丼瀛 (已結業)

行左一輪街超攰，卜左尼間就係睇中海膽真係好似好正，但最後又愛但又怕受傷害，所以無叫鋪面果碗，而叫左個蟹蟹蟹同雜錦款！當然最後都係忍唔住叫左吞拿魚海膽飯卷。首先尼個飯卷，一睇就知童叟無欺！滿滿既！睇到相都唸反起鮮甜味既海膽另外兩個飯都送左上尼正到不得之了，一路睇相都流口水，對得起個價錢有餘，新鮮鮮甜，無腥臭，刺身夠凍，甲羅燒上台夠熱而且超香，食日本野最開心既境界！真心可以再去食埋其他野，期待再去試埋原本想食既海膽！

丼瀛 (觀塘)位於觀塘工業區內嘅良心小店，有唔同嘅日式料理，當中最出名嘅就係佢哋嘅壽司杯同十二道風味。有多種日本空運嘅新鮮食材🍣🐟，一坐低店員會同你簡單介紹餐牌，都可以叫佢哋推介菜式，店員都好nice同有禮貌。。🌟茶碗蒸🥚茶碗蒸嘅面有冬菇，如果食到落底仲有雞肉同白果。個蛋蒸得唔老好滑，水同蛋嘅比例啱好，唔會太實。。🌟香桃蟹籽沙律 🥗$45個沙律特別之處係，除咗平時常見嘅青瓜絲、蟹柳絲同沙律菜之外，竟然仲加咗好多嘅蘋果枝，食落去個口感爽好多，仲要好清爽開胃，作為前菜好適合。。🌟丼瀛特上築地壽司杯🍣 $268總共有七杯，每杯嘅下邊都有壽司飯，上面嘅配料就每杯都唔同。（赤蝦，三文魚腩，時令魚，芥辣八爪魚，葱吞拿魚腩，帆立貝，松葉蟹2本爪，海膽，三文魚料）同Menu寫嘅大致相同。赤蝦大隻鮮甜，個頭仲有蝦膏。海膽有海水味又唔會苦。鍾意吞拿魚配壽司飯一齊食。三文魚腩好肥美。食材新鮮，一份就可以食到多種口味。。🌟青蘋果乳酸特飲🍏 $32酸酸甜甜咁，又唔會有好假嘅藥水味。。📍觀塘駿業街56號中海日升中心1樓B號舖

之前有朋友話某間餐廳D菜式擺設如同插花一樣。呢一日同閨蜜喺觀塘上完插花course之後，就來到『丼瀛』幫襯。等待過程中，見到熒幕不斷loop啲圖片果然同我哋插花堂啲形態有8，9分相似吖。店員推介了『丼瀛十二風味』，見到食評D圖片亦好吸引，隔離枱亦點咗，食物同圖片一樣吸引，咁就要一份喇，目測一份應該唔够我哋两個人食，再叫多『流心粟米餅』和『忌廉蟹肉薯餅』两個小食就差不多。以下就係『丼瀛十二風味』，當中有中拖羅，油甘魚，三文魚腩，金目鯛，深海池魚，活赤貝，赤牡丹蝦，海膽，左口魚邊，三文魚籽，劍魚腩，帆立貝，有omakase的質數，赤牡丹蝦超大隻，有跳出杯子的感覺，肥美彈牙不在話下，海膽亦大大份，軟腍冇腥味……栗米餅和蟹肉薯餅相較，我鍾意栗米餅多D，因有流心feel，栗米的鮮甜味亦可品嚐到。

咪睇佢裝修簡單，其實深藏不露😂😂我平時衡量居酒屋嘅級數，就一定係試佢地嘅炸物同卷物，呢d都係功夫野黎架。一坐低，見到佢有雞皮餃子，哇，心諗佢咁大膽🤣🤣🤣點知果然無甩轆，雞皮夠薄夠脆，睇得出慢工出細貨，心機之作佢地嘅明太子玉子燒都係勁好食架，好香。但唔會死咸，蛋嘅甜同明太子嘅咸香辣好夾，拎到個平衡。天龍捲d料勁足，隻蝦咩事勁長勁厚肉🥰🥰😋😋仲有芝麻雞翼，炸到脆卜卜，我相信佢有撲上一層薄粉，但因為實在太薄，所以鎖得住水份之餘亦都唔會破壞口感👍👍👍

居酒屋來講，呢間舖頭裝修唔算特別精緻，但勝在空間夠大。天時暑熱，去到餐廳已經成身汗，一坐低就叫杯大啤飲吓，好夠凍，好消暑！嗰晚一人都飲咗兩杯見到Menu有個海膽熔岩，其實唔知咩嚟，不過海膽迷就姑且試吓。原來係天婦羅，黑色嘅位置咬落去好似墨魚丸，海膽味都幾出。跟住叫咗個溫室蕃茄豆腐胡麻沙律，個豆腐好滑，胡麻醬好為個沙律加分。跟住點少得佢嘅招牌， 12風味。個人比較欣賞佢嘅帶子同埋三文魚腩刺身，特別新鮮肥美。但最令我驚喜嘅係佢嘅串燒，我哋試咗雞肉棒、雞腎、雞軟骨、明太子醬燒玉子同埋明太子雞翼，雖然份量比較細小，但味道非常出色！佐酒一流。

絕對唔伏既丼飯✨🥲魚生飯既魚生超新鮮☺️分量亦都好足˗ˏˋ ♡ ˎˊ˗好少喺香港 依個價位 食到都唔腥 鮮甜嘅海膽( ´•̥ω•̥` )飯入邊仲加左飯素🤩🤩🤩非常好食(*ฅ́˘ฅ̀*)♡版主私心大推薦🎊1.爐端燒牛舌2.雞皮餃子3.海膽蟹肉甜蝦丼4.牛油香焗野菌

懷著期待的心情，聽朋友介紹第一次黎到新開張的日式丼瀛，黎到發現餐廳係商場比較入嘅位置，好在都未算偏僻，搵多兩分鐘都順利到達。 店內的裝飾比人一種眼前一亮的感覺，餐厅Logo旁邊還有“520 1314”幾隻字，燈光選用暖色調，柔和溫暖，整個氛圍顯得高雅浪漫。 十二道風味，推介必食招牌十二道風味裡，三文魚，吞拿魚，肥吞拿，鮑魚，甜蝦，章魚，海膽，魚子等等都能吃到！再配上一點腌漬薑、芥末、醬油，說它是一場視覺和味覺的盛宴一點也不過分。扇貝嘅做法係面頭鋪滿了一層醬汁，而扇貝肉係切碎咗，讓醬汁更易入味，賣相都唔錯。個醬汁我個人就稍嫌濃郁咗少少，有d蓋過咗扇貝本身嘅鮮味，不過對於鐘意濃郁風味的人士，呢道菜絕對係刺激味蕾的首選！沙律，蘋果絲口感爽脆 天婦羅味道濃郁，外表乾燥酥脆，咬一口香氣四溢，混雜著熱度和肉質鮮美的蝦，口感爽口彈牙，令人食慾大增。

今日係觀塘收工，揀左間餐廳食個輕食晚餐先返家。因為早黎所以都冇咩人，好快我地點左一個沙律🥗、一份壽司杯🍣同埋一個餃子熟食🥟先黎左前菜，香桃蟹籽沙律🥗，食落好清新💚爽口解渴，有沙律菜做根基，擺放以蘋果絲同青瓜絲整成既沙律加埋面頭既蟹籽，圍邊有香桃粒同車厘茄！食果時可以將所有野撈埋，多重口感令到我地都食唔停口😊主餐都放左一陣先開動💚主餐叫左個 築地壽司杯，呢種玩gimmick既壽司杯用shot杯形式呈現壽司🍣，飯量其實多過一般壽司既，勝在魚生夠新鮮而且厚切👍🏻每杯都唔同款式，有 三文魚2片、香蔥吞拿魚腩茸、松葉蟹肉、甜蝦兩隻、黃金魷魚 同 青瓜絲海膽！另一個主餐就係 🥟雞皮餃子🥟啦，懷着半份信心去試，因為怕佢雞皮太厚，令到成件事好油好漏～不過好彩冇令我地失望🥰👉🏻餃子係用雞皮做皮代替手工皮，簿簿既令包住肉既地方保持肉質嫩滑多汁💦而餃子兩邊就炸出脆卜卜既兩極口感👍🏻非常適合一啲以keto diet人士❣️

🍣🍣［觀塘夠堅夠鮮日本店］觀塘駿業街嘅中海日升中心🌊看似不起眼，但原來入面暗藏多間食肆🥟！今日去開果頭🙂，又想食日本嘢，見到樓下有大大個廣告🪧，就出發試試喇💨！樓下見到Ian@Mirror嘅宣傳車😍！有大班Fans聚集影相😎，心裡真係有啲感觸🙂！其實Mirror嘅出現真係帶比香港好多正能量🔥！幾耐無見香港人🇭🇰可以有返偶像🤩、追星😎、應緩🤓！一班共同興趣嘅人可以走埋一齊去追星🌟去分享，真係開心架😁！「So I say I love u ❤️！只有愛恆久不枯💛！」講返餐廳😂，入到去就有熟悉嘅「香港人」音樂傳入耳中🥺！店員好好，為小編細心介紹不同食物，最後決定✨……🌍🌕🌍🌕🌍🌕🌍🌕🌍🌕🌍🌕🌍🌕🌍🌊築地壽司杯 HKD$188—————————————————-開頭以為一個大杯好似丼飯咁🍚，上枱時分為七個小杯放在杯架上⚖️，小杯上面包括：🟠三文魚杯：三文魚又厚又鮮，壽司米粒粒分明🍚；🔴海膽杯：兩大片海膽😍！香、綿、甘👍🏻；🟢甜蝦杯：蝦🦐大大隻又鮮又滑口😋；🟡蔥吞拿魚腩杯：放入口即諗起日本黑門市場立食😭；🟣松葉蟹肉杯：人手拆肉🤌🏼，不過就乾咗少少🙂；🔵黃金魷魚杯：蟹子脆卜卜🦀，魷魚鮮味😋；⚪️酸薑杯

餐廳好寬敞，店面很大，有很多梳化位，無論你二人定十幾人聚會都絕對無問題。正值六點晚市開場，已經有幾枱客進店，每次餸菜上枱店員都會告訴食客相關的食物名稱，很細心，值得一讚👍🏻櫻花蝦炸豆腐🍤熱騰騰的炸豆腐上枱時已經飄來香氣，夾開豆腐見到入邊震震的又白又滑，一啖入口你就會食到同時聞到豆腐面香噴噴的櫻花蝦，同時感受脆香和滑溜👍🏻👍🏻明太子醬燒玉子🍳見到玉子燒中間多到爆曬出來的明太子醬，熱辣辣不夠香，完全沒有一般明太子的腥味，正😋築地壽司杯🍣一份有滿滿六杯的玻璃小杯，每杯都至少有兩件壽司的份量，所選用的都是新鮮的刺身做面，有蔥吞拿魚腩、三文魚、大隻甜蝦、海膽、松葉蟹鉗及蟹肉和黃金魷魚。軟殼蟹野菜米紙卷🫔薄薄的米紙包住野菜和脆脆的軟殼蟹🦀，配搭埋蔬菜，口感一流，完全唔覺得熱氣呀😆

見個個評論都話好味，點知伏咗大概係爭鮮咁嘅質素 連壽司郎都不如唔 好 再 信 打 手！雖然係黃店 但完全over priced以為呢個價會有唔錯嘅質素先試點知飯同壽司嚟到都好失望 就冇再叫其他野睇完餐牌價錢 加埋個環境 (不停狂播唔同版本嘅榮光同大量文宣) 好似做咗人血饅頭咁想快啲食完走丼上面嘅刺身都係薄切劍魚腩咬落口好似落妝棉吸滿水咁wasabi係好人造個隻玉子又係攞貨充滿水份又好硬個啲左口魚嚟到 一望以為係墨魚 無平時出面食開個種紋路 食落無魚香味 口感正常 但size同質素完全唔值28蚊一舊！油甘魚都算大片但完全冇光澤仲中間斷開咗好唔新鮮咁牡丹蝦偏細隻 好淋唔爽口唔黏三文魚子都唔係漲卜卜唯一正常係海膽同蟹籽建議大家唔好去試…黃藍是政見 好食是良知呢個價位呢個地段 完全唔值可以有好多更好嘅選擇！

同媽咪去完APM行街，諗住喺附近食飯，見呢間野好多好評所以就嚟試下。一睇就知係黃店💛丼灜12道風味 $398呢款係侍應介紹嘅，入面有吞拿魚蓉，三文魚，蟹肉，帶子，牡丹蝦，油甘魚，鮑魚，芥末八爪魚，螺片同海膽等等…真係一次過俾你試足晒咁多款魚，個杯入邊有啲係裝咗壽司飯或者沙律。整體係唔錯嘅，當中最出色嘅就係海膽，一睇就知新鮮冇溶，食落夠creamy，唔會苦，而帶子同埋牡丹蝦都好大隻，啖啖肉。櫻花蝦炸豆腐 $58呢個新鮮熱辣炸起，落咗好多櫻花蝦，外脆內嫩。雞皮餃子五隻 $48最鍾意呢個係無骨，可以成啖食晒，咬落去幾juicy.

今日喺觀塘aia tower 處理完一啲事務，於是便到隔離中海日升中心搵食。喺一樓見到一間日式餐廳，便入去試吓。因為18:00入去，所以不用等位就可以入去坐，舖頭尚算寬闊。首先點了一個蟹子沙律，他是把絲狀的蘋果和青瓜混在一起，令到口感非常爽口，冇咁單調，還有一些桃佐以點綴，份外鮮甜，鋪在面上的蟹子也增加了口感。嚟到主菜，點了一個非常出名的壽司杯，各種時令刺身優雅地鋪上面上，份外精緻，貝殼刺身鮮甜而且有嚼勁。刺身蝦原條奉上，增添一份說不出的清甜。油甘魚刺身也巧妙運用刀工切斷啲筋，入口即溶。最後三文魚配搭三文魚子是天作之合的配搭，不用幾分鐘便吃光所有壽司杯了。雖然是一間日式餐廳，但佢有很多特色創新料理，於是點了三文魚米紙卷和海膽熔岩。三文治咪紙卷就好像在吃越式和日式的創新料理，味道清新，配以芒果，令到三文魚的鮮味更加突出，不用點豉油味道都十分足夠。而海膽熔岩中間以海膽作為餡料，呈現半流心狀，味道濃郁，口感柔潤。總體來說。這間餐廳刺身新鮮，如果想食得更多料理，可以點一些沒有太多壽司飯的食物，便能品嚐更加多的菜式，這餐晚餐非常滿意

第一套菜係前菜蟹子蘋果青瓜沙律，一嚟到非常大碗，入邊夾雜左啲一絲絲嘅蘋果條，配上芝麻醬及蜜桃，有別於一般嘅日式沙律，食落去真係好清新，而且水果的配搭，好咁多種層次，令人一口想再食多口而主菜係壽司杯，係呀嚟到色彩繽紛 已經令人忍唔住去打卡 係一個個細碗仔嘅醋飯上邊 載上新鮮嘅生魚片 一碟菜已經食到七種味道 最印象深刻係海膽帆立貝 食落去完全一啲苦味都冇 證明個海膽新鮮 食落去亦好清爽 十分喜歡最後海膽熔岩同香芒三文魚米紙卷，海膽味唔算濃，但係夠在口感有咬口，整體感覺不錯,在豐富的主菜後，作為最後的點綴最好不過。

同事介紹的有質素日本料理！丼瀛十二風味，菜式擺盤已經好華麗，食材色澤鮮豔好新鮮。將傳統壽司放入杯裡🍶又幾得意！隨意揀出幾款食物形容一下，先說海膽，唔使講一定無得輸，幼滑無苦味，而且吞食後口腔內仍然有濃郁海膽味！蟹肉絲肉多😋還有蝦一隻、海膽一大格、帶子兩隻和三文魚籽， 全部都非常新鮮，很有地道日本風味！魚䰵碎蔥呑拿魚腩海膽卷由於魚腩位運動 量少 , 最容易積聚脂肪 , 因 此也是整條魚最肥美的部分 。師傅將最肥美的拖羅放入壽司入邊再配上海膽每一啖都可以吃出現滿滿的油香。感覺一次過滿足哂12個願望！軟殼蟹野菜米紙卷揉會日式軟殼蟹和越南米紙的組合，配埋胡麻汁又異常地夾，食嘅時候入面嘅軟殼蟹仲熱卜卜，米紙涼涼的，口感好特別！