丼吉日式吉列豬排專門店 (新城市廣場一期)

营业中

休息中

好驚喜- 驚多過喜...貴又唔好食得個貴字，食物又唔特別好食 ，有啲啲偏鹹....超普通味道.....環境其實唔錯.....有個冷盤都叫好味，但要自己另外order（八爪魚）， 但價錢就160幾已經算最平既幾個餐之一，絕大部分都要250、300、350一份餐，但餐只有：超通沙律普通切絲菜、日式面試湯、一碟超迷你汕涼瓜.....超唔抵！最后食完飯會送細瓜做甜品（每人一位），但收250蚊位送幾粒西瓜，佢好抵喇...250食飯係可以食得唔錯，但我唔覺得啦囉....都係啲超普通嘅cheap野....一定唔再去！

突然好想食日式吉列豬扒搵下邊度就腳又好味既 搵搵下就不如去食沙田既丼吉啦 雖然都真係唔平😂本身諗住叫豬排 但豬柳好似感覺會滑啲一於叫「吉列豬柳定食」💲208究竟有乜咁西利值得咁既價錢呢？原來都真係幾值得😛每個正宗日式定食例牌係有飯 沙律菜 同湯丼吉亦唔例外 而且飯同菜係任加由於即叫即整 又要炸既關係 都係要等啦賣相好吸引 唔會炸到黑蚊蚊 份量都唔少切開嚟都有成6舊架！餐廳處理肉質既功夫亦做得好好豬柳炸得岩岩好 一啲都唔會黑蚊蚊 咬落啖啖肉仲唔會韌 炸皮好薄 呢方面真係做得唔錯 日本米亦帶點hot 中和返個豬排味而個湯就不過不失 湯裡帶點豬肉咁 幾特別沙律菜亦非常新鮮 整體嚟講 呢個set絕對豪得值得！好食度:😋😋😋😋😋

一直以來定期都會去唔同嘅激烈豬扒專門店度食飯，今次試咗喺沙田呢一間丼吉。為咗試晒所有嘢，所以我同朋友叫咗呢一個吉列拼盤。嗰個吉列拼盤入邊，有吉列豬扒/吉列豬柳/咋炸生蠔同埋炸大蝦。友人就好鍾意食嗰個芝麻配吉列醬，而我麻麻哋芝麻，所以就只係食咗炸生蠔上嘅沙律醬。生蠔冇因為咋而炸到乾晒，仲好juicy 。而炸大蝦啲蝦仲好彈牙唯一我覺得美中不足嘅地方就係，喺日本無論白飯，麵豉湯或者沙律菜都可以任食唔嬲，但係香港麵豉湯就冇得任飲。對我呢個好鍾意飲麵豉湯嘅人來講就有啲失望啦。

今日同同事出去食飯，咁都唔會我呢啲小薯仔揀餐廳。我都係跟住入黎，見同事全部都叫豬扒飯，咁我都跟住叫，一定冇死。先俾左一盅芝麻你咁就磨爛佢，等一陣倒啲豬扒汁入去一陣可以點黎食😜😜豬扒啱啱炸起，好脆。點埋豬扒汁就酸酸地咁相當開胃。又夠厚，啖啖肉。🤤🤤🤤好正。好多餐廳賣吉豬都冇俾豬扒汁，咁食落去嘅時候就會好濟😛我個人口味就頂唔順咁油嘅感覺。最後仲有西瓜食🍉，都甜嘅，不過食落去唔太凍，有種已經放左一陣嘅感覺。🙁🙁

忙碌中, 途經沙田食個午餐, review下吉列啦, 今次可能lunch time關係, 店員不停打轉, 忙個不停, 無他ge, 人人到我一樣食飽開工.今次點咗個蒜片牛柳粒定食, 加咗一隻吉列蠔同刺身, 吉列以外嚟講, 牛柳好淋, 蒜片甘香, 配洋蔥好味, 加上香軟日本米飯, 真係食多兩碗飯. 刺身方面, 新鮮好味, 吉列蠔香脆juicy, 最後加埋甜品, 日本綠茶雪糕加大福, 味濃香滑, 同大福好配合, 再嚟個清涼西瓜+熱茶. 滿足! 

今日lunch想食豪啲~ 見到呢間日式吉列豬扒好似幾正宗咁，同同事一齊試下食~午市定食都好多種選擇，主要吉列系列為主。我通常試新野會叫餐廳嘅主打招牌菜， 今次就梗喺叫吉列豬扒定食~! 雖然價值都幾貴，要$138, 但講左食豪啲就一試啦~ 好食嘅就值得了吉列豬扒認真大塊~ 炸到金黃色，好靚。炸粉薄得黎又可以完全鎖得住豬扒啲肉汁。豬扒厚度啱啱好，而入口。椰菜我覺得喺另一主菜黎，刨得好幼絲，幾鮮甜。食完想再食， 啱啱好中和番豬扒嘅油膩感覺。醬料係粒粒芝麻自己動手磨碎佐之後再加燒汁去點豬扒食。 芝麻碎粒嘅程度可以按個人喜好調教。雖然價錢係貴少少但係呢個質數係值得既~

嗰日好想食吉列豬扒，所以就去咗呢度食，老實說，食物還不錯，但是職員的態度卻叫人卻步😔。大部份的職員都是極度冷淡，冇尾音，冇笑容，成個進餐過程嘅體驗都是不受歡迎🙈，一點都不享受！老實講，一個set lunch要$150 已經不是便宜（港島lunch 的價錢了），但係如果服務也都這樣就真的令人感到很不值！😡 當然，如果只為食物而去這餐廳的話無問題，但係如果要用餐體驗再加食物水準真係唔會推薦呢間餐廳，太令人失望了。從來沒打過食評，這家餐廳令我獻上我的第一次🙃

揀左呢間係沙田既分店，唔知係因為閒日所以唔洗等位定係少人食不過我諗少人都有可能係因為價錢而卻步，食炸豬扒，呢個價錢又真係太貴喇🙈//吉列大蝦豬扒定食//呢個餐成三百幾蚊，同場有五個人，4個人都叫呢個餐😅一點完餐，侍應就比左啲芝麻我地制作醬汁，用即磨既芝麻再加豬扒醬，味道真係唔錯👍呢個定食份量真係好多下，食到個個都食唔哂🙈個大蝦🍤夠份量，食到個炸粉幾鬆脆❗️豬扒又大件又厚，算係香港食過最好食既炸豬扒💯定食既湯都唔錯👍係用味噌唔係用速食味噌，入面仲有蜆同豆腐粒添呢個豬扒同蝦真係好好食,不過價錢就太貴喇，如果價錢親民返啲就perfect 喇

超值的“得個吉”和”一舊飯”今日在沙田行來行去，吾知道食乜，又無時間查openrice，最後走入日文得個“吉”字認識的Tonkichi。之前無睇佢出名食乜，食完再睇至知道原來個店名”吉”就是“吉列”。我叫了平時在日本店食開一個和風牛肉生薑燒，老婆就叫了吉列豬扒定食。豬扒定食來之前，侍應拿來芝麻，仲好詳細的介紹點磨和加什麼醬料。～吉列豬扒真係好好，吉列皮好薄，好鬆，好脆，吾吉口，豬扒肥美，有肉汁。～和風牛肉有好多洋蔥，好有薑汁味道，牛肉超多，嫩，但比較鹹。～ 麵鼓湯吾錯，每一碗都特別加左一粒峴。～兩個定食都有前菜，基本野，應該都係買返來～白飯睇落以為好正，雪白一粒粒，但一食就食到一舊舊，吾係好夠熱，應該係放在旁邊太長時間等豬扒和牛肉，當然打飯的師父可能有些程序做漏了。～最後埋單仲有切得一粒粒的西瓜。在沙田市中心，100多蚊就食到咁好服務，咁大份量，咁靚裝修的餐廳，值得啊！

去呢到大部份人都係食豬扒但成份其實都好難食得完炸嘅一定係燥所以通常我都選擇一個set一次滿足三個願望飲品，湯就唔需要寫啦一小舊炸豬過囗癮烏冬濕濕囗啦個刺身飯又夠足料如果樣樣都想食但又得一個人呢個係非常好嘅選擇

好耐之前去日本random食過一間吉列豬扒餐廳，之後便愛上了。後來有朋友推介呢間餐廳，推介呢間餐廳嘅豬扒好厚好多汁店內嘅座位好寬敞，好舒適，我哋兩個人去食但安排左我哋坐四個人嘅卡位。我地點左一個吉列豬扒同一個厚切吉列豬扒。點完餐之後，店員就送上一兜芝麻同豬排汁，芝麻要自己磨碎。因為我覺得好好玩我將所有芝麻磨成粉，磨碎左嘅芝麻味好香。吉列豬扒會配有生菜同埋白飯，白飯同生菜都係任添加，男仔唔使驚食唔飽。生菜配有好3款唔同既醬汁，有紫菜，柚子，仲有一樣唔記得左🤣而吉列豬排好厚好多汁，配上檸檬汁加上岩岩磨碎左既芝麻加豬排汁，真係好正，好有日本回憶。其實我食到第4-5件豬排個時已經有啲飽，店員問我需唔需要加菜，但我已經好飽。於是我唔食咁多飯，食左豬排先，因為豬排真係好想食，唔想食剩定食仲有跟生果同野飲，環境同食物質素都一流。

平日多數黎食晚市 今日晏就經過發現Lunch Set原來十分抵!一個set 有湯 前菜 幾隻大大炸蝦 再加埋烏冬先至$160左右 絕對超值炸蝦個炸粉好薄 烏冬十分彈牙伴菜的沙律會有專人幫你任添仲有提供柚子汁俾客人伴沙律一定會經常光顧!

本人第一次出字，今日我去食夜晚於21:45到，叫咗兩個定食套餐，唔知佢係咪趕收工,一個炸海鮮定食外面炸到爛，入面超油， 一啖咬落去成口都係油幾難頂下，唔係普通炸嘢正常分量嘅油係真係超多油，一個豬柳定食賣相幾好內裏恐怖D飯底有層油飯入面啲油多到可以用匙羹不出嚟，豬柳><難以用筆墨來形容 總之係超難食， 我埋左單之後先同佢講免得佢以為我靠著數，佢趕收工出聲我唔入去成個餐飯六百幾蚊！最滿意只係得最後嗰兩杯西瓜幾甜

食日式炸野邊最好食？梗係喺日本啦不過如有要係香港搵一間，吉丼都係一個唔錯嘅選擇嚟嘅沙田新城巿有一間，好耐無食喇，搵左個朋友去食吓先我地樣樣都叫咗啲，基本上除左吉列牛無叫，所有都叫晒。雖然係炸野，但啲炸粉食落唔會太油膩，蝦肉都彈牙，幾好幾好炸蠔都幾大隻，咬落去都多蠔汁，好好味豬柳夠嫩滑，唔會乾身，好味豬扒方面就梗係掂啦記得磨芝麻再加豬扒汁，不過我覺得就咁食都好好味了記得食埋啲菜，好爽口，加埋沙律汁就very good 喇！

這裏的白飯真的是十分好味，而且可以無限添飯！真係好正!除咗飯可以無限添，佢嘅菜絲都可以無限添的。所以如果怕食太多澱粉質，可以考慮食菜。這裏的刺身非常新鮮，但是價錢稍為貴了一點。我最喜歡這裏的醬汁加自己即磨芝麻，配炸豬扒。這個醬汁真的是百吃不厭這間餐廳的經理態度非常好，服務一流！