九井壽司 (已結業)

生活忙碌之中總要些美食慰勞自己，呢日約朋友食飯，經過MegaBox見到這間以高速火車為主題嘅壽司店，決定貴少少都試吓。這間壽司店提供iPad點菜，所有刺身、壽司、定食、甜品、飲品等等，全都一目了然，仲可以不時翻查賬單，睇下自己點左幾多嘢食。每一枱都有提供醬油同煎茶包，仲有酸薑，可以作為前菜開胃。朋友好鍾意刺身，一於試吓呢度嘅不同款式刺身，一叫就叫咗四款，有三文魚、劍魚、帆立貝和北寄貝，每一塊都好厚身。三文魚件紋理清晰，三文魚味濃郁，味道真係好鮮甜，而且脂肪分布均勻，每一啖都有如有嘅甘香，食得出好新鮮。帆立貝都啖啖肉，比一般壽司店嘅帆立貝體積更大😊👍🏽第一次食火炙左口魚壽司，真係幾有驚喜，沒想到薄薄的一片魚肉味道可以咁濃郁，炙過的魚片有陣陣煙燻香氣，帶出魚油的香氣，口感嫩滑而不油膩！最後點少得甜品，叫咗芝麻和綠茶雪糕🍦各一客，最鍾意芝麻味，因為每一啖好似食緊芝麻糊咁，超級香濃，而且雪糕球較多，可以等佢慢慢溶化，享受每一啖。相反抹茶🍵雪糕嘅抹茶甘香就稍為遜色一點，奶味比預期多，如果茶的濃度更高就好了。總括來講雖然消費不低，但每一道菜也物有所值，值得推薦。

環境餐廳是在MegaBox，距離地鐵站10分鐘路程，就算唔想行都有旅遊巴直接由九龍灣去MegaBox，所以其實都算方便。我和朋友是在平日晚上光顧，人唔算多，所以都幾靜，同朋友傾計啱晒！餐廳都幾光猛，賣點好似係用列車去送食物，小朋友應該會幾鍾意。 食物1）海膽魷魚壽司（評分：10/10）真係不得不讚呢個壽司，最鍾意依碟，所以叫左兩次。如果唔係最尾太飽，我仲想再叫多次😂 海膽魷魚比想像中多，而且海膽味比出邊壽司店鮮甜好多，再加埋魷魚爽口嘅口感，真係味道一流。一啖食落去，唔單止有滿滿嘅海膽味，仲有鮮甜嘅魷魚味！2）灸燒左口魚壽司（評分：9/10）燒左口魚不嬲都係我其中一個最愛，依間嘅左口魚壽司都冇令我失望，魚油好足夠。一咬落去，左口魚肉質幾爽，魚香好香，燒得幾好食。3）灸燒帶子壽司（評分：7.5/10）呢個壽司嘅帶子比想像中冇咁鮮甜，但帶子好大粒，燒得都幾香。4）三文魚腩壽司（評分：8.5/10）呢個壽司都好好食，因為啖啖肉，三文魚腩都幾厚身，而且肉質食落幾新鮮，味道都唔錯。5）迷你海膽三文魚籽飯（評分：10/10）想講依家啲海膽真係幾好食，一啲都唔苦或腥，好鮮甜。雖然係迷你版，但係海膽嘅

2018年10月25日。九龍灣。晴。接男朋友收工，獎勵係食壽司🍣～～附近呢間壽司店好有特色，之前一直都想試個樣似係普通迴轉壽司店，但係一坐低就有架JR列車🚄喺我哋身邊呼嘯而過送餐係用JR火車火速送到！以前喺日本都食過類似嘅餐廳，攞咗碟壽司落來之後再撳掣，架車仔就會返總站而家更上一級，攞完碟嘢，架車自己就會乖乖返去！太厲害啦！見到咁好玩，即刻嗌嘢食！點餐用iPad，有壽司、刺身、手卷等分類可以慢慢睇慢慢揀三文魚加州卷，$22卷物非常足料，三文魚都幾厚一碟三粒，好抵啊～迷你烏冬肚餓嘅男朋友嗌咗個烏冬，迷你烏冬都唔係好迷你，女仔食應該夠飽配料唔算好多，但估唔到又幾好味喎！燒芝士餃子雞翼雞翼尖脆卜卜雞翼脹卜卜入面有芝士，又有肉調味唔錯，鹹淡適中海膽魷魚手卷海膽味香濃！魷魚煙韌有咬口～～雖然有海膽，但係同其他手卷價錢相若，抵食啊！八爪魚刺身刺身有好多選擇，我哋揀咗八爪魚有4塊，彈牙爽口！象拔蚌壽司、油甘魚壽司平時象拔蚌壽司呢啲食材應該會貴啲，但呢度個價都係同其他壽司差唔多質素仲要唔錯，一樣爽脆，所以覺得好抵！油甘魚亦滑溜好味！中華海哲嗦嗦嗦～～～😋龍蝦沙律卷鍾意外面裹咗一圈蟹子，增加口感入面質地

同朋友行MegaBox，喺9樓見到呢間好得意嘅壽司店，以快速列車為主題，見環境乾淨整齊，有得食又有得玩，就同朋友入嚟食咗一餐豐富嘅日本菜！呢度提供煎茶，唔係一般嘅抹茶🍵，但反而煎茶比沒茶清澈，加上有烘焙香氣，個人覺得更加適合襯托味道簡單自然嘅壽司食材。喺螢幕上瀏覽餐牌，見到呢一款壽司丼做緊大特價，幾乎係半價， $68就有咁多三文魚籽同海膽，真係好抵！海膽口感好creamy，入口已經食到嗰種獨特嘅甘香，再帶一點微鹹，將鮮味再提升，非常鮮甜。三文魚籽調味十分好，醬料份量適中，不會奪去三文魚籽本身的甘香和鮮味，壽司飯亦加入適量嘅醋，味道不會太酸，壽司飯一粒粒有口感，令成碗飯味道均勻，嗰種多種口味既和諧係一種享受💕🤤高速列車真係好高速咁將壽司送來😎👍🏽落單後大約等1分鐘就有得食。三文魚腩壽司真係好肥美🤤💕肉質好嫩滑，creamy!呢款壽司好食到我同朋友叫咗兩碟😂係海膽醬加魷魚條～冇想到兩者係咁夾omg，魷魚🦑咬碎左之後喺口中同海膽融合🤤叫咗四種嘢食之後就有一個抽獎機會，抽中左蟹柳手卷！好彩朋友肚餓，如果唔係我都係食落，食咗咁多壽司之後真係有啲飽😆為咗再次品嚐勁鮮甜嘅海膽，我哋幾飽都再叫多一件海

來到了九龍灣，先逛逛大型的購物商場，然後來一頓豐富的下午茶，使用升降機直上高層，再轉乘＂新幹線＂，來到了目的地…其實是來到了以＂新幹線＂為主題的日式餐廳才對，餐廳的裝潢用上簡潔的藍白二色，配合木牆身及木座椅，恍如進入了火車的包廂。＂包廂裡＂使用的是高科技，用上平板電腦自行點餐，之後＂新幹線列車＂便會高速的運載食物來到；不消一會，食物便送到桌子的旁邊，十分有趣。最先送到的是菠蘿波子汽水＄20，壓下樽蓋，＂啪滋＂的一聲，波子徐徐的跌下，頓時令人勾起童年的回憶，喝一口，氣量十分充足，淡淡的菠蘿味道。燒芝士餃子雞翼＄32，送上來的時候熱騰騰的，雞翼預先拔走了骨頭，所以吃的時候＂嗒嗒肉＂，先是濃濃的芝士味，然後是一點點的南乳味，雞肉外脆內嫩，非常可口。火灸芝士蟹棒壽司＄18，一小片的芝士蓋在蟹棒之上，咬一口，吃到煙燻的味道，芝士香濃，蟹棒肉質鮮甜，即時令我胃口大開。軟殼蟹手卷＄24，咬一口，紫菜非常薄脆，軟殼蟹亦炸得很香脆，被暖暖的飯粒包裏著，一脆一軟，是要好的搭檔，令味道層次得以提升。玉子壽司＄12，雞蛋味香甜，連同酸味恰到好處的壽司飯一起來吃，就是簡單的美味。原條星鰻壽司＄38，送上來的時候

男朋友係九龍灣做野，我趁唔太忙就去搵佢食晚餐佢話呢間九井壽司開左冇耐，我地就一於黎試下。一入到餐廳就比裡面嘅先進設備吸引住啦這間壽司店同平常去開嘅迴轉壽司店比較唔同，裡頭座位設有一部平板，我地可以經平板落單自己想食嘅刺身、壽司同其他小食。我地叫左幾款刺身、壽司同埋燒鯖魚。我地所點嘅食物就好快經由運輸帶直接運到我地座位旁。刺身壽司燒鯖魚整體魚生壽司都好高質素，好新鮮，而鯖魚亦好香好好味👍🏻之前我地係傳統迴轉壽司店，通常迴轉帶上都係一D已經整好嘅壽司，但係這個運輸帶係按我地落單要求直接送食物到我地座位旁。感覺好被照顧，確實係一次不錯體驗。食左咁多野都係得差不多300蚊咋

平日放假，自己帶住BB遠征Mega Box~目的有2個~第1就係去Playhouse放電~第2衝住新幹線壽司而來~~路線圖牆身好吸睛呢~門口亦擺左好多圖書~如果小朋友食飯坐唔停，絕對幫到手~點完菜後，壽司好快送到~職員見我帶住小朋友，好主動幫手放好壽司~服務真係抵讚~牡丹蝦真係好鮮味~ 最推介俾大家~帆立貝都非常肥美~芝士蟹籽唔係間間有得食~小妹一向最愛~ 脆口蟹籽加埋芝士香~ 正！其他壽司水準都唔錯~雞泡魚乾，又係每次見到都必點~今次有d太乾身~入口唔夠甜~ 有d可惜~2點黎到，過左飯市~靜靜地嘆個飯，真係享受~

同女朋友行過mega box，有D肚餓，見到間幾企理的壽司店，就入去試下。發現裡面都係用「子彈列車」運送壽司，點單就用ipad，同現時的壽司店差唔多，好處真係比較有效率和唔漏單。食物質素方面，我覺得都有7－8分，算係中上。海鮮類壽司都算新鮮，火灸左口魚有油香味，入口即溶，都幾好食另外，比較有驚喜的食物包括：炸南瓜餅、豆腐雪糕、波子汽水、炸芝士波、栗子、烏冬整體質素幾好，值得推薦。缺點方面，只係地點較偏，不太方便。

同朋友睇完戲，見到有新幹線壽司就入咗去試。用ipad點完，佢地好快就送到。車上既海膽同左口魚都好好味。海膽新鮮，份量都幾多。左口魚入口即用，非常推薦。我地叫咗拖蘿蓉同軟殻蟹手卷，兩個紫菜都好脆好味。三文魚腩都幾厚同海蝦壽司大大隻。我地係新幹線見到有人叫呢個幾得意，所以都叫咗紫菜魷魚好大碟好扺食。我覺得新幹線壽司可以俾人見到人地食咩，之後見到吸引就會好想叫好得意。店員都好好人，會同我地講笑傾計。食物即叫即整，上菜時間好快。下次再係mega box 睇戲都好再食。

同朋友黎megabox玩，夜晚就黎左呢度食日本菜。可能因為我地黎既時候都比較晏（都成晚上九點），空位都比較多，所以可以坐卡位，舒服啲。落單是用iPad的，有刺身、壽司、手卷、魚生飯、烏冬、小食等，餐廳出餐好快，落單都唔洗3分鐘就有架高速列車送到，一拎走食物，架車就會即時駛走，唔洗㩒掣。茶水係自己裝的，枱面有茶包食物質素方面，魚生好新鮮，味道好，價錢合理，下次再有機會過黎megabox 玩，會考慮再過黎三文魚👍🏻

因為黎左megabox 開會開夜左，就同朋友喺megabox 食dinner, 朋友想食日本菜就黎左呢度了。一入去既感覺好似元氣咁，點餐係pad黎落order, 每落滿四樣餸仲有免費抽獎，睇英雄打怪獸，鍾意賭博既朋友就分開左三次黎落單，一共打左三次怪獸，點知三次都輸左，唔知中獎既話會得到咩呢。但呢種點餐方式真係好有趣，我地不停叫英雄加油，哈哈。食物方面就叫左壽司同雞翼，海膽壽司都好足料，味道很好。價錢上就同元氣感覺差不多，但整體環境就呢間比較好

今日和朋友來到九龍灣九井壽司食日本菜。店內擺設整齊，入座後發現貴店非常注重客人安全，有不少提醒客人的小心手等提示很好。吉列南瓜薯餅：又香又好味又夠大件。蟹籽沙律、北寄貝沙律軍艦、吞拿魚沙律軍艦：哇！好大碟，沙律菜、青瓜絲、吞拿魚都好多，又新鮮。日式牛肉烏冬：熱辣辣的烏冬很滑，牛肉剛剛好很嫩口。最特別，原條星鰻壽司：呢條鰻魚好長，身型不是很大，好靚，好吸引，味道不錯！牡丹蝦壽司：蝦挺大的，鮮甜。其他三文魚刺身、海膽壽司：都很新鮮，份量大，好味。最後還叫了豆腐，綠茶雪糕，軟綿綿的，大大的雪球，完全滿足曬！呢度D出品夠大，夠多，服務員態度也很好，下次會下光顧的。

趁著放假，與朋友一起到Mega box 行下街食下飯，在九井壽司門外見到壽司列車幾得意，於是決定一試。餐廳位於商場的上層位置，環境安靜又舒適，而且餐廳燈光夠光猛，令壽司看上去特別漂亮，食慾大增食物方面，我們點了數十碟，當中包括壽司、刺身及一些炸物。不得不讚的是無論壽司或刺身都勁足料，三文魚腩勁厚勁肥美，海膽一啲腥味都無，魷魚亦非常鮮甜黏口熟食及炸物方面，我特別欣賞芝士餃子雞翼，有一點點微辣，幾惹味，幾開胃整體而言，九井壽司在香港屬高上壽司店，有機會會再約朋友試試

-今次又嚟九龍灣Mega Box 食九井壽司😎環境明亮，望落好寬闊，而且服務十分滿意😚-極上 金の 刺身丼❤️（$128)賣相好靚，好豐盛，份量十足😆，配料有好多，價錢好抵，十分抵食嘅刺身井，海膽好鮮甜☺️，超滿足！推薦，必試嘅刺身丼😎-三文魚籽海膽迷仔丼😘（$68）三文魚籽配海膽真係超好食，有好多好多三文魚籽 同埋海膽，份量十足，海膽十分新鮮，真係好抵食😊-燒芝士餃子雞翼😋（$32)雞翼好香，啖啖肉，好足料😃-軟殼蟹手卷😎（$24)軟殻蟹食落好香脆，幾好食😊-吞拿魚刺身😚 （$35)好大塊吞拿魚刺身，好似成塊午餐肉咁大塊❤️味道不錯😍-特式松葉蟹鉗配蟹膏😚（$22)用香脆紫菜包住再食，蟹鉗都好大隻😎-燒鯖魚🐟（$38)鯖魚魚肉幾嫩滑，魚皮好脆，再加少許檸檬汁🍋，更加好味😍-特色香蔥吞拿魚碎💛（$20 ）用香脆紫菜包住再食，一次食曬咁多款配料，層次豐富😀-唐揚炸雞🐥（$28)十分香脆，外脆內軟，肉質好嫩滑，點埋沙律醬 都不錯☺️-吉列牛肉薯餅😀（$20)炸到十分香脆，正😘-紋甲魷魚壽司🦑（$20)紋甲魷魚味道鮮美，口感有點爽口😚-黑松露馬刀貝😃（$22)黑松露十分濃郁，有點蓋過了馬刀貝的味道，

今日帶住小朋友姪仔，約埋班老死同佢地仔囡黎megabox玩。呀仔行經門面，比佢架火車招牌吸引住，以為入面有野玩，就拉左我地成班人入去，點知係壽司店黎！比呀仔玩足成日，終於有得坐下，間野好新，除有一般迴轉壽司，仲有條火車路！落單係用tablet點，不過就冇得拎上手。我認為一間壽司店質素如何，唔係試魚生，係要試玉子壽司，魚生係睇貨源，貨源好乜都好食，但玉子壽司雖則簡單，但師傅亂整就一定唔好食，咁簡單都整唔好，其他免問！所以我食親壽司都會叫玉子壽司試一試，而呢間質素唔錯，性價比比大牌子勝一點點。仲叫左個牛肉烏冬，蟹子壽司、三文魚壽司、加州卷等等平常野。都冇失望。而每落完一次單，都有英雄動畫睇，初時仲以為係廣告，點知係抽獎黎， 只要個英雄打敗隻怪獸，就可獲得免費壽司。由於有小朋友，我地都以熟食爲主，但推薦大家試下香蔥吞拿魚壽司，一碟一舊，香口又有鮮味，一啖食曬好滿足！而且店內仲有好多小朋友玩具同圖書睇，各位家長可以親小朋友食飽玩玩具果陣休息下。