九份•十分 (河畔花園) (已結業)

開業至今，每次經過都大把人係門口等，但每次都係放工時候，太肚餓關係都唔會想等。今日lunch 行過無人，要去試下有幾巴閉先。紅燒牛肉麵（$62），好足料，大大份既牛腩同牛筋。湯好濃，帶小小辣，仲有紅蘿蔔同小裳菜做配料，餸比麵多，好抵食！烤台式香腸肉燥飯（$58），香腸係好有台北夜市風味，門口已經有部機，放左d腸係度碌下碌下，仲配有鹵水豆腐。肉燥飯不錯，但略嫌飯硬左少少。鮮柑桔蜂蜜（$26），酸酸的，好開胃。唔似普通街邊舖買個d用水沖粉！好味！

整日天朗氣清，傍晚時分與三位同事去了沙田河畔花園「九份‧十分」的店舖共進晚餐。紅燒牛肉麵是在台式料理中必然的選擇。嘴饞腍香軟糯的「紅燒牛肉」，麵身頗為幼滑 及有口感。「萬巒豬手」跟隨上場。嘩，豬手肉質肥美、幼細嫩滑。另外值得一讚的是「酒醉一口吉品鮑」，酒味適中，絕對能帶出吉品鮑的鮮香，而吉品鮑爽口彈牙、煙韌，富嚼勁。再來一度「紫菜蝦泡飯」。紫菜味道鹹鮮，而蝦肉透出甘甜，兩者配合起來，相得益彰。還未足夠，「鹽酥雞」讓我們停不下來。鹽酥雞外脆內軟，試盡五種(香辣、梅子、紫菜、咖哩、芝士、原味)不同的配搭，必能越嚼越滋味。壓軸戲由「草莓冰淇淋鬆餅」擔當。草莓冰淇淋色豔奪目，令人唾涎欲滴，加上鬆餅鬆化可口，是飯後結尾的一大享用甜品。飲品方面，我叫了「黑武士之劍」；將熱的比利時朱古力分階段倒入牛奶冰棒，逐次享受帶有馥郁味道及濃厚圓潤的口感。至於「維多利亞的秘密」，以優格野莓沙冰為主，若能增加野莓的質量，效果會更為突出。店舖人氣暢旺，進膳期間，座無虛席，可見頗受食客歡迎。這台式料理誠意十足，將來必定會再與家人一起再嘗。

There are so many publicity of this restaurant in Facebook, saying that it's subtle Taiwanese restaurant with reasonable price. Comparing to Teawood, the prices are a bit more acceptable. But the foods are not as good as my expectation. The noodle is small, and it tastes a bit wired... But I like the eggs with tofu. It is fresh for me!

突然好想食台式野，約開朋友係沙田區shopping，於是鎖定台式餐廳晚飯。我地選擇左「九份·十分」。我們order左個阿春麵線(大腸)做前菜，麵線好滑，但大腸味道過濃，感覺有點似洗唔乾淨😅溶岩芝士雞，整個麵包焗到脆卜卜，再加入面熱辣辣芝士，切開芝士真係好似溶岩咁流出黎，炸雞沾上厚厚芝士醬食，好好味，岩曬熱愛芝士既我地。最後我地叫左個鮮雜果冰淇淋鬆餅，鬆餅配上cream、雪糕和不同品種水果，開心度大增。

近來很喜歡到沙田搵食，識得食的朋友必定會到河畔花園一帶，那兒有不小卧虎藏龍的小店，往往會令人喜出望外！約了兩老一起食晚飯，當然要選擇中式的食肆啦！今次來到九份•十分😊😊餐廳有好多的選擇，主菜、小食，甜品及台式及特式飲品也有！餐牌的設計是下過功夫的，想當吸睛😍為了兩老食得開心，當然選擇了他們的最愛紅燒牛肉麵～用上自家招牌的碗，賣相吸引，牛根份量很多，十分入味，可以嘗到湯底落了多種的香料，而且還可以選擇粗或幼麵！麵的質地也十分彈牙！酒醉一口吉品鮑～想不到台式食店內可以嘗到醉鮑魚！一口一隻，十分方便！遠遠就可以聞到花鵰酒的香味，鮑魚煮得香滑嫩口！👍🏻真的是原隻鮑魚上，真材實料！台式肉燥飯～看似細細碗，但其實份量十足！米飯用了珍珠米，口感十足。內有半隻的滷水雞蛋，肉燥肥瘦適中！台灣鹽酥雞～新鮮炸起，炸得十分香脆，雞肉十分嫩滑很juicy ! 它們的特色之處是可以配上不同的味粉，十分有趣。我最喜歡原味、芝士及紫菜味！綜合水果茶～用上新鮮水果加上話梅泡在茶內，甜甜酸酸，十分開胃醒神！是我的大愛👍🏻九份•十分可算是我近來很喜歡及出色的台式味道！😊

千米迢迢黎到沙田跟家姐覓食，一行5人決定排下呢間區內熱門台灣菜，攞籌等位都等左成個鐘先入到！（利申：星期六晚8點）店內裝修都幾靚，不過因為實在太逼，真係唔會有閑情逸致去欣賞下佢既「台式」造型。我地每人叫左個餐，再加個滷水拼盤同鹽酥雞開心share:*滷水拼盤*滷味最緊要係乜？緊係入味啦！呢碟拼盤份量適中，overall都幾入味，唯獨係雞蛋就略嫌比較清淡，得表面一層味道同油，雖然都「滷」得比較硬身但都係入味緊要d。大腸好淋，雞中翼如圖所見真係脹卜卜，間竭性怕肥的我都咬走左層皮，其實係好味架！*酒雕雞配米粉*呢個真係見仁見智，有人話個雞，好味肉質夠實淨，但我就覺得太鞋，雖有酒香味但肉質真係好考「牙力」；另外米粉就十分清淡，病人都啱食喎⋯ 當然呢個餐都係芸芸之中偏健康的，想重口味就千祈唔好食呢個啦。*鹽酥雞*呢個應該算係店內嘅招牌菜，因為有成6款味粉俾你玩！仲用test tube 裝住變到好pro好scientific 咁，係有gimmick既。試左紫菜溝原味加芝士，炸雞夠熱，但係本身已有調味，所以加左粉都會咸左d。原味粉/即係胡椒味最夾，其他玩玩都唔錯！*oreo沙冰*店內嘅飲品全部望落都

睇完其他人的食評後心郁郁想去試下。今日星期六，為了唔洗等咁耐所以6點前去到，等一陣就有位。叫了紅燒牛肉麵、 台南咖哩雞翼飯、 鹽酥雞及阿春麵線。紅燒牛肉麵的牛肉都夠霖，粗麵彈牙，不過湯底可能受酸菜的味道影響，味道怪怪的。台南咖哩雞翼飯的咖哩似黃咖哩帶少少辣，味道唔錯。雞翼亦炸得好好味。仲有少少炸薯角做伴菜。鹽酥雞連阿女都讚好味。餐廳仲提供六種調味粉俾我地加落去食。阿春麵線味道一般，無咩特別。最後還叫了黑暗系甜心及紅莓蜜糖磚塊。黑暗系甜心其實係Oreo沙冰，味道淡左少少，不過小朋友都啱飲。草莓蜜糖磚塊最好大碟，吐司底好脆好好味，再加埋 士多啤梨味醬汁及雪糕，爸爸同阿女都大讚好味。埋單三百幾都算抵食。總結係全家都滿意，會再來食。

早前見網媒介紹過溶岩芝士雞，再睇清楚先知原來餐廳係公司附近，於是同同事放工去試下。入座的時候，餐廳已經坐滿左人，相比附近的餐廳，呢間真係特別受歡迎。餐廳係無提供晚餐套餐，不過散叫的價錢都好合理。由於好肚餓的關係，我們兩個人叫左牛肉麵、溶岩芝士雞、皮蛋豆腐小食、鹽酥雞小食及兩杯飲品。「皮蛋豆腐」整得非常有心思，好軟滑的豆腐薄切，皮蛋好香！就連放係底的青瓜都非常新鮮，所以佢好快就被「秒殺」了另一份的小食係「鹽酥雞」，職員會放低6款味粉供你自己DIY，當中有梅子、香辣、咖哩、芝士、原味及紫菜味，個人最欣賞的係梅子粉。至於雞肉方面唔會炸得太乾身，食落剛剛好。食台灣野點可以唔叫「紅燒牛肉麵」架？大家可以跟據喜好選擇粗麵定幼麵。朋友覺得呢碗牛肉麵簡直係世界級！除左牛肉牛根煮到冧身又入味，牛的份量多到占左半個碗！加埋白、紅蘿蔔、菜做配菜，一碗麵已經滿足你所需。呢個「溶岩芝士雞」係我黎呢間餐廳食的目的！大家留意返，呢個芝士雞係有骨的雞。雞件炸到脆卜卜，而且調味唔重，所以點芝士時味道唔會比雞的調味影響到。雞件的皮除左脆，仲好薄，唔會「厚粉」。再將雞件點落芝士包時，我同雞件一齊迷失於Creamy的芝士水池

兩個月前呢間店 新開張無耐於是我同同事決定去食下襯熱鬧！一去到等左5分鐘位就入得 店內空間較小坐位與坐位之間都非常逼 但總算係坐得舒服直接講食物質素：1. 老水拼盤味道得個咸字 冇香味同老水味 似係成支豉油倒落去不過大腸處理得乾淨 偏肥如果唔食得肥膩野就真係唔好點2. 飲味唔好似 香芋珍珠奶茶係用粉開 真係大伏除左甜味之外 咩味都冇3. 泡飯完全唔掂檔 面頭加d東菜同少少肉碎真係想叫回水食物質素唔多得 價錢又唔平性價比好低！伏到喊呀

台灣菜從來都係我至愛，調味唔使多，但總係會有陣特別古早味。上次同閏蜜去天水圍食過呢間台灣菜，竟然發現左沙田都有分店，就帶埋男友食多次先！裝修同天水圍分店差不多，環境都算寬敞菜式都多，但好似少左醉蝦同鮑魚個啲，不過我都唔係太好個啲所以還好。大腸蚵仔麵線超足料，蚵仔肥美鮮甜，大腸軟糯，麵線味道剛好，配埋醋定胡椒溶岩芝士雞一拉絲拉到上天際芝士香濃但食落唔會太漏，炸鷄夠juicy台式綜合滷味拼盤（大）滷得超入味，旁邊既酸菜同係台灣街頭食既一樣好味，難得呢度既滷拼有埋鴨舌，絕對係誠意之作。古早醉鷄酒味夠，鷄件滑身墾丁星空係青檸梳打，浮誇地上菜呃like都抵暗黑系甜心上次我飲過，今次力推男友試，果然飲到成口oreo碎佢就至happy最後飽到嘔都嗌多左個花生醬多士，烤得香脆，勁厚花生醬，最後食剩左一件，飽到連男友都投降了

男友知我因為今年台灣之旅去不成， 特意帶我去沙田來個一日遊， 晚上順便拐去吃最近火紅火紅的台灣菜。 有多火紅呢？ 看門口的輪候人潮就知道了吧？ 幸好我們到的早， 沒等多久就能入座~ 菜單都配上大大幅食物照， 完全勾起我的食慾。 先點一份滷水拼盤作前菜， 點小份兩人吃剛剛好。 豆腐、雞腎、豬腸、鴨舌、雞翅全都滷得入味， 還配了開胃酸菜， 啊我更想念台灣了！ 熱騰騰麵線也是熱門街頭美食， 這款阿春麵線裡有蚵仔又有大腸， 料多夠實在， 味道也蠻正宗。  紅燒牛肉麵微辣惹味， 紅燒牛肉份量不少， 蘿蔔煮得軟稔入味， 灑上大量香菜味道更濃。  鹽酥雞炸得非常酥脆， 大大一碟足夠三四人分享。 這裡提供各種放在試管中的味粉， 有梅子、香辣、原味、芝士、咖哩、紫菜等， 可以自行調味又多一分樂趣。 炸粉不算厚， 裡面的雞肉仍然嫩滑， 趁熱吃味道最好！ 綜合水果茶裡有大量水果， 有蘋果、橙、青檸、菠蘿、梅子等， 果香味偏重甜中帶茶甘， 消暑又解渴！ 吃回一頓憶中的台灣味， 總算彌補了無法去旅行的失望， 下次要再來！

星期日晚20:30 到門口取票，2人桌需輪候卅張枱、3-4人、5-6人均只需等一兩場枱當客人離去時起碼五分鐘才能安排新客人入坐，2人桌相當緩慢，中間超過20分鐘完全沒動、而有接連有大枱離開、清空了原本3-6人桌後，剛好有新客人拿票輪候3-6人桌，竟然能夠立即入坐，而不是將其分柝讓2人桌先上結果3-6人桌平均輪候3分鐘以內2人桌平均輪候30分鐘以上，我倆足足在拿票後一小時才能入坐好了，到了點菜，下單後說沒有麵線，年輕的店員竟然把其他已落的ORDER 放在桌上，拋下一句「沒有麵線」便打算離開，是看得起我們只點一個主食便能飽肚嗎？幸好旁邊輕成熟的店員見狀立即補鑊，問我們要不要點別的食物總括而言，食物質素不算上佳，從店員的服務態度、輪候坐位的處理去看，說是台灣地道風味確是名過其實

假日友人陪同小人到了教友的家看B，吃了少少東西，兩個大食積意猶未盡，一起再盡一麵一飯，方夠填肚。台式紅燒牛肉麵，湯底無味，近似一碗有色的開水。牛肉不鞋，因為多肥；麵太腍太糊。概括一句為淡貿貿，跟在台灣吃的地道牛肉麵委實是差天共地。鹽酥雞似非洲土人，炸得黑到無朋友，乾似乾柴烈火，硬邦邦，好似食緊雞肉乾，我們不得不放棄。肉燥飯甜是甜的，卻是油到飛起，撈飯都唔掂。再加隻滯到不堪的凍滷蛋，還不夠懷胃？不好意思，無法給予十分。

最近見facebook都好page介紹呢間餐廳，就咁睇短短幾十秒已經見到好多中意食既嘢，反正係東鐵線既朋友，即刻約朋友一齊去！不過老實講位置唔算易搵，要轉一轉馬鐵，而且落車之後仲要行多十分鐘。講返食物，我覺得係好抵的。我叫左杯黑暗甜心，呢個價錢係其他台式餐廳最多得杯珍珠奶茶，但呢到杯沙冰係大到我都唔知邊到落手好！另外同朋友分享一份芝士炸雞，自問大食都覺得好飽！如果細食既朋友最好3個人分享，芝士面個層係有微焦，雖然好邪惡但實在好正，特別係拉絲個一下，正到我用埋個包去沾芝士！

sister just liked All Taiwan drinks and Noodles 🍝 She introduced me to the shatin Wai Characteristics cafeteria lunch I love the iced fruits tea truly A tea bag Some ice cubes Several pieces of fresh cut summer fruits 🍉 98%💪mixed seasoning cold dishA wing chicken Some duck tongue pieces Half eggChicken kidneysBelow is the drunk 😵 pigeon Delicious Not too strong and not too salty of course the beef stew Taiwan style noodles A must my sister just loves Taiwan All drinks 🍹 me now🏃🏻The mango piercin