九份飽 (淘大商場1期)

营业中

休息中

附近既外賣都食到悶！今日試下呢間台灣特色小店.✨懷舊滷肉飯滷肉肥瘦適中，相當入味，配飯一流，仲有一塊黃色既蘿蔔，食到膩果陣可以中和一下油膩感，細碗既已經份量好足！✨肉鬆起司蛋餅蛋餅口感幾好，外脆內軟，好香芝士味，肉鬆好足料，如果係辣既肉鬆就更惹味🤤

今日心血來潮試下依間台灣野～～ 無諗過平日都咁多人等位 雖然都等左半個鐘 同埋門口等位都幾熱下🤣係等位既時候職員會比餐單你填埋 可以慢慢諗食咩🙌🏻～～ 平時唔想等位既我都覺得值得等下！又平又好食！又一間會再返食既台灣野～座位都好舒適！

今日星期日返完工，應該獎勵吓自己。本身諗住去淘大食客家好棧，始終好耐冇飲過茶，點知執咗笠。所以今日行咗去食九份飽，呢間台灣野喺九龍灣來講都算係數一數二出名，夜晚都大排長龍所以一直都冇機會試。今日11點難得冇人即刻入去，環境都唔錯，好似真係去咗台灣咁樣，坐低望一望個Menu，嗌咗個鹽酥雞扒滷肉飯，彈一彈佢上菜嘅速度真係有啲慢，等咗成20分鐘先出到我嗰份，至於嗰個飯我真心覺得OK先講一講佢個米，佢嘅台灣米帶俾我去台灣旅行嘅回憶，唔會好淋但係亦都唔會太乾身，佢嘅滷肉嘅味道亦都好好，用咗五花腩再加豉油去炆，真係非常之邪惡，一啖一啖咁樣食都係唔會厭㗎，佢嘅雞扒都炸得非常酥脆，好似食緊豪XX雞扒咁。總括而言，我覺得今日個餐唔錯，美中不足就係上菜速度真係有啲慢同埋份量可以大少少，不過只要佢冇人排隊我都會再幫襯😃

值得一試的台式餐廳，性價比高！懷舊滷肉飯(大）$42大大碗，勁多汁，兩個人都食唔晒😂啲滷肉好足料。食量細既朋友仔又想試吓滷肉飯，又想食小食，建議叫一個細嘅滷肉飯，咁就夠晒飽啦。海苔肉鬆起司蛋餅 $37送到上嚟熱辣辣，食落口啖啖肉鬆👍🏻，不過就唔係好食到芝士味。鹽酥雞 $38分量多，好香脆又唔會覺得粉漿厚👍🏻味道剛剛好🤤滷味拼盤(豆腐/ 雞蛋/ 豬耳朵/ 牛肚) $35豆腐睇落平平無奇，食落都幾滑。牛肚同雞翼都好入味，好冧～但份量唔算太多。

🙋🏻‍♂️餓底探員今日去咗九龍灣調查呢間台灣菜🧀🫔起司蛋餅 $28📸表示可能只係叫咗起司一種餡料，感覺上個蛋餅比較空洞，如果叫肉鬆起司或者粟米起司，個視覺效果應該會豐富好多，另外個芝士無拉絲效果有少少失望🙋🏻‍♂️表示個蛋餅口感鬆軟，食落充滿香濃芝士味，味道唔錯，但得芝士的確有啲單調，如果有肉鬆或者粟米成個蛋餅層次會再提升🍽滷味拼盤 $35📸表示個拼盤有豆腐，滷蛋，豬耳，牛肚同雞翼，每樣份量唔算多，雞翼滷蛋得嗰一嚿半嚿，兩個人share勉強ok，但未必試得齊所有款式🙋🏻‍♂️表示食落個滷水味唔太濃同有微甜，牛肚同豬肉切得好幼，成個拼盤只可以for淺嚐，食完感覺唔深刻，整體一般🍖🍞刈包 $30📸表示個刈包入面有五花肉，酸菜，花生碎同芫荽多種配料，份量唔少，個包睇落好澎湃🙋🏻‍♂️表示個包好軟熟，五花肉軟腍，配埋鹹香嘅酸菜同帶有微甜嘅花生碎一齊食口感好豐富，食完係會好掛住台灣 🍗🍚香酥雞扒魯肉飯 $48📸表示平時食台式嘅鹽酥雞扒通常都係大過塊面，呢塊雞扒嘅size唔算好大，魯肉份量市唔算多，睇落同細碗嘅魯肉飯份量咁上下🙋🏻‍♂️表示雞扒外層酥脆內層軟腍，配埋香濃嘅魯肉飯一齊食真係好夾，可惜唔夠滷水汁

疫情之前，相信好多人都成日會飛去台灣🇹🇼，除咗有夜市行之餘，台灣嘅物價水平都比較低，而我都係經常飛去台灣行夜市掃街既香港人之一😍🇭🇰 去到台灣必食嘅嘢唔少得魯肉飯、柯仔煎同珍珠奶茶🧋，呢間餐廳嘅格局好有台灣夜市feel，而且食物味道唔錯😋好似真係去咗轉台灣咁🥰🥰-懷舊魯肉飯 （小） 🍚 魯肉飯好入味，魯肉夠晒肥美，好正好好食👍🏻雖然叫細碗唔係好夠喉，不過如果想叫多啲款式嘅小食，叫細size就差唔多🙈🙈-雙層起司蛋餅🧀️🥚 蛋餅唔會太厚，而且有滿滿嘅芝士，口感豐富，仲可以配埋旁邊嘅辣醬食，唔會太滯🤤🤤🤤-柯仔煎 柯仔煎好有台灣嘅味道，口感煙韌，蠔🦪既份量都好多，配埋甜辣醬一齊食，感覺好滿足😍☺️-冬瓜茶 味道不過不失，平時飲冬瓜茶好少可以少甜，但係佢哋可以自己選擇甜度👍🏻👍🏻-珍珠奶茶🧋 茶底夠香，甜度適中，珍珠都好重黑糖味😚

疫情關係，已經好耐好耐冇得去旅行啦！！近在咫尺嘅台灣都去唔到😢好彩有「九份飽」咋！已經唔係第一次幫襯～暫時試過嘅菜式都冇令人失望，水準滿滿，充滿正宗台味呀！今日下午茶時間嚟到，入座率九成，好彩岩岩好有位唔使等！（平時幾乎每次路過都見到要排隊等位）少餓，所以正係嗌咗個擔仔麵、鹽酥雞、涼拌牛肚同友人share，另外加兩杯飲品：蜂蜜檸檬柚子茶（熱)、奶蓋綠茶（凍)。肉燥、滷水蛋、貢丸、蝦仁、香菜，配上綿滑麵線，口感一流👍🏼鹽酥雞即叫即炸，熱辣辣、夠香口、肉質夠嫩、大大粒、份量足！涼拌牛肚微辣，同行友人唔太食得辣，但都入到口，夠惹味、入口煙韌彈牙👍🏼奶蓋綠茶口感綿滑濃郁，啜完奶蓋再飲番啖清香綠茶，兩者中和結合，味道一流👍🏼呢間一定會再幫襯架！！下次再試其他！！

有一晚行過淘大見到“九份飽“條人龍幾長吓，所以今日特登帶埋家人去食 lunch。由於平日怕撞正上班一族放食晏既人潮，所以我地2條特登早少少。。。12點去到，5使等位。店內裝潢如其他食評所說，帶有台灣九份感覺，招待我地既侍應也是操國語 (普通話。。。哈。。。5識分)，再加上坐我隔離枱的2名後生仔也是講國語，真係令我覺得自己似係台灣架坐定就叫嘢食，其實酷熱天真係無咩胃口，但我既陋習就係眼闊肚窄，於是我叫咗。。。1. 紅燒牛腩米粉：湯底係幾香，可是牛腩太瘦。。。太考驗牙齒噬咬能力啦。。。。仲有我地以為米粉係新竹米粉，但食落又5似，食落有d 脹氣，所以食5落整碗米粉了。。。2. 香酥排骨米粉：湯底比較淡，滷蛋幾好味，排骨係幾酥。如果湯底香返少少+用新竹米粉，就 perfect~3. 海苔肉鬆起司蛋餅：對比我係旺角和官塘食既其他台店既蛋餅，呢間有可改善既地方。佢既蛋餅係無乜蛋味，我覺得似食薄罉多d4. 茉香奶茶(熱，5分甜)：對比其他台式茶店，少了點茉香味5. 芋頭奶茶(熱，5分甜)：太甜了，我應該揀0 or 3分甜度員工做嘢好快手，禮貌也ok。其實呢間食店幾多人幫襯，我見人流不斷，又多人叫外賣

呢日喺附近行完街街 醒起有朋友推薦左呢間一入到去 裝修格局令我回想起六年前去台中一個叫新香蕉樂園的地方૮ •̥ ·̫ •̥ ა 真係好想去旅行🧳💡懷舊魯肉飯（小）魯肉肥瘦均勻 肉既份量都不少 唯食到落底魯肉汁不見了 送唔哂碗飯不過叫細份剛好俾我地開心share‪ ֊ ̫ ֊💡海苔肉鬆起司蛋餅呢個再來的話一定會encore甚至會自己叫一份每檯都叫 當然要試雖然係最遲先到既一味 但絕對係新鮮整出嚟海苔肉鬆好多 但咬落去有半融嘅起司香味蛋餅熱辣辣又軟熟 好吃💡炸甜不辣 以為睇落細細兜 原來成兜都有好多條成兜滿晒 酥軟鬆脆 口感煙韌 一條條咁食完又想再食(ᐥ꒳ᐥ )但旁邊配搭的辣醬就即時變得很香港風味💡滷味拼盤老實講 好細既一碟 而且係超薄切 薄到自己食咩都feel 唔到入面有五款食物 每款約有三塊 較為吝嗇唯果一隻雞翼俾我整下佢滷水真偽 撕開雞翼入面完全冇滷水味 肉質都係白色嘅滷水表現就真係一般般但係💡鳳梨綠茶 跟餐+$10叫了半甜 入口舒適唔甜 好香嘅鳳梨味減甜度更顯出綠茶味香( •́ɞ•̀)( •́ɞ•̀)✰ 只接受walkin 星期六晚六點半等候時間約為20分鐘

呢間台式小店開係淘大商場，每次經過都見到有人排隊。今日終於見到少啲人排，即刻試試先。紅燒牛腩刀削麵 $59呢款湯底係有比較重牛肉味，反而無乜藥材味，我都幾中意。牛腩都幾大舊，肉質好腍同埋好入味。刀削麵就比較粗身，口感好滑，而且都好彈牙。跟餐加$10會有埋飲品，有需要可以揀埋甜度，我哋就揀咗蜂蜜綠茶。肉鬆起司蛋餅 $35蛋餅偏硬身，餡料好足。一啖咬落去會食到好香芝士味同滿滿嘅肉鬆。另外會有埋辣醬係一邊，但我就覺得就咁食已經好夠味。鹽酥雞 $38鹽酥雞炸到好香脆，上枱仲係熱辣辣㗎，椒鹽味都唔會好鹹。

之前行過見成日有人排隊， 打算搵日試下㗎啦。 今日星期日晏咗食早餐， 所以冇食午餐， 晚餐就可以早啲去食， 大約5點去到，唔洗排隊， 食完又可以行下商場，等消化吓先返屋企。今日叫咗三個不同的刀削麵、鹽酥雞、鹽酥排骨、肉鬆蛋餅、薑母茶、珍珠奶茶，全部都對版， 又唔貴，有下次😂

肉燥雞扒飯，雞扒炸得好香脆😍😍😍而且雞扒一啲都唔老，勁多肉汁，肉燥比得好足夠，汁都勁香，😘😘😘酥炸魷魚鬚，魷魚鬚勁香口😛😛而且分量勁多，我哋兩個人食都食唔晒😛😛超級足料肉鬆芝士芝士蛋餅🤩舊舊都勁大嚿，而且超級多芝士同肉鬆，食落去淡淡都勁大嘅蛋香味😋😋😋😋炸香芋蛋黃丸，中間包住好多芋泥，而且咬落去仲有蛋黃嘅流心效果，超級有驚喜😍😍😍😍勁鍾意，估唔到蛋黃同芋泥勁夾😋😋😋一下子一個人食咗三粒

呢間真係一間好味平價既台式餐廳👅試左幾款都好好味😋性價比好高！餐廳佈置到個環境好有台灣Feel，好似去左台灣咁～留意，呢間餐廳係無加一服務費😉香酥雞扒滷肉飯 $48好大碗！滷肉好入味，肉唔會勁多肥膏，肥瘦適中，唔會太油膩。雞扒又唔會炸到好厚粉，香常香脆😍海苔肉鬆起司蛋餅 $37蛋餅既餅皮唔會好厚，口感Q彈😆配有辣椒醬，點埋又幾好食！每啖都充滿海苔肉鬆，芝士量適中，唔會食完好濟，推薦必試！滷味拼盤 $35有豬耳仔、雞蛋、雞翼、豆腐、牛肚。份量還好，滷得好入味！蚵仔煎 $45口感好Q彈！蚵仔好新鮮，一碟都唔少蚵仔😍留意翻，18:00後先有得叫呢個！

好想飛過台灣掃街食野 但係現實中已經變成不可能的任務 但俾我發現左係淘大商場有一間台灣野食 唔洗講 即刻就入左去試下佢我去果時大約7點半都有大約廿個人排緊隊 不過都係等左三 四個字左右就入得去 裝修真係幾有特色 有好多關於台灣的裝飾樣樣野我都好想食 可惜肚皮有限 我地叫左兩個主食同兩個小食 香酥雞排魯肉飯: 與菜名名符其實 雞排炸得非常香脆 而同時亦保留住雞排的肉汁 至於魯肉飯完全係做到台灣的味道 唔會係我地平時我地係街食到既"肉燥飯" 係真真正正既魯肉紅燒牛腩麵: 比起其他佢就稍為遜色左少少 牛腩的份量十足 亦都炆得夠腍 純粹係味道較淡 而麵條亦都好幼滑 整體都ok酥炸花枝丸: 花枝丸炸得香脆可口 加上少少的辣粉 食起上黎更加惹味蚵仔煎: 份量都頗大份 需時要20分鐘左右 由於即煎關係 粉團煎得好Q彈 蠔仔份量都算多百香果綠茶: 飲落好重百香果味 亦有少少微酸的感覺 蜂蜜檸檬: 甜和酸的組合好夾 個人覺得三分甜剛剛好

19政府長期鎖港，久久未能免隔離出遊，想念寶島唯有食吓台式餐廳，九份飽絕對是抵食首選。台灣早餐店必點的蛋餅，海苔肉鬆起司口味豐富，饀料咸香，半溶芝士香氣足，餅面香脆。刈包中的五花腩半肥瘦，加入芫荽、花生和砂糖等，味道鹹甜交集，轉瞬清碟。紅燒牛肉麵十分足料，牛腩軟稔，蔬菜種類豐富，湯頭香濃帶甜，抵食。蚵仔煎十分惹味，蠔仔鮮甜，加上生菜木薯，是經典的台灣味。大推甜品芋圓豆奶，口感Q彈，且加有紅豆、珍珠、仙草，豆奶少甜，實在大滿足。