九份•十分 (河畔花園) (已結業)

我雖然曾經去過台灣旅行，亦曾經品嚐過不同款式的台灣菜式和街頭小食。但是在我認識食過的台灣菜歷史裡面，我最喜歡跟最想食的「台灣菜」，反而不是「牛肉麵」，而是甜食的「蜜糖磚塊」。因為「牛肉麵」對我的吸引力，始終也比不上日本菜裡面的「雞白湯拉麵」，我在台灣只食過一次「牛肉麵」。所以我自從在「大角咀」台灣菜食店「士X棧」食過第一碗香港「台灣」「牛肉麵」，之後就很少再食「牛肉麵」了。而且對我來說，台灣「牛肉麵」跟湯底的味道，怎樣比始終也不及「蚵仔麵線」，或者「芝心雞排」那麼濃厚。所以如果可以選的話，我寧願食「炸雞排」加「麵線」好過。後來我從「開飯喇」相關的食店介紹之後，就發現到在沙田「第一城」，旁邊的私人屋苑「河畔花園」的地舖位置，找到另一間頗多人評論的台灣菜餐廳，名稱叫做「九份·十分」。「九份」跟「十分」這兩個地方，恰巧都是位於台灣「新北市」裡面，遠離台北市市區的市郊地方。「九份」是香港旅行社組團前往「台北」旅行的時候，旅行社編排行程的必然首選。因為「九份」曾經是著名台灣電影「悲情城市」，電影故事背景所在的郊外地方，香港影星「梁朝偉」又曾經參與演出，所以吸引大量旅行社組團前往，「九份」順勢成為

好多年前曾經去過台灣九份旅行，除咗麻薯吸引之餘，睇落霞鹹蛋黃亦係必去景點！估唔到前日喺河畔附近發覺有一間九份十分， 喺門口睇下 menu， 都有幾多嘢食， 同埋門口都幾多人喺度等位， 梗係要試下啦！大熱天時， 我地梗係要先點兩杯台式飲品消下暑先啦！我杯百香果綠茶， 果香味道清新， 新津解渴！而我朋友杯珍珠奶茶， 胚芽味很濃， 珍珠好爽口！我哋都係牛魔王， 梗係主力食牛啦！紅咖哩骰仔牛飯， 紅咖哩少少辣， 薯角很新鮮熱辣辣！ 紅咖哩汁非常牛肉粒，送飯真係極品!鐵板穀飼牛扒， 上枱鐵板夠曬刺激，穀飼牛扒好有水準， 肉質有彈力， 很有牛味， 番茄汁配搭味道又確係唔錯!甜品點了一鮮雜果雪糕格仔餅， 份量真係夠曬兩個人食！

好耐都未試過單獨同媽子食飯，難得撇甩老豆，唔洗就住佢食中菜，去到河畔既九份十分，實行叫到成枱小食話明係台式餐廳梗係要叫返碟滷水細拼盤（$58），滷得入味，有豬腸、鴨舌、鴨腎、雞奕仲有滷蛋酸菜，媽子最欣賞豬腸夠煙韌，我就最鍾意有埋條竹鬚鴨舌，啜落特別過癮忌簾芝士蘑菇雞奕（$56）雖然唔係好脆，但勝在蘑菇同芝士釀落雞翼個味幾夾又唔會太膩奶白色既肉碎蚵仔泡飯（$58），除咗蠔仔仲有蜆肉，就好似周打蜆湯加蠔仔粥一齊食，食之前灑上炒米增添香脆口感，香濃湯底加上每一啖都有足充材料，食完真係胃口大開醉溏心蛋（$15）蛋白滲入酒香，連埋橙黃色既蛋黃入口甘甜，齋食味道偏咸，如果送麵就一流原味吉士可頌（$38）即係牛角包，牛角包夠鬆，吉士香甜幼滑，就算食到幾飽都要留肚食佢夏日西門町（$52）即係菠蘿沙冰，除咗菠蘿應該仲有忌簾一齊打碎，飲落酸酸甜甜最啱食飽消滯

甜品一直都是女士的心頭好，隨時可以吃，更可以變正餐。最喜歡來這家沙田的九份‧十分吃甜品當正餐。今次帶朋友來吃甜心晚餐。食物連飲品點了四樣，朋友點了熱的胚芽珍珠奶茶，茶香奶滑珍珠QQ的，說好飲，欣賞。我點了暗黑系甜心，名字帶點邪惡，其實是OREO沙冰。飲品一上，真的忍不住Wow了出來，好大杯噢，有差不多一尺高，兩塊OREO餅乾放在頂，童心未泯第一時間拿來吃。因為真的好大杯，沙冰在溶，侍應小姐專門走來提醒要注意沙冰塌出杯外，很窩心很體貼，馬上喝幾口防止溢出。食物來了，綠茶酥吐司，厚厚的吐司，送上來時溫熱，一口硬下去，外面脆卜卜，內裡軟柔柔，口感一流。上面的綠茶味濃中帶甜，又絕不是過份的甜，每一口都很享受。一份兩人吃，再加上飲品，已經飽了六成。再來一份士多啤梨窩夫配雪糕，一份四片，片片掌手般大，窩夫微甜加上酸酸甜甜的士多啤梨，再加上雪糕，夠滿足。溫馨提示，這是即叫即製的，需時二十分鐘，所以要提早下單。鄰台點了一份芒果蜜糖磚塊，超巨型，很想試，兩個人吃一份都吃不完，下次找三四個人來幫忙。吃，除了味道，還有環境。這家是有心思的餐廳。匙子好像盾牌，沙冰用的匙子就像長形的盾，仿似同一系列。牙籤筒是真

三個人係沙田行完街搵食，記得朋友講過呢間餐廳，叫九份十分，就去試試。兩女一男，超餓，只想用最快速度叫野食，一人點一D。食物選擇都幾多，樣樣都想食，選擇困難。先來一個前菜涼伴三小碟，估佢唔到，每小碗都裝到十分滿。先試四季豆，上面灑左芝麻，食落時有豆既爽又有芝麻既香脆，食多幾條食到有魚干碎既味道，好感幾好。海哲爽，最驚喜係第三碗，爽得黎有有少少煙韌，朋友問係什麼，我都唔知，睇餐牌，原來係麻辣牛筋，做得真係好爽又夠麻辣，正。食完辣野再食個清淡既湯浸肉燥娃娃菜，覺得味道特別清甜，菜本身真係鮮嫩。肉燥份量一D都唔慳家，而且粒粒都大大粒，但又一D都唔會"鞋"。男人係飯桶，要左個肉燥茄子飯，嘩，份量絕對唔細。伴菜以為係生既菜，原來係腌左既酸菜，好醒胃。茄子係好可愛既圓茄，味道係好鮮味，加埋上面既蒜泥，一份茄子，兩種食法，都咁正。男人自己食左大部份，話好滿足。我同朋友就叫左個慢煮杜洛克豬巧巴拿達三文治share食，一上台，嘩嘩嘩，原來份量咁大，入面餡料十足，豬肉、芝士、生菜、番茄，一層兩層三層四層，起碼五六層，菜鮮醬甜面包脆，加埋慢煮豬肉非一般既淋，有味道有口感。配菜一樣唔馬虎，有碎蛋、有沙律、有薯條

單單從個名就估到係食台灣野啦！九份，十分，連台灣名勝都嚟左香港啦喂。我仲以為，淨係食台灣菜，點知其實有好多其他特式菜可以選擇。真係唔怕悶，各式各樣都有，有中式古著醉鴿，台灣最出名滷水併盤，牛肉粗麵，都有西式選擇，芝士麵包配台式炸雞，仲有沙律，沙冰，可以慢慢品嚐。先講古著醉鴿，呢個唔錯，酒不太多，恰到好處，就算唔識飲酒既嘅人都可以食，而且用鴿，比用雞就更好，肉更滑。第二個要推俾大家，就係芝士麵包炸雞，麵包好似一個有蓋大碗一樣，廚師將多種芝士倒入麵包裡面，大家食炸雞時，點中間芝士，芝士連雞一起食，超美味。佢聰明之處，就係有多種芝士。面層芝士充滿芝士絲，似pizza用開果種，可以卷住炸雞，麵包中間滑流芝士，可以點雞，真係一流。我曾經去韓國幫襯過間燒雞鋪，佢只有表層果種芝士，食時卷住雞件，但兩種味道，不能融為一體，好差啊，同呢個比，相差很遠啊。至於，仲有芝士磨菇雞翼都正嫁，將芝士磨姑鑲入去，已經去左骨嘅雞翼裡面，啖啖肉，芝士又香滑，所以，都推薦大家試吓。沙冰呢…，你睇到個樣都好吸引啦，好大杯啊…啊啊，見到都好高興嫁，心情即刻靚晒，有時候做野攪到心情好差，見到呢啲咁靚嘅飲品，即刻個人都融化晒，相

單單從個名就估到係食台灣野啦！九份，十分，台灣名勝都嚟左香港。我仲以為，淨係食台灣菜，點知其實有好多其他特式菜可以選擇。真係唔怕無悶，各式各樣都有，有中式古著醉鴿，台灣最出名滷水併盤，牛肉粗麵，都有西式，芝士麵包配台式炸雞，仲有沙律，沙冰，可以慢慢品嚐。先講古著醉鴿，呢個唔錯，酒不太多，恰到好處，就算唔識飲酒既人都可以食，而且用鴿，比用雞就更好，肉更滑。第二個要攞給大家，就係芝士麵包，麵包好似一個有蓋大碗一樣，廚師將多種芝士倒入麵包裡面，大家食炸雞時，點中間芝士，芝士連雞一起食，超美味。佢聽明處有多種芝士。面層芝士充滿芝士絲卷住雞，再幾雞點麵包中間滑流芝士，真係一流。我曾經去韓國幫襯過間燒雞鋪，佢只有表層芝士卷住雞，兩種味道，食落去時，不能融合，好差啊，同呢個比，知好遠。至於，芝士磨菇雞翼都正嫁，將芝磨姑鑲入去左骨嘅雞翼裡面，啖啖肉，芝士又香滑，所以，都推薦大家。沙冰，你睇到個樣都好吸引，好大杯，抵。呢度有一個值得讚嘅地方，係佢菜式份量夠。唔會太少，全部大大碟。我最怕就係，份量太少，食左都唔飽，但叫多個，又怕太多。嚟呢間餐廳，肯定無呢個煩惱。大家有興趣，就試下啦

掛住那度既野食。今日又黎食個晚餐。每次入黎間餐廳，睇住個環境又聽住首首都識唱既中文歌，都有種去左台灣好道地既台式餐廳。對佢個肉燥飯情有獨鍾。叫左個鹽酥骨粒肉燥飯。上菜已經聞到陣鹹鹹香香既肉燥味。肉燥入口味道濃，同飯一齊食真係好好味。肉燥既惹味入曬個飯度，好食。鹽酥骨啱啱炸出黎，又熱又爽口。味道夠鹹，好正宗既鹽酥味。仲有個好入味既滷蛋。食得好滿足。叫左碟滷味雞腎角。雞腎已經同滷味完全結合。好入味。口感爽口不得止，雞腎又夠厚身。鹵味既汁濃但唔鹹，味道好。叫埋杯綜合水果茶。食台灣野一定要飲水果茶。水果茶味道清爽，好多生果例如蘋果，菠蘿，橙，百香果，仲有好多。味道好豐富。倒出黎慢慢飲，茶浸得耐啲，味道再濃啲。每杯既味道都唔同，唔怪得水果茶咁受歡迎。真係好好飲！

記得以前讀中學嘅時候，因為收入低，同朋友出國旅行只會揀去台灣，一來覺得啲嘢比較平，二來台式食品都係非常之好味，明明都係嗰啲食材，台灣人總係可以令到食物添上特別嘅風味。早廿年，香港都有好多台式野，特別係台式飲品，仙xx仙yy開到一街都係，不過近十年感覺被日式連鎖店搶左風頭。依家係香港搵間有台灣風味嘅台式餐廳都唔係易，今日發現左呢間係沙田圍呢間九份十份，真係幾值得推薦。鹽酥雞，大大件，十分香口，如果有啤酒就好喇。可以自行調味，有芝士、梅子、紫菜，都幾特別，不過我都係鍾意原味加香辣味。另外叫左碟細嘅滷水拼盤，有雞翼、蛋、豬腸、雞腎、鴨舌等，非常入味，撈飯食就最好喇台式腸拼滷肉飯，仲有豆腐同蛋。我覺得重點係個飯度，滷肉煮得好好味，汁唔多唔少，同飯撈埋食非常開胃，雖然台灣腸都好好味，但原全唔需要佢黎都可以食晒碗滷肉飯，台式鴨舌都比較易係香港搵到，但醉鴨舌就真係好少。幾特別，酒味唔太濃，鴨舌都上到酒味，咬落仲有啲酒香，加埋個鴨舌個口感同食法，又係幾惹味點少得台式飲品呢？我比較鍾意classic野，所以叫左杯香芋珍珠，我朋友就叫左杯仲正既，好味環境方面，坐得舒服，較闊落。服務非常好，有心有力敬業樂業

沙田圍一帶不嬲出名有不少隱世但高質既小店今次朋友帶我黎呢間食地道台式野既9份十分let’s try!!!!都好易揾下 係新城市行過黎都只係15mins閒日都好墟冚下有口碑真係吾同d吾知係咪因爲台灣餐廳關係 服務態度都好似台灣人咁 超有禮貌兼好客係香港地 要有好既服務其實都真係吾係常見 呢間既服務絕對一流前菜 三小碟 岩哂眼闊肚窄既人 每樣都試少少中間個蒜香炒豆好正 鍾意蒜香既朋友可以一試呢樣西式野竟然出奇地好味！好味在無論係蝦定菜定生果 全部都好新鮮!!!!雖然我知呢間主要係食台式野 但呢個沙律真係有驚喜醉鴿都真係第一次食 完全吾肥 但又好林飲品就當然吾少得 好大杯呃水果茶試得多 如果要比分 十分最高分呢款我比8分

第一次幫襯呢間台式餐廳, 見佢門面幾靚, 8點幾鐘餐廳坐左有9成客, D嘢食應該吾錯, 去試下先.餐廳都設計得幾有心思, 簡單得嚟, 有幾個重點裝飾.餐牌好多選擇, 老婆D選擇困難症又發作啦, 哈哈研究左十分鐘, 終於叫得, 吾洗5分鐘就開始有得食 : 古早醉雞好味, 有酒香但吾係好濃, 好易入口, 不過如果雞肉可以滑D仲正.台式咖哩骰仔牛飯估佢吾到跟埋薯條喎, 幾特別. 牛肉有醃過, 好夠林, 仲切到骰仔size, 可以一啖一舊, 吾錯.咖哩汁就一般般啦, 味道OK但又吾至於話好有特色咁囉 …萬巒豬手呢個要鑽! 老婆話以後必食!!賣相靚不特止, 豬手滷得好入味, 塊皮好彈牙, 吾黏口, D肉林得嚟仲爽爽地.真係堅好食, 我平日吾好豬手都食左2件.左右仲有2款吾同嘅醃菜伴住D豬手, 好台灣.慢煮杜洛克豬意式沙律呢個做得好有誠意, 賣相雖然一般般, 但沙律菜絕對新鮮, 上面鋪嘅幾片豬肉, 咸咸地, 同D沙律菜幾夾, 咁樣我呢D食肉獸先有心機食架嘛. 本來老婆話要留肚食甜品所以吾叫主食, 點知樣樣都咁大份, 飽到食吾落, 唯有睇下當食左, 下次再幫襯過.

台灣一直都係我既出走好地方溝通無問題之餘仲唔洗搭好耐飛機今次就黎到九份•十分有去過台灣既人相信對九份都唔陌生所以呢間餐廳既名非常易記門口亦有大大隻九份•十分唔驚搵唔到呀!餐具有心思造型比較少見慢煮杜洛克豬巧巴拿達三明治非常特別的名字個三文治加埋炒旦都幾飽可以幾個人share食鹽酥雞都係其中一樣去到台灣必食既食物調味粉方面 選擇都幾多除左原味 仲有咖哩/梅子 等等比較特別既味道都值得一試架！幫襯台式餐廳又點少得一杯珍珠奶茶呢味道唔太甜而且啲珍珠都多唔硬 好好嚼口最近興起既環保飲管亦可以係呢個時候大派用場了！

今日入開黎沙田， 去左呢間台式小店。門口就係收銀台，裝修好有舊台灣特式。環境都幾好， 今日係平日， 但都坐滿曬人， 啲位都唔會太迫， 唔會人貼人咁，傾計都幾方便。有一幅掛左好多台灣木制名信片， 啲字全部都好得意， 幾文青。仲有一面有幅九份十分既畫，真係好似去左台灣咁。兩個人叫唔到好多食物， 叫左鹽酥雞， 有好6款唔同味既粉比你自己加。 最愛梅子同原味。份量都幾大， 係雞扒咁細細塊炸， 幾厚肉， 啲肉唔鞋， 炸粉好薄麵線係台灣野必叫， 細細碗咁， 有啲似台灣夜市份量， 幾啖食曬， 唔會滯，然後繼續食其他野。呢個醉鴿本身冇乜大期望， 但食完勁驚喜。 超正， 正過平時食醉雞， 啲肉唔肥， 乳鴿細細隻， 好入味。味道好濃， 好香。滷水腎， 細細粒， 方便咬飲品叫左3款。柑桔味唔算濃， 個味幾新鮮。呢杯勁大陣仗， 超高，少女心大爆發。味道都幾清新，好多生果係入面。水果茶 大大大推介， 雖然比我想像中細杯， 一人份量， 但係味道超濃， 好多生果係入面， 值得一提佢舊檸檬係整成冰咁， 一路飲都唔會淡， 細心。個鍋夫都好香蛋味。

珍珠奶茶($22)珍珠煙韌但硬左少少，奶茶夠滑茶底有點earl grey味，不過甜左d建議叫少甜。星空奇遇鐵達尼($38)奇異果沙冰好清新，天然的味道，有奇異果肉。飲品配以小燈座杯墊，呃like一流！綜合水果茶($52）好重熱情果味，唔會太甜，有生果肉。鹽酥雞($48）特別既地方係有6款調味粉任你落，包括梅子、咖哩、芝士、香辣、紫菜及椒鹽(原味)。我最鐘意梅子粉，酸酸地中和返膩既感覺。食開濃味既朋友可以試咖喱同原味，味道較為突出。鹽酥雞份量多，有成十幾舊，雞肉大舊又滑而且油膩既部份少。好抵食阿！台式香腸($38）台灣菜必叫，烤得啱啱好唔會太燶，係台灣既風味，好好食仲要大大份！紅燒牛肉麵 ($65）湯底有濃濃牛骨味微辣，牛肉連筋勁腍夠入味，麵條揀左粗麵，彈牙有嚼勁。白玉珍珠雙色冰淇淋鬆餅($58)好抵食，$68有四舊，而且即叫即製，外脆內軟不過冇乜蛋香。重點係有好多配料！丸子軟糯帶少少煙韌但比較淡；兩球係香芋同雪呢拿味，仲有珍珠（岀奇地比珍珠奶茶既珍珠好食，冇咁硬）同大量生果，必叫！總括黎講價錢唔貴，份量多，味道唔錯，幾抵食！而且服務幾好，上菜快，不過比較迫，坐得唔太舒服。

朋友居住喺餐廳附近 話哩間餐廳成日都等好耐講到咁受歡迎梗喺要試下啦!8點入去嘅時候已經好多人坐滿晒 氣氛好熱鬧不得不提嘅喺入面嘅裝修! 好有台灣九份嘅特色台灣嘅郵筒車,車飛,舊式電話亭仲有火車 不妨可以欣賞下哩間餐廳 好有心思好似真喺喺台灣咁!食物有十分之多選擇連甜品都有!當晚我地唔喺叫左好多野食 我地叫咗紅燒牛肉麵($65)鹽酥雞($48)醉糖沁蛋($15一隻)綜合水果茶($52)冬瓜茶($22)紅燒牛肉麵: 呢個麵一啲都唔會煮得啱啱好 我成日都好怕啲麵煮得太淋 同埋啲牛腩牛根炆到好入味，牛根一咬落去喺口入面溶咗其中有舊牛肉仲要一層肉一層根，見到肉嘅顏色就知幾入味湯亦唔會得個死咸同飲完覺得好口渴份量方面都非常足 食麵嘅時候一淡牛加一淡麵夾住啲冬菜 好多層口感! 十分出色鹽酥雞: 初初對鹽酥雞冇話有特別驚喜個啲，因為都係預期到既味道但呢道嘅鹽酥雞咬落入面好JUICY 唔會炸到好乾而啲粉漿亦唔會過厚再配搭佢地嘅粉 將我對鹽酥雞有另一番嘅印象佢地啲粉有6種味: 原味,咖喱, 芝士,  梅子, 紫菜,香辣其中我最鐘意嘅粉喺梅子 加左落啲雞度 酸酸地又唔會蓋過雞既原生味道 十分之夾醉糖沁蛋: