影片
更多
2022-08-12
42 浏览
日本嘢一向都係我嘅最愛。不過特色日式丼飯選擇一向唔多。今次依間《丼燃食堂》我就十分期待。餐廳設計相當用心，紅白色嘅老虎logo十分搶眼，天花板上嘅日文招牌都十足動漫元素。細微嘅設計都好有心思，餐枱上嘅食物餐紙，盛載熱水「元氣水」嘅玻璃杯，同埋筷子都有佢地logo同埋動漫嘅風格，令人印象好深刻。食物方便都走親民路線，丼飯選擇都有8種唔同材料配搭，同埋4種特製醬汁。主食方面一定要試佢地其中兩款人氣丼飯。虎士山丼 $118 配蜜糖芥辣醬材料相當豐富：三文魚蓉、拖羅蓉、帶子、蟹肉、三文魚籽同埋黑松露。上面嘅黑松露香氣四溢，三文魚蓉同埋拖羅蓉新鮮同埋帶有綿綿嘅口感。帶子同埋蟹肉味道鮮甜，加上帶甜嘅蜜糖芥辣醬鮮味瞬間提升一個等級。乜蟹都有丼 $138 配海膽醬上面嘅橙紅色嘅松葉蟹蓋已經十分吸睛，好適合打卡。打開個蟹蓋，就會見到裏面有長長嘅蟹棒同埋蟹鉗，以及大量嘅蟹膏同埋蟹籽。啖啖蟹肉好新鮮同埋鮮甜，估唔到同較濃味嘅海膽醬都幾夾，性價比好高。金龍卷 $68真係打卡首選。首先店員會用打火機點着金龍卷旁邊嘅燃料，睇住火焰升起嘅時候好夢幻。金龍卷其實就係鰻魚同埋炸番薯嘅內餡，再喺上邊放滿蟹籽。口感比較脆身
日本嘢一向都係我嘅最愛。不過特色日式丼飯選擇一向唔多。今次依間《丼燃食堂》我就十分期待。餐廳設計相當用心，紅白色嘅老虎logo十分搶眼，天花板上嘅日文招牌都十足動漫元素。細微嘅設計都好有心思，餐枱上嘅食物餐紙，盛載熱水「元氣水」嘅玻璃杯，同埋筷子都有佢地logo同埋動漫嘅風格，令人印象好深刻。食物方便都走親民路線，丼飯選擇都有8種唔同材料配搭，同埋4種特製醬汁。
主食方面一定要試佢地其中兩款人氣丼飯。
虎士山丼 $118 配蜜糖芥辣醬
材料相當豐富：三文魚蓉、拖羅蓉、帶子、蟹肉、三文魚籽同埋黑松露。上面嘅黑松露香氣四溢，三文魚蓉同埋拖羅蓉新鮮同埋帶有綿綿嘅口感。帶子同埋蟹肉味道鮮甜，加上帶甜嘅蜜糖芥辣醬鮮味瞬間提升一個等級。
乜蟹都有丼 $138 配海膽醬
上面嘅橙紅色嘅松葉蟹蓋已經十分吸睛，好適合打卡。打開個蟹蓋，就會見到裏面有長長嘅蟹棒同埋蟹鉗，以及大量嘅蟹膏同埋蟹籽。啖啖蟹肉好新鮮同埋鮮甜，估唔到同較濃味嘅海膽醬都幾夾，性價比好高。
金龍卷 $68
真係打卡首選。首先店員會用打火機點着金龍卷旁邊嘅燃料，睇住火焰升起嘅時候好夢幻。金龍卷其實就係鰻魚同埋炸番薯嘅內餡，再喺上邊放滿蟹籽。口感比較脆身同鰻魚好夾。神奇地好食
飲品方面就叫左白桃冷泡茶$15同埋桂花冷泡茶$15。首先樽身已經好吸引，有自家設計嘅白桃同埋桂花圖案。茶身有回甘同埋茶香，唔會影響到海鮮本身嘅鮮甜味，係好好嘅配搭。
张贴
