丼吉日式吉列豬排專門店 (世貿中心)

营业中

休息中

看了這些食評, 刺激我發表一些意見.這是POKKA 集團的食店,跟POKKA CAFE及百瀧的食品是同出一徹. 只因為是主題餐廳, 及無限添飯及菜,及能飽覽維港景緻, 才讓人有與眾不同的感覺. 吉列的好壞關鍵在當你稍候才吃, 都仍然咀嚼到如剛起菜時口感及味道; 可是,... ..., 很失望的是.. 此家"做不到"! 服務方面, 與集團旗下的餐廳相比, 真的是遜色不少!店員眼睛生在頭頂之外, 連店長處理客人異議的能力也欠缺... ...

要了二人餐，如圖所示，有豬扒和豬柳，非常鬆脆﹐美味可口﹐配上芝麻醬汁﹐感覺新鮮。豆腐和三文魚也不錯﹐白飯和菜可以任吃﹐奉送生果。座位舒適特別﹐但只有少量位可供預訂。侍應態度慇懃有禮﹐能提供適當介紹予客人。建議六點前排隊﹐否則要等很久。

好開心！終於唔使等個幾鐘可以入座，重要係卡位。食過一次就令我對吉列食物完全愛上，無耐每次都要等，未必可以每次到來都如願。今日真幸運，攞位時經理小姐話今晚實施一小時制，因有國慶煙花滙演，實在再好不過適逢其會。入座後十五分鐘我的至愛吉列生蠔豬扒及大蝦豬柳就奉上，女侍應很有耐性地介紹醬汁，雖然已知點食，就係欣賞她們的熱誠，每次都聽她們介紹，尊重她們的誠意。檯上的美食、優雅的氣氛、窗外的醉人景致，人生於此重要投訴甚麽？非常贊成此店的時限安排，一小時可能較短，個半鐘就Perfect喇，等都值得。

這間食店真不知所謂! 一向服務都不好, 但今晚老公想食, 就陪他來。6時開閘(但5:30已有侍應及經理坐在counter 看著客人排隊), 5:30客人在閘外開始排隊, 他真的準時在6時開門, 但第一件事告知我們的事是只可吃1個小時, 真的! 是1個小時後交枱! 當時我們問他們為何排了那麼久, 才知會我們, 他們什麼也沒說(連些少歉意也沒有), 不理我們之餘, 繼續叫其他人入坐, 真是很不知所謂!!! 這些是什麼好服務呀?我們不明白如果只可吃1個小時, 為何不在門外寫明, 讓客人有所選擇?我試過致電訂即晚枱, 他們說要1個星期前訂枱; 又試過致電訂1個星期後的窗口位或sofa位, 又說沒有, 還有留位只留5分鐘啊! 吃過的人相信也有這個經驗, 等位1個小時是平常事, 但吃的時間呢? 當你吃完一碟食物時, 他們很快地收碟, 一夾起片西瓜, 隻碟已被取走了, 好像趕收工的樣子, 這些又是什麼好服務呢?我們對食要求高, 但對服務要求更高, 因會影響進食時的心情。我老公常常說, 香港食肆好多都好味兼服務好, 不應幫襯那些“自以為客多”擺出“唔憂做”的食肆呢!

probably the best tonkatsu shop outside Japan! Only problem is have to wait for seats. Better book in advance.

二零零七年九月二十一日當晚與母親大人因為一些事而要遲吃飯正當討論吃什麼時突然靈光一閃想起曾承諾會與母親大人去享受的日本吉列專門店一提出, 母親大人大叫一聲: "好!"好! 日本吉列專門店, 我來也! 到達時正好9 時正早預料要等候( 仲要係1個鐘左右)果然10 時多時侍應姐姐來引領我們開始令人回味的旅程了由於在等候時已決定了食物所以極速點菜我們點了:1) 豬柳拼生蠔定食2) 炸大蝦定食然後便是消閒節目- 自磨芝麻熱烘烘的芝麻, 已經香氣四溢在磨的時候就更加香氣撲鼻了剛把芝麻磨好, 食物就向我們奔來了~~~食物剛降臨桌上母親大人便: "嘩"看見母親大人的笑容真開心也~待侍應姐姐介紹醬料完畢我們便開動了~~看見大蝦向我招手便由她開始了我習慣由蝦尾開始吃(連殼)先咬一口, 蝦味濃郁, 新鮮~美中不足是, 蝦身有油,因為趕工而沒有足夠時間把油弄走嗎? 不要緊, 再咬幾口, 她...消失了....接著, 生蠔又向我招手了...來吧, 投向我的懷抱吧~咬一口, 鮮甜味美, 我有點醉了...豬柳...你...誘惑我嗎...?來來來, 跳進來吧~嫩滑無比, 回味無窮啊~~~還有椰菜, 白飯我...真的

不如意既事喺今朝早接二連三咁發生，好彩到咗夜晚終於苦盡甘來，享受到期待已久既美食！餐廳六點鐘開始營業，我哋五點九左右去到已經有人排緊隊，連日本人都嚟幫趁。六點鐘，餐廳好有秩序咁安排大家入座，我哋兩個人坐咗卡位，環境唔錯！我哋叫左大蝦豬柳定食同埋生蠔豬柳定食。等咗一陣，侍應姐姐就拎左啲芝麻嚟，俾我哋自己”樁”碎佢，再加埋啲醬點豬柳食。哈哈，全場既人同時做同一個動作，都幾攪笑，不過都幾好玩。到咗開餐既時間喇！食物上枱，賣相真係好吸引！跟餐既麵鼓湯就唔係太特別，但係加錢轉既菜湯就幾好飲。我試咗隻蝦，個吉列真係炸得好好食，唔算油，同日本地道既吉列有得揮。試埋生蠔，嘩，呢個真係好正，連平時唔食生蠔既我都食得津津有味。豬柳都唔錯既，不過又未至於食過翻尋味。呢度既侍應姐姐態度唔錯，不停為你加菜，做嘢快手快腳，抵讚！

黎依度食一定要早, 如果係星期五就真係要好早, 事關攞左籌既人基本上都會等. 我七點九開始都等左個半鐘, 到九點三先入到. 佢裝修都幾精緻, 有好多廂座, 所以都幾啱三五知己去食.依度大部份既餐單都係吉列野, 我就叫左個大蝦帶子同埋一個豬扒配白醋汁. 佢好快就會黎個芝麻磨, 第一次黎唔知係乜, 原來係俾你磨完加醬汁食豬扒用, 磨o個時已經有一陣芝麻香, 等野食o個時玩都幾得意. 跟住就要試下d野食.前菜: 係豆腐, 雖然唔係滑o個隻但都唔錯.大蝦帶子: 帶子好大粒, d蝦都好大隻. 可以點海鹽, 蘿蔔白醋汁, 沙律醬. 唔同食法都可以試試.豬扒: 同樣炸得好鬆脆但唔油. 可以點芥末, 芝麻醬油, 或蘿蔔白醋汁. 真係幾好味.菜: 依度白飯同菜都任食, 侍應會好殷勤問你要唔要添加. d菜可以點芝麻汁同柚子汁. 個人比較喜歡芝麻汁.最後食完, 佢仲會換個杯茶俾你, 再送西瓜.依度食物同服務都好好, 係嫌貴d, 每人要成二百蚊落樓.想睇相可以到.http://klcchung.blogspot.com/2007/09/d_23.html或我個飲食bloghttp://www.calebchu

最欣賞是任添菜絲沙律,加埋有一個靚海景位置。至於主菜炸豬扒呀、蠔呀等等, 有一定風味, 但有點滯, 味道不錯但沒有再次光臨的動力。畢境近hk$200的消費,可以找到更多其他美食

一行3人，閒日9時左右，都要等半個鐘先可以入座。叫了個3人餐，有豬柳、豬扒、壕、蝦，剛剛好是3人份量!侍應很好地解釋了各種醬的食法，先吃豬柳，嘩！真係好味到爆，一Ｄ都唔油，十分十分諗！再吃壕，十分新鮮！勁多汁！是四款中我最愛的！一邊食一邊大叫：「好味啊！」可能吹水吹得耐，豬扒同蝦都凍左少少，有少少硬，而且有豬柳在前，就覺得豬扒冇咁出色！十分滿足的一餐啊！

LuLu, John, Joe, Jaonne去左這裡食吉列野我本身對吉列野麻麻地...不過D食評咁好就TRY TRY啦我地叫左$55 軟殼蟹有6小舊...太細舊, 我覺得食唔到咩味$158 盛合刺身3片三文魚3片油金魚3隻蝦4-5片帶子10幾粒三文魚子吉烈野- 一個3人餐$438有3件豬柳,3隻蝦, 一塊豬扒, 3隻蠔我地加左一個SET $1882隻蠔+ 3隻蝦再加多3件吉列蟹肉薯蓉$28@each我認為豬柳真係好好味, 好厚肉, 好Juicy肉質好好...豬扒點海鹽又係好正蝦, 好新鮮肉質好好, 無霉蠔, 好味...不過我覺得都係一般炸蠔...唔係太特別至於...蟹肉薯蓉...我覺得唔好食...唔似薯蓉...味道又唔討好基本上所有炸物都做得好好...一定唔會食落去成口油GOOD值得一提的係...佢D醬汁一叫完野食...佢就俾一人一個碗有D芝麻, 要您自己舂碎佢再加D醬用黎點豬扒好好玩. 我D朋友仔覺得個醬好好味...我就覺得D豬點海鹽好味D

至從老公帶我來試過第一口夢寐以求的吉列後..就實在是深深深深深深的愛上了...有甚麼好味??不用多說了...一向都很怕吃炸物的我~真的愛上了這裡...忘記卡路里也忘記皮膚的死活...喜歡當我哭過或者氣餒的時候老公牽著我的手在這裡排隊..吃熱氣的一餐..脆卜卜..但不油膩...用料亦新鮮...還欣賞沾上汁料如絲般的juicy椰菜專一的只賣吉列...每餐又會奉上Cash coupon引誘你一個月內再見面..我兩公婆都上癮了...一個月一次變成三星期一次兩星期一次.....oh~ 食盡我們的錢了~PS.. 終於....... 能坐到海景卡座了~看著日落...心情卻很明朗~

補寫~年頭4個人都好大食呀~叫左炸軟腳蟹x2, set~pork chop, tenderloin, oyster, prawn,好鬆脆又juicy多汁~叫左3xmiso soup, 同一客唔記得咩soup, 另order curry sauce 送飯!salad 飯任加.我加左一次salad, 個grapefriut vinegrate好醒胃average $300唔使,但食炸野冇一間好過佢飽到暈~

喺 POKKA 申請咗張會員咭，知道有Lee 間專食吉列食品嘅日式餐廳，Ｄ侍應仲話好出名，咪同老公嚟試吓囉，上檯時見到碟炸蝦同炸豬柳好靚仔，點知一夾起隻蝦就見到Ｄ油喺碟底，多到可以再用嚟煎蛋，雖然味道不錯，但Ｄ油多到咁唔係好健康，同POKKA　嘅健康形象有好大分別，而且價錢都唔平

星期六（8/9）去左吉列食晏，估唔到點幾鐘都仲有人等位，好再唔係等好耐。因為實在太肚餓，一入去就拿拿聲叫野食，我叫左炸蝦同蟹餅，女友叫左豬扒炸蠔。食物一上檯，真係擺得好靚，望見就想食。我先食蟹餅，外脆內軟，忌廉軟滑蟹味香濃，唔駛點醬都好好味（反而我女友係咁點醬，就搶晒o的蟹味）。最好味係炸蠔，脆漿薄薄地，咬入去就感覺到o的蠔汁流出黎，鮮甜程度比生蠔過之而無不及。至於豬扒同炸蝦都係水準以上。估唔到既係，菜絲加佢o的酸甜醬送飯都好好味，或者將o的沙律醬加菜絲加芝麻一齊食又得。呢間野貴係貴左o的，但物有所值，食得好開心。