丼吉日式吉列豬排專門店 (世貿中心)

营业中

休息中

上星期同女朋友黎食，由於walk-in，等左半小時才有位。但值得等，因為招呼好好，侍應斟水落單都好周到，禮貌十分足。我地叫左兩個定食，侍應幫我地一齊上，感覺唔係分開食，開心好多！女友鍾意食一件吉列豬柳又食一堆菜絲，值得一讚侍應眼利，見無菜就即刻加，非常好！豬柳的肉質好，吉列又剛剛好，不算太油。舒服的地方，周到的服務，雖然有點貴，但我同女友都話需要獎勵自己的時候會再去的！

見到好多網評都話好食，我就同我老公一齊試。星期日無得訂位，唯有WALK IN，七點鐘等大約等20分鐘就有位，等位時見到有幾個人買外賣，成200幾蚊一個外賣都有人幫襯，唔通真咁好食?坐低就發現左右兩都日本人，心諗應該幾正宗。我叫炸蝦，生蠔，豬柳，豬扒同埋軟殼蟹。上菜之前比碗芝麻我自己磨，好得意仲有好香芝麻味。面上有幾樽調味料，是但楝一種。酸酸幾好味。炸蝦好大隻，好新鮮。豬柳好鬆化、肉好厚一D都唔。豬扒都唔錯，但豬柳太好味，比起上就差D。生蠔好鮮味。軟殼蟹就普通啦。仲有無限椰菜絲、白飯供應。整體唻講食物就好好味，裝修ok，但環境就嘈D，而且待應好好似上摩打咁，做咩都好快速，有些壓迫感，好似叫你食完好走。呢度就扣分了。

媽咪個friend係哩間野既manager於是黎食下咁啦; >我由細到大都唔係好食煎炸野不過黎到哩度一定要食佢地既吉列豬扒咁話喎話咩d豬係日本黑豚原來真係名不虛傳佢呢俾個碗你自己顏碎d芝麻再加d汁就成位左一碗好好味既醬喇然後d吉列豬,蠔,帶子,點落岩岩自己整果d醬度..好味呀!食完又唔覺得好熱氣喎又唔會油淋淋咁先勁呀!下面仲有d椰菜好fresh食完炸野食d椰菜咪唔怕熱汽囉我個antie仲誇張到一路食一路叫: wonderful!哈哈點都好無論你好唔好吉列野食哩間野你都要試下喇: )

未食過咁好食既吉列豬柳!仲有D椰菜絲+埋柚子/紫菜汁都令我食唔停口~~^^食左4百幾蚊仲有廿蚊coupon送tim!一定會再去食多次!

上星期去了食，上一次食這間食店已經是8年前，所以都已經無印象了，今次食了這個餐，有一件豬扒, 兩件豬柳, 兩件帶子, 兩隻蝦，有咖哩汁、兩杯飲品、白飯、菜及同湯。我覺得最好味的是蝦，實在太好多味了，蝦的質地也很好，帶子就一般，不過就好大粒，豬扒及豬柳口感都很好，食完實在令我覺得好幸福，太好味了！最後結帳加一= $502 (兩個人)

尋日本來諗住同埋一眾同事去Mr. Steak博下有無walk in位食和牛~~ 點知無晒大.....無耐= = .帶晒班同事出黎食野...無理由叫佢地失望既0者...跟住就去左附近既Tonkichi食野...點知呢度都要等位...仲要等幾張...香港經濟真好...想當年...次次都唔洗等...XD<BR><BR>正題...成半年無食過咁濟...唔知會唔會走樣? 好彩~~完全同以前一樣~~只係唔知點解...無左個蓮"OUT"前菜...有D唔開心...我地6個人坐房仔~~fit晒~~~點左8個餐+ 1隻帶子XD,騎鬼呢...加一隻帶子,蠔依然超juicy~~豬柳依然超諗超好味~~蝦~~依然爽口大隻~~~不過可以再大XD,最美中不足反而係隻帶子...唔知點解細隻過以前...每次黎都會有D美中不足...梗有一樣野會縮左水...季節性變化掛...6個人食左3份蠔餐,一份海鮮,一份蝦,一份豬柳,一份串豬聊,一份帶子+ 1隻~~爽爆~飽到爆炸~~ 仲有...豬柳既最好朋友~~~羅白醋汁~~無左佢唔得

約了朋友在銅鑼灣晚飯，本想去的店，等了很久也沒有位；最後決定改行去這裡食，雖然都要等位，但也不至於等得太誇張。看完餐牌後，我們決定叫幾樣食物，大家一起來試試；最後選擇了叫蒸蛋、炸軟殼蟹、雜綿刺身、滑蛋豬柳定食、炸蝦定食和炸蠔定食。麵豉湯- 係跟套餐一起上的，味道香濃好味，比一般的麵豉湯感覺更加好飲。蒸蛋- 蒸得好滑，又香蛋味，真係有滑入口的感覺，可惜份量就幾細。炸軟殼蟹- 炸得好脆，又香又好味，但四個人食，每人只食到一舊多一點，感覺唔多夠喉添。雜綿刺身- 大部份刺身都很新鮮和美味，尤其是油金魚也好大件，但八爪魚就好唔得，又韌又無味，可惜係三人份量，四個人食就唔多夠分，比較上麻煩了一點。滑蛋豬柳定食- 叫侍應拿碗給我們，竟然等了都唔見人影，要再叫其她侍應，才終於拿來，什麼好味的豬柳也變凍啦，尤其是我們叫了滑蛋豬柳，令外皮都浸淋了，變得沒有這樣好食了，真激氣。好在豬柳也食得出，幾入味，肉質也很鮮嫩，算係補回不少分數。炸蝦定食- 蝦唔算太新鮮，但也不至於難食，感覺上唔算太出色，看來都係炸豬柳比較上好。炸蠔定食- 蠔沒有什麼蠔味，其中一隻還是變壞了的，雖然侍應立刻更換過一隻新的來，但來這裡食炸

看了大家的食評,攪到我都想試一試........叫了二個set. 一個吉烈朱柳加炸蠔,和一個吉烈朱扒加海老....炸得不錯,很香口和不太油...很美味....而椰菜也很好吃,平時我是不太喜歡吃椰菜的,但這個拌紫菜汁或油子汁也不錯

bestbestbestin a word ,this is the best!好滿足!i 'll be back!下次再來!價錢雖然貴少少!但係都值得既! i am willing to pay!

已經幫襯了很多年, 以前多是日本人吃, 近年已多了本地人. 從日本客多可見是很地道.最好吃的始終是炸豬排和炸豬柳, 炸海鮮也ok.近年也推出炸和牛, 肉質是不錯, 但用炸豬排方法做就始終格格不入.炸豬好味和地度的程度去到什麼級數呢?可能有很多人也去過日本東京吃過炸豬排, 其中很多旅遊書或會介紹"和幸"豬排店, 新宿高島屋就有一家, 水準不錯, 我覺得香港這餐廳在炸豬排和炸豬柳方面水準比和幸好一些.當然, 和一些百年老店, 如銀座"梅林" 和目黑的tonki還有些距離, 但已是很高水準的店了.

27/4/2007 (星期五)「美食盡在星期五」-- 今天黎到位於銅鑼灣世界貿易中心四樓的日本吉列專門店餐廳(Tonkichi Japanese Restaurant)。未到7點，已有顧客陸陸續續到達，由於係不設訂位，所以好多人會趁早到來飛等位。由於要配合豬頭人的放工時間，所以我7時20先黎飛，我以為甘早應該無咩人啦，點知一去到…就已經見到門口有人潮，我的輪候編號係NO.220，但係只係叫到NO.195…心知不妙，睇黎起碼等一個鐘。8時30分，終於都到我地喇。行個小巷，進入不算大的客廳，敞亮的玻璃，街外的夜景盡收眼簾。一坐下…我同豬頭人急不及待點野食，我們點了一客二人套餐，包括：一件豬手八、2件豬柳、2隻蠔、2隻大蝦、炸軟殼蟹、白飯、湯、鮮橙汁、菜絲、蘿白。未上菜之前，我地先把芝麻磨碎，唔洗5分鐘，待應就禮貌地奉上炸軟殼蟹，炸得一D都唔油，非常好味；之後就送上多種調味料，有鹽、芥末、沙律醬、燒汁等；吉列雜錦盤終於上場，金黃色的外皮，令人垂涎三尺。第一時間夾了一隻蠔…蠔香多汁，超好味；豬頭人強力推介吉列豬柳，嘩…我諗唔到點解會稔成甘，好似棉花甘軟…又無渣，好似中左「無骨棉掌」甘；吉列大蝦

今日放工同男友同Tonkichi食飯享受下，點知訂位一早full左，walk-in都要等成個鐘，真係好旺！我地點了以下兩個set:1) 炸蠔豬柳定食－　豬柳好鬆化，蠔好鮮味．2) 什錦海鮮定食　－　有大蝦兩隻，帶子，炸蠔及蟹肉薯蓉各一件；大蝦加上少沙律醬好好味，帶子及蟹肉薯蓉就一般．耶菜加西柚汁非常醒胃，飯後西瓜都好甜，我飽到冇去同滿記食糖水tim! 今餐好滿足，多謝！

喉嚨痛剛初癒，結果步伐又再不由自主向吉列豬扒邁進。代價嘛？咪就係食完喉嚨痛又再捲土重來囉！但我真係估唔到我會願意嚟食炸豬扒！(原諒我要用到"願意"。因為平日極少自動去食麥記同kfc！一.一)坦白說：本人一向都不愛煎炸食物。少得不能再少！不是怕肥怕對皮膚唔好~ 事實嘛！？而係根本壓力憂慮已令我很疲累，甚至單身沒有男朋友沒有他在我身邊更令我有藉口無顧慮放縱咁去食！反正不嬲都冇樣冇身材，更加唔洗keep 啦！(睇我的食評幾乎篇篇都有違"三高一低/少甜少鹽少油/日日2+3"的健康準則)其實我最愛的只係原汁原味、能夠食到食材本身賣點的食物。今餐開飯兩個女的一齊嚟食。叫咗兩個定食。(朋友：吉列豬扒炸蠔定食；我：雜錦海鮮定食)各定食跟一碗飯、前菜黃瓜、味潧湯、主菜、西瓜各人三片)前者厚切豬扒分割5小件加炸豪兩隻。後者海鮮有炸蠔、海老、蟹各一加兩隻炸帶子。坐卡位自成一各。談悄悄話係不錯的…而且枱面寬闊，邊食邊談公事攤開晒d 文件都仲得！同朋友面對面坐~ 一開始就上錯菜。與朋友的定食剛調轉…沒所謂啦！費事移嚟移去，倒瀉晒仲死~ 反正我們一開始就打算share 嚟食！服務拉車邊。人手見佢就夠，仲熙來攘往行

public holiday所以無得訂檯﹐好彩老豆晨咁早6點走去等位。6個人order左:炸蠔定食x4豬柳定食x1什錦海鮮x1炸蠔大隻﹔鮮嫩多汁!! 炸粉厚薄適中﹔唔太油同唔太膩。豬柳同樣美味﹐個酸汁幾開胃。什錦海鮮無掂過所以唔知!最後加$15唔要西瓜轉甜品"士多啤梨乳酪布甸"。上個時好得意係咁wobble!! 味就好香滑﹐唔太甜但可以再酸多少許就仲正因為我覺得奶味重過yogurt味。太太太滿足﹐今次無添飯(因為病左成個月...個胃一時唔係好順!) 但我添左椰菜絲!! 好鐘意佢個seaweed salad dressing, super yummy囉!!但食完後我又喉嚨痛喇! 都仲未好番...但真係太好味所以...

男朋友提議這店。裝修頗精緻優雅。不用等位太久，約15分鐘。選了精選雜錦吉列二人定食。等候時，侍應送上原粒芝麻，教我們用1條小木棍把芝麻磨成粉，加上豬扒汁，用來伴豬扒及豬柳吃。甚有新意。二人定食包括：軟殼蟹小食，吉列蠔,豬扒,豬柳和大蝦，麵豉湯及配菜。個人最喜愛炸蠔，肥美甘香，Juicy。豬柳肉質比豬扒腍,較喜歡豬柳；男友則較喜歡豬扒。特別一提是每種食物有指定醬汁配合，除了豬扒汁，還送上海鮮他他汁，咖哩汁，桌上還有紫菜醋汁及柚子汁，可加在椰菜絲。白飯、椰菜絲可添加。當晚吃了很多飯。服務滿意。侍應會在上菜時簡單解釋。飯後還換茶杯暖茶，頗細心。令人愉快的一餐。