九記牛腩

营业中

休息中

嫌佢唔夠肥同滑，個人偏好咋。

老豆介紹我去食清湯腩, 就去幫襯試0左個上湯牛腩伊麵. 麵好煙韌, 唔似平日食開d 乾燒伊麵咁"腍bad bad". 牛腩無想像中咁腍, 有d 失望; 不過個湯底就值得一讚-- 似乎極少味精, 食完成碗麵一d 都唔口渴, d 湯仲飲落肚都唔覺鹹, 唔錯.下次要去幫襯試埋牛爽腩至得.

7月23日,返工唔開心,老公仔為左氹我,就同我遊赤柱,仲同我去左九記食,8點幾,當然要等位la,不過唔係等左好耐就有位,都幾lucky咖喱牛腩伊~~~咖喱都幾香,小小辣囉,不過好鬼漏,同埋我唔鍾意食伊麵,所以我食左好少,不過好重味精,好鬼咸爽腩~~只可以淨叫,不可以跟粉,d 牛腩真係幾好味,好淋呀,同埋好有牛味,連埋d湯都好清好好味,雖然就貴左d,但係都值得齋米~~~冇乜特別,普通米粉,不過d湯都幾好飲清湯~~~同爽腩入面d湯係唔同ga,仲清仲好飲,完全唔覺有味精,冇得頂呀終於食到啦,好開心^v^

睇左禁多食評，又聽到有禁多人話佢好，今日落禁大雨都好，我都同老公走左過去試。一坐底我就叫左湯腩伊而老公就叫左湯腩河，講真，我個伊麵我真係覺得唔係好得，因為佢一來個時，我就一試佢的伊麵，佢比我既感覺係：未煮好…因為真係好硬！唔係彈牙！我都由得佢喇，一路食，覺得的湯既味都ok，但係唔係真係禁特別，之後試的牛腩，都ok…之後，有個人侍應行左過來，問我地要唔要一碟油菜，我地都覺得好正常，因為好多地方既侍應都會禁樣問下，但係當我地話完『唔要喇，唔該』之後，個侍應竟然同其他侍應大大聲聲禁樣係我地旁邊講：『唉！今曰真係出師不利呀！』之後又係度話自己唔好運呀，好黑仔呀，重叫自己睇開O的呀禁樣喎！攪到我覺得好似我唔食一碟油菜禁多就係我既錯禁樣喎！佢地禁樣做真係會好影響個食客既感覺嫁囉！我真係覺得佢地好差囉！平日我老公去任何地方食完牛腩之後，一定會飲多幾碗個的湯，但係今日我老公冇叫第二碗囉！因為真係覺得好嬲呀！！講真，港島最出名的三大牛腩，我今日岩岩試埋第三間，佢真係好差囉…講佢的牛腩、湯等等，我都覺得北角個一間『回味』比佢好好多囉！個老闆又NICE 好多~我諗我以後都唔會再去呢一間『九記』，而我都會將我

名大於實,除個湯底有D料到.牛腩得個{爛}字!??????*?買相小家~招呼又差~價錢頂呱呱.可能九記有太多名人去食,伙記x眼看人低.牛腩名頭太大,食過而又不滿之人覺得如果批評九記牛腩.朋友又話自己味覺有問題.*可能小弟正是*

I ordered 清湯腩and my friend ordered咖哩牛腩. I think mine is good, 清淸地, 牛腩夠淋, 好味, 咖哩牛腩好香, yeah味, I couldn't resist eating my friend's dish~ GOOD!

本人試過港島區三大出名牛腩麵：九記、大利和生記，其實三間都好好味，各有特色，適合唔同口味的人。先講九記，餚牛腩的湯果然係有秘方，很特別，很複雜，最濃味，大家以為係清湯腩，其實係上湯腩才真，所以有人話多油，其實這裡根本是如此，好清湯的應選擇生記，服務不用提，係人都知，除非你係名人，大至上男仕吃完一碗想再吃多碗。大利的牛腩很清香，味濃比九記輕，比生記強烈，味道控制得好適中，勉強可以連湯飲，我覺得天后總店的味道好些，不過都好耐冇去，「分裂」之後唔知是否保持水準？生記是三間之中最清湯腩，嚴格講要叫剩牛腩，才會飲到那湯的「清」，因不會被麵的鹼水改變味道，可能有人覺得味太輕，但食食下就會欣賞個中「清」的境界，這裡牛腩很滑，我認為女仕們會較喜歡這裡的牛腩。有些人覺得這些「名店」不外如是，但我覺得一間食店能長期出名好吃實在不容易，學蔡蘭話齋：「你吃過我介紹的食物覺得不好吃，是因為你未到那個層次罷了！」。又好似我老爸以前是做大廚的，他從來不吃「養魚」，重要係一吃就能分辨是否海魚，我自問分不出，老爸和蔡蘭的口味很像，都不喜鮑參翅肚，反愛平常食材做出來的菜式。

因為去上環個碼頭坐船，所以特登搵呢間都幾出名o既鋪頭試o下~出地鐵站A2出口之後，搵到條一百級左右的樓梯，上到去行一百米左右到達…排隊排到出門口(星期六lunch time都咁多人)，好采等5-10mins便有位~鋪細細，但原來仲有樓上，不過剛巧樓下有位，望住廚房d阿叔做到一頭煙…落order後都等了5-10mins…幾耐o下…叫了個咖喱牛根腩河，因為牛根是一定要咖喱的(小二哥都係咁講)，試唔到清湯…夠辣！好惹味~好香咖喱味~牛根夠諗，但牛腩就差d，好似肉碎咁…份量細細，食得開胃，又未有船，試埋個招牌菜清湯腩啦！呢碗牛腩就真係靚，大大塊，有肉味，雖然瘦肉多，但都幾香牛油味~個湯俾d硯水麵破壞o左，試落咸o左d，冇乜特別，下次試o下叫碗清湯$5雞，或者配伊麵或河粉便可以試真o下個湯~舖頭環境衛生，地上都好乾淨，不過員工就冇乜衛生意識，用手落葱等等…不過算啦~呢類鋪都預o左大菌食細菌~去到附近的話，會再去試~

搵間鋪到我....,差d想放棄.行左條長樓梯終於去到.一碗細細的牛腩河要廿幾蚊都幾貴,而且點解清湯腩會油得唔緊要???河粉好一般,牛腩ok,不過唔藉得專登再黎食多一次.點解有板友可以飲哂d咁油的湯?

巴士上層, 左邊, 第三行,沿彌敦道向北走,忙於狙擊街上流動小背心之時,快閱了東周的陳冠中訪問.口, 愈來愈渴,水, 喝了又喝, 不濟,好肯定, 與小背心或陳冠中沒關係,所以, 方才的午餐嫌疑最大--九記牛腩河粉一碗.第一次來, 還在戒牛中, 陪朋友, 坐了一分鐘,撤退到街口的茶餐廳.今次是第二次, 首次試.先說服務, 一點多, 繁忙時間, 不寄厚望,果然, 同檯點了又點, 叫了又叫, 就是與阿姐溝通不良.上桌, 賣相不俗, 取出相機, 拍了又拍,阿姐一言不發, 一筒筷子, 飛過鄰桌,茫茫然, 怎食?幸好另一位阿姐, 眼明手快, 補上,還拍拍我, 說, "怎麼還未拿?",不是一桌一筒筷子嗎? 奇怪.湯, 濃郁多油,河粉, 不過不失.好了, 輪到主角, 牛腩,牛味, 淡.肉質, 並不鬆軟, 失望.繼續尋牛.

個日同個fd 專登去搵e間野來食...好唔方便, 行到我地身水身汗先搵到,去到叫米粉又冇...個女人侍應又串,態度又差,d野食好難食...全部搵油浸出來咁,多油到爆炸...仲要幾貴下,根本唔好食+唔抵食...我以後都唔會去!!!

其實九湯一啲都唔清而且仲有好多油，不過就勁香。牛腩好食唔使我多講，但係就唔係咁鐘意人人都話正既爽腩，normal嗰隻"担担"肉仲好味。

咖哩牛腩伊麵好好味呀!!

牛腩夠鬆化,牛味夠濃,D湯係全碗牛腩河精華所在,一定要飲晒!本人每次去都例牌叫多一碗淨湯,信我!淨湯比牛腩河裏面D湯出奇地好飲!味道更濃!建議叫河粉或者伊麵,不要叫粗麵,梘水味會破壞個湯既味道!不要叫O加O厘腩,識食既人都一定會叫清湯腩.牛爽腩唔係時時有,要好彩至得.服務差?講真,有料就唔怕無人幫襯.總括黎講,絕對值得一吃再吃,甚麼"大利","源記"都要企埋一邊.

細碗,牛腩好un + 痴牙, 仲差過$10 碗權記,根本普通到極,湯底好油, 結論就係: 差差差....