丼吉日式吉列豬排專門店 (新城市廣場一期)

营业中

休息中

食日式吉列就好自然諗起呢間。細個無收入，所以只係食過一次，依家大個左但又怕熱氣，所以都好少食。呢間野有好幾間分店，今日行開沙田，又見好耐無食就順便食下。叫豬扒會有芝麻磨，玩法係磨碎之後加豬扒汁。豬扒汁之外有兩隻撈沙律菜既醬料。兩個人叫唔同餐，仲可以撈埋一齊放。有豬扒、豬柳、大蝦、蠔。留意番，沙津菜係任添的，佢地會有人間唔中走出黎加，飯以前都可以加，依家就唔知，因為都食唔落所以無特別了解有無改到規則。

好耐以前食過一次丼吉既吉列豬扒，今日再次有機會黎食。同當時既感覺一樣，實在太好食！同男朋友一齊，叫左兩個定食，有晒吉列豬，吉列蠔，吉列蝦同吉列牛。豬扒係無得輸，超脆，再加埋豬扒醬汁，真係好食到不得了。蠔同埋蝦都不錯，但我自己覺得吉列牛就麻麻，啲牛既口感比較鬆，同吉列加埋一齊就好似冇咁夾。男朋友第一次食，連佢話第一次食到咁好食既吉列豬扒！雖然價錢係貴少少，但仍然覺得好值！下次一定會再來食！Btw 荔枝梳打都不錯

今日原先諗住同老婆在沙田食lunch, 不過遲咗收工, 無辦法就上七樓兜個圈睇吓有乜嘢食, 見到Tonkichi四點鐘仲開緊, 好奇怪, 平時收三點左右, 點解仲有哩食既, 問個店長原來啱啱開始逢星期六, 日及公眾假期三點至六點加開下午茶, 咁我緊係一於同老婆試一試啦.睇個餐牌, 好吸引, 唔貴, 有麵, 有炸物, 有烏冬, 仲有cake同包埋嘢飲添.一於點翻個牛肉擔擔湯烏冬及high tea二人set (吉列豬柳, 炸蝦, 炸蠔, 炸雞翼, 香味飯糰, , 牛奶布甸及蛋糕) 醫醫肚, 店長話由於牛奶布甸沽清, 用其他甜品代替, OK OK牛肉擔擔湯烏冬, 湯底好濃郁, 有好重炒香既芝麻同花生味道, 真係好濃郁, 好濃郁, 配合稻庭烏冬, 呢個價錢連嘢飲超值, 我問店長平時有無得食架, 佢話剩係星期六日下午茶時段先至有, 好食過大酒樓, 真材實料, 我無誇張到.High tea二人set, 炸物唔駛講啦, 鬆脆好食, 專門店嚟麻, 蜜糖雞翼有檸檬味, 唔知係唔係仲有少少香茅添, 好食. 香味飯糰裡面有好多粒粒, 荔枝雪芭配清酒啫哩好清新, 朱古力芝士卷朱古力味濃郁, 配埋杯香濃咖啡,

炸豬扒定食呢家食日本炸豬扒 下下都要過$130/塊呢塊亦唔例外 次次食完都唔明點解可以賣到甘貴 但之後又會試下一間人就係甘犯賤 女人錢就係甘易塭🤗豬扒唔油 份量睇落細 女人食係好夠飽 男人就應該好勉強了 另有豬扒專用醬給你使用👍🏻☺️今天帶左媽媽一齊lunch, 佢都話豬扒無乜特別, 係正常既質素, 偏貴的價錢。 (不過我就覺得算係甘...食一次都無妨既😅)Price: $138 (需加一)Score: 6.5/10Personal ig for more food share: 🙆🏼green0325Please follow me!!!😋😋😋😋😋

真好久好久沒吃丼吉～ 對上一次是剛開張時候，椰菜絲瘋狂添食，自己磨芝麻，當時感覺新鮮有趣～ 😁 日本醋蕃茄 $68～ 蕃茄已去皮，肉厚 但不甜 。隨一人套餐送來的刺身 👌🏿～ 前菜是豆腐也不會難食 😆炸乜炸物～ 套餐有蝦，蠔，帶子，豬柳～ 很豐富～ 炸物香脆。在味架上除了豬扒汁，更喜歡紫菜汁～ 🤩 帶出炸物的鮮。 脆卜卜熱騰騰的炸物 配上 爽脆冰凍的椰菜絲 與 潔白少少黏的白飯 ～ ummm 😋 ～其實真的很熱氣～ 食完會爛口 🤣 冇返三五七年都未必會再食 😆😆飢 point : 7 /10 #hungermarch #飢詩 #非飢詩

每次同老公到沙田新城市，都會自動上 7 樓食飯，食咩嘢，唔駛講必定係吉列，今次都不例外，無它嘅， 好食服務好。坐低後 waiter 給我 menu 及熱茶，有笑容。於是 order 咗刺身，二人餐及小食，牡丹蝦頭加小小錢炸咗佢，之後 waiter 給我地芝麻及解釋 d 醬料嘅用法，細心細心。唔駛 10 分鐘，刺身同飲品送到，經理給我影相後就細心地將 3 個牡丹蝦頭俾廚房師傅炸，服務好細心，刺身非常新鮮，牡丹蝦蝦肉結實，海膽好鮮甜，無鯹味，三文魚肥美，油甘魚厚切，帶子鮮甜好味，仲有幾粒三文魚籽。好快好快，炸軟殼蟹及炸牡丹蝦頭送到，軟殼蟹炸得外脆肉厚好香口，牡丹蝦頭香脆有膏。終於主菜到，炸蝦，炸蠔，炸豬排，炸豬柳樣樣都好正，睇到相都知喇，炸蝦啖啖肉，炸蠔好脆好 juicy，炸豬排同炸豬柳真係好霖，食咗咁多次，質素保持高水準，尤其係日本米飯及椰菜，細碗飯唔會食到凍囇，食完立即幫你添飯，都幾細心，熱辣辣白飯，送炸物及甜椰菜，最好不過，Waiter 仲不時同你加椰菜添。食飽飽，Waiter 給我清潔枱面及奉上甜品及熱茶，服務令我十分滿意，食過炸物後加上清涼西瓜及熱茶，令到口腔好舒服。

食炸豬扒飯，我一定會諗起哩間～同屋企人一齊食，真係好，可以一次過試到好多款既吉列炸物🍤又可以玩磨芝麻😌真係大滿足🈵有豬扒、豬柳、蝦、和牛、滑蛋豬扒生菜絲同飯都係無限添加～生菜絲好新鮮，又爽脆主角吉列炸物：樣樣都咁好咁，最好味都係吉列豬扒哦！🤤另外，個麵豉湯，屬於好咸⋯⋯😕

請唔好怪我前幾日食完, 今日又去食XDD上次食左個二人餐已覺得好好食~ 今日都係二人去食, 但想試多幾款食物~ 試清楚入面唔同食物係咩味XD今次無去到銅鑼灣店, 去左沙田新城市呢一間, 環境無CWB店咁舒服, 始終沙田店較多人, 個人都係咁岩唔洗等, 有張門口位可以坐下... 所以都無所謂啦~ 今次最重要係D野食, 其他都可以忍下XD不過其實都OK, 係嘈D...今次一叫左左兩個餐, 分別有哂吉列豬排、豬柳、生蠔同埋大蝦, 有齊野個四款特色之選!! 下次再試個吉列神戶牛柳~沙律個D我就唔仔細講了~ 同上次係CWB 店差不多~店員有問兩個餐放唔放埋一齊~ 我地嘅答案就係下圖~~吉列豬排: 無上次CWB店咁鬆化, 有少少老, 但都仲係好好食, 無損味道豬柳: 我比較鍾意今次呢個因為令次更有咬口, 唔會太過鬆軟, 而係岩岩好, 鬆得黎也能比你用到你嘅牙齒 (誇張左), 但真係好食D生蠔: 呢個係我今次最LIKE, 生蠔唔會炸到乾踭踭, 入面仲係好多汁, 好嫩滑, 真係好正!! 好好食!大蝦: 反而大蝦有D遜色, 其實都炸得還好~ 但相比起其他菜色同伴, 就弱左落黎... 係有D 唔夠JUIC

早兩日提早同老公團年, 其實都係坐低先決定嘅😜當日叫咗吉列豬柳定食同吉列蠔拼大蝦定食。豬柳好鬆軟, 唔會太鞋, 保持水準😋。蠔炸得剛剛好, 好juice😋。大蝦就好一般, 炸得老咗啲, 無彈牙嘅口感, 寧願少隻蝦, 多隻蠔😔。但味道如何都好, 最緊要係同老公一齊食, 狗年要繼續團團圓圓😊

香港人熱愛日本料理，日式吉列炸豬扒相信是在刺身壽司等料理外，最受歡迎的菜式之一。不過不知道大家知不知道，日式吉列炸豬扒是一個日式料理和法式西餐的Fusion 菜。由於明治維新的影響，十九世紀的日本人開始學習西方的文化，而西方的菜色也在民間流行起來(稱之為洋食)。位於東京銀座的煉瓦亭於明治二十八年（一八九五年）開店，一八九九年，店主嘗試了一個新菜式，就是法式麵包煮牛肉，但他想用豬肉去代替牛肉，因而發明了第一個日式麵包炸豬扒。因為本身法式麵包煮牛肉的菜色名字是法語Côtelette，而英語則是Cutlet，日文則是豚カツ。那Cutlet為何叫吉列呢？是來自一本名為《華英通語》(Chinese and English Phrase Book)的中英詞典，作者是Benoni Lanctot，在一八六七年在美國三藩市出版，裡面就將“Cutlet”翻譯作“吉列”，這本書在香港流行後，吉列這個字一路用到現在。說了這麼多，其實是想推薦一間餐廳，名叫丼吉日本吉列專門店，是我吃過最好吃的日本吉列專門店，而除了他們的吉列豬扒外，他們的吉列蠔更加吸引，他們用的麵粉，香穌脆而不膩，生蠔雖炸過卻還保持了蠔汁的鮮味

由於爸爸大人突然想食吉列，今年的聖誕大餐一於就食丼吉啦。本來諗住食普通二人set,點知發現竟然仲有聖誕set,豐富好多喎仲幾抵添，梗係揀呢個set啦！首先要磨芝麻，雖然我麻麻地鍾意芝麻，但勝在好玩，等食期間可以打發時間。前菜分別係：秋葵：滑潺潺，我鍾意~蕃茄：好酸呀，好開胃薯仔沙律：比較普通，完全冇特別生蠔刺身拼盤生蠔&刺身都好新鮮，本來仲驚會麻麻地，但堅係好食喎！吉列拼盤外層炸得好鬆脆，完全唔怕會整損上顎，所有嘢都炸得啱啱好，正！吉列牛檸檬上方細細粒，比想象中好食，牛肉好嫩滑，不過牛味唔重，有少少油膩。吉列豬完全唔會乾，幾好食，不過爸爸大人嫌佢冇乜味。吉列蠔爸爸大人非常欣賞，炸得啱啱好，蠔身飽滿多汁又嫩滑，完全冇渣，超好食。吉列蝦好大隻，都幾好食，但冇乜特別。甜品係茘枝雪葩，食完炸嘢要refreshing一下。透明嘅係清酒啫喱，勁重酒味…食唔到…整體黎講好滿意，有機會會再黎食。

這次是第二次來了，一直很期待再來~很想念那塊厚厚的吉列豬~~~今次點了吉列豬扒定食伴蘿蔔汁 $218 (基本款 多了蘿蔔汁試試)男友點了鹿兒島特等豚肉定食 $288來吃吃看差別在那~除了每人一杯茶，還給個小茶壺，茶杯本來較小，要喝了才加，不會太涼太熱~芝麻來了，一起落力的磨，散出芝麻香氣他磨得超碎的吉列豬醬 配芝麻用，另外兩個較矮身的是柚子汁和紫菜汁，可用來配生菜。最基本 已經好好食，蘿蔔汁有點多了，還是原來吉列豬醬最好吃(不妨加一點芥茉)看上去的確比較厚，吃起來肥瘦適中，更多汁，真的是一分錢一分貨呢~最後還有水果贈送~

 平安夜大多數人都揀食酒店自助餐, 而我覺得雖然多野食, 但質素唔夠精, 咁啱想去沙田新城巿紅粉夢樂園睇吓, 不如食埋我至愛的吉列添, 上到7樓, 好多人, 好彩唔駛等好耐, 5分鐘就有位喇, 經理引領我到卡位坐及放下餐牌, 原來做緊聖誕餐, 有3個揀, 1個係吉列神戶牛肉定食, 1個係吉列海鮮定食, 1個係車海老定食, 而我比較鍾意食車海老, 肉質同普通大蝦唔同,  同埋做三文魚刺身優惠, $108有9件, 好大件. 先來2個飲品, 今次試吓我最鍾意飲的巨蜂提子汁及檸什準備食大餐.兩份刺身到啦, 生蠔好juicy好大隻, 帶子好新鮮, 好鮮甜, 三文魚腩好肥美, 師傅刻意在魚腩上界了幾刀, 又靚, 入口口感零舍唔同, 吞拿魚都好好味, 唔係好夠喉, 好彩加了三文魚刺身, 超大件.炸物送到, 軟殼蟹, 車海老, 炸帶子, 炸蠔, 炸豬柳. 炸帶子同炸蠔要食先, 如果唔係擺得太耐會過熟, 帶子好厚肉, 外皮鬆化, 蠔好鮮味多汁, 炸軟殼蟹好大隻, 炸粉薄, 裡面好多膏, 可以用來餸白飯, 而我老公就自製刺身飯, 車海老有膏, 肉質彈牙, 同大蝦無得比, 豬柳好淋OK. 麵豉湯好足料, 好

今日老公生日，同佢去沙田Tonkichi食餐飽，12點半去到店員慇懃給我們帶到卡位坐，十分好．點咗好多嘢，乜都有，有刺身，有小食，仲有大大份吉烈二人餐．好，先嚟個芝麻磨一磨，泡菜同２個飲品，自家泡菜幾好味，無街外買果ｄ咁辣，少少甜，開一開個胃先，準備食餐飽，仲有日本醋番茄及日式冷豆腐，兩個人唔知食唔食得囇．刺身送到，嘩！唔錯，擺得好整齊，有心機，仲好新鮮添．之後仲幫我炸咗個牡丹蝦頭，香脆可口，帶有蝦膏味，好細心，仲將個蝦頭掀開少少才炸，食完蝦頭就食炸軟殼蟹，軟殼蟹香脆有膏．主角出場喇，二人餐吉列豬扒，豬柳，蝦，蠔，好大份要慢慢嘆，炸物鬆化唔油膩，配自己磨芝麻醬好味，另外仲可以配芥末醬．吉列蝦及生蠔外鬆內軟，多汁，配他他汁沙律醬，好飽．白飯及椰菜仲可以無限添加，椰菜好脆好甜，白飯仲好香．最後，食埋甜品，飽到上心口，綠菜雪糕好重奶味，配埋紅豆一齊食仲好食，綠菜大福裡面既餡好creamy，d西瓜大大粒，一口一粒，好多汁，伴隨一杯熱茶好解膩．

很快便有位..............安排了坐卡位的位置..........點了刺身........這間鋪還是吃吉列較出息......................咖哩吉列豬扒.........肉質嫩！滑蛋吉列豬........................沙律菜是無限refill的....................可加上醬料............不錯！最後有甜品送上...........