影片
更多
2020-11-08
61 浏览
今日收工約咗朋友喺香港仔食飯，喺網上見到呢間新開左唔係太耐嘅日本菜，就心思思想去試吓，睇吓係咪真係咁好食。平時好鍾意食刺身嘅我就揀咗呢一個三色刺身丼，入邊有海膽、帶子同埋大大隻嘅甜蝦，海膽好鮮甜而且份量都唔算少，味道濃郁，而帶子都有好多片，夾住青瓜一齊食感覺好清新，甜蝦一共有三隻而且好肥美，感覺上刺身同埋壽司飯嘅比例啱啱好。我哋仲叫咗一個鐵板滑蛋白豚定食，定食配有蒸水蛋、漬物前菜、麵豉湯、同白飯一碗。用鐵鑄鍋一整鍋呈上枱面非常有氣派，炸豬扒非常大塊，豬扒嘅炸衣炸得非常酥脆，沒有油膩感，豬扒厚身而且Juicy，唔會乾柴。嫩口嘅滑蛋配上爽口嘅洋蔥，令到鍋入邊嘅湯汁非常鮮甜，攞嚟餸飯一流。見到隔離枱食左口魚壽司，出於好奇心下，我都嗌左一份，一食落口左口魚就溶喺口裏面，唔會有腥味，而且十分美味，好食！話明食好嘢，又點會咁快夠飽，我哋叫咗個三文魚天婦羅蝦卷，啲三文魚都幾肥美同新鮮，而且夠厚身，大快朵頤。天婦羅蝦喺飯卷入邊依然保持到酥脆嘅口感，實屬難得。加上飛魚子、青瓜絲同埋蛋黃醬做點綴，一啖食落去口感豐富不膩口，值得一試。我哋仲嗌左一份喺日本餐廳經常會見到嘅燒魚乾，餐廳燒到啱啱好，唔會太乾太硬，
平時好鍾意食刺身嘅我就揀咗呢一個三色刺身丼，入邊有海膽、帶子同埋大大隻嘅甜蝦，海膽好鮮甜而且份量都唔算少，味道濃郁，而帶子都有好多片，夾住青瓜一齊食感覺好清新，甜蝦一共有三隻而且好肥美，感覺上刺身同埋壽司飯嘅比例啱啱好。
我哋仲叫咗一個鐵板滑蛋白豚定食，定食配有蒸水蛋、漬物前菜、麵豉湯、同白飯一碗。用鐵鑄鍋一整鍋呈上枱面非常有氣派，炸豬扒非常大塊，豬扒嘅炸衣炸得非常酥脆，沒有油膩感，豬扒厚身而且Juicy，唔會乾柴。嫩口嘅滑蛋配上爽口嘅洋蔥，令到鍋入邊嘅湯汁非常鮮甜，攞嚟餸飯一流。
見到隔離枱食左口魚壽司，出於好奇心下，我都嗌左一份，一食落口左口魚就溶喺口裏面，唔會有腥味，而且十分美味，好食！
話明食好嘢，又點會咁快夠飽，我哋叫咗個三文魚天婦羅蝦卷，啲三文魚都幾肥美同新鮮，而且夠厚身，大快朵頤。天婦羅蝦喺飯卷入邊依然保持到酥脆嘅口感，實屬難得。加上飛魚子、青瓜絲同埋蛋黃醬做點綴，一啖食落去口感豐富不膩口，值得一試。
我哋仲嗌左一份喺日本餐廳經常會見到嘅燒魚乾，餐廳燒到啱啱好，唔會太乾太硬，一路食住主食配以魚乾，味道真係好夾。
食到最後，依然忍唔住口想叫多個特色小食，見呢個土佐豆腐係推介，於是就試吓佢。呢個炸豆腐嘅做法都幾創新，係用咗大量嘅木魚幼絲加入去一層薄薄嘅炸粉漿，包裹住一大舊滑豆腐，然後油炸。口感做到皮脆內軟，大量嘅木魚絲除咗增加酥脆感外，仲有一番獨特嘅香味，令人充滿驚喜，為今次呢個晚餐畫上完美而又滿足嘅句號。
张贴
