丼吉日式吉列豬排專門店 (世貿中心)

营业中

休息中

要確定你有一個空的肚子，然後才去這家餐\\\廳。他們的食物很美味, 女服務員会不斷添加蔬菜, 我愛他們的醬料, 它的沙拉醬很好，與炸蝦和牡蠣一起進食，很美味。

often back to this restaurant is because of its good and stable quality of food and the coupon they gave us everytime after the meal.4 of us ordered 3-people-set meal, which includes pork chop, pork tenderoin, oyster and prawn. Tonight, except oyster, others are very nice. of coz, rice and salad vegetables are free to refill. sliced vegetables goes very well with their salad dressing. environment is good, tonight we got a seat next by the window. good for chatting as well.service was fair for th

要講的早就被人講哂, 呢間店我都食左起碼有十年, 都係無話可說咁好食, 油炸食品不肥, 生菜白飯任加, 我喜歡要多少少檸檬"吱"落去D 飯同生菜食. 至於服務, 總係靚女和笑聲, 無得頂!不過, 我覺得D 炸海鮮就麻麻, 最鍾意都係食豬柳!

我上次去食係特大蝦同埋炸豬扒, 隻蝦有成8-9吋長, 又好大隻, 好鬼好味! 豬扒好味就一定架啦, 食埋佢d菜絲, 加埋佢d沙律汁, 真係好好味, 菜仲有得refill tim!waitress姐姐都好好, 唔知係咪見我大肚, 坐左無耐就換張卡位俾我, 而且佢地都好有禮貌! 問我地d野岩唔岩食! 飯後果係西瓜, 真係好sweet, 好正!唯一係佢地個地下好"跣", 唔知係咪我對鞋係皮底, 大家要小心d! 仲有, 成日都要等好耐, 如果係晚飯都唔知要等幾耐啦!

好多人都話呢間d 吉列係全港最好食，真係名不虛傳，而且價錢相宜，好抵食!!我地點左一個吉到豬扒併生蠔定食同埋什錦海鮮定食，每份HKD168咋。店員好細心咁問我地係咪share食定分開食，我地當然係share食啦。而且我地特登揀一個肉一個海鮮試清楚佢地d吉列係咪真係咁得，結果係相當滿意!!!!有一大件豬扒、兩大隻蝦、一粒帶子、三隻蠔、蟹肉球、一大份生菜絲。醬料配菜由右至左係芝麻碎、漬物、海鹽、芥辣醬同他他醬。店只好細心咁介紹各種食法，另外有一個肉汁醬料食肉的，芝麻粉、海鹽同芥辣醬都係點肉食的，他他醬配海鮮，而每檯均有的紫菜醬油同西柚醬油係酸酸甜甜的，可以拌生菜絲當沙律食。蠔很鮮味，真係很愛它的吉列，不油之餘係外乾脆，內多汁嫩滑。最後食埋個蟹肉卷，入面好似有d 薯蓉，好滑的薯蓉，該是加了忌廉讓薯蓉更香滑。最欣賞是每檯一個水壺，二人和四人的壺是不同size的。這晚我算飲得比較多茶，但當茶剛好斟完後便上生果，店只亦收起了茶壺，把茶杯也收起，換來一人一杯熱茶。使我覺得店裡連客人的喝茶量也細意計算好，再者，這兒的飯和菜都是無限添食的。上菜的方式很自由，愛一人一客上，share 合併上也行，飯一碗上

一直都想去試呢間餐廳, 因為個個朋友都推介, 有次同男朋友行完街諗住去食, 點知等成個鍾都冇位, 結果放棄! 今次同朋友去食, 要成個星期前book定, 真誇張! 當然一去到就有位啦, 眼見出面有好多walk in嘅食客, 唔知佢地要等嘅耐....重點: 一客滑旦朱扒定食兩客三文魚刺身兩件炸蠔兩件炸帶子兩件炸大蝦一客炸軟殼蟹*由於兩件炸蠔, 兩件炸帶子, 兩件炸大蝦超過180元就奉送飯同湯我覺得最好食真係d朱扒, 所有炸物真係一d都唔油膩, 真係掂!!!

光顧了數遍, 吉列豬柳和吉列生蠔已是不二之選。沒有一次失準的。今天路經, 發覺有了新的食材-霜降和牛,已立刻被吸引着。內進後, 二話不說便點了一客吉列霜降和牛併吉列生蠔和一客吉列豬柳。吉列霜降和牛併吉列生蠔共有四粒和牛和兩粒生蠔, 一吃進口和牛肉汁四淺, 而外皮還是炸得非常鬆脆又不油膩, 真的美味。而吉列生蠔和吉列豬柳水準依然, 亦不雖多談了。椰菜和白飯仍是任添的, 侍者的服務態度亦非常細心親切, 難怪即使是平日亦爆場。喜歡吃的人不要錯過,因吉列霜降和牛供應期有限。試過的都應覺物超所值。

已有1段時間無惠顧. 再次光顧食物依然保持水準. 當日點了枝豆, 吉列豬排定食, 滑蛋吉列豬柳定食及轉餐湯1客. 吉列豬排: 依然好味, 外脆內軟, 肉質鬆化及juicy. 現在還有1小碟鹽粒放在定食的盤上. 滑蛋吉列豬柳: 第1次食. 分兩種. 1是滑蛋豬柳放在飯面上. 1是滑蛋豬柳另上. 而我就選擇了滑蛋豬柳另上. 碟內有滑豆腐放底(驚喜), 滑蛋很滑, 丁點兒都不老, 上枱時又夠熱. 正!. 滑蛋汁用來撈飯十分配合. 滑蛋汁已滲透入吉列皮內. 所以個吉列皮上枱時已經不會脆. 但美味依然. 菜絲清, 甜, 爽. 我添加了三次. 飯用珍珠米煮成的, 水準無變. 男朋友添了兩次飯. 唯1 有意見的就是枝豆送上枱的時間比套餐上枱還遲了一點點. 還已為沒有落單. 各位女待應的服務勤快. Check單, 加菜, 添飯都隨叫隨到.

店內主打是日式炸物今次試左豬柳串同蝦拼蠔豬柳串一食入口好多肉汁出黎完全無乜油淋淋既感覺同係日本裹原宿都幾有名既小店食無乜分別唯一扣分之處係佢個豬扒醬咸左小小炸蠔真係好大隻鮮味唔錯都算幾好味但係炸蝦就真係一般左d冇乜特別百幾蚊食個吉列豬扒set係香港黎講好似好貴但係食到日本既水準乜野都抵番晒

做飲食業的友人常掛在口邊的一句說話: 只有不新鮮的食材才會炸. 因為經油炸後, 不新鮮或雪藏的味道都會被掩蓋, 加上新鮮的材料用來炸未免有點浪費. 但吃過這家吉列專門店又覺得不全然.這家店子閒日也不少人, 幸而習慣早點吃食, 沒有訂座也能即時入座, 待吃畢後, 見到門前人山人海的排隊, 慶幸自己有這好習慣.因沒訂座關係, 沒有臨窗的海景, 但離遠眺望, 也令人胃口大開.點了一個二人套餐, 有炸豬柳, 炸豬排, 炸生蠔, 炸蝦及炸軟殼蟹, 另有菜絲及白飯無限供應.店家還提供了多種醬汁以供選揀, 有西柚及紫菜汁以供配搭. 還給一小碗芝麻客人磨碎, 加入醬汁當中. 看似花巧, 但的確為食物更增添味道.炸物配以菜絲, 中和了原本油膩的口感, 吃多了也不覺太熱氣.當中的豬柳非常鮮嫩及柔軟, 由於先吃了豬柳, 豬排就顯得失色了. 故此建議先吃豬柳. 蠔與蝦的size也不賴, 而且不似雪藏的, 口感非常新鮮.本打算只吃個二人餐作罷, 但眼見此店的吉列海鮮不俗, 忍不住叫多一客炸帶子嘗嘗. 又是因為有期望, 反而不及之所吃的各樣.整體來說, 每款食物都有水準, 服務態度亦良好. 以此地段, 食物及服務

好食，我個人喜歡食豬柳多些．覺得比較滑，加上他的醬汁有幾款，每個味都唔錯．我好喜歡食佢的飯．軟綿綿好好食．仲有配菜加醬汁又都好好食．不過唔平．而且侍應好煩，我食完一件又立刻收碟．每次都係．好擾人．同佢的形象唔成正比．　吉列蝦／蠔　：　普通．不過都唔差好似有個雜菜湯（唔記得叫乜名）：　一般．沒特別

料係靚,不過都係好油,食左兩舊炸野即刻飽,最好食居然係生菜,認真諷刺,只此一次,無回頭

豬扒炸得不油膩，鬆軟多汁。還沒碰過別的地方有更佳的炸豬扒。炸豬柳、炸蝦、炸蟹餅也很不錯。還有拌生菜的兩款醬汁，一流。磨芝麻很好玩，但個人一點也不喜歡用芝麻和燒汁配豬扒。最好味其實是沾一點鹽。可惜，炸豬扒實在太熱氣，不能常去。

等位時間ok,有凳俾人坐低等..其實peak hour度度都要等位..不過可能呢間少人d..我和bf叫了兩個定食..我的是大蝦拼牛柳..有三隻大蝦同買件牛..真係好鬆脆..肥都唔理啦..bf叫的是吉列豬扒定食..一讓停唔到口呢..最喜歡這裡白飯和菜絲任添..又可以自製芝麻豬扒醬,另有紫菜汁和特製西柚汁供選擇送飯送菜都好開胃..好好味..值得肥一次去食一次呀..另外佢有望海的窗口位,雖然我地冇坐..但覺得坐到都幾好架

今日我地兩公婆lunch time去食炸蝦同炸豬扒。d野食真係好好味，好有水準呀！可以話係食極都唔厭。我地一人一個set都唔夠食。不過d待應服務就認真差啦，成日趕住執走人d碗筷。叫佢地可唔可以加d椰菜又黑晒面。老公仲食緊時，佢地已經執晒d調味碟。我地再問多佢一次可唔可以加少少椰菜，個待應好躁咁反問：「乜頭先無加俾你咩？」(喂......事實上係無bor,我幾時得罪你呀，d態度咁差架？！)之後有一個黑面過黎加左d椰菜，另一個就飛快d遞張單埋黎叫我地埋單。本來d野食好味，又唔係好油同好燥，不過佢地d服務態度就令人好燥啦！最嬲都係我地食件西瓜時一叉起舊西瓜，嘩......佢地快手到即時收走隻碟。使唔使咁趕呀? d野食無疑真係好好食，不過咁既服務態度分明想趕客姐，唔該改善下啦！