丼吉日式吉列豬排專門店 (世貿中心)

营业中

休息中

上週末是某大百貨公司半年一度大割引的最後一天，上午10時一開門便到 basement 的 supermarket ，掃完已屆 lunch time，想起此店一直好評如潮，便和我家大少爺和奶奶到此開餐兼回一回氣。我們叫了一個三人套餐，有炸豬扒一大塊、三件炸豬柳、三隻炸大蝦和三只炸蠔，大少爺驚唔夠，還要了薯仔沙律。好彩咁啱嗰日冇薯仔沙律，否則又會飽到反肚 ....... 因為個三人set 嘅陣勢都頗為壯觀，橘子色的一大盤炸物仍能隱約感到剛從滾油撈起的陣陣熱力，而旁邊的一大堆椰菜絲則剛好緩和了熱氣。四款炸物之中我最喜愛的是豬柳，雖然好多樓上的朋友已淋漓盡致地描述，但依然好難想像一舊炸豬肉可以有幾好食，但試過之後就完全明白真正的外表鬆脆而不油膩，內裡肉質軟熟juicy，趁熱食時一咬下去肉汁便併發而出，味道和口感更佳，是強力推介的必食之選!服務員亦有向我們介紹枱上各瓶醬油的配搭食法，奶奶和我都一致認為紫菜醬汁最好味，我們添了兩三次椰菜，更連飯都落埋紫菜汁，三個人幾乎包銷了整壺紫菜汁 因有任務在身，美食當前亦只能如狂風掃落葉般食飽飽便走，再趕付大割引的戰場繼續掃貨 

6點開門，我地5點10去到已有數10人在門口，6點準時開門，讓了4人卡位俾我地，半窗位，很不錯，餐廳裝修不錯，舒服！平均1個吉列定食$168，量不算多，非常期待質數，希望不會失望，最尾選了2人吉列套餐，$438，包飲品及小食，吉列食物則有豬柳、豬扒、生蠔和炸蝦。叫完野食先上2碗芝麻俾我地磨下，幾得意，用來調豬扒醬汁的，磨磨下真係幾香，好好玩，但個人覺得汁有點酸，不太喜歡！飲品有朝日，7寶，要了未試過的麒麟，冰凍順喉還不錯，但始終支裝的就是不過癮。小食很快便上，是炸軟殼蟹，只有3個字形容就是高水準，炸物不油膩，平時食到的是脆而硬身，第1次試到炸物能炸到如此香脆，卻是軟身的，1咬即斷，這就是高水準的吉列，無可否認，蟹也不是2流的，夠蟹味之餘，蟹膏也是咬到必曬出離，是吃過最好的炸軟殼蟹，店內為了食客的健康用的是菜油，但味道依然的好！主菜很快便上，滿滿1船分量ok，各種汁都很齊全，生菜就有2種汁，服務生都很禮貌地介紹每1種醬汁是點哪1樣炸物的，還有咖哩汁呢。先試味增湯，雖及不上TST幾間地道的小店，但也不會太差，料是有落足，但真的做不出那個味，豬柳最吸引，表面看上去真的1滴油都不存在，平時炸物

20號o個日book左位~ 本來之前一個禮拜去既~ 但係禮拜一打去問已經full 左.... 所以book 左20號~ 一去到就由一個姐姐帶我同bf去左window 位~ 好開心呀~ ^.^ 我打去問o個時問可唔可以window 位~ 個姐姐話出面裝修緊~ 無景睇既~ 諗住無window 位坐啦~ 點知佢又安排個位俾我~ ^.^ very nice~我同bf叫左個2人餐~ 有魚生o個個~ 再另加2隻蠔~ 餐飲叫左麒麟beer~未黎野食先黎左2碗芝麻俾我地磨~ 一路磨一路傾計又睇下出面d雨景不知幾開心~ ^.^先黎個魚生~ 有5片~ 都ok好味~ 好新鮮~跟住就黎重頭戲~~~炸物們啦~ 勁開心呀~ ^.^ 大大份~ 個姐姐仲好細心禁講d汁點用~ ^.^ 好多謝佢~ ^.^我地食左炸帶子先~ 勁好味呀~ 一咬落去好感動呀~ 勁juicy~ 一d都唔油~ 仲好大隻添呀~ 隻蠔都好好食~ 好新鮮~ 仲有炸蝦~ 炸豬柳同炸豬扒~ 勁好味呀~ 我唔食得蝦都食左隻~ 因為實在太好食啦~ d菜絲都好食呀~ ^.^ 食完仲有杯雪糕做甜品~ 簡直一流呀~ ^.^埋單$605~ 呢個價錢其實唔算貴~ 因為d

五月廿七日(星期二)同老公仔的第三百個食評,真係話咁快就到!!!今晚同佢去左呢度食!上個星期打黎book位已經full哂lu!唯有等位啦!點知由七點等到成8:20先有位...真係好多人等wor!同埋turnover好慢!!!!d環境一般啦!同埋入面真係唔多位!....叫左:1)炸豬柳大蝦定食同埋2)炸豬扒生蠔定食....叫呢兩個可以食哂所有種類....先比左個芝麻中....好得....不過好難整得好!!等左兩個字就上主菜....我對d白飯都有期望架....不過有點失望呀!因為唔係太好!............都係doraya好!!!而好味既係d菜加埋佢地個醬!....老公仔都好中意食!而炸野呢,最好係豬柳同埋蝦!...不過豬扒就老左dd....佢地既好係炸得唔油膩.同埋佢地話係用植物油!overall,我地都覺得ok,不過加埋個價錢,就currybee好味d喇!......同埋炸物冇我想像中咁好

27.5.2008 星期二晨咁早6點就食晚飯~~仍然係生日飯,呵呵呵~~今晚有我以前o既同事歌莉亞請我食炸炸野~ 謝謝妳啊有卡位同窗口位坐呀!! 不過...世貿裝修緊,搭晒棚.....喔....anyway~~食野最緊要~~我食豬柳大蝦定食,gloria就食炸蠔大蝦定食~大蝦有三隻,豬柳同蠔有兩粒~有醃菜、麵豉湯、大量椰菜絲同白飯~~ d芝麻同醬汁就唔洗我再講係點喇~豬柳果然係好味道...肉質好柔軟啊~~隻蝦又夠實淨彈牙,正!! d炸漿點解可以keep咁耐都唔淋架呢~卜卜脆,但又唔會成口油,利害利害~~我地都添左一次飯,heehee...好飽啊!!!不過真係好熱氣,雖然最後有三片清甜的西瓜下一下火,但都係抵擋唔到,喉嚨之後有點唔舒服~如果食完喉嚨唔會痛,我實會成日黎jei.....

兩個人.叫左1set 吉列豬柳炸大蝦 同 1set 吉列豬扒炸生蠔特別在d 柳菜醬汁.. 而個豬柳就一d肉汁都無 乾!雖然係脆 但唔係熱既?跟餐個面屎湯好淡...炸大蝦亦無乜鮮味可言................................................最好味係d汁... 而芝蔴個個sauce..我覺得鰻魚汁好味d wor>.咁多好評.我都唔覺得真係好正.可能因為貴 所以期望會高d但試過就知係貴得黎無乜道理飯可以refill.. 但係都無乜特別..唔通食白飯咩..無左d肉 就唔想再添... 見到隔離有位大肥姨姨..食完一碗又添一碗..我坐落去後佢加左3碗..係大碗.. 淨係用紫菜汁黎low飯.. 哈 可以坐入個房.. 但d waitress成日裝裝下.. 我知你想幫我加菜..但係傾緊計食緊野..比返少少空間會好d總結 試一次就夠了!!!!

只有星期一至四先可以book位，我同友人起星期五等左個幾鐘，終於試到呢間好評爆燈既日本吉列專門店!服務十分好，點完野食之後，侍應會問我地駛唔駛介紹下d醬汁，真係好貼心!起等食物既時候，有一個好特別，好得意既娛樂，就係自己磨芝麻做芝麻醬汁，d芝麻好香架~我地叫左2個餐一齊食: 豬扒+豬枊+蠔+大蝦，當中以豬枊最好味，不過$1XX一個餐真係有d貴...吉列專門店果然係吉列專門店，食物下面放左個架，可以防止食物吸返d油椰菜絲同白飯都係任添，侍應會好主動添椰菜絲俾客人~ 椰菜絲加上紫菜汁同柚子汁非常好味~ 比起d醬汁，主菜吉列食物反而比較遜色，有喧賓奪主既感覺....

已經唔係第一次係度食飯，都係多得治療師的引領，上次跟空姐朋友同來，大家都覺得味道很多，有機會的話都會再試。上次點了一個三人餐(有生蠔、蝦、豬柳、豬排)，份量岩岩好！今次同治療師的家人一起，兩位男士，兩位女士，所以便點了一客三人餐之外，仲點了一份新推介 - 神戶牛柳+生蠔吉列。我最鐘情的都是豬柳，有一種爽口的感覺，至於牛柳，味道都好，不過可能份量太少了，只是一個小小的牛肉粒，略為不夠喉。生蠔味道都不錯，不油不膩，多吃一口亦無仿。至於豬排則比較 "鞋" 口，本人就麻麻地喜歡~~至於治療師最喜歡的就是可以添飯同添菜，其實我都覺得個菜好好味，特別加上柚子汁，酸酸的很開胃~~~可以多吃幾口！其實價錢就不算便宜，不過如果喜歡吃香口炸物，此店亦屬不二之選，起碼唔會食到成口油！

這裡好評如潮，其實都絕對吾出奇，價錢雖然高人一等，但五星級價錢吃到五星級的吉列豬扒，這麼多人排隊，好多人認同是值得的。外面的皮夠酥夠脆，又不厚，比坊間的當然優勝。其實我覺得吉列蚝更佳，大隻多汁。只不過，服務有點急，可能是生意太好吧。有點美中不足。

今日同一間公司約了五點面試，見一見只需十多分鐘，甘就要我由屯門搭成來回共$36既巴士!?一直見到哩間餐廳人氣高企，所以就約左朋友同我一齊去試食!!朋友日頭打去訂座，不過話星期五是不設訂座的，所以諗住早啲六點去食，食完先再行街。點知間公司，我一去到佢已經知我去到既目的，但系叫我坐下之後成半個鐘都無人再理下我，原來.....佢地唔記得左我去個到做咩(怒)搞到我遲大到，不過最擔心系搵到要等位，去到已經六點二十分左右，好彩仲有少量位，所以唔洗等(呼!)食物：叫左吉列豬柳併大蝦定食同吉列帶子定食大蝦真系好大件，外面炸得好脆，入面唔會乾身，帶子大粒到唔會覺得唔抵，豬柳都好好味!!食完一啖之後食一啖飯真系好正，菜絲真系唔簡單，加埋醬汁之後，完全唔會有覺得佢只不過系配角既諗法。飯對一部分人哇講可能要覺得唔夠硬身，不過這種軟硬度我覺得好配合到食吉列食物，吉列食物炸得甘脆，白飯軟返啲我覺得可能balance返個口感。仲有麵鼓湯，食完仲有西瓜，真的好滿足。份量：對我哩講真系好夠，我未去之前系甘講要系甘refill(小女子窮，想抵d hehehehe)但系我真系添唔落，菜絲都只系refill左一次，去個陣個肚

想試好耐，但係成150蚊 一份炸豬扒，真係好唔捨得。終於下定決心要試一次。平日lunch time，無訂位，所以要等差唔多30分鐘。入到去，樣樣都想試，因為咁貴未必有下次。最後決定叫豬扒生蠔 & 豬柳炸蝦。豬柳係最好味，但係只係得兩少粒。蝦好大隻，唔乾。豬扒就一般。蠔我覺得麻麻地，因為炸到無o左蠔味。平時唔食椰菜o既我，覺得D 椰菜好好味，食o左好多好多，又用佢好多好多汁。但係太貴啦，豪過一次就夠啦。

聽聞這裡的吉列豬扒享負盛名，適逢又有現金卷，立即去試試！2人也差不多等了9個字，聽聞周末是不設訂座的，下次還是訂定位在平常的晚上來吧。在等位時已計劃好要叫一個豬扒生蠔定食，一個豬柳炸蝦定食，便可差不多試清這間餐廳的炸物了。甫坐下，點了食物，侍應便端來一碗芝麻讓我們磨，未吃卻有得玩，有趣有趣！不一回食物來到，侍應亦細心解釋各醬各汁應配合那種食物，因單單醬汁已有成六七種。事不疑遲，立即嘗一口豬扒，果真炸得鬆脆香口，但仍保留了肉汁。再試一口豬柳，比豬扒嫩滑，炸蝦反而較為普通。最驚喜的卻是炸蠔，普通的炸蠔通常炸得比較乾身，但這裡的蠔還保留了鮮味及水分，個人認為比豬扒豬柳更為出色。聽說這裡的菜及飯是任添的，但這裡的定食分量大得驚人，吃完一整個定食已經動彈不得，更枉論要添加白飯了。

此店於數年前食過一次，印象模糊了~今日再到此一遊，重拾記憶。下午六時到達，很準時的開舖了，跟侍應要求靠近窗邊的位置，欣然接受。食物的選擇不多，有沙律和刺身，主打是吉列炸物，不同的組合，便有不同的價錢，由一人至三人份，都可滿足得到。點了海蝦豬扒生蠔和豬柳，而平平無其的面豉餐湯，加$28便可日升級至日本菜肉湯。等待食物途中，是一個相當有意思的玩意，一個小碗加芝麻，這就是自製芝麻醬~既然有空，騰出一點空間試試看，因為它能影響妳此餐的味道~食物上枱，長長的碟子，放上了二人份量的炸物~ 再加上一個椰菜絲小山，非常奪目~吉列食物要炸得金黃但沒有半點殘油滴出，雖不難，都不是很多食肆及格，此店做到~而醬汁的種類，更是五花百門，食海鮮的有他他醬，食肉類的有酸酸的豬扒醬和芥苿醬，而吃椰菜沙律，梗有柚子及紫菜醬油，很開胃。店員端上食物後，會耐心解釋其用法，很有耐性~每樣食物都有水準，豬扒厚厚有肉汁，海蝦梗有手掌般長，而且有蝦味，洒點海鹽檸汁，一絕!炸蠔放很久了也沒有多餘的水份滲出，肉汁仍然豐腴~ 豬柳梗是鮮嫩得很，小朋友也可輕易吃下~值得一提的是，這裡的白飯跟椰菜絲是無限添加的~ 吃下一口芝麻酸汁的豬扒，吃

我們來了這裡慶祝"我們相識4周年紀念日" !其實好耐之前已經十分好想食, 因為在openrice 時時都見到佢 ~今次機會來了-男友加人工了都要慶祝的~這只是藉口7:00 p.m. 到達已經心知不妙! 因為好多人喔! 無法子啦...要等等!在等既其間, 我們研究下有咩食好...我地決定左一人一份吉列雙併,大家可以試多D嘛!8:40 p.m. 終於有得入去啦! 我地好想即時order係出面決定既set架但見到枱上面有二人set就order果個! 包括: 兩杯特飲: 我要了杯奇異果果汁! 甜度適中, 一飲就知係即叫即整 (因為有少少搞伴機味)! 男朋友要了杯 日本生啤! 我都試左一啖,有少少苦同埋又甜甜地!三文魚刺身: 三文魚新鮮,橙白分明!但都係一般日本餐廳應有的水平! 最低讚係個綠色芥苿醬,好新鮮既感覺兼唔會太嗆喉! 店員拎左好多唔同既醬汁同埋解釋得好仔細俾我們知道點用! 還有,建議我們首先食海鮮吉列先因為比較多水份! 帶子吉列: 十分十分好食! 粒帶子好巨形呀...係king size...好似平時食刺身咁大! 熱辣辣!裏面真係有好多汁流出黎!我相信如果無接受個店員建議的話,個口感一

完成哂所有exams assignments, 梗係要第一時間食好野在cwb行黎行去, 都冇咩主意去邊度食lunch好, 咁行過呢邊, 見到呢間鋪頭好多日本feel, 又有吉列豬扒食, 就入去試下, 一試之下先發現原來係好出名既tonkichi一個人, 點左吉列豬扒拼蠔套餐, 有椰菜salad麵豉湯水果; 炸蠔, 好好味, 雖然唔多, 但每一啖都有蠔味, so good! 豬扒同白飯好match, 好脆好香口, 食落唔oily, 豬扒亦好juicy, 嘩我覺得好好食! 佢係我係香港呢2年食過最好味既吉列豬扒 價錢fair, 環境ok, waiters既反應幾快, 整體黎講絕對值一個笑面