九井食堂 (香港仔中心) (已結業)

今日同朋友離香港仔行街！估唔到依到都開左間日本料理店，離到好旺場，好多人已經排緊隊，好彩好快就入得🤩🤟🏻依到野食勁多種類，睇到眼花撩亂，我同朋友兩個每樣都叫d，埋單都係$300幾，性價比勁高，食到勁飽👍🏻🤣不得不讚係依到上菜速度勁快，一叫完轉頭就上齊，正🌟最推薦係三文魚炸蝦壽司卷外層三文魚勁厚，上面仲有蟹子同沙律醬，中間包住青瓜，食落口勁有層次，超match!👏🏻另外依到既魚子軍艦同三文魚🍣刺身都係必食推薦魚子勁鮮，三文魚好厚好大塊🤩冬天就離，仲叫左個牛肉壽喜燒離到有驚喜！牛肉真係足料，塊塊大大塊，仲要肉質好嫩🤩仲額外追加海鮮盤，有由魚、帶子、青口，樣樣好新鮮🌟其他小食，例如京蔥牛肉卷都好正，大家離trytry🍣😋

👉今日再食九井食堂，梗係要試喲未食過㗎啦😉.📌三文魚腩 $52 ～ 冰鎮🧊上枱，見到已經心心💕眼。一客4⃣️件超厚切三文魚腩，非常新鮮，油光閃閃而沒有飽膩感，前菜必食‼️📌鰻魚手卷 $20、軟殼蟹手卷 $25、三文魚天婦羅🍤蝦卷 $62 ～ 🍣各款卷物新鮮即做，紫菜、軟殼蟹都脆口十足，美味之餘賣相🈵️分！📌牛肉壽喜燒 （韓式泡菜湯）$82 ～ 🈶️3⃣️款湯底選擇，韓式泡菜湯辣度啱啱好，越滾越🈶️味，仲有飯或烏冬任揀，🈶️食力之士都夠飽😃📌吉列白豚定食 $72 ～ 本身都冇乜期望嘅，咪吉列豬扒囉～ 點知一咬 ～ 外層麵包糠輕薄香脆而不油膩，厚切豚肉仲好juicy, 豬味香濃仲有少少🤏脂肪，入口甘香酥軟。$72🈶️此質素，仲要係set‼🛎重要事情要講3⃣️次：️💯必食📣必食🔈必食💯🥳

南區新日本餐，終於多個選擇，以丼為主食，對於小朋友最吸引為飲品任飲，不過平日12:00嚟都強調3次45分鐘交枱，可能因為多銀行，公司午飯。食物算ok，唯服務差。

今次係啱啱行完山然後經過間舖頭本身仲諗緊嚟到香港仔應該食咩 但係見佢個舖頭好似係新開 又未食過 咁就行入去試吓同埋服務員嘅態度非常之良好嘢食雖然價錢上唔係話特別平 但係價錢係接受到同埋啲嘢食係非常之高質！最令我覺得難忘就係佢嘅吞拿魚

九井食堂最大賣點對我嚟講莫過於可以68蚊任飲生啤，仲係asahi生啤！鐘意食下野飲野既真係超爽！menu方面幾多個款選擇。我就叫左份鰻魚定食，賣相夠正，厚厚既鰻魚肉好挺身！肉質夠嫩，而且醬汁夠，可以完全包住鰻魚外層！睇見都流口水，定食跟既茶碗蒸既蛋好香又滑， 有蟹柳，香菇！ 個蛋蒸得好綿滑又夠蛋香，熱辣辣又好食！就叫咗一份芝士雞翼餃子， 非常飽滿雞翼包住餃子肉，啖啖肉！ 而且非常嫩滑又夠肉汁，好得！外層又夠香脆，好好食！叫咗生啤放題當然要叫下佐酒小食，味付魚干！香香脆脆幾惹味！魚既香味咸香十足，再加上沙律醬，味道更提升！店員服務幾好，覺得不錯z

今日收工約咗朋友喺香港仔食飯，喺網上見到呢間新開左唔係太耐嘅日本菜，就心思思想去試吓，睇吓係咪真係咁好食。平時好鍾意食刺身嘅我就揀咗呢一個三色刺身丼，入邊有海膽、帶子同埋大大隻嘅甜蝦，海膽好鮮甜而且份量都唔算少，味道濃郁，而帶子都有好多片，夾住青瓜一齊食感覺好清新，甜蝦一共有三隻而且好肥美，感覺上刺身同埋壽司飯嘅比例啱啱好。我哋仲叫咗一個鐵板滑蛋白豚定食，定食配有蒸水蛋、漬物前菜、麵豉湯、同白飯一碗。用鐵鑄鍋一整鍋呈上枱面非常有氣派，炸豬扒非常大塊，豬扒嘅炸衣炸得非常酥脆，沒有油膩感，豬扒厚身而且Juicy，唔會乾柴。嫩口嘅滑蛋配上爽口嘅洋蔥，令到鍋入邊嘅湯汁非常鮮甜，攞嚟餸飯一流。見到隔離枱食左口魚壽司，出於好奇心下，我都嗌左一份，一食落口左口魚就溶喺口裏面，唔會有腥味，而且十分美味，好食！話明食好嘢，又點會咁快夠飽，我哋叫咗個三文魚天婦羅蝦卷，啲三文魚都幾肥美同新鮮，而且夠厚身，大快朵頤。天婦羅蝦喺飯卷入邊依然保持到酥脆嘅口感，實屬難得。加上飛魚子、青瓜絲同埋蛋黃醬做點綴，一啖食落去口感豐富不膩口，值得一試。我哋仲嗌左一份喺日本餐廳經常會見到嘅燒魚乾，餐廳燒到啱啱好，唔會太乾太硬，

同朋友出香港仔諗住睇吓漁船影下相，行行吓勁掛住鄉下，就搵吓附近有冇日本餐廳。咁上網就見到呢間九井食堂，望落都幾多嘢食。最後我哋叫咗三文魚海膽丼同埋雜錦刺身丼，另外加咗茶碗蒸同山葵八爪魚。思鄉之情太嚴重，最後額外叫多板海膽。山葵八爪魚非常開胃😋海膽😋麵豉湯任飲。飲品任飲，而且抵讚佢個選擇有好多，有汽水，有沙冰飲，咖啡機，仲有個沙律吧。午市大大兜，真係大件夾抵食😆份量一啲都唔少呀。最後埋單$399，係覺得海膽有啲貴🙈但午餐份量同質素都唔錯😊

今日嚟到香港仔搵食 平時好少嚟呢邊聽日試咗一間 大份抵食嘅日式餐廳而且有得任飲飲品 係爽嘅 唔使就住就住加$13 任飲汽水 蘋果綠茶 沙冰⭐️角切刺身丼$65呢個勁抵 滿滿嘅刺身喺上面 飯粒質感 軟熟粒粒分明👍🏻鐵板滑雞定食$78 加$18有一大碗湯烏冬而且有茶碗蒸 麵豉湯 小食 可以話勁飽⭐️炭燒鰻魚定食$98 套餐都係包茶碗蒸麵豉湯前菜CP值相對冇前面咁高 鰻魚唔算厚身鰻魚汁餸飯加持下 一樣係好正. 九井食堂 (香港仔)香港仔南寧街2-16號香港仔中心四期1樓10號舖

去到人生路不熟嘅香港仔做野，圍住五期香港仔中心行左好耐都仲係搞唔清邊期打邊期😂誤打誤撞被入左九井食堂門口個menu吸引到就入左去。牡丹蝦壽司（@$35）左口魚邊壽司（$20）海膽軍艦（$35）十分新鮮甜美。😋同事嗌左天婦羅丼 （$82）份量都好多我就叫左雜錦刺身丼（$88），刺身種類好豐富，有三文魚、甜蝦、北寄貝、蟹籽、吞拿魚，肉厚鮮甜👍👍芝士年糕（$22）好飽滿嘅芝士😍😍岩晒芝士控芝士雞翼餃子（$25）雞翼入面釀左芝士肉碎，肉汁豐富，口感十足每個套餐都包埋去自助吧任添餐湯餐飲同沙律👍加$12仲有movenpick雪糕，但2個人都實在食得太飽所以放棄左🤣餐廳座位闊落乾淨企理。。而且每檯都配備唔少消毒濕紙巾！抵讚呀👍

位於香港仔中心嘅九井食堂，主打街坊生意，以性價比高見稱！場內裝修企理光鮮，也有多幅鮮艷的壁畫作點綴！飲品放題每位 $13有多款汽水、咖啡和朱古力提供！生啤放題每位 $68平時呢個價錢喺出面都係僅僅夠Order一杯，依家係任飲，抵到爛！三文魚腩刺身 $52極肥美而且軟腍可口，非常鮮美！山葵八爪魚軍艦 $20 兩件左口魚邊壽司 $20 兩件質素頗高，絕對對得住呢個價錢！九井壽司盛定食 $88一個價錢有齊天婦羅、壽司、前菜、茶碗蒸同埋麵豉湯，真係超值！天婦羅香脆可口，蝦肉結實甜美！壽司有五貫，仲包括埋中拖羅同帶子呢啲靚貨！火炙刺身丼 $78 ＋ $22 轉定食足足有五款火炙刺身！包括甜蝦、三文魚、帶子、油甘魚同埋中拖羅，經火炙後啲魚油滲晒落碗飯度，令米飯格外甘香，正！

今日去咗香港仔食lunch，見到呢間新野就忍唔住去試吓啦！入咗去先知原來呢間九井係同九龍灣嗰間同一集團，啱啱上星期六先去過添！👀不過九龍灣嗰間係新幹線，比較好玩！香港仔呢間嘅午餐都非常唔錯，沙律、湯同埋嘢飲都係任食任飲嘅，成個感覺即刻覺得好正啊！🤩角切魚生刺身丼 (HK$78 + 10%)魚生種類繁多，切得冇張相咁細粒，大大粒幾好食，又多料🐟！其他朋友叫咗雜錦刺身丼，感覺刺身份量就冇呢款咁多啦！😎題外話：飯量非常 generous，比較細食嘅朋友可以叫返少飯喔！🍚

超抵食既日本菜～價錢抵得黎份量又好足性價比超高的!黎過幾次每次必點親子飯定食本身個餸既份量已經唔細，塊雞排仲要超級厚包埋茶碗蒸真係超開心仲有麵豉湯、酸蘿蔔，飯另外上另外一人邊爐又係超開心跟爐上熱辣辣，呢個海鮮鍋睇個樣就知足料仲可以簡湯底、跟飯定烏冬都係自己話事😛炸物都係必食item!呢個係炸豆腐，個脆漿好薄身，仲有出面既木魚絲夾埋一齊食好惹味七味燒雞翼～唔好以為唔辣，食落個咀會慶慶地紫菜炸魷魚～呢味又係人氣食品，有時遲左去食都食唔到芝士軟殼蟹卷～～～呢個係我最愛

香港人最鍾意就係食日本嘢 所以邊度都有日本野 連鎖店就食得多 好食得黎又有特色嘅小店又唔少 一齊跟我周圍去做美食小偵探 睇下我個美食雷達準唔準啦 呢日就去到 呢間小店 叫幸鮨屋 鋪頭就唔係特別大 但係又幾有日本特色 一坐底就黎左呢件迷你 大阪燒？ 我都唔清楚係咩尼 因為係店員見我地嗌左兩個餐之後就馬上拎話尼的 話係前菜 莫非係知道我地肚餓 送俾我地食的🤣🤣？哈哈細細地又幾開胃 之後叫左個 壽司拼盤餐同 角切魚生飯 唔好以為佢係小店d魚生就唔新鮮 其實全部都好好食！真係好有驚喜呀 最後食埋個 鐵板燒西冷牛排 今次真係有驚喜 有油香得黎有肉味 唔同出面食嗰d 一上台就熟晒 就禁加 鹽同黑椒醬已經好好味 正呀!

今日去鴨脷洲探朋友, 跟住一齊去香港仔中心食飯！這裏日本菜唔多, 就試下呢一間新開日本料理餐廳！左口魚邊、三文魚子壽司左口魚薄切魚味重, 幼滑細嫩, 入口即化！三文魚子卜卜脆, 新鮮帶有海水咸味！海膽三色丼 海膽一大隻肥美肉厚, 帶子爽滑甜蝦有鮮甜味。丼飯是醋飯, 份量很多！牛肉壽喜燒烏冬 牛肉肥瘦適中, 煙韌有嚼口, 重牛味。壽喜燒湯底甜中帶鹹, 加烏冬嚟食特別惹味！鐵板滑雞定食 雞肉嫩滑, 伴洋蔥炒蛋, 湯汁偏酸帶甜味！蒸蛋滑溜蛋味重！芝士年糕 外皮香脆煙韌, 內裏芝士流心甜度適中！

香港仔除左海鮮仲有好多好嘢食!今次就嚟試呢間新開嘅日本野～鋪面都幾大 好多座位 坐得都舒服👍🏻佢嘅飲品選擇都幾多 同埋都幾抵！見到其他客人都有叫鍋 睇嚟係人氣之選🤣湯底我哋揀咗壽喜燒 都幾濃又好味😋牛肉質素都不錯 唔係一般快餐店薄切嗰啲肥牛🤣同埋份量都唔少 佈滿咗個鍋主食都揀左烏冬 好彈牙😋😋呢個軟殼蟹卷都幾好食😋😋上面嘅芝士微溫 所以有入口即溶嘅感覺同軟殼蟹同壽司飯就更夾👍🏻另外仲叫左個魚生飯～份量都幾足👍🏻魚生鮮味一般 無太大驚喜同埋飯略嫌太黏🙈帶子中間夾住咗塊青瓜 擺盤都幾有心思🤣另外因為太肚餓 仲叫左三款小食😛佢嘅炸物外層都唔會好硬 唔會有好熱氣食到喉嚨痛嘅感覺😂墨魚咀細細粒幾有咬口魚干略嫌偏硬同咸 不過味道不錯海苔魷魚都幾重海苔味 夾埋魷魚一齊味道都不錯👍🏻—————————————————————總結餐牌選擇好多 價錢都幾親民😋店員反應都好多 唔會要等好耐個人最中意佢嘅卷物同壽喜燒😋 最有驚喜同cp值最高👍🏻如果去開嗰邊都不妨一試～