丼吉日式吉列豬排專門店 (彩星集團大廈) (已結業)

尋日同朋友約了在尖沙咀食飯，他說想吃日本食品，行過這裡，見有位，吉列店只去過世貿店，又未來過這裡，就兩條友入來幫襯。一點幾，人客不多。呢度地方算唔錯，但當然比不上世貿那邊。午市有一系列套餐，朋友要了吉列海鮮加三文魚刺身的，而我就要了珍寶豬扒拉麵。明知這裡的拉麵好不了那裡，為的就是那塊炸豬扒，果然是沒有令我失望。炸得炸皮鬆脆，不算油，豬扒肥廋合度，腍身得來又不失咬口，亦沒有化學品的痕跡，令人吃完一件又一件。雖然是薄身了一點，但幾十蚊貨色，算係咁，仍然係咁有水準；在吉列店，湯麵只是填肚的東西，不值得多花精神去看湯底及麵身如何，總之一句是麵身幾爽口，味精又一定有。朋友的炸吉列海鮮也不錯，但相比之下，當然是吃招牌的炸豬扒為上算。埋單一百六十多，食物有水準，唔算太貴。如果喜歡日式炸物，這裡當然不能錯過。