丼吉日式吉列豬排專門店 (彩星集團大廈) (已結業)

今日起身諗住食個brunch，諗諗吓不如去廣東道蘋果朝聖，順路探吓Tonkichi日式吉列專門店。Order了牡丹蝦三文魚籽刺身和二人餐，二人餐頭盤先來一碟炸軟殼蟿配醬汁及Sapporo啤酒，蟿炸至金黃色，炸粉薄，很香脆唔油膩，唔知係唔係掛住飲啤酒，食曬都唔記得先影相，唔好意思。跟住，牡丹蝦肥美，蝦頭仲好靚，靈機一觸問吓經理蝦頭可唔可以炸，經理話要加少少錢，見蝦頭咁新鮮，OK啦，炸蝦頭好香脆，點醬汁食好鮮甜，連殼都可以食埋，計炸軟殼蟿之外又多樣嘢餸酒，真係麻煩了經理及大廚。跟住，三文魚籽超新鮮，很鮮甜，唔會好似其它食店咁咸，其實三文魚籽係我哋既favorite，加在熱烘烘的日本飯面食好似去咗北海道食三文魚籽丼，非常美味。因為掛住食，又唔得影相，唔好意思，其實在廣東道這間Tonkichi食咗好多年，由地下搬到上十樓，水準一直都keep住好高，不只炸物做得好，連刺身都好有水準，好食過其它壽司店好多。最後，二人餐送上，有蝦、蠔、豬柳、豬排，配上熱烘烘發光的日本飯，好唔好食都唔駛講啦。　

吉列系列食品，對我嚟講並唔係非吃不可，呢間係我食過暫時最好食既吉列食物~~見到有個set，好似好多野食，有前菜、麵豉湯、吉列豬吉列蝦吉列蠔、飲品+生果，問埋waiter個前菜會係乜，正，軟殼蟹，梗係叫啦！軟殼蟹，好薄粉漿，一咬落去，好脆好juicy，正！吉列系列果然好靚仔！金黃色，炸得夠乾身，唔會見到油淋淋。d蝦好大隻，蠔入面仲好juicy，豬扒、豬柳唔會"鞋"，整體做到外脆內軟+juicy，堅正！檸檬特飲，好fresh，夠酸，配吉列真係perfect match！最窩心既日本餐廳，會喺你食飽之後，幫你清理張枱，然後奉上熱茶一杯，feel warm~~~因為我地叫set，仲有餐後生果，好圓滿！佢個set仲跟埋個咖哩汁，不得了，因為太惹味會令你食多左飯，so full~~~

今日好朋友帶左我黎依到食吉列野，真心唔錯嫁,佢都真係唔話得無介紹錯,去到職員好快就安排到位比我地,竟然係一個沙發既卡位,真係好好彩,感覺十分之舒服,個位已經十分滿意我地都好快就叫好野食，之後就有野玩喇,職員叫我地自己親手用支木棍仔將D芝麻慢慢磨成粉，之後再加自己鍾意既吉列醬攪好佢，一路傾計，一路磨芝麻，時間就真係好快就過，好快就到喇D炸野，職員拎黎既時候會慢慢同你解釋D醬料用咩用途，夠哂細心，套餐就有味噌湯、同埋有D醃漬物、無限既椰菜絲同埋一碗白飯，原來白飯都係無限添加既,不過你又食得幾多呢。果然係專門店，炸物既炸漿夠哂脆，最緊要係唔會太厚，唔會得個炸味而食唔到個餡料既味道。炸蠔食落十分肥美雖然唔算太大舊。 豬柳就比較特別,係半圓形既，肉質非常厚身，但食落都好嫩滑，唔會好似香口膠咁，肉質非常之好，食左咁多炸野，食番少少椰菜絲，感覺就會無咁熱氣，岩岩好。 

早前去了位於彩星集團大廈的丼吉日本吉列專門店食飯, 一直也好想試下, 終於有機會一試. 這裡環境舒服, 而且相對較靜, 好適合傾計食飯.今次我地點了吉列生蠔定食和吉列大蝦併帶子定食.每份定食也有麵鼓湯, 漬物, 椰菜絲和白飯, 而椰菜絲和白飯都是無限添加.接着, 侍應便遞上芝麻, 自己一邊磨芝麻, 一邊已聞到芝麻香味.吉列生蠔定食.生蠔幾肥美和新鮮, 蠔味也算可以. 炸漿不會太厚, 好鬆化.再沾上沙律醬加上即磨芝麻, 味道好夾, 非常好味.吉列大蝦併帶子定食. 大蝦和帶子都幾大隻和新鮮. 真係啖啖肉, 口感不錯.我自己鍾意沾上滿滿沙律醬和芝麻, 多重口感, 非常豐富.除了炸物外, 白飯也好重要. 這個飯軟硬適中, 日本米口感是有點不同, 略為黏身一點, 我自己就喜歡這口感.食了咁多炸物, 當然要食番椰菜絲, 夠新鮮. 想清一點, 可以就咁食, 想醒胃一點, 可以混入這個酸酸地的汁, 也是好好味.最後, 仲奉上西瓜. 西瓜好清甜, 為這一頓晚飯畫上完滿句號.能夠一口氣食了數款海鮮, 真係好滿足, 這一餐真係好豐富.

今日來這裡食lunch，lunch set抵食過晩市。今日叫了B餐，吉列豬柳配吉到蝦定食$128，侍應先給我芝麻自己磨，磨好就加入醬油拌勻準備用來蘸吉列炸物。Woooooo,好大隻吉列蝦、好厚身的豬柳，先食吉列蝦，炸粉不厚，好大隻好厚肉的蝦，蝦肉有肉汁，爽囗，正。先蘸一點芝麻醬油，亦可蘸沙律醬，吉列豬柳一囗咬落去，好脆，內𥚃有肉汁，而且好熱，肉嫰而不鞋囗，炸皮不厚又不會好油，好食到真係不得了！伴碟的椰菜絲我估好多人唔知點食，其實係枱面有一個調味醬油係用來撈這菜絲做成沙律菜食，菜絲是免費添加的。白飯用日本米，好香有飯味。麵豉湯好但冇特別。餐後有西瓜片給熱飲。

叫左我嘅至愛:吉列海鮮伴三文魚刺身定食,吉列炸蠔及吉列蝦各一隻.個炸粉好脆,吉列炸蠔大大隻,入口好juicy.吉列蝦:個蝦好乾唔彈牙,味道一般.沙律醬,幾好,帶有忌廉味又唔會太肥.個飯都唔錯用珍珠米,前菜個沙律都幾好食.三文魚刺身:有5件,細件左好多,味道淡左小小,唔及之前敢油香同肥美.麵豉湯就淡左小小.最後,西瓜冇味似雪左好耐.整體:一般可試,唔好有太大祈望.

這夜帶了知己來吃吉列，店員友善地安排我倆坐到寬闊的沙發卡位，感覺舒服，十分滿意!點菜後，店員讓我們親自用短小而粗木棍將原粒芝麻磨成粉狀，再隨個人喜好加入吉列醬攪拌，我倆就這樣一邊聊天，一邊磨芝麻，等待著炸物。店員送來炸物時會耐心解釋每種醬料的用途，很專業和細心! 每份套餐都有一碗味噌湯、數小碟醃漬物、大量的椰菜絲和一碗白飯，椰菜絲和白飯都是無限添加。 吉列炸物中，算是最有水準。炸物的炸漿非常脆，而且不會太厚，能真正吃出內裡餡料的味道。炸蠔雖然比預期中細小，但卻十分肥美。 豬柳不似長條狀的豬扒，呈半圓形，肉質厚身，比想像中嫩滑，咬開肉質完全不費牙力。連續吃了數件炸物後，不要忘了將沙律醬伴入椰菜絲中和油膩感。吃了那麼多炸物，心裡有一點罪疚感，但這樣的美味有水準的吉列，友人跟我都感到又飽又滿足。

母親節前夕來食, 不算多人有訂枱, 但佢地唔會當天confirm, 留意點了1, 吉列併盤 (3人前)，包括豬扒, 蝦, 生蠔, 豬柳2, 鹿兒島黑豚由於所有野都放到同一碟上, 分不出普通豬同黑豚, 其中一隻肉味濃d, 但兩者肉質都算嫩。蝦, 我最鐘意食, 爽口, 吉列脆漿厚薄剛好生蠔, 好肥美, 但略覺腥豬柳, 唔好食, 肉質鞋口, 咬下去一口, 脆漿仲跟肉分離白飯同椰菜任添, 食咁多油膩野, 椰菜特別甜。4個人食, 兩枝啤酒, 埋單 $9xx

突然間想食炸物,一想就想起這間"丼吉".於是致電之前食過The One果間問有冇lunch set.回應有:要$150位.重要冇三文魚刺身添!不過,佢有個好介紹叫我打去第二間店,就是這間喇!一個set相差50%,真要比個like The One果間嘅介紹.一睇menu,當然叫我嘅至愛:吉列海鮮伴三文魚刺身定食,吉列炸蠔及吉列蝦各一隻,個炸粉真是好正好脆,唔會似有D店嘅粉好硬.吉列炸蠔好大隻,比起其他吉列店大一倍,入口唔干好juicy,超正!吉列蝦,大大隻,好有口感,唔會干.佢個沙律醬,好正,帶有忌廉味,同D炸物好夾.個飯都唔錯,唔是度度會用珍珠米.前菜個沙律幾好食!三文魚刺身,有5件,幾油香,好肥美!個麵豉湯就淡左小小.最後,重有西瓜做結尾.真的滿足了!

Just look at this glorious platter of sinfully fried goodness.Featured in this platter are prawn katsu (obviously) in the middle and working anti-clockwise we have pork loin to its right, oysters at the front, pork fillet and scallops on the far right corner. And then everything repeats once more on the other side.Starting with the pork, there are the two main different forms of tonkatsu that is traditionally served: loin and fillet. Which one is better boils down to personal preference entirely

話說我男朋友好中2食炸野既,,所以前幾日特登book左位同佢食,,聽人講好好味架,可算係吉列始祖!!黎到既時候,,見到左手邊有塊好大既board,,話有會員卡申請,,同埋有個新野..叫天樹炸蝦飯,,有幾吸引wo衰鬼,,同埋隔離個隻豬真係好可愛呀!!  之後,有個staff帶左我地入去,,好彩星期日唔係太多人,,可以好順利甘坐左個卡位,,其實我第一次黎架,所以都預先睇左有關既食評,,上網見到D人話車海老超巨大,都想試下,同埋經我查問之下,,聽說豬柳係淋D,,所以到最後order左車海老定食同蠔拼豬柳定食,同個軟殼蟹,,落單真係問好多野呀,,仲問我地會唔會買卡,,,其實我第一次黎架炸,哈哈,下次再幫你買喇!!落左餐之後,,個staff就放低左個芝麻,,好彩佢主動介紹o者,,如果唔係呢,,我真係以為係前菜黎,,心諗,,芝麻真係甘好味!!!嘩嘩嘩,,個餐黎到喇,原來甘多野架,,好多汁醬呀,,staff都好有耐性介紹,,   好喇........我食喇.......................飽死lu,,點知原來仲有西瓜囉,,不過都食埋喇,,因為好熱氣呀,,食完自我感覺良好喇,唔好生暗瘡呀!

       其實本人之前已經慕名去過銅鑼灣分店食，覺得環境及食物質素偕不俗，不過上次因為沒有預訂座位，所以等候時間較長，今次既然黎試丼吉既其他分店，就一早打定電話去訂座，以免重蹈覆徹拉！       適逢該座大廈裝修時期，我與友人差點不懂路向(本人認路能力較為遜色)，結果行左好多冤枉路終於成功到達目的地。當一入到餐廳，就即刻有店員帶領我地去到自己既座位，呢度地方唔算好大，但勝在座位夠寬敞舒適，而家環境寧靜，實為談心地方好去處！       經過一論的商討，我地最後決定要可供二人食用的吉列豬扒及豬柳定食，另外再加一客三文魚刺生，刺生上菜的速度甚快，值得一讚﹗ 一客有五件三文魚，份量、味道及質素尚算正常，沒有特別出色之處，但一食無妨！       食過刺生後，我倆便鬥快將枱上的芝麻磨碎(真是無聊)，待此比賽完結後，主食亦陸續上枱了。其實一個餐的份量都幾大，包了前菜、味噌湯、及炸物，對於一般女士食量足夠有餘吧！       因為本人不太愛好食醃漬物，所以對前菜的興趣不大，所以不予置評了，但味噌湯及主食都值得一讚！首先，味噌湯比較足料，不過純粹得個湯，飯完已經可以有半飽感覺了，至於吉列豬扒及

是日晚上七點來到丼吉日本吉列專門店餐廳食晚飯，店裡的人流不多，很快我們就被安排坐進較裡面的卡位。由於有掛飾的關係，加上店裡以黑色為主的裝潢，感覺像置身於小包廂，私隱度頗高前菜方面，我們點了冰鎮番茄、泡菜豆腐和軟殼蟹。冰鎮番茄清甜清新。不過本人不太喜愛食新鮮生番茄，但當作開胃菜算是不錯。泡菜豆腐(涷)：清淡的豆腐配上泡菜，味道不太辣亦太淡。但豆腐的豆味不重。軟殼蟹：第一道炸物，炸粉不厚，軟殼蟹被炸得相當之脆口，近蟹殼的位置有一小撮的蟹肉，口感及味道很好。如果嫌油膩的話，可以沾一下醋汁再食用。主菜有四款食物(帶子、蠔、豬柳、蝦)帶子很厚身，應該有一吋厚，口感十足、鮮甜肥美。蠔熟的程度剛剛好，外面很熱，但裡面剛好是微微熱的程度。不會因為炸得過份而變得乾。豬柳炸得十分鬆化，肉味甚濃，但口感較粉。炸粉沒有跟豬柳分離，不錯。炸蝦相比以上三種則略為失色，炸粉較一般的厚，肉質普通。另外有三款的醬汁配上述的炸物，有他他汁、黃芥末及豬排醬。海鮮類的炸物沾不沾醬汁其實沒甚麼所謂，原汁原味反而更突顯味道。個人認為豬肉味道較為單一，沾醬汁更有另一番風味。三款醬汁中，我最愛他他汁。酸瓜的味道跟炸物很配。另外，亦可

聞名而久的吉列專門店，趁著這天心情不佳，便縱容自己放肆一次。自己一個人於六點九到達，可能是因為時間尚早吧，即使沒有訂位，亦獲安排坐在窗邊的卡位。小弟叫了一個吉列生蠔豬扒定食。在落單後馬上就送來一碗芝麻，經過研磨後香氣撲鼻而來，增添了不少食欲。可惜的是，當加入豬扒汁後，芝麻味則被蓋過了不少，蘸食時嘗不到甚麼芝麻味了。餐廳提供了兩種汁供人淋上椰菜絲食用，分別是紫菜汁及柚子汁，兩種汁都是酸酸的，很開胃。個人而言較喜歡紫菜汁，較為有特色，味道亦較濃；柚子汁，味道則較淡，柚子的香味亦不重。椰菜絲和白飯均可無限添食。椰菜絲乾脆爽甜，如可冷一點會更合我的口味，不過我仍添了三次。而飯則只是一般珍珠米，無甚特別。吉列豬扒不太肥 (雖然我其實喜歡較肥美多汁的豬扒)，亦有肉味，相當香脆。值得一讚的是，坊間部分的吉列專門店，脆是很脆了，但表面的炸漿則硬得會刺傷嘴角，這裡的豬扒則是鬆化酥脆。而美中不足的是，皮和肉有所分離，有點兒失望。個人認為吉列生蠔比起豬扒出色，表面炸得脆身，內裡仍然鮮甜多汁，蠔味亦濃郁非常。所附上的他他汁亦能帶出蠔本身的鮮甜味，令人回味無窮。飯後附送冰凍西瓜，反而是亮點。西瓜既冰冷清甜，又多

一個人食午餐，選了丼吉，十二點十分到達仲有好多位午餐餐牌套餐都不錯, 選了吉烈海鮮伴三文魚刺身定食套餐有蝦同蠔各一加五塊三文魚湯普通炸蝦好大隻炸得剛好有蝦味, 炸蠔一直係我至愛，Keep到水準加沙津酱超好食三文魚好新鮮肉又大又厚好食好滿意呢個午餐