影片
更多
2007-04-12
19 浏览
喉嚨痛剛初癒，結果步伐又再不由自主向吉列豬扒邁進。代價嘛？咪就係食完喉嚨痛又再捲土重來囉！但我真係估唔到我會願意嚟食炸豬扒！(原諒我要用到"願意"。因為平日極少自動去食麥記同kfc！一.一)坦白說：本人一向都不愛煎炸食物。少得不能再少！不是怕肥怕對皮膚唔好~ 事實嘛！？而係根本壓力憂慮已令我很疲累，甚至單身沒有男朋友沒有他在我身邊更令我有藉口無顧慮放縱咁去食！反正不嬲都冇樣冇身材，更加唔洗keep 啦！(睇我的食評幾乎篇篇都有違"三高一低/少甜少鹽少油/日日2+3"的健康準則)其實我最愛的只係原汁原味、能夠食到食材本身賣點的食物。今餐開飯兩個女的一齊嚟食。叫咗兩個定食。(朋友：吉列豬扒炸蠔定食；我：雜錦海鮮定食)各定食跟一碗飯、前菜黃瓜、味潧湯、主菜、西瓜各人三片)前者厚切豬扒分割5小件加炸豪兩隻。後者海鮮有炸蠔、海老、蟹各一加兩隻炸帶子。坐卡位自成一各。談悄悄話係不錯的…而且枱面寬闊，邊食邊談公事攤開晒d 文件都仲得！同朋友面對面坐~ 一開始就上錯菜。與朋友的定食剛調轉…沒所謂啦！費事移嚟移去，倒瀉晒仲死~ 反正我們一開始就打算share 嚟食！服務拉車邊。人手見佢就夠，仲熙來攘往行
但我真係估唔到我會願意嚟食炸豬扒！(原諒我要用到"願意"。因為平日極少自動去食麥記同kfc！一.一)
坦白說：本人一向都不愛煎炸食物。少得不能再少！不是怕肥怕對皮膚唔好~ 事實嘛！？而係根本壓力憂慮已令我很疲累，甚至單身沒有男朋友沒有他在我身邊更令我有藉口無顧慮放縱咁去食！反正不嬲都冇樣冇身材，更加唔洗keep 啦！(睇我的食評幾乎篇篇都有違"三高一低/少甜少鹽少油/日日2+3"的健康準則)
其實我最愛的只係原汁原味、能夠食到食材本身賣點的食物。
今餐開飯兩個女的一齊嚟食。
叫咗兩個定食。(朋友：吉列豬扒炸蠔定食；我：雜錦海鮮定食)
各定食跟一碗飯、前菜黃瓜、味潧湯、主菜、西瓜各人三片)
前者厚切豬扒分割5小件加炸豪兩隻。後者海鮮有炸蠔、海老、蟹各一加兩隻炸帶子。
坐卡位自成一各。談悄悄話係不錯的…而且枱面寬闊，邊食邊談公事攤開晒d 文件都仲得！
同朋友面對面坐~ 一開始就上錯菜。與朋友的定食剛調轉…
沒所謂啦！費事移嚟移去，倒瀉晒仲死~ 反正我們一開始就打算share 嚟食！
服務拉車邊。人手見佢就夠，仲熙來攘往行嚟行去好似好忙咁，但我唔明佢忙咩…七點半入座。咁啱又冇行入去睇open area 嗰 d 位有幾人山人海…所以我無謂猜測喇！不過因坐卡位，職員擺低茶壺就閃咗去了。基本上全程食飯個零鐘裡面都係自斟自飲，中途埋嚟只斟咗一兩次已矣！我嘛？都唔係嗰種特別難服侍的香港人。的而且確我唔想變到：唔斟水又話當佢冇到，到斟得密又話騷擾打擾食飯雅興~ 只要足夠就可。但今次？我覺得服務完全同客人冇基本的交流。首先連"請慢用"等等呢d 官腔對白又冇講，而且又快閃。我直頭覺得自己似去驛站食飯咁...(油站或7仔亦可)
講豬扒。
的而且確炸得不錯。面層並沒有油漉漉，還金黃色很美呢！
第一口：嗯~ 很香脆鬆軟有肉感！難得內裡的豬扒還保持到肉汁~
第二口：嗯~ 好味！食多舊吧！
第三口：個肚有點飽啦！
第四口：點解咁多嘅！？
．
．
．
．
上述的步驟過程中當然有爬下飯、食下伴菜同飲啖茶傾下偈啦！
到又食下朋友份海鮮。
yo ~ 海老很好味呀！又爽又彈牙。真係有早兩日同人講想添食scarcity 嘅 econ 定論…
到我跟豬扒餐的兩隻炸蠔。
嗯…點解個蠔咁實嘅！？還有點腥腥地。下一隻都係算吧啦！別勉強自己硬哽。
飯嘅口感的確不錯的。而伴碟的生菜絲撈紫菜汁係幾開胃惹味…
整個豬扒混合海鮮的二重奏中，給我的感覺就係：飽得很！開始第一口係幾香口係引到我想再食的，到接二連三再食時，腹腔裡的炸漿開始發脹滲出油膩感！結果…
像descending order 骨牌一樣出乎意料平日很擦得嘅我竟然個定食係食唔晒！(剩一隻炸蠔、半碗飯、少量菜同半碗味噌湯) 但朋友清得晒佢個定食。
我點擦得呀！？舉例吧！
以女仔嚟講，我係一個人擦得晒大家樂的一哥焗豬扒飯兼飲品。而且食麥記我係試過一個big mac 餐加大再加雪糕新地都係無剩。亦試過同他去味千食日式咖喱豬扒飯成個飯落晒肚，結果到第二次再食同樣的飯時，佢將個飯間開一半…指住個飯同我講：今晚你只可以食一半。依妳平日喺我面前的食量嚟講女仔係唔可以咁食架！(咁其實我以前的飲食態度係唔健康…唔食早餐。甚至中午忙到冇lunch ~ 結果一日裡只得dinner 一餐！)
而今日亦都一樣。晚餐前一樣冇早餐、冇午餐及冇零食…
睇完我自己咁講~ 我諗我真係唔鍾意食同唔識欣賞。(個人問題)
但客觀睇，男仔嚟很抵食呀！職員仲問我添唔添飯同菜~ 心諗：下…飽到聽日lunch 都唔洗食喎！如果嚟親呢度幫趁d 人指定動作係咁~ 一係d 野好好食；一係佢d 胃口都幾得。哈哈XD
嗯。都係返回我喜歡的天婦羅嘅懷抱吧！因為給我的感覺唔會飽滯到咁囉！
食後感：廿三年人~ 今餐係我其中最冇衣食的一餐。食剩喎！平日甚少。本住食幾多叫幾多拎幾多…唯一同kfc 炸雞的分別就係呢度炸漿靚d 用吉列、肉的口感好d 同冇油益味。大同小異的就係啅肉啅飽~ 愛飯後甜品的我都最後拒絕甜品
我諗以我胃口我未必會encore 喇！正如我一樣~ 唔值得他對我再encore。-_-
註R 搜尋世貿有兩間吉列豬扒。睇返wtc 網頁最新update 嘅店址係呢個所以我揀寫呢個~ 留意留意…同一間嘢嚟嘅。^^
张贴
