九記牛腩

营业中

休息中

幫襯左九記大大話話都超過二十年, 真係由細食到大, 味道依舊一流, 服務態度依舊的差, 變了的只是入左舖, 多了湯匙供應, 和價錢沒停的上升.但係大家食牛腩粉麵之餘, 記得叫多杯凍奶茶或凍檸茶飲, 絕對是水準之上, 個人覺得仲好飲過好多出名飲奶茶既茶餐廳.

本以為好出名，第一次食都OK! 但到第二次已經唔掂啦，因為啲牛腩粗好重味精，啲牛腩太腍好似食豬展咁。食完非常非常口乾及頭痛。之後已經唔想再去了。

去完王府,特意留肚黎呢度,order左爽腩,$50一小碗,爽腩的確幾爽幾入味,湯亦十分濃但略偏咸,很多人叫淨麵/米加爽腩;但個人認為吾值呢個價錢,而且service又吾系好!d waiter叫幾次先埋黎!

第一次光顧是兩年前的事, 之後又去過5~6次.講番第一次的震憾, 叫個清湯腩河..呷一口湯, 好香甜, 牛腩夠諗又好"牛", 起碼唔似出面d牛腩咁, 咬到牙較都軟哂...由於見到好多人食咖哩腩E面, 第二次就試下, 基本上水準係好高, 咖喱都好香, 但係就無左"牛"味!至於服務我覺得幾好, 唔差~食完九記的牛腩, 唔想吃其他店的!!

去過九記都有好十次,覺得佢的牛爽腩最好味,不過價錢略貴,一客要40多元.而且唔係任何時候都供應,聽食客說通常一開鋪不久便沽清...有點兒誇張.我同我男友每次去到都會食清湯牛腩伊,有時會貪得意再叫一碗咖哩牛腩伊,但每次都食到極飽, 太辛苦自己個肚.九記經常要等位, 但客人要等位的時間唔長,都算有效率.

牛腩好有水準! 但略為肥咗D! 我認為最好的食法是叫淸沕腩加咖哩汁(+$4). 味道好好! 不得不嘗試!

我通常去食，都會叫河粉，因為試過粗麵既"簡"水味好重架，河粉會好食d (伊麵就唔知，因我唔食既！)而叫既時候，一定要同伙計講走油，咁d湯就唔油膩，湯底會比較清d，下次記得咁嗌喇！

我去到又唔駛等，或者岩岩過左食飯時間，但亦見多人。牛腩又唔算太細碗，又林又入味，個人認為質素高。湯底又不會像大利的有油味，可能侍應無咁忙，態度又唔係想像中咁差喎。

係朋友提議要去的，我叫了清湯牛腩河，佢叫了咖喱牛腩河。無論係個清湯，又或是牛腩，更甚至是河都不值那些名家名人狂話好囉！老實講真係覺得大利清湯腩仲好食，至少冧滑得來又夠牛肉香味，唔似呢度無肉香，一味得個冧囉！

歌賦街咁多間食肆，九記就最出名最悠久。但不過名不副實姐，真係好失望。/_\蟑螂通地走，上菜o個個人大大隻手指咁…唉，都唔好提喇…-_-|||唸起都想喊…TOT麵ge 水味好重，而且以一碗麵，以咁ge 味道黎講，好唔值。難為仲要排N 年先食到，結果…唉……

上個星期放工後唔想食飯,遠d都想食碗麵,問完kc至知點去,明知無爽腩比你,唔駛問,kc提議叫半肥瘐,嘩,真係好多油,不過係我鐘意既粗麵,有咬勁,湯底濃,好香牛肉味,點知食完出門口即見kc,真係咁啱?但係個口好乾,不過kc話佢無落味精,唔知點解啦!

前言:之前小妹太忙,所以好多食評都積下來未寫,趁而家得閒補番數先!冬至那日,下午居然仲要去見工,見唔係太肚餓,就見工後先去食野啦,見工之後就落去中環,去試下聞名而久的九記.冬至的下午,店裡的客人依然幾多下,見大王話到d咖喱咁好味,咪叫碗咖喱牛筋腩河試下啦,點知河粉賣晒,唔緊要,粗麵照殺! 碗麵上時,第一印象係:咁細碗! 不過Ｄ料幾多下,佔左個碗一半以上,個湯底盡是咖喱汁,杰到唔似湯咁,當然,Ｄ牛腩又腍,又滿是咖喱味,正! 在這樣的情況下,粗麵自不然變成了綠葉,但這個綠葉角色又不太差,剛剛好,perfect!但話時話,咁細碗麵收人地廿幾銀,都咪話唔好賺.

我覺得大利D 牛腩好過佢囉,九記湯底比較肥,D 牛腩又鞋,

絕對同意, 價錢不合理!粗麵水味勁重!油菜勁多油(最名乎其實!!)招牌牛腩我覺得幾普通囉!

牛腩真係好味,諗中有咬口,有肉味.但好細碗, 好貴,唔扺,名氣過大!有d失望!