九井壽司 (已結業)

男朋友係九龍灣做野，我趁唔太忙就去搵佢食晚餐佢話呢間九井壽司開左冇耐，我地就一於黎試下。一入到餐廳就比裡面嘅先進設備吸引住啦這間壽司店同平常去開嘅迴轉壽司店比較唔同，裡頭座位設有一部平板，我地可以經平板落單自己想食嘅刺身、壽司同其他小食。我地叫左幾款刺身、壽司同埋燒鯖魚。我地所點嘅食物就好快經由運輸帶直接運到我地座位旁。刺身壽司燒鯖魚整體魚生壽司都好高質素，好新鮮，而鯖魚亦好香好好味👍🏻之前我地係傳統迴轉壽司店，通常迴轉帶上都係一D已經整好嘅壽司，但係這個運輸帶係按我地落單要求直接送食物到我地座位旁。感覺好被照顧，確實係一次不錯體驗。食左咁多野都係得差不多300蚊咋