九記牛腩

营业中

休息中

唔明唔明啊~~!!仲會有咁多人會黎食，點解咁細碗都算嘞,啲牛腩根本普通到極，周街都食到啦...service都唔好～too bad and too expansive for this ........

20050706 2.30pm到摩囉街找點東西, 順手附近食個lunch, 想起好像好耐無o黎, 又走o黎幫襯下. 2.30pm, 下層都仲幾爆, 勝在唔洗排隊lor.要了腩伊, 見圖. 好油下wor老細! 湯底都仲OK, 但係o的腩就麻麻地啦. 韌.不過service 有進步, 我眼見o既都好有禮貌, 好事.

上個星期六同男朋友又去呢度食LUNCH，我地去到差唔多1:00pm，樓下已經滿晒，我地上左樓上食。我地叫左1. 一碗腩伊2. 一碗半肥伊3. 一碗淨湯4. 一碗腩伊(share 黎食)。次次食親九記o既牛腩都覺得好好味，有肉味同埋唔'un'，非常好食。我男朋友話半肥腩仲好食，好滑，冇渣，正。另外，佢d湯好甜(淨湯比跟麵o既湯仲好飲，仲甜)。其實食到好野，d服務差少少都可以接受。講真，我唔覺得d服務員態度差，樓上兩個姐姐好好招呼呀...

見大家講到咁好食，我今日終於去左試下~~食完真係好飽，成肚氣地點唔算方便，問左幾個路人先問到，出左地鐵要行五至十分鐘樓梯先到~~我一去到，首先品嘗到的就是他們超凡的服務態度…七點半去到，一入去佢\\\就話無野賣，比左張卡片我就要我走。我本來都以為無得食想走，不過睇睇下張卡片先知到原來而家係清潔時間，八點半會再開我八點半去到，叫牛爽腩…無；叫河粉…無。想食的都無…唯有求祈叫左一碗咖o厘腩根伊、一碗腩米。細細碗就廿幾蚊…先講碗咖o厘腩根伊，咖o厘味無乜特別，牛腩幾林，伊面咬口都幾特別。再講碗腩米，佢\\\招牌清湯腩係幾特別, d味以前好像唔知飲咩湯飲過咁，同埋都幾林。總括來講呢度環境-差服務態度-勁差食物-特別

睇到咁多好評,即管去試下,一試之下真係火都黎......一個人去叫左個清湯腩伊,嘩......點解咁細碗嘅,都算嘞,好食咪得囉(心諗),一食,啲牛腩根本就好普通,唔明啲人點會讚到天上有地下無,重有啲伊麵碎濕濕咁.....我真係好懷念以前尖沙咀河內道有間X發茶餐廳啲清湯腩!

Visited HK in 16/6 to 20/6... Heard that this shop serves the best beef noode in HK.. thus decided to give this shop a fair share of my time of stay in HK... Sad to say... It doesnt meet my expectation.Reach the shop around 1245pm on 17/6. Even before the shop open, there was a significant queue. Ofcuz, I was in the queue ;p. Ordered Beef noodle. To cut things short...The soup base is too salty... the serving is too small as well... I had tried better beef noodle elsewhere...

我間中就去下, 俾少少貼士大家..如果係第一次去, 尤其是時女士, 千萬唔係問長問短, 反正menu 上無就係無, 唔會突然出現其他選擇. 只係會俾個惡死阿姐窒你. 亦唔好講『唔該』兩個字. 一坐低, 就大大聲喊想要食乜野.有人話叫半肥瘦, 我有保留啦. 九記通常比其他賣清湯腩既鋪頭肥. 如果仲要半肥瘦的話, 會好肥下, 女士們切記.好多人話無乜味既, 我發覺佢地都係叫河粉. 河粉本來就比較淡, 亦唔多索汁. 伊麵好食D.味精應該有少少, 以前見過有訪問稿話有. 不過肯定唔多, 我對味精敏感, 多的話, 膊頭會痛. 所以應該得好少.

慕名而去，第一次吃是清湯腩伊，湯真是很清甜，但牛腩‘痴牙’。心有不甘！再去，叫了碗半肥瘦腩河，今次就很美味了。

琴日第一日返夜班, 特登早好多個鐘起身, 早幾個鐘去食佢的爽腩。終於試到下得來的結論是: 每個人的口味真係唔同。首先入到去睇場呀姐都仲係咁串。想叫爽腩河, 一聽就知我係生客啦~ 爽腩河不遂就叫腩河走油。一大pat河粉, 個碗又細, 加埋係河, 對卡普通人而言都係唔夠湯的, 何況我係湯精! 加多個湯…我其實今次第二次食, 都仲係覺得d湯怪怪地。飲得出係牛湯, 但係點解個湯係甜嘅? 我有種飲青紅蘿蔔湯的感覺, 而本人本身係唔鍾意青紅蘿蔔湯…d牛呢, 係鬆化, 但係硬係唔夠"重"肉味。對於食開重味的我而言, 又唔係唔好食, 不過硬係差d野囉…深深不忿, 一諗特地去到central, 仲特登行到咁遠, 唔滿足自己點得?! 所以我把心一橫: 呀姐, 來多個淨爽腩。呀姐問: 拎走呀? 我答: o係度食呀!食牛食到口都where…至於味道呢, 爽腩確比坑腩佳, 但爽腩都仲係差d野咁, 講唔出的不滿…而九記做得market leader, 佢的素質應該係無可懷疑的。俾左$76買來的結論就係: 九記唔係我杯茶。

呢度D咖喱牛根伊麵超正, 咖喱汁香而不太棘, 牛根不會太淋, 不過我去過兩次都食唔到呢度出名嘅坑腩呀!

最仲意食清湯腩伊.牛腩爽脆, 清底清甜.腩肥d, 不過真係好味.服務麻麻人又串有料怕mud串!?不過有日當佢謙虛時,亦係我唔再幫襯之日.

可能係我唔識order la, 清湯腩河so-so，唔impress...But 幾full. l will try 咖哩腩伊next time =)

6月10日二時前去，樓下每張都坐滿人，因為我只得一人，所以很易攝到位。由於我是第一次去，正所謂慕名而至，看食評推介，叫了清湯腩伊，等了差不多十分鐘，遲來的人都有得吃，坐在收銀機的女店員很醒目，未待我出聲已幫我催促。滿心期待的清湯腩伊卒之到我面前，先呷一口湯，味道OK，先吃伊麵，很彈牙，有口感，再吃牛腩，味道OK，但"痴"牙喎，唔覺入口即溶囉，真係有D誇張左。吃完唔覺口渴，應該無味精。

我前幾年第一次去九記食時..真係覺得好回味無窮丫..d湯真係好香而冇味精...d腩係係口度溶化架..(可能誇張左少少^^).但我半次時去過一次..覺得...完全唔同...d腩唔得..d湯..太濃...食完口渴...=.=...但我一個半前又ok返喎..好...所以都係一間食得過既牛腩店^^..盡量叫半肥瘦..如果你地第一次食...問下佢地有冇爽腩丫..好goooood丫...但好貴...

我好鍾意食牛,想去九記好耐,男友食過大讚,立即帶我去,終於有機會嘞,好期待!我地要左2個清湯腩伊,1個咖哩牛腩,d牛腩勁多,肥瘦適中,勁有牛味,又彈牙,d伊麵好香,真係好好味。之後一有時間就會去,d湯有時會咸左d,但我相信無落味精,諗起都想食!p.s.咖哩粗麵會變紅色架!