丼吉日式吉列豬排專門店 (新城市廣場一期)

营业中

休息中

很多年前去銅鑼灣總店食, 真系一試難忘.....再試其他的吉列店....都比不上.....竟然沙田開分店....要試一試....炸蠔定食 $198 - 4粒....香脆外皮....內面充滿汁汁.... 好味炸豬柳定食 $188 - 5小件....雖軟熟, 但偏粗....比以退步. 一般......星期六下午....新城市地段.....無須等位....都實在難得....

聽講話好好食，於是週末的中午，特登去試下。去到的時候還未開始營業，在外面望了一下，裝修比較簡潔明快，而且座位之間比較闊落，卡位都唔少。11點半準時開門營業，當時人唔多，就帶咗我地去卡位坐。來之前已經做過功課，大概都諗好想食乜嘢，之前睇中個午市套餐，比較抵食，但系menu度又無，一問先知原來一至五先有，週末系無架。咁。。。好啦，點咗個吉列豬扒+豬柳定食（二人前），都系我地打算試嘅嘢，點好之後好快上咗碗芝麻，真系要出力起勢咁磨啊陰功，磨到手都痛因為我地無食早餐，其實當時都幾肚餓架啦。見到其他枱比我地遲嚟的都上齊嘢食緊了，真系非一般的折磨 等咗大概半個鐘，我地點嘅嘢終於都嚟啦。睇外觀，豬扒同豬柳都炸至金黃，上面包裹住薄薄的一層脆皮，淨系睇個賣相，真系令人食指大動啊。調好汁，即刻起筷試下先。入口鬆化，由於加了檸檬汁的關係，並不覺得肥膩，但豬扒汁可能落多了，食到汁的味道，卻沒覺得有食到芝麻。菜的伴汁有兩種，不過兩種都是酸的，加埋之前的檸檬汁，每一啖都是酸的，講真味道不是那麼好。個豬扒可能炸得有點過火，肉有些少乾硬，食唔到內鎖肉汁的口感。豬肉可能沒有事前進行醃製調味，如果唔點汁，完全就系無味的。

還記得數年前初嚐這種日式吉列豬扒店，正是位於銅鑼灣的丼吉，那時往往要花上一兩小時才能夠朝聖。及後越來越多吉列專門店也來分一杯羹，但難得它多年來仍能保持超高水準！新開張的沙田店貫徹日系裝修風格，平實卻不失優雅，空間感十足，客人坐得舒適。除了豬扒外，也有多款吉列海鮮可供配搭。等候期間，店員先奉上一碗芝麻，把它磨成粉末，後混合秘製豬扒汁便成，那絕對是提升味蕾的功臣。<特上豬扒拼豬柳定食>所有定食均附送麵豉湯、前菜、白飯、及水果。白飯和椰菜絲都是免費添吃的。椰菜絲新鮮爽甜，可中和膩感，蘸點較濃味的紫菜汁或清新西柚汁均一流。<吉列豬扒>豬扒是薄薄的一大塊，肉質較結實，稍為乾澀了一點。吉列外層薄而酥脆，沒有多餘的油份，做得出色。<吉列豬柳>豬柳是厚切的，有少許脂肪，肉質鬆嫩及肉汁較豐富，比豬扒略勝一籌。<三文魚刺身>三文魚鮮甜肥美，油脂豐腴，質素不俗。

沙田自銀座x林冇左之後就轉左做呢吉列野，其實餐牌各類都好相似，係咪同一集團架呢？黎得呢到, 當然就係為左食吉列豬啦~~~ 感覺上比銀座x林貴左....份量差唔多, 椰菜絲都係可以任加, 醬汁好似多左一隻, 除左豬扒既燒汁, 同椰菜絲既柚子醋外, 仲多左隻紫菜汁, 不過我都係鐘意traditional 既柚子多D 豬扒方面, 炸得好脆, 肉質都juicy ! 三文魚刺身, 肥美 ! 新鮮, 不過我覺得都係貴左DD泡菜豚肉溫泉蛋飯, 泡菜好多...但酸左小小, 冇咩辣味跟餐都會有一杯仔生果, 感覺好健康

新城市廣場行完街後，等咗9個字位，終於有得食夜晚啦～我地點咗2份餐，一份吉列豬扒餐，一份吉列蝦+蠔+吉列蟹肉薯蓉。可以選擇分開兩份餐上或放埋同一碟上。我地share黎食，就揀咗一齊上啦。到餐前，黎咗2隻碗，入面裝咗啲芝麻俾我地自己磨黎食。玩完一輪磨芝麻後，正餐到啦～一份餐有：一碗飯，一碟漬物，大大份吉列，一碗湯同一份水果攞上枱果下真係好興奮，因為兩份餐夾埋原來有咁多~日本米不嬲好味唔再講，吉列亦好香脆，入面嘅海鮮好新鮮，而豬亦做得唔錯。其實我都黎食過幾次，次次都無令我失望。雖然貴咗啲，但夠哂大份及用料新鮮。我會返轉頭再食嘅！另外，見清酒做緊promotion，又點咗一份，大約HKD 300

lunch time 過黎食，算係高價位既lunch，份量係幾大份既，炸豬排做得好好，放耐左都好脆口，點埋檸檬汁，酸酸地可以減少豬既肥濟感覺！炸蝦更出色！炸得整隻都可以吃～沙津醬係日本蛋黃醬，點埋食好好味！

同朋友搵飯開， 沙田好多選擇， 突然想食吉列豬， 於是帶埋友人嚟開飯由於閒日夜晚， 唔洗等就有位入座先奉上熱茶， 店員見我大肚婆， 亦細心給了熱開水， 抵讚order兩個set share食， 店員細心幫我地一齊上菜吉列豬柳定食(菜絲， 漬物， 面豉湯， 飯同水果)菜絲可添食， 同日本吉列餐廳一樣豬柳外脆內軟， 又唔會食到成口油， 仲份量十足黑豚肉吉列定食(菜絲， 漬物， 面豉湯， 飯同水果， 加錢要左三文魚刺身)刺身正路野， 黑豚肉好軟熟又香口， 真係好好味， 仲好豐富肉汁， 正店舖提供三款醬(甜醬油， 紫菜汁， 柚子汁)，另跟餐仲有芥末醬，客人可按自己喜好選擇面豉湯比較咸總合都係好唔錯， 服務都好， 坐得又舒服!!

經常出沒沙田的我, 偶然間見到新城巿廣場7樓有間Tonkichi快將開幕, 一開幕就即刻去試一試.地方清潔寛敝, 好舒服, 餐牌同食開的舊舖有點唔同, 但店員十分殷勤給我介紹, OK, 就試一個吉烈海鮮餐.吉烈一貫水準, 同其它分店一樣, 蠔就詌美新鮮, 蝦就外脆內彈牙, 豬柳更流出肉汁, 米飯又好食, 最奇怪椰菜絲帶有清詌甜味道, 真係飽餐一頓.最後食埋個生菓, 裡面有西瓜, 蜜瓜及哈蜜瓜, 及一杯醒神熱煎茶.果然每間分店都有一定水準, 好嘢!