九井壽司 (已結業)

由於工作關係 所以成日都會係Megabox 附近食Lunch同事岩岩去完日本返黎 對日本菜個癮仲未停落黎 所以過左Megabox 食點餐 送餐方式以自助方式進行 非常方便同同事每人叫個set 再share 一個小食✨三文魚刺身盛✨三件三文魚刺身外 另有四件壽司三文魚厚砌大大件 亦都非常新鮮再另配沙律同埋日式烏冬份量剛剛好✨火灸刺身丼飯定食✨除左丼飯外 另配沙律同味增湯好耐冇食魚生丼飯喇鼓油唔需要多 少少就可以 ✨吉列炸蠔✨一碟有四件 熱辣辣 新鮮即叫即炸同事都非常滿意😂埋單每人大約100蚊 坐得幾舒服物有所值

好玩又好食!!!!係香港食壽司，都有好多選擇嘅🤗呢間壽司有高速線，平板電腦落單，每嗌四碟仲有得抽一次獎添🤩真係有得食又有得玩！！—————————————————————壽司質素唔錯!!!!魚生新鮮~~~仲有唔少特色卷物☺️壽司大大件，都幾抵食!!油甘魚都不錯👍🏻有厚度架唔係薄薄一片！最驚喜係牛肉薯餅！同係日本由布院食嘅豐後牛薯餅有九成相似！好香牛味外脆內軟，真係超有驚喜呀😍食飯時間好多時都大排長龍！值得！

星期五晚市！ 餐廳勁墟冚😨 好多一家大細！ 原來係親子餐廳，小朋友可以免費拎一份玩具，仲有唔同嘅圖書可以任睇和氣球拎我選擇呢間餐廳，純粹因為商場優惠！儲夠分，免費玩一餐😂😂 九井定食包括 厚切三文魚三片，清湯烏冬一碗，仲有炸雞塊（唔記得影相）厚切三文魚啖啖肉😋 但烏冬湯底比較清，唔夠味，而且冇七味粉提供！炸雞塊，雞肉都幾嫩！ 唔錯！ 最令人喜出望外！ 左口魚邊😍 一啖擺落口，入口即溶，超重魚油味！ 忍唔住再order多一份 仲有少少燶燶地嘅炭燒味！ 一流！ 推推另外仲叫左，極上金の刺身丼！ $128蝦刺身望落肉質很霉，幸好食落唔太腥！

即興去megabox睇返場戲～睇完6點幾可以食埋晚飯！平時食開元x先有高速列車，原來呢度都有間！餐廳位於9/F兒童地帶，睇完戲落2層就到～成間餐廳蓋白色做主題，門口仲有車廂扶手，好似入左去一架列車咁～一入去有張枱放左啲書同玩具俾小朋友玩～如果帶埋仔嚟佢一定勁興奮！餐廳用pad點餐，列車直接送到面前～每累積消費4款食品就自動參加抽獎1次～間唔時又聽到啲日文廣播，真係好似去左日本咁😆小妹抽左2次，幸運地中左一次獎-qoo桃汁～可以拎返去俾仔飲！哈！食物方面：極上金箔刺身丼 - 賣相豐滿吸引，海膽正！仲有厚切肥美三文魚，角切油甘魚（冇乜味），甜蝦，帶子軟殼蟹手卷 - 炸漿厚左少少，但蟹係大舊非常足料炙燒左口魚 - 至愛！肥美成口油香！北寄貝，油甘魚，三文魚腩，希靈魚壽司 - 一般，冇咩特別最後一提，原本想試埋一口海膽壽司，赤貝壽司，吉列炸豪，點知全部售罄，係有啲掃興...總括嚟講，下次會帶仔再嚟試試！

餐廳入面本身可以選擇既種類已經唔多。我地3個人嗌咗左口魚壽司，凡立貝壽司，三文魚壽司，炸雞，唸住試下好無食先繼續嗌啦。落餐用個部機好麻煩，唔知係我地唔識用定係佢set死左，每次淨係可以落4碟...我地嗌咁少野都要分開兩次落，如果嗌多d野食又肚餓既話真係會落到燥。落完單，值得讚既係D野食好快就到啦，但食物既質素真係三文魚好normal 爭鮮質素，凡立貝賣相好唔新鮮，食落真係好唔新鮮，好乾又唔厚切。左口魚又油但食落又唔香，好似咬緊香口膠咁，咬極都咬唔開。d魚生難食都算，舊飯仲要係散既。買單$174，人均都要$54（我地一人只食左3-4件爭鮮質素壽司同1-2舊炸雞），未食過咁難食又咁貴既壽司。

放假就去左megabox行街係9樓兒童樂園玩完諗住搵餐廳食晚飯就見到一間好有特別既壽司店而且仲有好多一家大細係入面食咁就試呢間原來係用高速運送食物好有日本餐廳feel唔怪之得咁多小朋友食成間餐廳係以高速列車做主題原來仲有好多圖書借比小朋友睇點餐係用ipad黎㸃野食而且效率好高點完1,2分鐘內已經高速送到你眼前我地點左有壽司三文魚丼豬軟骨烏冬 壽司既質素唔錯而個烏冬就普普通通再有機會黎magebox都再會返黎食

說到火車路軌或新幹線壽司，大家一定想到日本的100日幣壽司店，沒錯！那種由火車軌送到的壽司，不止小朋友，連成年人也很喜歡香港除了元氣有把這股日本風帶過來，還有什麼選擇呢？今天就來介紹一下「九井壽司」，位於九龍灣Mega Box，是又一午餐之選，火車軌特色固然很是吸引，最重要的還是食物質素，這裡絕不讓人失望餐廳使用平板點餐，很方便用路軌及火車把套餐或其他食物送上點了雜錦壽司盛，有4件不同壽司、3件卷物，全都很新鮮另有三件揚物雞件配上他他汁，很惹味吸引加上一碗魚丸烏冬，份量剛剛好此餐廳亦設兒童餐及下午茶，男女老幼也可來試一試

今日黎到九龍灣megabox睇戲勁多細路 去左9/f搵呢間野 見咁多好評叫左螺肉 幾大碗 比起元氣大小小叫左碗三文魚籽 海膽 飯勁中意食海膽 我果碗食落海膽幾新鮮幾鮮甜 所以叫朋友都叫一碗啦！佢叫左碗帶子 海膽飯佢話海膽苦既 我以為佢唔識食我試一試 估唔到佢果碗個海膽真係苦過廿四味痴線 食左半舊就忍唔住lur左佢因為碗飯都食到差不多最後就廢事同店員講了大家叫海膽要食左個海膽先 苦既可能可以換黑松露油甘魚 推介黑松露比得幾大方！ 油甘魚都幾厚 幾新鮮芝士軟殻蟹卷芝士唔夠溶 不過都幾香口！ 不過都ok 幾飽肚總結來講 苦既海膽要扣分 bad experience 其實壽司都ok!

今日黎mwga box食飯 因為見到佢地泊車優好抵 逢星期一至五晚市食滿$100就可以有3小時free parking 👍👍👍今日番工出左一身汗 好想食凍少少既野最後選擇食壽司 呢間九井想試好耐雖然小妹晤係細 但係我真係好鐘意有高整線送壽司黎😂😂😂😂😂平日八點黎到 等左五分鐘左右位ipad點餐 有食物送到會有提醒👍架高速線都幾靚😂壽司好新鮮呀 我個人favourite海膽 雖然要成$30一粒海膽份量夠晒多 紫菜好加分 因為係脆架😆原條星鰻壽司 男友至愛話無腥味亦都無骨 啖啖肉好爽兩個人食左15碟左右 大部分係一件件既埋單$370晤算好平 但用料新鮮都值得一試

呢間舖係mega box嘅9樓，兒童地帶開，所以正正因為咁，亦好多大人小朋友一齊去食。而且店舖用火車運送食物到客人張枱度，絕對係小朋友至愛。純帶一提，每次點左四樣食物，就會有隨機抽獎，而我好幸運咁係點餐時中左一次，就係送左qoo蜜桃飲品。幸運換番嘅嘅飲品，特別好飲推薦一下，三文魚腩壽司，抵食又大件，愛三文魚嘅朋友係必要食！劍魚腩壽司，香港吾係好多壽司舖有，而呢度又有，又好味。佢有一隻加黑松露劍魚腩壽司的，不過我比較建議食原汁原味，黑松靈太濃，會蓋過左魚味。總括而言，食物，環境也不錯。不過等位時間比較耐。

其實食日本餐，只要食材新鮮我覺得每一間味道都差唔多， 所以我今次唔係講食物嘅味道同質素，而係講這間店舖嘅特別之處， 一般迴轉壽司店係整好一碟碟壽司在輸送帶上，所以往往最新鮮嘅都會放到乾晒 ，但今次這間店我們坐在一條長長嘅輸送帶旁， 枱上有一部落單嘅電腦， 我嘅小朋友從圖片上選擇最喜愛嘅食物，當他點單後食物在三分鐘之內從輸送帶自動送到我們的檯旁，帶給我女兒想不到的驚喜 小朋友反應係最真實，佢表現興奮嘅樣子就讓我知道， 如果佢乖就可以獎勵佢再嚟食壽司

有一日咁岩經過自己一個唔知食咩好見到依間日本野無咩人就誤打誤撞入左去叫左個三文魚籽海膽丼三文魚籽同海膽都好新鮮完全無腥味而且啲餸唔會就咁鋪面佢同飯嘅比例岩岩好唔會唔夠餸去送飯同埋都叫事個忌廉蟹肉餅個饀夠熱軍夠creamy好高質！ 總括黎講依間餐廳開喺megabox 都算係價錢親民食物嘅質素都好高餐廳唔多人食所以環境好靜 一個人可以坐好耐慢慢食職員絕對唔會比面色你睇如果去開mega box 想醫肚又唔想等咁耐位依間係首選

啲人成日都話九龍灣剩係得好多唔同嘅連鎖店，食日本菜來來去去都係嗰幾間大集團開嘅壽司店，啱啱個週末咁就喺OpenRice搵到呢間係MegaBox嘅一間壽司店，佢就唔係連鎖嘅，好似都幾多人食過，所以一於想去食下。去到問啲店員，店員話佢哋啲刺身呀壽司啲肉呢都係東京直送過嚟嘅，所以啲品質都有一定嘅保證。我哋一行兩個人啦就叫左10幾件壽司嚟食，整體來講，都算係新鮮嘅，啲刺身肉入口都幾爽口，份量啦都唔算細，算係唔錯嘅選擇。最有驚喜係佢嘅油金魚壽司，喺其他連鎖店食唔到咁爽口彈牙油甘魚，證明佢嘅貨源真係好新鮮，值得一讚👍🏻

星期一同同事黎到megabox食午餐，想食下日本野，就黎左九井壽司，黎到取飛等位，只需要等一張枱，好快就入得入到去就用tablet落單，另外茶水係自助嘅，有茶包供應我同同事叫左兩個餐share第一個係壽司烏冬定食，有三片三文魚刺身，四款唔同嘅壽司，壽司質素正常，烏冬都幾大碗，同埋彈牙，沙律係蟹籽沙律，幾好味另一個係鯖魚定食，份量好大，鯖魚足足有成條咁多，煎到好香，飯嘅份量都好多，中間有蛋絲，最尾食唔駛盒飯，連個麵豉湯都冇飲到呢兩個set咁啱都一樣係68蚊，lunch嘅價錢比同區貴少少，但環境靜靜地，同同事黎傾計幾好

呢次係我第一次黎食，相比Megabox其他餐廳，佢都幾多人等位。門口已經有個大餐牌show有咩食，有幾個sashimi don都幾抵食。門口出面又有幾部機動車仔啱晒D細路一路等位一路玩。環境光猛乾淨，服務小姐有禮貌😊 有D書仔俾小朋友睇。野食種類都算多，味道不錯，壽司唔會好似打風咁散晒，有小火車送到，繁忙時段野食都唔算等得耐，每次落單四樣野，仲有抽獎，幾過癮，抽到兩包果汁，我女很喜歡，啱晒一家大細食飯👍🏼👍🏼