丼丼屋 (荷里活廣場)

营业中

休息中

唔記得幾耐之前就食過，覺得麻麻，之後一直都無再食。今日帶婆婆食飯，唔知食乜好，又無乜選擇，為有俾多次機會你。星期六日食晚飯都係要等位𠺢喇！等左約2-30分鐘，終於有位。好在呢度地方大，都坐得舒服的，限時90分鐘。一人叫左一個餐。我個係十勝豚丼，叫大size可以share啲肉俾佢地。以為名物會好正啦，點知期望過高，都係有啲鞋，丫婆食唔到，牙無乜力。好在有啲肥肉搭救，先不至於咁差。個飯（珍珠米）加埋啲燒汁，好配角比主角出色！另外叫左豚肉串咖哩飯。又伋個汁好果味，而且豚肉串啲豬肉好似仲好食過我嗰個不過佢唔係成條都係肉，肉與肉之間仲有啲大蔥。肉的份量少。丫婆個鹽燒燒鯖魚就有半條魚。食慣新鮮海魚的丫婆當然唔滿足啦話佢鞋。。。算喇，都係唔好再試喇，咁的價錢，應該有比佢仲好的

午市等左20分鐘先有位。鹽味炸雞扒溫泉蛋定食，丼面頭有溫泉蛋加少少蔥粒，味道一般冇特別。雞扒炸完唔算乾，但肉質已經keep唔到滑，食兩件覺得幾好食，再食已經覺得飽滯，成塊雞皮同肥膏，唔想再食落去。眼見小小的飯碗逼滿左雞扒令人好無耐。肉的成份太多，零蔬菜，成個Set只有前菜少量沙律。73蚊加埋一80蚊，一個字貴。丼丼屋只能做到標準的款式同味道，無驚喜。

點解嘅？明明叫咗海膽三文魚子飯，餐牌有圖為証，仲話每日只提供30份，咁珍貴，點解會俾我喺晚餐時間都點到嘅？點解這些機會會屬於我嘅？當個飯擺係眼前時，真相大白！我從來唔知道，原來海膽飯係可以咁難食，點解海膽會有豆腐干嘅質地和口感，而味道卻比豆腐干差很遠！一點海膽味都沒有！再者，碗飯超鹹，簡直係又濕又鹹，整體上令人百分失望！平日很喜歡食這裡的魚生飯，但是這個所謂嘅海膽飯，就一定一定一定......唔會再試！！！

鑽石山廣場可以揀既食店唔多，今次試哩間專門食飯既店。睇過餐牌，發現價錢唔平，就揀左算最抵同埋自己都中意食既滑蛋雞飯！朋友揀左泡菜牛肉飯！滑蛋飯好水汪汪，並唔係半熟蛋既質感，而且無味醂既香甜味，米飯俾d好稀既汁攪到濕立立，並無想像中咁好食😫最嬲係朋友個飯，等左45分鐘先黎到，牛肉韌到咬唔開，泡菜味無特別。以佢既價錢，加上服務員黑面既態度，應該唔會有下次😫

今期有款“期間限定”的海膽三文魚子丼”，真心期間限定黎左幾次都賣晒冇得食 :-( 皆因每日限量發售，一場黎到冇得食，再花團錦簇的店外宣傳牌同枱上大大張的推廣餐牌都Meaningless...今次專程下午5：45入座誓要食到，向店員查詢後，女店員黑面強調3次“要6點後才供應”，看來很重要。6點正才能下單… 入正題：這個飯$98 連黃蘿蔔和麵豉湯，前菜沒特別，最驚喜還是丼裡的海膽和三文魚子份量十足！海膽真正新鮮肉厚，無出水，值得一讚！飯和三文魚子經過調味，令整個丼都偏咸了。另外，可惜飯量太少了，連不算大食的友人都嫌太少太少。這個售價兼期間限定值得再試！不過荷里活店的服務一般，太陽西鈄又拉開簾，店員都圍著傾計，只有一名男店員主動服待，為我們點單加水。

同媽咪一齊都想食炸豬扒，所以就黎左丼丼屋。叫左咖喱豬扒定食同滑蛋豬扒定食，定食係跟麵豉湯，小食同沙律，比單點貴十幾蚊。麵豉湯味道一般，沙律跟醋汁，食落幾開胃。小食係凍八爪魚同酸瓜。滑蛋豬份量幾大，豬扒好厚切幾juicy，炸得脆皮亦唔厚，蛋汁亦好足👍豬扒肥瘦適中，容易咬開👍咖哩是唔辣既日式咖哩。雖然係公眾假期，但待應服務態度都好好，食物水準亦唔錯，份量夠飽，必會再黎！

今夜，與一位久別重逢的友人小聚。我們不約而同選擇了這間日本餐廳。我們點了番茄醬芝士焗肉丸，咖哩吉列豬扒烏冬，辛辣番茄牛肉鍋定食。先說肉丸，與subway所食的肉丸差不多，芝士好有un度，可以拉到好長，對於芝士迷來說，可以說是必食之選。至於烏冬，咖哩湯底好濃味，偏向咸，仲食得出有番茄味，烏冬好粗，落足料，豬扒同梅林既質素差不多☺😍。最後，個鍋真系好辣，我食到出唒汗！食得辣既人先好點！😵

今日去荷理活行街行過丼丼屋唔洗等位就入去試下我叫左滑蛋吉列豬扒丼定食定食就多左麵屎湯，沙律，前菜泥到個賣相好靚，但睇落有少少乾個豬扒一食落去，一d都唔干！加埋個滑蛋甜甜地，好好味！再叫左一客芝麻雞翼賣相靚，食落都好好味！！夠入味，又脆！我地仲叫左石鍋鰻魚飯底下的是甜蛋，鰻魚唔會腥，我仲夾左佢好多舊hahaha因為真係幾好味下次一定要試下d魚生丼！期待ps 入面有個女待應可能太忙，態度有點不好不過食物質素補救到

鹽燒豬扒一上台，鹽燒香味已經留口水，見肉扒厚厚以為一定會好硬乾身，點知一咬立即肉汁飆出來，好鬆軟，咸味剛好，肉脂肪位比例剛好，不油膩，馬上食一口白飯，哇，回味無窮!一定要襯熱食!滑蛋雞飯賣相好差，與圖片完全不符，蛋整得邊過熟但中間生蛋黄汁串瀉，有蛋殼，雞仲可以，滑入味，但整個味道普通了事，蛋汁凝結成晶體食落無咩味感覺好奇怪。

本來一直對呢間野無咩興趣（因為女朋友的關係.. .），但甘岩今次女朋友主動話要黎食，就俾多次機會佢啦 可能係食晚飯時間，人比較多，都要等二十分鐘左右。終於坐低左，叫左三樣野，女朋友叫左吉列豬扒定食，我叫左和風醬汁吉列豚丼，再加多左個芝士玉子卷。我個吉列豚丼係限定製作，一日只有三十份。。但居然俾我食得到 味道酸酸甜甜，好開胃，不過個飯好濕。。再加埋椰菜絲，口感不錯。。至於吉列豬扒定食，質素普通，豬扒略乾，如果多少少肥就好了，湯略咸，椰菜絲新鮮爽脆，添左三次，白飯添左一碗。總結，是一次不錯的用餐經驗

今天真走運，下午１：１５到，不用等位，還有5一6張吉檯。我与朋友同樣叫了最平的滑旦雞肉丼，現在特別推廣，免費提升為定食，即$58，送多湯+沙律+飲品。超值。滑旦雞肉丼比以往份量多了，大大一碗，男仕們一定夠飽，少吃的女任或許半碗己投降了。雞肉香滑鮮嫩，沒有半點雪咪，旦汁香滑份量足夠填滿整個飯面及雞肉，伴飯的確一流，只欠飯粒非用珍珠米，似泰國香米，粒粒分明爽口，若認為珍珠米太飽肚，愛爽口米飯的話，此滑旦雞肉飯就是完美，沒有可批評的地方。沙律雖然是小小的一碗，青瓜及番茄非常新鮮，用上日本沙律醋，食落健康輕營。湯+凍檸茶一般，不用加錢免費送上，這頓午飯感覺良好。侍應卻有進步空間，多次碰到我的椅背，上菜不論是定食或飲品，皆馬虎放低，食物盤還有4份一在檯面外，有點危險呢～

魚生飯，無論何時都是難以抗拒的。由於中午吃得飽飽，到晚餐時仍沒留有多大空間給晚餐。在這種情況下，魚生飯當然是個很理想的選擇。特上盛大蝦海鮮丼，海蝦大大隻，帶子，三文魚和吞拿魚。魚生是厚切的，厚切魚生通常都會有大滿足的感覺，這次亦不例外。新鮮的魚生加上微酸的醋飯，真好味，正。雜錦魚生飯有多種魚生碎，三文魚，吞拿魚，帶子，蛋，魚子。好豐富，每口皆可嚐到多種魚生，實在太好喇。魚生很新鮮，雖然是碎切的，但是也不算細，飯很黏，略帶微酸，應該是在煮飯時放入了酸，很好。

與朋友食晚飯，晚上7:3O到，大排長龍，2人檯約要等12個籌，約等半小時，有1.5進餐時間。點了鰻魚石頭飯，鰻魚微微焦香，嫩滑香口，鰻魚下有旦餅，同是嫩滑可口，而且旦味濃郁，鰻魚加旦餅再加上飯粒，沾上小小鰻魚汁，層次豐富，色香味俱全。唯米飯不是上等珍珠米，若喜歡爽口的泰國米口感，就沒有可以挑剔的地方。朋友點了滑旦豬扒丼，一貫高水準，唯今次的滑旦，其中多了一塊薄薄的旦皮，今天廚師有小小失準啦…

難得去鑽石山看電影在未開場先醫醫肚!!!取籌後沒等多久即可入座!第一次嘗試這餐廳飯類以外的食物就是咖哩吉列豬扒鳥冬 結果沒有令我失望!!彈牙! 咖哩汁香濃 豬扒的炸粉不算厚唯一不好的是豬扒放在烏冬內一起上很快便浸淋下次一定會叫佢豬扒分開上滑蛋雞扒丼之前在其他分店曾吃過每次吃都保持水準! 抵讚!

自從鑽石山荷里活廣場開了丼丼屋之後，每次去這邊逛的時候都會想入去吃個夠的。無他的..除了是方便之外，還有就是其吸引的甜品~!!!!!上星期...放工後...大概九時多吧，食客還在店外排隊啦=3=鐵板黑椒腸餅伴薯條 ($38)對於喜歡食腸腸的我來說，這個是必點的啦~XD鐵板黑椒腸餅的感覺也蠻可愛的，但這個腸餅就比想像中要細個。腸腸的外皮帶點點脆的，中間就鹹鹹香香的~但黑椒味未夠重，要是能夠黑椒味重一點的話，這個腸餅就是無敵的了~至於薯條呢...放在鐵板上，很脆的，但略嫌薯條未夠粗，口感略遜=3=滑蛋豬扒丼 ($85)+$15 升級為定食 (配小食、沙律及麵豉湯)滑蛋牛肉丼幾乎是每次來必點的主食，今次就轉一轉，試一試這裡的皇牌─滑蛋豬扒丼~滑蛋真的很棒，每一次都可以有相同的口感，帶點點生的蛋特別嫩滑。豬扒又夠厚，外層炸到脆卜卜的~也蠻不錯的。我倆一起分享這一份定食，份量也十分夠呢~!!蜜糖海綿蛋糕新地 ($38)食完正餐當然要點個甜品，我就試試這個新產品─蜜糖海綿蛋糕新地。其實....這杯新地比想像中的還要多還要大杯。初時很怕這個新地會過甜，但又沒有這個問題丫，甜度剛好啦。雪糕上有點點的蜜