影片
更多
2008-05-10
11 浏览
我們來了這裡慶祝"我們相識4周年紀念日" !其實好耐之前已經十分好想食, 因為在openrice 時時都見到佢 ~今次機會來了-男友加人工了都要慶祝的~這只是藉口7:00 p.m. 到達已經心知不妙! 因為好多人喔! 無法子啦...要等等!在等既其間, 我們研究下有咩食好...我地決定左一人一份吉列雙併,大家可以試多D嘛!8:40 p.m. 終於有得入去啦! 我地好想即時order係出面決定既set架但見到枱上面有二人set就order果個! 包括: 兩杯特飲: 我要了杯奇異果果汁! 甜度適中, 一飲就知係即叫即整 (因為有少少搞伴機味)! 男朋友要了杯 日本生啤! 我都試左一啖,有少少苦同埋又甜甜地!三文魚刺身: 三文魚新鮮,橙白分明!但都係一般日本餐廳應有的水平! 最低讚係個綠色芥苿醬,好新鮮既感覺兼唔會太嗆喉! 店員拎左好多唔同既醬汁同埋解釋得好仔細俾我們知道點用! 還有,建議我們首先食海鮮吉列先因為比較多水份! 帶子吉列: 十分十分好食! 粒帶子好巨形呀...係king size...好似平時食刺身咁大! 熱辣辣!裏面真係有好多汁流出黎!我相信如果無接受個店員建議的話,個口感一
其實好耐之前已經十分好想食, 因為在openrice 時時都見到佢 ~今次機會來了-男友加人工了都要慶祝的~這只是藉口
7:00 p.m. 到達已經心知不妙! 因為好多人喔! 無法子啦...要等等!
在等既其間, 我們研究下有咩食好...我地決定左一人一份吉列雙併,大家可以試多D嘛!
8:40 p.m. 終於有得入去啦! 我地好想即時order係出面決定既set架但見到枱上面有二人set就order果個!
包括:
兩杯特飲: 我要了杯奇異果果汁! 甜度適中, 一飲就知係即叫即整 (因為有少少搞伴機味)! 男朋友要了杯 日本生啤! 我都試左一啖,有少少苦同埋又甜甜地!
三文魚刺身: 三文魚新鮮,橙白分明!但都係一般日本餐廳應有的水平! 最低讚係個綠色芥苿醬,好新鮮既感覺兼唔會太嗆喉!
店員拎左好多唔同既醬汁同埋解釋得好仔細俾我們知道點用! 還有,建議我們首先食海鮮吉列先因為比較多水份!
帶子吉列: 十分十分好食! 粒帶子好巨形呀...係king size...好似平時食刺身咁大! 熱辣辣!裏面真係有好多汁流出黎!我相信如果無接受個店員建議的話,個口感一定會唔同哂!(初時在門外時怕會好細粒所以無叫到, 但二人set有包括埋!)
豬扒吉列: 好食但硬左少少! 佢有個即礳既芝麻...有得玩又香又好味!
豬柳吉列: 好好食! 好味過豬扒, 佢裏面好淋架! 男朋友仔就喜歡豬扒多d, 佢話有味d!
蝦吉列: 可能我諗著係好好味所以留到最後啦! 我覺得呢個係麻麻地! 相反...男朋友先食,佢就話好好食喎! (呢次無聽到個店員話tim )
蕃薯雪糕甜品: 初時心諗會係黃色的! 黎到原來係紫色架...我覺得甜左少少但就好有蕃薯味!
果晚d飯淋左少少但都係ok既! 男朋友好勁呀佢tim左三碗飯, 我tim左一次但食唔哂!
菜絲都係好好味, 我地兩個都喜歡紫菜汁, 因為唔係太酦!
在此要多謝男朋友請食飯 (其實平時都係你架啦)
我們今天過得好開心!
张贴