九份飽 (淘大商場1期)

营业中

休息中

印象中這個舖位之前應該是上海婆婆，不過其實都已經執了很久，這邊淘大都算是變遷挺快，過了一段時間就可以全部店舖都不同了。本來可買hungry korean，不過店員不理睬，於是我又去買別的店子。現在這間九份飽，看到另外一區都有一間，這間亦都是內裏裝潢相當古舊的，和觀塘那間台式食店好像有點相像。涼粉份量實在太少，少得可憐，碎濕濕，都沒有什麼質感；珍珠夠彈牙，份量都算太少； 另外的芋圓，它的芋圓就是只有白色以及紫色，白色芋圓，內裏餡料好像有很多芋頭，比較硬身；而且粉狀的質地，似乎芋頭的含量比較多。

餐廳嘅環境好似9九份，非常台式嘅設計，令人有置自身台灣嘅感覺，好真實。紅燒牛腩刀削麵份量好大，有好多牛腩，全部都煮得好好食，夠晒入味，肉質柔軟柔嫩，刀削麵好滑，個湯味道很好， 10分足料嘅一款食物。肉鬆起司蛋餅經典嘅台式小食，係我最愛嘅食品之一，肉鬆、芝士滑蛋嘅味道相當配合，又唔會太多汁，口感很好。滷水拼盤滷水汁甜甜地好易入口，其中豆腐我覺得最好食，另外牛肚都好林而且夠晒味，質素好高嘅一款小食。流沙芋丸呢個甜品，外邊係炸到脆卜卜嘅湯圓，入邊包住奶黃及芋頭，唔會太甜，一個獨特又好食嘅甜品。百香果紅茶大大杯，只需要加$10 ，抵飲胚芽奶茶

之前黎過九份飽食台式菜，念念不忘所以收工又同朋友黎食。懷舊魯肉飯$42 (大)呢個份量好抵食，魯肉調味好好，肥瘦岩岩好，加上醬汁送飯好惹味。紅燒牛腩米粉$49湯底十分濃郁，牛腩炆得好入味，又有咬感，吸晒湯汁，揀左米粉比較健康。起司蛋餅$28單層芝士已經好滋味，蛋餅皮好煙韌，唔會好濟，口感好好。青菜$18通菜都幾入味。綠茶$10跟主食加$10茶味甘香。仙草奶茶都係加$10，仙草較珍珠健康得多，奶味都好足。九份芋圓$35揀左凍食，芋圓好有口感，加埋仙草，紅豆，滿足晒甜品控既願望。

一見到間店既裝修就好想食，店內周圍都系台灣九份既景色，枱櫈都好有台灣特色，比啲想像力就當自己去左台灣旅行，哈哈！叫左個迷利肉燥飯， 滷味拼盤，水準正常。另外叫左個劉包，其實系五花腩夾饅頭，舊腩肉煮要好淋好入味，加埋啲梅菜，味道幾特別。最期待系久遺嘅蚵仔煎，侍應話要等15-20分鐘都決定叫一個，的確等到其他野食曬都未黎，而且太多粉，唔系幾中意個口感，但阿仔好鮮甜。下次想試個蛋餅多啲。星期五晚吃都幾多人，等左20-30分鐘，趕時間的話要早啲去拎位。

呢間餐廳裝修設計以台灣九份老街為主題掛滿復古紅燈籠，甚具懷舊風味呢！食物價錢貼地，又無加一服務收費難怪每次經過都見到人龍呀😆-🥚海苔肉鬆起司蛋餅（$37）蛋餅兩邊煎得金黃香口，富蛋香味！紫菜同肉鬆餡料都好多💕但略嫌芝士味就唔夠濃郁喔！🥢蚵仔煎（$45）入口充滿蛋香及蠔味蠔粒飽滿多汁不過口感太糊口，唔太鍾意呀！🍜紅燒牛腩麵（$49）湯底清香唔太咸麵底係油麵，入口順滑有嚼勁牛腩大大件，肉質軟稔肉都幾多，而且仲有紅蘿蔔🥕呢個價錢嚟講，好抵食呀👍🏻🍹鳳梨紅茶（+$10，無糖）夏天正值鳳梨當造季節推介大家必飲呢❤️味道酸甜滋味配上紅茶，令味道豐富！🥣九份芋圓（$35）配料同份量都好多有三色芋圓、豆腐花、仙草、珍珠及紅豆三色芋圓煙韌有嚼勁😋不過就食唔到原材料嘅味道，有d失色喇！🍹冬瓜檸檬（$23，3分甜）甜度最少只可選3分甜但唔會太甜膩👍🏻入口冰凍清爽，富檸檬香味🍋非常解渴呀！

今日和朋友往九龍灣九份飽食晚餐, 我們點了香酥雞扒魯肉飯, 香酥排骨刀削面、海苔培根煎餅、滷味拼盤、黑糖珍珠奶茶和芋頭奶茶。香酥雞扒魯肉飯份量足料, 雞扒炸得金黃香脆, 肉質鮮嫩, 魯肉肉味香濃, 食落有油花, 白飯食落軟綿, 黃羅白食落鮮甜, 整份香酥雞扒魯肉飯食落惹味, 份量十足；海苔培根煎餅蛋味香濃, 海苔食落爽脆, 培根鹹度適中, 整份海苔培根煎餅食落美味滿足, 配上辣度辣椒汁口感一流；滷味拼盤材料有豆腐, 雞蛋、朱耳朵、雞翼和牛肚。豆腐豆味香濃, 鎖上滷水汁口感一流, 而牛肚食落爽口；最後黑糖珍珠奶茶黑糖甜度適中, 奶茶茶味香濃, 配上珍珠口感十足。餐廳座位適中, 環境怖置猶如置身廿十世紀的台灣, 餐廳食物美物美味, 份量十足, 價錢合理, 食了一頓美味台式晚餐。

-🔸蚵仔煎 $45🔸滷味拼盤 $35🔸香酥雞扒滷肉飯 $48🔸海苔肉鬆起司蛋餅 $37🔸九份檸檬綠 $25🔸鳳梨綠茶 +$10-好耐冇行九龍灣，同男朋友嚟到淘大覓食，依間台灣餐廳好多人排隊，而且裝修好有台灣風格。叫咗一個滷肉飯，配大大塊香酥雞扒，香脆得嚟肉質唔會嚡，仲可以加$10就有嘢飲幾抵。再叫咗幾款台式小食：豐富入味嘅滷味拼盤、多複蠔仔又薄粉嘅蚵仔煎，仲有好味必食嘅台式蛋餅，超豐富又好味嘅台灣美食呢！

剛剛開的時候去過一次，到現在人氣依舊，晚上嚟要排一排隊裝修靚，價錢親民，食物好食，係佢嘅賣點 紅燒牛肉油麵($49)， 好香，牛肉件數多，配料又足懷舊滷肉飯($39)，肥瘦適中，味道唔會過濃，蚵仔煎($45)之前都食過，很喜歡他堅韌的質感，又加了很多菜，與一般蚵仔煎熱氣的形像不同，口感比較濕潤， 美中不足卻是蚵仔數量沒有期望中的多 冬瓜排骨蛤蜊湯($30)清清甜甜， 味道可以黑糖花生麻糬($25)一件切開四小件，說是麻糬但外皮的質感像水晶餅，比較淋身，內裏有花生碎，甜度適中主餐加十蚊有嘢飲，分別點了百香果綠茶和 鳳梨綠茶

淘大商場食肆很多，初見午飯時間未滿座沒有抱太大期望。 入到去意外的好味。 牛肉刀削麵， 湯底濃淡得宜、牛肉牛筋入味又軟身、 配菜 芽菜、酸菜、蘿蔔各有口感刀削麵煙韌午餐加$10配百香果綠茶 我選了5度甜少冰 。也有珍珠奶茶🧋等選擇友人 order 鹽酥雞滷肉飯，雞皮脆 ，飯粒分明 另一推薦 九份芋圓 一碗有齊 豆腐花、地瓜圓、紫薯圓、芋圓、紅豆、珍珠 底是黑糖水。夏天來了碗加冰🧊的、爽呀。 店內小木櫈 紅燈籠🏮，職員有禮，整體用餐感覺良好

今日同個朋友去九龍灣食飯，突然之間好掛住台灣嘅嘢食，見到一間叫9份飽嘅餐廳，平時喺呢度返工已經好想試㗎啦，但係每一日都有好多人喺度排隊，所以每次經過都係走咗，但係我哋咁啱呢個鐘數唔係食飯時間，所以見到冇乜人排隊，我就拉埋我個friend快啲衝入去餐廳食飯，完全唔需要等候，真係好開心！我哋一坐低就嗌左魯肉飯、蛋餅、甜不辣，個蛋餅真係超好味！個蛋餅真係超好味！個蛋餅真係超好味！重要嘅說話要講三次我甜不辣都好好味，仲要個份量都幾多，最後我哋仲嗌左珍珠奶茶，味道都唔錯，唔怪得有咁多人排隊，下次再嚟幫襯啦

在淘大逛街看到這家台式餐廳，就進來歇歇腳，吃個甜品當下午茶。室內裝修蠻有特色，紅燈籠舊招牌，似乎是想仿照九份的感覺，是日太多食客了不好拍照。迷你草仔粿（4顆），HKD25，說迷你還真的是迷你，一口一個，外皮煙韌好吃，以為是甜的但其實內餡帶鹹。黑糖花生麻糬，HKD25，沒說迷你也很迷你，一顆分成4份，都是小小的一口，花生很多，黑糖味道就不是很突出，不會很甜。九份芋圓（冷），HKD35，芋圓有三色，還有豆花、仙草、珍珠和一些豆類，份量和味道都還可以，屬於3款甜品裡最抵吃的。總體來說甜品味道還不錯，就是份量偏小，餐牌上還有很多麵食類的主食，下次再找機會來試試。

喺門口一入去就見到成間餐廳裝修得好靚，天花板掛咗好多大燈籠，啲枱櫈都係九份老街會見到嗰隻，感受到餐廳嘅用心！😍😍平日下午茶時段去食冇乜人，2個人可以坐4人枱，坐得幾舒服！☺️由於嗰日唔係咁舒服，叫咗碗比較清淡嘅刀削麵。一來到就見到大大碗，上面放咗好多扑芫荽（唔鐘意食嘅人記得叫走芫荽，真係好多🤣)個湯底飲落有少少胡椒味，又有少少甜味，配埋煙韌嘅刀削麵，好夾！而排骨係即炸，熱辣辣，好酥脆，調味又啱啱好，唔會過鹹😍一清一重口味，令到本身冇乜胃口嘅我，食食下就成碗食晒！🤭

太耐冇得去旅行所以一定要搵呢類咁有特色既舖，重點係除左外貌外食物質素仲非常高!鹽酥雞扒魯肉飯雞扒已經切開好方便，調味岩岩好唔會太咸，脆雞皮嫩滑雞肉食落好正！魯肉肥瘦均勻而且味道好香，真係有台灣既感覺！紅燒牛腩油麵呢個麵一到已經聞到好香既牛味，牛腩淋到接近入口即溶，肉質好嫩好入味。加上爽哂湯既油麵同埋幾正宗既牛肉麵湯底，整體好高質！芝士肉鬆蛋餅芝士味濃而且加埋厚厚既肉鬆，加埋一齊層次十足好豐富。蛋餅唔會太厚又食到好濃郁蛋味，加埋少少辣椒醬調味岩岩好!蚵仔煎好正宗既蚵仔煎，蠔仔量多又新鮮，食落爽口又鮮味。蛋亦都夠多，加埋一齊好好食。真心同台灣食到既一模一樣！鹽酥魷魚魷魚份量十足，兩個人真係爭啲食唔哂。炸得好香脆而且熱辣辣，少少調味已經夠哂！

嗌咗一個大嘅魯力飯，朋友嗌咗一個排骨飯，兩個女仔食份量都夠多，魯肉飯甚至食剩一半，要外賣返屋企，魯肉肥瘦相間好惹味，又唔會太肥膩，汁亦都夠，由頭食到尾有味。排骨都炸到好酥脆，唔會太乾，肉質亦唔會太鞋。另外亦有嗌咗個芝士粟米蛋餅，芝士味都夠濃，份量亦夠多，不過粟米可以多番少少。另外配咗杯熱嘅珍珠奶茶，奶茶走甜之後仍然都有相當的奶味，幾好飲，唔會話太淡，珍珠煙韌可口，不過個杯就比較細。夜晚堂食預咗要等位佢冇得叫飛,要喺度排隊,尼點覺得可以改善，不過都算叫做貼心會畀把扇你，等你唔使咁熱。

蛋餅唔錯😋紅燒牛腩麵大伏！🥵▪️紅燒牛腩米粉🍲勝在多唔同配料，但無論湯底、蘿蔔等都幾唔好味😥湯底好寡，有啲死鹹、豉油味，完全唔香….蘿蔔有啲苦..紅蘿蔔就好啲▪️排骨肉燥飯🍛呢個就好啲！排骨肉質幾嫩滑，外皮也灑滿胡椒粉調味，肉燥稱唔上好食，但送飯都可以既.-.▪️肉鬆芝士蛋餅🍳幾鍾意呢個！因為佢包得好厚😚食得好滿足！另外一樣鍾意既係佢有附甜辣醬！！而芝士係有啲似沙律醬嗰種既味🤔▪️迷你茶仔粿🍡喺台灣食過呢啲粿，覺得呢度既皮唔係好彈牙、黏口，有啲太硬，冇咬口。入面就甜甜鹹鹹，好似客家既粿子～！