九井壽司 (已結業)

行完宜家傢俬搵野食，竟然在mega box 野生捕獲一間隱蔽又高汁的壽司店。自從無食激氣壽司後，已經好耐無食過高速線！壽司款式選擇多！價錢都唔算貴！炙燒三文魚壽司同三文魚壽司做緊特價，8蚊一碟，超級抵！仲要好新鮮！叫左五碟都係40蚊，抵到笑左出黎！每叫四碟壽司就會抽獎！抽中左支益力多！鹽燒鯖魚大大條，熱辣辣！雞泡魚乾甜甜地鹹鹹地，燒到脆脆地，好有口感！咁有綠茶味既綠茶🍵雪糕！職員每次都認真地用消毒藥水清潔，令人放心好多！好開心搵到間好味又企理的高速線！