九記牛腩

营业中

休息中

今日去完對面勝香園食再去九記拎走淨勾腩~~啞半肥瘦~~一絕的~~試過唔使食其他鋪既牛腩今次個阿姐出奇地好聲氣我問點解無爽腩次次黎親都無既佢就話~識貨喎不過爽腩要8點到先有~咁早未咁快有的~下次你黎之前~~打個電話過黎~~我留返碗比你~~~我第一次見九記既阿姐咁好招呼~因為佢出晒名一流食物質素，九流服務態度哈哈~~有點兒受寵若驚呢

星期六同文迪去中環食九記,it is very hot, wait outside for a few minutes for seats. Since I am a lover of 腩河, of course my choices are as below:1.腩河:9分, very good 腩河, 湯好好2.油菜:6分,文迪loves菜, so orders this side-dish.It is worth to travel all the way to here to try 九記.

食左九記足足廿年，我平均每五次食到三次爽腩，有幾難？工作突然忙碌起來，飯局也得延期，二時多才鬆一點，將工作交帶低給同事們，就去吃東西。諗起好耐無吃九記，又諗起好多人話這裡落味精，更諗起個個都話食唔到爽腩，就等我來試試。兩點半，人客不多。是日不想吃得太油膩，沒有叫伊麵，而叫了碗爽腩米，佢話米粉咁早﹝早！？﹞未有，就叫了爽腩麵，仲叫佢搭兩舊半肥腩。麵上檯，賣相不變，牛腩幾多﹝有相睇﹞，亦如交帶般，有爽腩有半肥腩。先渴湯，味濃鮮甜，充滿「牛」味，其實這碗牛肉濃湯，幾蚊點都值。有食友渴完湯見口渴，就說是味精，但人家幾十斤牛骨熬了大半天，下味精來幹什麼？又鹹味、濃湯及味精都會引致口渴，但就是三碼子的事，不能一口渴就說有味精的；爽腩及半肥腩都好對辦，爽腩爽脆有口感，旁邊的牛腩也軟腍，半肥腩有舊肥美的牛油，酥香可口，簡直是人間美味，當然你怕肥，是不敢去吃的，損失幾大；粗麵是配角中的配角，仍沒有鹼水味。沒有撻朵﹝亦好少需要咁做﹞，這裡爽腩有就比，沒有就說沒有，是規距，吃不到的話，下次再來試吧！不過我就時時吃到，如果下次吃不到爽腩，叫碗半肥腩也是極品。至於服務，好多人說這裡的伙記串，我就說，佢幾串得起，

21/05/2005因為有朋友由外國回港, 朋友想念九記牛腩0既味道(我又有一排無去), 於是就一齊再去食.當日係星期六, 放0左工朋友就接我一齊去, 依然多人等位, 成條人龍排0左響度. 講真晒住等都幾係野, 但係為0左食久違0既牛腩, 無奈晒住都要等. 好在都唔係等0左好耐(幾個字倒)就有位.一坐落就要爽腩粗(果日無啦啦想食粗麵...), 點知無爽腩, 有d失望... 好, 牛腩都殺... 兩位男孩子朋友食量較大, 一人要0左一碗清湯腩伊同咖哩腩伊. 牛腩依然入味, 湯底依然香濃美味, 真係好正... 我見朋友0既咖哩腩伊都好似幾吸引, 有機會等我都試下.由於我朋友0既咖哩腩伊上0左先, 佢地唔想食0左味濃0既咖哩腩伊後再食味較淡0既清湯腩伊, 所以等清湯腩伊0黎0左, 拿拿聲食埋先食咖哩腩伊. 其時兩碗咖哩腩伊經已略擱涼兼索0左d湯, 變0左唔夠熱又唔夠湯, 有位女士(未知係咪老闆娘呢)即刻奉上免費熱湯底一碗倒返落兩碗咖哩腩伊度, 埋單真係無收到我地錢, 真係抵讚.見到有食評話覺得湯底有味精. 就我當日食到同多年以來0既經驗, 佢呢個湯底我認為係無落味精. 食完覺得有d口渴多數

我好肯定佢無落味精~~所以佢做到無落又咁足味因為佢用左幾十斤牛骨去au的~我睇過佢廚房~~~好多好多牛骨你食腩伊，一定要咖哩汁先好味~如果係食清湯，咁就一定食河粉如果唔係咁match你就可能食唔到九記精萃~

返左工半年....係公司附近食飯食到悶....於是問下同事有乜好介紹...佢\地第一時間介紹我去食九記....位置黎講我覺得唔係太易搵到....行左三個字上到去....同事話呢間野牛腩好正....更係話要牛腩....見有伊麪.....就腩伊啦.......由於都幾多人....所以攞走.....返到公司睇,牛腩同伊麪份量算可以...唔係太肚餓都夠既......味道.....唔可以話好好味.....唯一可取既係夠淋.......麪都唔差........總括黎講合格啦

上湯伊麵13蚊, Beibay叫了咖哩牛筋腩伊麵23蚊. (咁樣我就可以食到D筋但湯又唔會傑撻撻) 伊麵係最正0既... 可能係佢D牛腩唔係好似我初時食咁,舊舊都容易咬啦.但D筋好入味,好爽,Lim Lim 0地好好味. 星期六下晝去唔係好多人, (起碼冇人0係出面排隊), 所以佢地0既節奏冇平日扯到恆, 咁就食得舒服D啦.一定會再o黎, 因為我同Beibay都鍾意食!!!

今日我和妹妹一起去九記，我叫左牛腩伊麪，妹妹叫了牛腩粗。食落發覺不是想像中咁好食。ｄ　湯好咸，好似落左好多味精咁。牛腩亦只是一般，不太有牛味。不過伊麪很爽口，值得一試。

去過九記幾次,一就太多人,一就未開.終於今次食到.中午來不用太早但亦不可太遲.出名就是如此.牛腩確出色.湯亦好味.加上粗麵, 味道一流.我prefer 清湯腩rather than 咖喱牛筋腩.但其實兩者都應一試.服務唔多好,但好efficient.當然環境就....

雖然係唔掂d服務但係無計啦~~我又荃灣去到上環都係想食佢既清湯腩~~~好好味道~食完唔會口喝~無味精~最衰佢無爽楠淨係留比d熟客~~不過太好味加多碗牛骨湯~~

呢度我由細食到大,除0左呢度0既牛腩之外, 響第處我係唔食牛腩0既(我媽同男友都話我寸...)講真, 講寸點夠九記寸, 做到根本唔憂做, 我記得佢以前過年係一休就休好多日, 正月前後隨時摸門釘, 家下唔知仲係咪咁.講返食物, 我覺得d湯真係好正, 係成碗麵0既靈魂. 牛腩我就鍾意爽腩, 因為喜歡佢0既口感.爽腩我會喜歡配麵或者河粉, 多年來一直無變.

21蚊碗牛腩粗麵。唔貴，好食。但係又唔係好到要慕名而來。我認為九記現象解釋係其他地方牛腩麵太唔好食而矣。重有阿姐個手指公浸1cm入碗麵度，真係...。

今日食過，坑腩的確唔差，肉味夠又唔會韌。湯方面，第一啖飲就覺得油，但飲完口唔會太乾，而且牛肉味好濃。服務方面，又唔覺差喎，好快又細心。

次次都係清湯腩,早幾日放工帶同事試下咖喱牛筋腩粗,真係好杰,唔多似有湯,牛筋腩好淋,但個人認為過淋,少左咬口,食完都係個句~~~口好乾,下次唔會再試

大家講到九記咁掂, 既然佢身為牛腩的market leader, 為食如我梗係要試下佢咩料。唔搵唔講, 一搵真係把幾火…僻得佢…入面好細, 一定要share檯坐, 我覺得acceptable。有一點幾好, 就係佢地雖然d野食好油, 但係d 筷子匙羹好乾爽。係囉, 咁先keep到人唻架嘛。叫左碗肥腩米, 想食爽腩河, 但係又冇爽腩又冇河, 唯有屈就一下。呀姐問我怕唔怕肥, 我不嬲都冇有怕。唔肥搵鬼食咩! 估唔到佢真係俾曬d肥我, 肉好似得2舊…係我的錯…見到人地果碗咁靚仔真係有少少恨…個碗好細, 但係要成21蚊。出名真係唔同! 仲有係冇咩湯嘅。一人叫多碗小小的湯都要5蚊?!但係d湯都係ok…帶甜…好似有d雜味…唔知係msg定係魚呢…不過我飲完唔口乾啦…但係我大埔群記d湯味牛d囉…至於牛牛, 佢地真係幾好食。所以我果2舊牛都當寶物咁食。唔…好腍~下次記住走油。都唔知佢點走油呢? 又有d咩分別呢?