲酒所以就無點好多啦仲叫左個三文魚腩刺身 omgggg好肥美阿🤤🤤又厚切 睇佢捲落好似好細塊 🙉 但唔係講笑 我分兩啖先食哂😂最後仲叫左個牛油果炸軟殼蟹卷 $68有成六件所以唔算貴🤔 賣相都幾靚 食落反而唔係好夠牛油果味 而係重軟殻蟹味！好彩唔會話炸到乾哂 因為有d出面既餐廳炸得太乾 食完會覺得好dry🙉 呢間就做得幾好👍👍飲飽食醉又一晚😙埋單都係2百幾蚊 又飲埋酒

去屯門探完屋企人，心思思想食日本野，於是同哥哥一齊去左試新野！前菜：牛舌調味出色，配上青蔥嘅香氣，開胃一流。油甘魚($32) 劍魚($28) 三文魚($28)壽司味道不錯～油甘魚咬入口有油脂香，好正！推薦！燒秋葵($36)本身鐘意食秋葵，千祈唔好錯過呢個！燒過外皮帶有香烤香氣，味道更吸引！海膽海鮮炒飯($88)海膽份量幾多，炒飯炒得好香，入面有啲三文魚碎、魷魚等海鮮，份量足夠2-3人食。食飽飽就返屋企嚕，呢餐真係食得超滿足呢～下次約埋朋友再黎！

朋友話想食日本野，佢話佢同事介紹過一間有質素既日本餐廳，但價錢係合理，唔會成千銀一個，咁就一於陪佢試試。位置的確相當隱蔽，唔係佢同事介紹根本唔會摸入黎，因為係屋苑樓下既餐廳。地方環境都算舒服，先黎軟殼蟹牛油果卷，大大舊牛油果係壽司飯上面，加上蟹子令口感夠滑之外咬落層次豐富，而裡面既軟殼蟹就軟中帶鮮甜味，令人好開胃，係最適合既前菜。跟住係一系列既魚生刺身壽司，食得出用料係新鮮既，例如左口魚裙邊，食落帶少量魚油，質感勁滑而略帶鮮味，另外火炙松葉蟹柳食落非常鮮甜，火炙後口感就更佳，章紅魚就非常鮮甜肥美，魚鮮味原汁原味，至於壽司飯細細舊，岩晒女士既口型。鹽燒牛舌又係另一種好美味既燒物，因為牛舌本身薄薄地又夠新鮮，所以肉汁豐富，無需多餘既調味，簡單地用鹽黎燒，就可以帶出牛舌獨特既鮮味。另一樣燒物係燒雞翼，都係簡單地鹽燒，食落就知道，本身新鮮既材料真係用簡單既方法就夠好味，雞肉夠實而滑之外，雞肉汁充滿係雞肉裡面，好味。

今日一人駕車到藍地吃午餐，看到這家日本餐廳門面較大很搶眼又見到門口餐牌上的價目很大眾化，於是便內進舒舒服服享受一頓午餐。食物選擇很多，心大心細，但胃得一個，唯有選兩款人氣食品和一個主食啦。等待食物期間看到吧枱處有黑板寫著「酒客恩物」很吸睛！原來飲用清酒滿$300就送回$100搭的士的現金，古都千年的就送回$200現金，哈哈，人們可以讓人放心爛醉了！《吉列廣島蠔 $52》原來有四大件炸蠔, 金黃香脆，蠔細左甘甜，如果炸粉薄一點會更好。《牛肉他他 $88》牛肉他他外層燒過有焦香，內裡嫩紅而且有脂肪，很軟腍。配有醬油、香蔥、烤蒜片、蘿白，全部放在他他牛肉上作調味實在更使牛肉味道更出、口感更佳。《鰻魚炒飯 $76》眼看已經覺得炒飯很豐富，加入了香蔥、蛋、紅蘿蔔碎、紫菜絲和當然有鰻魚肉，鰻魚肉大粒而且厚身。米飯用上日本珍珠米，炒得有油光而且粒粒分明有口感，加入了的鰻魚燒汁份量剛好不會太膩，很惹味。

朋友住屯門藍地，剛巧我今日入嶺南大學辦點事，就在他的家附近，於是便約他來個午餐聚。本身我只打算去茶餐廳，但他卻很有心的帶我去吃好東西！這間日本料理中午時段來客不斷，感覺不錯。裝潢木系簡潔乾淨，有日式酒廚師吧枱位。餐牌清晰易明。餐廳原來還有「狂歡祭」- 晚上6點後$88任飲1.5小時，吸引吸引！《軟殼蟹牛油果卷 $68》份量比預期中大，每卷都大件。壽司飯厚度適中不會過厚，軟殼蟹大隻，長到伸出卷外，而且不只皮殼，還很吃出之中的蟹肉，配上牛油果令整體膩感減低。《燒白鱔 $68》白鱔不是很厚得那款，但外層燒得香脆沒有燒焦，火喉剛好，而肉質很爽口，咀嚼下有魚脂香和肉汁，不用蘸醬油和鹽更很嚐原味。《野菜牛肉鍋 $68》牛肉大片而且半生熟，不韌有牛肉味。湯底清甜配有大量蔬果，很有平衡感，還有豆腐和日式䈮篛麵。麵的口感彈牙而且很吸湯汁，浸著湯會變得入味。《冰幻士多啤梨 $26》低部有爆珠又有士多啤梨蓉，拌勻後味道變濃但不會太甜。服務：有禮，但如果店員懂得主動送上水/茶 和添茶，那就更有日式的貼心了。

搵食去到屯門藍地，小妹真係第一次去，原來好多小店餐廳，真係大鄉里。多謝兄弟揸車黎到@九重町日本料理食好野。環境夠大好寬敞，泊車方便，Staff 推介$138足兩板新鮮海膽，仲即場將海膽放上壽司飯到變身海膽軍艦，影相真係一流！夠新鮮鮮甜！比起出邊好多貴過佢嘅日本菜真係抵同夠新鮮！另一推介，我同兄弟都讚不絕口，小妹最愛牛，$88牛肉他他認真好食！唔會有腥味，加上秘製醬料10個好食！食牛人士必點！大食嘅我地加追多款壽司都唔夠喉，加碼叫埋海膽海鮮炒飯，夠哂熱辣，飯粒炒得好有咬口總括所有野都好新鮮！價錢中等，配合環境同好好嘅服務態度，值得一去。如果唔揸車， 搭輕鐵去到兆康站行過去都好方便

有日同朋友傾起，想去屯門藍地果邊搵食。點知一路睇唔啱，行下行下就晃到九重町門口，見佢入面幾乎爆滿，等左陣就有位入得！沙律嘅魚生好新鮮，配埋洋蔥片同微酸嘅汁，好清爽好開胃！火灸左口魚裙邊($36)味道比我預期中一般，不算太特出。天婦羅盛($78)炸得好香脆！而且入面仲keep住好熱，應該係即叫即炸。本身唔太喜好天婦羅嘅我都食左幾件😋海鮮鍋($76)湯底非常鮮甜！雖然海鮮有大蝦同青口，配搭埋啲菇菌同蔬菜，即刻令到個湯底鮮甜無比，好正！好值得讚嘅係呢度侍應服務態度幾好，有時諗唔到食咩都會細心為我地推介。其實久唔久試下新餐廳都幾過癮，因為總係會帶黎驚喜！

好耐無食過刺身壽司了，興起，尋找世外桃園，未試過去到咁遠都有睇得下嘅刺生，壽司食第一次過黎呢邊，好有新鮮感，原來呢度有一條叫藍地大街，感覺就好似長洲的小街道一樣，兩邊有一些小店，感覺親切，可以自己有一間小店，做自己喜歡的事，真好。行到街尾之後轉左手邊就到。 一坐底，就有每人一少個前菜。係獅子狗物體，面有點沙律醬同蝦子，整體口感都不錯。不過原來已經無曬個海膽推廣，有點失望所以叫左個雜錦魚生飯，原本諗會係碎嘅魚生，點知來到個樣又不錯不過呢個價錢$168都應該唔失禮嘅。三文魚係最新鮮，其他魚生都不錯，海膽帶有一點甘苦味，整體size都不算大。不過係咁遠地方呢個質素都算係咁。

今日個朋友話帶我去間好正既日本野, 本身我都信半疑, 咁就去試下啦去到可能因為我地早去到, 吾駛等位, 直接入去就有得坐低壽司刺身好新鮮, 火炙壽司勁正, 小小暖, 油脂經過火燒份外濃郁, 非常惹味軟殼蟹太卷亦係即叫即做, 軟殼蟹十分香脆, 而且配合上飛魚子同埋沙津醬, 食落口十分滿足, 而且價錢吾算太貴, 絕對係好味飽肚之選最後想推介既係土佐豆腐, 酥炸豆腐加上甜酸醬汁十分開胃, 而且上面加上木魚絲, 另整個豆腐味道變得更加濃郁, 更有鮮味

今日假日同朋友一齊去藍地水塘行山。路經藍地大街，見到有間日本料理 好似都唔錯。lunch仲免收加一，所以行山之前就去食餐好既，獎勵下自己等陣做運動先！ 😂😂-見佢有個壽司set,都幾吸引。但又想食其他款既壽司。所以最後都決定左散叫，叫自己想食既壽司！未上菜，先給我們一碟前菜，開開胃！😋-好豐富既壽司來了！哇！啲質素幾好，幾大塊既刺身。而舊飯亦唔會話好大舊，大細適中！👍魚生既質素好過d連鎖壽司店！！睇得出係新鮮肥美。唔會話俾d好瘦既位俾客人食。叫左《三文魚、帶子 、油甘魚 、赤座蝦 、蟹子軍艦 、火灸左口魚》壽司。🍱真係唔錯！！好欣賞餐廳既壽司！👍-另外叫左人氣 🐮牛肉他他.賣相好靚。望落好似好生咁。但食落去岩岩好，肉質好嫩。牛肉薄切，好有牛味。更配有 炸蒜片俾我地包住塊牛肉食😍。更加惹味！-玉子蛋卷🍳睇落個蛋卷好滑。四四方方咁。玉子通常食落都係甜甜地。呢個反而唔會，係平時食開既蛋味。這反而更好，更岩香港人口味！😋😋-吉列炸蠔！炸到外表金黃色。唔錯。隻蠔都幾大隻。唔係普通細細粒既蠔。食落好有蠔味。而外皮炸得好脆，炸得幾好食。點埋沙律醬更好味！👍👍-呢間餐廳d質素真係好味過好多間d日本餐

喺屯門打滾左咁幾年，都冇見過一啲似樣嘅本地日本餐廳，經朋友推介之下，發現屯門竟然有一間隱世嘅小店。所以一早就book定位。六點鐘去到已經有幾台食客係到，店內環境不錯，座位寬敞。幾適合傾計交談。坐低左之後店員放低左餐前小食，之後我就點了以下食品：特上壽司：（八件）人氣：$168三文魚、油金魚、日本深海池魚王、章紅魚、帶子、日本本鮪、赤座蝦、蟹子。見見魚生都十分之新鮮，好鮮甜，唔會有筋位。但略嫌它的飯比較細舊，如大舊點就比較好。秋刀魚： $48燒得剛好，外脆內嫩。點埋醬汁加蘿蔔蓉酸酸地甘好開胃。建議早點到或者預早book位，因為都好full下坐左一陣已經。

今日要入到好遠既屯門去朋友屋企玩😀去到屯門再轉輕鐵 藍地，等朋友帶我路。朋友話帶我去食一間好好味既日本餐廳 😊😊九重町 日本料理 😉話街坊仲可以有折頭添！坐底左，已上一份小前菜我地吃。都幾好味，有啲牛肉絲，瓜。叫左碟 三文魚腩 刺身！！😍😍好正。好肥美。仲要係厚切黎。放入口，三文魚好鮮甜。d魚油脂浸出黎。好似食緊 拖羅個種入口即溶既感覺。估唔到呢間餐廳既刺身質素可以咁好！仲未叫左炸日本廣島蠔 😋😋個籃好特別！!最鐘意有埋張吸油紙，可以吸下d油。咁無咁邪惡😂😂個炸蠔 熱辣辣，炸得好靚。炸得好脆 👍個蠔咬落口，好重既蠔味！😀正！另外仲叫左個 豚肉鍋！🐽🐽都幾大個鍋。都好多料喎！有幾種唔同款既蔬菜，豆腐，冬茹，金菇。湯底好濃味。d蔬菜吸收哂d湯！好入味！仲有泡菜係入面。飲落個湯有少少辣味，好開胃！豚肉都好味，唔會話好韌！🐷最鐘意既就係 仲有粗粉絲係入面呀！！😍😍好正！粗粉絲吸唒d湯，食落好好味。如果粉絲可以再多d就好 😁😁估唔到呢間餐廳 d野食可以咁好味！ 😋

難得放假，攜著寶寶和和舅父一齊外出用膳。舅父提議去藍地，沿著藍地大街前行，走到盡頭見到豫豐花園，周邊一帶都有不少食肆，這次就選了九重町日本料理。餐廳寬敞舒適，即使擺放了BB 車也不覺擠迫。先來前菜是豆腐漬物來的，豆腐非常鮮甜，越食越開胃。鰻魚壽司/三文魚腩壽司鰻魚燒得十分鮮味，三文魚腩很新鮮，很有油旨香。天婦羅蕎麥麵最欣賞天婦羅炸蝦，炸得香脆之餘，蝦肉爽口彈牙。海膽海鮮炒飯真材實料，飯炒得很香，上面有很多海膽，海膽味濃郁。

聖誕訂枱有7折優惠，wall in就8折，等我又食下先今次有前菜送，驚喜，係每人一件吉列牛柳粒，可惜已經凍晒同好乾，又未至於咬唔開，食落都有牛味，感謝呢個小驚喜先食沙律，雖然份量少，但好多蟹籽同醬，青瓜好爽冇出水三文魚刺身仍然一貫厚實鮮味，真係唔食唔得表妹好鍾意食火灸左口魚壽司，所以叫左兩次，燒完真係好香，啲油分滲落飯就更好食，我冇食花之戀，但試左玉子燒，覺得外層太硬，可能煮嘅時間掌握得唔太好，但味道唔錯嘅今日最精彩嘅九重卷上場，卷面鋪有海膽同三文魚籽，卷內有滿滿刺身配菜，真係好好食，強烈推薦！再來熱食，蒜香牛粒粒，唔好以為細細碟，其實好多牛肉，炸蒜片好香好惹味，牛肉又淋又入味，好好食！最後都係要叫個牛肉鍋，好多配菜，湯底清甜，但如果葛粉份量多少少就好，因為真係得好少唔夠搶呢⋯⋯可能大家睇餐牌時會覺得價錢偏貴，但其實份量、質素都物有所值，與其去市中心排幾百張飛食啲冇味冇品質嘅迴轉壽司，我真心建議你地黎九重町試下！