九井食堂 (香港仔中心) (已結業)

在這香港仔的小小城區裡，想不到也有這家蠻便宜，且高質的日本料理店!座位寬敞，枱也大，擺放起食物上來，也不會看到迫狹!冷冷的冬天，點了一個鍋物，九井什錦海鮮鍋!很大的一個鍋，海鮮有很多種，有蝦，帆立貝，青口，蟹柳，魷魚及蔬菜，還加了烏冬及野菜盛，這個很抵吃!小吃類因看到價錢很抵，所以一次點了很多!雜錦天婦羅,唐揚雞球，土佐豆腐，芝士年糕，炸雞軟骨，芝士雞翼餃子，焗芝士粟米,每樣平均也只是二十元多，在外面的日本料理店真的很少這個抵!至於味道方面，每款也很香口，雞軟骨及炸雞炸得外皮乾身，不油膩，淡淡酒香味，炸雞超正!而其他食物，也很好吃，味道適中也有熱度!

ฅ≧∀≦ฅ 今日想食日本嘢，岩岩行過九井食堂，發現咗呢間日本料理店都好多唔同菜式，一於就入去試吓！入到嚟環境都唔錯，座位十分闊落，仲有個自助吧。⤐⤐⤐⤐⤐⤐⤐⤐⤐⤐牛肉壽喜燒我地揀傳統壽喜燒湯底，鮮味十足，鍋物本身嘅底料都好足，牛肉嫩口，烏冬配返壽喜燒湯底煮得都非常入味！⤐⤐⤐⤐⤐⤐⤐⤐⤐⤐另外，日本野都一定唔少得食刺身啦！咁我地就揀左北寄貝同三文魚刺身，兩樣非常鮮甜爽口，絕對唔會令人失望。⤐⤐⤐⤐⤐⤐⤐⤐⤐⤐壽司我地就食咗三文魚天婦羅🍤卷同鰻魚手卷鏝魚手卷賣相都不俗，份量都好大件，入面都有兩件鰻魚，鰻魚多汁夠咪，性價比超高！三文魚配搭天婦羅蝦壽司大大件，個天婦羅蝦炸得岩岩好，層粉唔會炸得太厚，成舊壽司口感層次豐富！⤐⤐⤐⤐⤐⤐⤐⤐⤐⤐呢間店都有好多款小食～咁岩都係我地最鍾意食嘅炸墨魚嘴，海苔魷魚，而串燒魷魚軟骨最有驚喜，都係我第一次見到嘅新菜式，二話不說一定要試，真係好新穎，味道似烤魷魚絲但口感就似食雞軟骨咁！絕對推薦👍🏻👍🏻👍🏻👍🏻👍🏻京蔥牛肉卷都好正😋如果鍾意食大蔥嘅都就唔好錯過

今日同屋企人去左香港仔呢間日本餐廳到食lunch，呢間餐廳環境幾大，好舒適！呢度係用QR code落單，好方便！呢間餐廳既午市套餐好抵食，我地點左兩個丼飯套餐，有雜錦刺身丼同埋火炙刺身丼。除左丼飯之外，仲有任食既自助吧，啲沙律、麵鼓湯同埋飲品都係任食架！魚生飯入面有好多料，啲魚生非常新鮮！其他壽司同小食都唔錯！壽司方面，我地點左鵝肝壽司同埋鰻魚壽司，鵝肝超香濃同肥美，入口即溶，正！小食就點左燒雞腎同埋魷魚軟骨，好惹味！仲有新鮮肥美既三文魚腩！

好耐無入過香港仔啦，肚餓搵野食，我記得之前來過九井食堂，印象好好，又夠乾淨，呢個時勢，乾淨一定行先，當然食物既質素都要講究啦。埋到位先發現，原來真係變左，係變好左。因為現在可以用QR code落單，完全更方便同準備，最起碼用返自己手機，每個人個感覺都更加乾淨啦。雖然九井環境本身都好好。事不宜遲，講先我叫左咩野食先，我今次叫左個吞拿魚刺身(我的最愛)，一直好食有口感。然後就來一份「九井壽司盛」，除左款式多之外，仲夠哂足料。基本上係可以一次過滿足哂多個願望。另外，因為十分肚餓，我仲叫左味付螺肉同火灸鰻魚卷，呢兩個都係濃味之選。當然，我得一個人，係唔可以「牛肉加蔥花，要烏冬嘛，照燒D雞柳又試下」，因為九井D野食真係足料，再叫真係會食唔哂！不過，我會留到肚飲佢啲麵豉湯同食沙律嘅，個個出去自助吧仲戴哂口罩，抵讚！

去香港仔搵朋友敘舊，當然要去最多嘢食嘅香港仔中心，我哋都比較鍾意食日本嘢，所以去咗一間叫九井食堂食晚飯！朋友話呢間日本餐廳好好食，價錢又好經濟貼地！食物嘅種類都好多，有唔同嘅壽司，丼飯，燒物，炸物等等！鵝肝壽司鵝肝肥美，煎過好甘香，油脂好香，浸落飯入面非常好味！味付魚干點咗個小食，燒得好香，充滿味醂嘅甜味，有咬口，係非常好食嘅小食！土佐豆腐如果鍾意食脆口食物嘅朋友，呢個都可以叫，外面好酥脆，裏面熱辣辣滑嘟嘟！另外要讚一讚，雖然客人都幾多，但係上菜嘅速度都幾快幾有效率！我同朋友都好鍾意食海膽，所以叫咗有海膽嘅丼飯！北海丼有海膽、吞拿魚茸同三文魚子，全部刺身都好新鮮，大讚海膽，非常之甜，口感好好！吞拿魚好香，鹹香嘅三文魚子，粒粒都好脹卜卜好飽滿！海膽三色丼有牡丹蝦、帶子同海膽，帶子都好口肉，好鮮甜，牡丹蝦又爽又彈牙！這個餐升級左做套餐，有茶碗蒸，味噌湯，茶碗蒸好鮮甜，蛋好滑！整體來講呢間餐廳真係有質素價錢又抵！

迎合愛吃鍋物及日式魚生刺身飯的我，久不久享受與家人為一頓大餐實在最好不過 !九井食店小店結合日系既風格寬敞裝潢，以餐牌一般單點或火鍋拼配組合選項，讓人選擇種類繁多之餘價格相當親民實惠香味濃郁「什錦海鮮鍋」份量頗多，同時亦加錢追加(海鮮盛/牛肉)各一份，嫩紅入口即化分佈得平均溶合在豬骨湯底的確惹味，主打(蝦/青口/帶子/豆腐金茹/冬茹/椰菜/魷魚)豐富材料食出靈魂兼隨心，一品鍋物任由自己發暉話晒事賣相一流帶出啖啖鮮味「三文魚、吞拿魚蓉丼」新鮮粒狀盛至滿滿一碗原汁原味，粒粒飽滿混在鹹香飯內絕有煙韌度質感，一頓食足兩小時確好滿足

講咗咁多好嘢食，唔知大家有冇興趣睇吓啲中伏文呢？前一陣子屋企附近開咗間新嘅日本菜，見到都幾多人排隊所以就試吓，一切都係伏的開始。餐廳因為新開嘅關係所以都幾多人，座位方面都幾逼，枱同枱之間嘅距離比較狹窄出入都比較困難，同埋由於佢有飲品吧嘅關係所以出入嘅次數更加多，我哋因為隔離嗰台食火鍋，所以每次行都要好小心。今次我哋叫咗個牛肉壽喜燒，日式滑蛋豬扒飯，日式鯖魚飯同一份日式炸雞。首先牛肉壽喜燒湯底第一啖飲就知唔係平時壽喜燒汁嘅味道，其次就係牛肉嘅質素比較參差，所以口感都比較差。至於滑蛋豬扒飯同埋鯖魚我就覺得不過不失啦，都保留到平時食滑蛋豬扒飯嘅味道，鯖魚嘅話都唔會話過分熟，加埋檸檬汁我覺得都OK唔錯。我同屋企人反而覺得最好食嘅竟然係套餐附上嘅茶碗蒸，口感都幾滑，而且重蛋味，另外日式炸雞都唔錯，都係平時日式炸雞嘅味道啦！綜合來講呢間餐廳我都唔會再去食，因為同一個價位嘅話區內會更加多選擇，希望餐廳會努力改善啦！

日本野黎講每次黎香港仔都必定幫襯～～坐得闊落得黎性價比又高✔️牛肉sabu sabu ~簡左豬骨湯同埋烏冬～～唔想食烏冬要飯都可以個銅有豆腐、冬菇、嗚門圈、粟米、金菇勁豐富我就梗係食壽司啦～～～三文魚子、隻燒左口魚、海膽每樣食材都好新鮮～食完仲要追加😍😍滑蛋雞排飯便當🍱仲包埋茶碗蒸～茶碗蒸個蛋蒸得岩岩好～好滑溜仲有銀杏同埋冬菇～絕對唔欺場仲點左串燒～～～～汁燒墨魚🦑咀～～一份有兩串食落好彈牙☺️

今日上OpenRice 睇吓有乜好選擇，就見到香港仔開咗間新嘢，當然要去試吓啦。Lunch 時間需然人多，但好快就有位。入到去就只放低Lunch menu ，當時以為只有lunch menu 可以叫⋯⋯服務似茶餐廳咁，我哋叫咗三個set lunch 包任食沙律、任飲麵豉湯及飲品。魚生丼、牛肉烏冬、辣海鮮烏冬、茶碗蒸及炸墨魚咀。魚生丼應該是餐廳內最多人選擇，lunch 都有四款可以選擇。我就選擇了雜錦海鮮丼，質素合付預期，油甘魚夠厚身、魚生份量足夠。地獄海鮮烏冬，海洋都算多有帶子、蝦、青口、魷魚同蟹柳、湯底味精都幾重及微辣。海鮮ok彈牙爽口。另外一個主食牛肉讚岐烏冬⋯⋯牛肉太‘鞋’太老，味道一般、湯底味似出前一丁嘅豬骨湯味🤣點這個令我太後悔了。反而任食沙律吧，佢嘅車厘茄、菜十分新鮮，食左三、四轉。而最後的茶碗蒸比較老，一啲都唔滑。而炸墨魚咀因漏咗無落單所以無得食，有機會留返下次先再試啦。最後埋單有驚喜，小朋友有禮物揀，都算不過不失

今日響附近收工，見有間日本餐廳好多人食，所以入去食晚餐😋😋🌟 九井什錦刺身丼 （$98） 定食（+$22）跟湯 +茶壺蒸海膽好新鮮，好甜，無臭味😋😋魚生好厚肉，好大塊😋😋大頭蝦好甜，好新鮮😋😋魚子份量多，無魚腥味😋😋呢個刺身丼性價比好高👍🏻👍🏻🌟 九井什錦天丼 （$88）天婦羅即叫即整，粉漿開得好好，好脆，唔會好厚，整得好好，而且炸完乾身😋😋蝦🦐肉彈牙，炸魚肉質好滑，蔬菜🥬新鮮👍🏻👍🏻🌟 九井芝士軟殼蟹卷 x 炸雞軟骨($58 & $32)軟殼蟹炸得好香脆，再加火炙芝士響面，味道好夾，必點之一😋炸雞軟骨都係即叫即炸，調味岩岩好，唔會太咸，炸得唔會過火，好香口😋🌟 海膽軍艦 x 帆立貝壽司 （$35 x $30)海膽乾身，厚肉，新鮮，而且價錢唔貴，必點😋帆立貝厚身，好鮮甜😋😋

今日想介紹下性價比最強之選 好耐無食連鎖壽司餐廳了 今日終於試左九井壽司 性價比極高 首先想讚一讚員工 員工好勤力好有禮貌 好熱情咁幫忙倒水 落單 比人一種初印象好好既感覺第一度菜 叫左我最愛既海膽刺身 海膽顏色偏深 初頭會驚苦 但食落完全無伏 係新鮮同甜美既 係一種可以去感受佢既口感既海膽haha 咁就已經好足夠 好過我網上買500蚊盒苦既海膽 唯一我覺得紫菜痴口係我唔鐘意既 就咁食海膽會更好 講下壽司 叫左三款 灸熱左口魚邊，蟹柳同吞拿魚左口魚簡直一流 油脂味食到人好感動😹 吞拿魚味道正常，比較多根帆立貝刺身都新鮮 最後叫左個壽喜燒牛肉鍋 壽喜燒汁好好味 同想像中一樣 牛肉彈牙唔un 係足料鍋 食到好飽🤭總結 推薦左口魚 係最出色既一道菜 好想再食呀！

放左工,番到屋企忽然好想食日本野...經過商場樓下有位伯伯好落力宣傳,跟住我心郁郁就拉左小情人去食野啦!!嘩....果然無帶錯小朋友,le度係有兒童餐...岩曬小朋友...仲有好多好野食...我地order左以下美食!兒童加洲樂園$58九井雜錦刺身丼 $98 （轉定食+$22）日式枝豆 $15和風蕃茄沙律 $10任飲生啤 $68牛肉壽喜燒（連烏冬 $82)小朋友除左食兒童餐之外!仲食場壽喜燒!雖然我地叫左好多野食...但係丸好味啦...係食得曬!好滿足所以菜色都唔油膩!食多左都唔怕肥!而且小朋友仲有玩具送...開心死小朋友啦！

出乎意料之外打開menu，發現有好多選擇🤣壽司刺身炸野，全部都有！！！有排諗😜真係好難揀ga，但叫多 d都吾怕～😍價錢又唔貴😂😂正九井雜錦刺身丼套餐 - $120💖💖呢個丼有：三文魚、油甘魚、甜蝦、帶子、三文魚籽同埋海膽😍蒸蛋，麵豉湯😋咁多都係$120 真係好抵.京蔥牛肉卷🍖$28好厚身牛肉卷，內裡包一大舊爽脆京蔥，一共有2串，肉質嫩滑，好味道😋芝士粟米😚有成塊芝士係問仲要焦香過嘅～

同同事喺港島做完嘢，就去咗呢間日本餐廳試吓~都幾多人等位，平日夜晚都好full!▪️北海丼非常大碗，有海膽、三文魚籽同吞拿魚蓉，仲有厚身玉子，$108咋，CP值高！海膽都幾大片，而且入口好鮮甜，口感creamy!三文魚籽大大粒，份量好多，咬落去脆卜卜又鹹鮮，咬落有爆汁的感覺🤤呑拿魚蓉口感細滑軟綿，味道鮮美，份量也不少。玉子嫩滑又夠甜！▪️ 三文魚吞拿魚蓉丼同樣大大碗，只係$75，但味道更完勝連鎖日本餐廳！呑拿魚蓉同樣入口細幼滑，香又鮮美。三文魚又厚切又多粒，色澤飽滿，油脂香溢，非常鮮甜！▪️油甘魚刺身有四片，都幾厚切，肉質鮮甜無雪味，有魚油脂香。▪️芝士軟殼蟹卷有六件，每件都好大舊，灸燒過嘅芝士好香，溶度剛好，軟殻蟹好脆口！▪️七味燒雞翼燒得非常惹味，帶點微辣，肉質juicy！▪️味付魚干烘烤乾後嘅魚干油脂清香，口感脆身，點埋沙律醬，好開胃！-呢度日式居酒屋裝修，門口有好大張壁畫，日本風濃厚，暫且當自己去咗日本過下旅行癮。位置寛敞，坐得幾舒服！下次黎香港仔會再黎食！

long long time 無去香港仔今日要去探個朋友順便食飯，朋友帶咗我去香港仔中心四期嘅一閰日本餐廳 ，地方都幾大座位唔太迫幾多卡位幾好坐，食品種類都好多牛肉壽喜燒有豬骨湯,壽喜燒同辣泡菜湯底，我當然選擇我至爱嘅壽喜燒啦~有大白菜,豆腐,冬菇,魚板,金菇,洋蔥·,牛肉再加個讚岐烏冬去索壽喜燒嘅靈魂~甜甜的醬汁😋牛肉唔錯我地encore多碟牛肉滑蛋雞排定食~雞肉嫰滑加上甜甜的滑蛋洋蔥👍厚切三文魚腩有口感又新鮮七味燒雞翼燒得幾香有啲辣每人加$13就可以無限暢飲放題~有汽水，咖啡，白咖啡，美碌，綠茶……