九重町日本料理 (已結業)

一直都唔知屋企附近有有呢間日本餐廳今日有機會一試期間限定（唔知做到幾耐）$138 兩板海膽唔會呃你⋯因為佢真係成板擺上枱然後係你面前整上壽司飯到😍😍每一啖都好滿足⋯好甜好美味，岩晒我呢個海膽控叫左幾款壽司同刺身都食得出佢哋用料好新鮮劍魚同三文魚腩我都好推介因為今次係同屋企人生日提早打左去問佢地唔收切餅費愈黎愈少餐廳唔收切餅費佢地重好有禮貌咁同我講可以提早黎擺低比佢地雪住～好欣賞佢地既服務咁我先比到屋企人小驚喜呢

朋友介紹有間新開的日本料理餐廳在屯門藍地，佢話聽人講呢度啲食材係新鮮運到, 總之係日本料理的話，我朋友都好鍾意去食， 於是佢拉咗我去九重町日本料理食店食午餐。野菜牛肉鍋，火鍋熱嘅時候放啲牛肉落去滾，唔使幾分鐘就已經熟咗牛肉好鮮味，再加埋其他菜成個湯底變得好鮮味，又加左粉絲底，食落去粉絲又香又滑。西京燒銀雪魚，燒銀雪魚望落去個賣相好靚呀，銀鱈魚個面同埋入面都好香好滑，似食緊花膠般，我就唔想添加其他醬油，想原汁原味食佢。

去到屯門藍地一帶位置，見到市集街市有好多野買，好似空氣都清新D， 去左九重町日本料理食午餐， 店內見到裝修得幾靚有日本風情，擺設上都有日本味，佢哋最主打係新鮮海膽、刺身、三文魚、壽司、火鍋...軟殼蟹牛油果卷，見到軟殼蟹卷一頭一味突出的軟腳蟹做型好靚，食落口牛油果味好重，軟腳蟹好新鮮，羊鞍扒，燒到外脆認真好香口，羊扒咬落去中間肉好口好香、扒肉近骨嘅位置特別香有燒烤的感覺，再用上佢嘅特製的醬，沒有羊扒酥嘅味。飲左冰幻芒果, 同冰幻藍莓很清爽。

和男朋友下班，想到臨近2017年快完結和特意希望慶祝2017收爐，便和男朋友在家附近找了一間日本料理餐廳慶祝一番。 走入餐廳，不得不讚服務員殷勤和誠懇的招待，想不到，在日本料理小店也有這樣好的服務。安頓後，服務員先送上餐前小食，是用牛肉製成醬汁的蘿蔔小食，十分美味。服務員還特意向我們解釋食物選擇，十分細心。 看過餐牌和聽過服務員的介紹後，我們沒有理由不點足兩板海膽份量的海膽壽司，十分期待，我們也點了豚肉壽喜燒。 足兩板海膽份量的海膽壽司來了!!!滿滿的也是海膽，不用多說，食左先講！滿滿的海膽放在口中，是新鮮的！是鮮甜的！是土豪的！文字形容不了我的滿足！ 剛吃完大滿足的海膽壽司，豚肉壽喜燒也來了。我們選了牛乳湯底，二人份量也是十分多的。幸好我們點的食物不多！(我們可不要浪費食物唷！) 豆腐湯很滑，蔬菜和豚肉部份也是很新鮮的，很美味。綜合來說，所有食物都充滿驚喜，絕對是大滿足的一個晚上！

呢日去左朋友喺屯門既村屋玩，玩到夜晚主人家帶路食餐好，估唔到呢條咁偏遠既村都有幾多食肆，朋友就帶左我地食最愛既日本菜！我地6點就黎到，所以唔洗等位就入得。餐廳環境好靚，好有日本風，有舒適既感覺。好欣賞呢度所有店員既服務態度都超好，唔單止十分親切有禮，仲非常殷勤細心，效率又高，值得一讚！呢晚天氣極凍，我地一坐低，店員已經九秒九倒熱茶畀我地，真貼心。而且仲有個小前菜畀我地食住先，個蘿蔔好清甜，上面仲淋左啲牛肉碎同醬汁，好惹味又開胃！見到有個每日限定足2板海膽只係$138！即刻嗌黎食，點完冇耐店員已即刻上枱，仲先畀兩板海膽我地睇睇，證明真材實料，然後店員就喺我地面前親自動手將板上海膽好小心翼翼咁逐少逐少鏟去壽司飯上，啲海膽份量非常多，可以用澎湃黎形容！！海膽完全覆蓋舊飯，食落口感好豐富，成口充斥住海膽既感覺真係好滿足，而且海膽味鮮甜，呢個價錢真係好超值！！壽司都做得好精美，火炙三文魚腩壽司好肥美又肉嫩，燒得岩岩好，充滿啖啖油香。火炙左口裙邊好爽滑，好好味！天氣凍最岩食個暖笠笠既鍋，呢個牛乳湯底既豚肉壽喜燒份量好多，配料豐富，連粉絲都有，牛乳湯好香滑，落左大量菜同豆腐後好有野菜同豆味，非常濃郁

放假一定逃離市區，約下朋友影相、行下。晚飯當然就要食好D獎勵自己啦！九重町一聽就知係食日本餐啦！有壽司、有刺身、所有日本菜都有齊。餐廳有Bar枱可以睇到師父切魚生刺身，好有日本餐廳嘅風格。亦掛有日本菜單，清楚睇到晒有咩食。點了份玉子燒。玉子非常滑，而且亦好厚身。平時一份玉子燒可能會散晒，但呢度每件大細都一致，而且配搭埋蘿蔔粒一齊食，好夾好特別。另一樣就是牛肉他他。牛肉他他是燒了半熟的牛肉。邊邊好有燒肉味，而中間的牛肉都是半熟的，所以很有咬口、口感。最後就是海膽炒飯了。有肉粒、三文魚肉，當然有主角海膽。雖然海膽份量不多，不過勝在好食！真係一流呀！

天寒地凍最岩就係想食暖笠笠嘅野，除左火鍋又想食其他就一於試下壽喜燒啦！餐廳位於屯門藍地，對於揸車嘅朋友嚟講非常方便，因為門口都有位可以停車。店內環境整潔，而且都好寬敞。一於試下牛乳湯底嘅壽喜燒啦！店員推介牛乳湯底好有奶味，唔會太濃味，而且都好滑。除左牛乳，仲有豉油、蕃茄薯仔、昆布湯底。壽喜燒份量唔細，可以兩至三人食。有粉絲、烏冬、豆腐、菜、蔥等。既有蔬菜，亦有殿粉質，絕對夠飽！而壽喜燒嘅肉亦有牛肉、豚肉等選擇。豚肉非常令，肥瘦參半，紋理清晰。由於牛乳湯底滾滾下就會起泡，所以不宜太大火。食完豚肉湯底會有肉味，咁就最岩食烏冬、粉絲啦！湯底仲可以飲，絕對唔會浪費。

朋友搬左屋，搬到去屯門，今日去朋友屋企housewarming ，上完佢屋企，之後緊係一齊食埋飯先走，就去左朋友屋企附近既日式料理食。環境相當不俗，所有椅都有咕𠱸，坐得好舒適，而且服務一流，每個職員都好有禮貌，亦都好有耐性咁講解，感覺很好。每日都會有日本新鮮到既刺身，而家冬天，亦都有壽喜燒，有牛肉、豚肉、龍蝦同長腳蟹，款式種類都有好多。小食連呢一個免費小食都非常之好味，混入海哲、波菜、雞絲，有好香既麻油味，非常好食牛油果軟殼蟹卷外層放在牛油果，上面加上蟹籽，牛油果又香又滑，加上蟹籽，好有口感，軟殼蟹炸得非常酥脆，連個壽司飯既味道都係恰到好處，呢件牛油果軟殼蟹卷非常出色酥炸牛篣絲牛篣非常受日本人歡迎，因為牛蒡係非常有益同養生既食材，但通常都係煲湯，沖茶等，但呢個牛蒡絲用酥炸製作，非常好食，炸到脆卜卜，好似薯片咁脆，估唔到呢個牛篣絲可以咁好食，正鹽燒雞翼呢個鹽燒雞翼燒得非常脆，但又唔會好乾，咬落仲覺得有d雞汁，而且海鹽可以提升雞既味道，值得點呢個菜完全估唔到屯門會有如此高質既日式料理，而且價錢合理，服務一流，環境舒適，好羨慕朋友住喺呢間餐廳附近呢~

住左年幾屯門. 藍地我真係第一次踏足因為有$200coupon 所以黎試下呢間日本野本身打去時聽電話嘅負責人態度都好好搭輕鐵行去都需要8-10分鐘見到門面同入到店鋪.覺得環境都唔錯坐底後侍應先比前菜. 前菜基本都係菇同蔬菜點左牛油果軟殼蟹卷. 個餡有蟹柳青瓜同軟殼蟹. 面頭再有蟹子 牛油果同沙律醬. 入口好Match呢個確係要推薦下再點左牛肉鍋. 有6-7舊牛肉. 菜都好入味. 湯唔會好味精. 呢個ok!再點左鰻魚壽司. 牛肉烏冬. 味道都唔錯！後來再追加雞翼同玉子蛋卷雞翼燒到個皮卜卜脆同仲好juicy . 加埋個檸檬汁無得頂. 反而蛋卷一般. 無咩特別總體黎講味道都中上. 最抵讚嘅係服務態度.侍應會不停留意洗唔洗加水. 同語氣都好好. 不過始終地點偏遠問題. 感覺比較會做多d街坊生意. 其實都想多多支持呢種有heart嘅小店！

近日到過一間位於屯門藍地偏遠小店，小店是日本料理店，出品都甚有質素。裝修好有大和風，位偏遠寧靜街旁，甚有小城風味。跟友人點了炸蝦天婦羅、野菜牛肉鍋、牛油果軟殼蟹和赤貝壽司。野菜牛肉鍋的牛肉好鮮嫩，香濃牛味加上清新的麵豉湯底，配上蔬菜和金菇甚有農家風味，還有一隻生雞蛋，讓滾熱的麵豉湯淥至幾成熟，滑溜好吃，清新又健康。炸蝦天婦羅的粉漿不算太厚，吃時外皮鬆脆入面的蝦肉好爽好鮮，好吃！另外，牛油果軟殼蟹卷，材料十足，外面洒上蟹籽和入面的軟殼蟹和香軟牛油果，口感甚有層次，好好吃的卷物，看來是這店的招牌菜。赤貝壽司，赤貝好新鮮，壽司飯是手握的，不鬆散會特別好吃。小店出品份外稱心，誠意之作！

走到來藍地度搵嘢食，原本對呢度冇乜認識嘅我，行行吓發現到呢間裝修好新嘅日式餐廳，呢間九重町日本料理入到去已經好有feel，仲有counter坐可以望住壽司師傅即叫即整望上邊仲有個板寫住有乜嘢時令嘅海鮮，有幾種都係平時唔常見嘅魚最勁嘅就係原條做緊半價，如果成班人你黎食叫番一兩條都幾抵架。不過同朋友兩個人就食唔到咁多啦～ 一坐低就有個小食做頭盤，感覺好貼心。第一樣叫嘅就係唔同嘅壽司啦，有我最鍾意食嘅劍魚腩，油甘魚燒三文魚價錢合理而且壽司上面塊魚好大嚿，好新鮮。搞到食完一碟之後仲要再encore多兩舊劍魚腩添之後仲叫咗個幾特別嘅牛油果軟殻蟹卷，牛油果同埋蟹子真係好夾仲要好大舊蟹好好食。之後就到主菜啦我叫咗呢個泡菜豬肉鍋，天氣凍凍地最啱食返啲熱辣辣嘅嘢，加埋少少泡菜刺激下，其他仲有牛肉鍋海鮮鍋等等。最啱冬天去食~~跟住仲有我最鍾意食嘅銀雪魚西京燒去親食日本野都一定要點，果然冇令我失望，滑滑嘅鱈魚配上配上甜甜地嘅面鼓汁，真係食多幾多塊都得啊！最後仲叫咗個鰻魚炒飯，黎嘅時候先發現原來好多枱都叫咗真係冇揀錯啊，甜甜嘅飯配上超多嘅鰻魚粒真係好正。總括嚟講竟然喺屯門呢度比我搵到一間咁正宗嘅日式餐廳，價錢

今日同朋友去左屯門，係藍地果邊食左一間日本料理店名為九重町。鋪面好大，坐位好舒適，擺設亦相當靚，我地揀左個舒服嘅位就坐低左。餐牌有各式各樣嘅選擇，有2件壽司嘅選擇，亦有一碟壽司，有壽司飯，亦有好多款式嘅小食，炸物，沙律等等。我揀左特上壽司8件， 包括有三文魚，油金，日本深海池魚王，章紅魚，蟹子，帶子，日本本鮪，赤座蝦。 每件壽司嘅飯量都好少，但刺身就好大件鋪係細細嘅飯上面，我首先食刺身魚壽司，所有嘅魚類都好滋味，好肥美，食落成口都魚類嘅精華！然後就係帶子同赤座蝦，啖啖肉，好鮮甜，有咬感，正！我留番蟹子最後食，卜卜脆，好juicy!我仲叫左松葉蟹腳壽司，好靚好想食呢！真係無揀錯，好吸引，好大一條蟹腳，鮮同甜一齊溶入口中，好有滿足感！我對呢餐都幾滿意！

食左個豬肉烏冬定食（午餐），大概六十蚊，烏冬唔係其他留言所講「應該係人手拉，令人讚嘆...」咁，事實只係似凍肉鋪買嘅急凍烏冬。豬肉太肥太多油，朋友食嘅燒雞都ok,不過份量少，都係太多油。個廚房係開放式，冇特別裝修，唔明有咩必要做開放式。啲廚師係度大聲播放MK廣東歌，完全同日本餐廳格格不入。感覺似去左東莞咁。但係如果住附近，唔想出街，對日本菜冇要求，唔介60 -80蚊食個午餐，可以當食下。不過就絕對唔係其他留言所講咩隱世日本餐廳囉。太多打手留言，所以比負評平衡下。

住了屯門快30年，屯門大多的餐廳都試過，最近買了車，更加週圍去。之前藍地間油站關了，最近又開翻，所以拿拿聲又去入，入完上openrice搵附近有咩吃，就找到這間店子醫肚。門口掛上大紅日本燈籠，裝修一貫日本FEEL，感覺好舒適。牛油果軟殼蟹，上面有卡卡脆的蟹籽，還有香軟的牛油果，卷內的鮮美又炸香的軟殼蟹和鋪在上面的沙律醬，層次好豐富，這個卷物好好味。還有花之戀，三文魚新鮮，中間醬汁恰好，太多反而不太膩。炸蟹天婦羅，粉漿夠薄夠脆，蝦亦新鮮夠爽彈，天婦羅水準甚好。最愛的海膽來了，最期待！海膽來貨夠新鮮，完全無腥味，只嚐到一份鮮甜甘美，在口腔良久未退的滋味，只是$188，真係超值。赤貝壽司也好味，赤貝好鮮，壽司飯手握夠實，不錯。這間店食材新鮮，到幾抵食。

今次同朋友去左位於屯門區日本料理餐廳［九重町日本料理］🇯🇵餐前小食-茶碗蒸我地一共叫左3樣野，分別係：1.雜錦魚生飯-$168魚生飯用料十足，有成8款刺身🐠：三文魚、油甘魚、帆立貝、吞帶魚、劍魚腩、鯛魚、大甜蝦&海膽、全部都係好厚身好新鮮2.海鮮鍋-$76見天氣涼涼地，就叫左個火鍋暖一暖身，火鍋材料非常豐富，有蝦、青口、蠔同三文魚，另外仲有日本粉絲，大蔥、金菇，青菜等，食完個人暖立立✨3.燒日本蕃薯-$28細細粒既日本燒蕃薯🍠，好香甜軟滑，不禁令人一口接一口☺️餐廳既服務好周度，細心侍應時不時有為我們添加茶水👍🏻另外餐廳仲有不同種類嘅鮮魚刺身，全部都係秋冬限定，即叫即劏，而且仲有原條和半條的選擇☺️