丼丼屋 (創紀之城五期(apm))

营业中

休息中

呢間又係美心集團, 亦都係比較平易近人嘅日式菜.  平均百多元都可以食得飽, 你可以加錢食不同嘅前菜嘅SET, 自由度好大, 我喜歡佢嘅前菜青瓜加八爪魚, 第一次見呢個菜式時我覺得應該好酸, 但食落去唔係, 仲有一點青瓜味留係度, 而我叫咗個芝士焗蟹蓋,內裡有不同配料去焗, 一般餐附上嘅日式湯都係得豆腐, 而佢仲有蜆仔係度. 而另一個就叫咗刺身, 隻蝦都幾大隻仲有二片帶子. 叫咗個小食燒雞翼好鬼脆口仲好入味, 值頭想一隻, 二隻,二隻去食. 有個十勝燒肉飯真係必食, 有炭燒味配上飯一流, 仲有佢嘅飯煮得軟硬適中, 食得出靚米, 再唻個石燒牛, 好有肉味, 當然都要自己燒得好, 有個三色海鮮刺身都幾新鮮, 如果自己想食日本刺身但朋友又唔食生嘢, 你大可以唻呢間, 好喇個泡菜牛肉飯都幾多牛肉, 到個炸餅就比較油, 如果乾身番D好好多

一入去得個三枱客，完全無招呼，服務太度差，一共叫左兩樣野，一個剌身丼，一個吉豬滑蛋飯，剌身丼就五分鐘內到，到左枱面又無豉油，要大聲叫啲服務員先識走個黎，點知個剌身丼我地特登攤長左半小時慢慢食，但係食曬都未黎，一睇就知個廚房食左C。一定唔會再黎，不知所謂，連快餐廳服務都好過佢I never come again, this restaurant made me totally disappointed, no service, no food after order

丼丼屋一直定期引入限定丼物，最近引入左得獎金賞丼物 - 「大分南蠻雞丼」，獲得「全國丼連盟」舉辦嘅最新一屆「全國丼飯大賽」金賞認證🏅。咁味道如何呢？ 日本雞胸肉炸得外表酥脆，內裡鮮嫩多汁！係爆汁🤤 加埋秘製南蠻醬及他他醬，同炸雞味道好夾，個醬好香濃仲加左洋蔥粒增加口感，真心勁好食😭 味道層次好豐富，平時唔太食飯嘅handsup竟然食得哂一碗丼物！食完係超級滿足😋。聽講創作雞丼嘅「舷喜屋」社長井囗泰宏先生仲係One Piece粉絲，加分😂👍🏻 社長對唐揚雞同丼物嘅品質好堅持，仲希望將家鄉大分縣美食發揚光大，所以用心用誠意去造嘅食物，味道一定令人感動💪🏻

早排見朋友post相話去咗丼丼屋食飯，搞到我又口痕，今日走咗去食lunch🤭 見到餐廳宣傳緊一款新嘅丼飯 —— 大分南蠻雞丼 ，仲話佢喺「全國丼連盟 」舉辦的最新一屆「全國丼飯大賽」到拎咗金賞認證，咁勁，就試試佢！個set一到就嚇親我，因為塊雞目測竟然係有1.5-2cm咁厚😧 好耐無見過咁足料嘅飯～ 個飯除咗有雞塊外，仲配上秘製南蠻醬、他他醬同埋椰菜絲，食落一啲都唔會「漏」，成個set八十幾蚊，好平好抵食🥰

今天相約朋友吃午飯，呢這分店丼丼屋一向都出名要排隊，今次亦不例外。排了十五分鐘左右就可以進去了，用餐時間為90分鐘。餐廳環境寛敞，被安排卡位位置用餐，服務員隨即就遞上餐牌。我跟朋友點了滑蛋親子丼定食和鰻重定食。滑蛋很嫩滑，不會過份熟透而結硬塊，好重蛋味。雞肉肉質鮮嫩，用上醬汁先調味，濕潤的蛋汁拌飯吃，真的會不知不覺吃的光光👍🏽鰻魚重丼有兩大塊鰻魚，微微燒焦的表面，外脆內嫩的魚肉，加上鰻魚汁真係無得輸。碗上山椒分，提升鰻魚的鮮味，我慣性地加入七味粉，辣辣地的口味合我心水😋

大分南蠻雞丼定食 ($85)丼丼屋以前食過一次，丼飯係幾好食😋不過一碗最平都要大約$80，價錢唔平所以唔會成日食最近新出咗款南蠻雞丼🐓🍚雞扒好大塊，外皮脆炸，香脆又薄而不膩中間雞肉嫰滑，加上係厚切，口感好正🤤珍珠米粒粒飽滿，飯量足夠上面淋上秘製南蠻醬同他他醬，甜甜鹹鹹好惹味真心有驚喜❤️難怪拎咗最新一屆嘅「全國丼飯大賽」🏆定食連埋湯同沙律🥗不過草根覺得單點個飯仲抵食🤘🏻個飯係值得一試嘅😌

放工食飯，周圍都要排隊唯獨佢得少量人流於門外，抱著伏既心態入去。。。 呢間丼丼屋空間感好好，好靜好舒服，枱同枱之間唔太迫（如果你唔係坐4人分做2人枱的話），唔講以為係cafe. 本來想食壽司既，看過餐牌原來只有丼類食品及加錢升級做套餐既刺身及飲品. 我同我夫君兩個叫左滑蛋鰻魚飯、炙燒海鮮丼、仲加錢升級食多碟刺身（跟湯及沙律）。啲前菜好快就到，其後食物都陸續抵達👍🏾前菜：個湯淡左少少，飲唔出係面屎湯定味噌，但湯內有有昆布及兩粒蜆肉沙律🥗都係蕃茄同菜啦無咩特別，佢個source係柚子汁，幾fresh! 刺身方面，佢有兩個價錢，「是日刺身」$38，有兩塊三文魚、兩塊北寄貝；「特上刺身」$58，有一隻大蝦（蝦頭無野咮😞)、一粒大帶子切開兩片、兩片三文魚、一堆三文魚子，全部都新鮮既！ 主菜：滑蛋鰻魚，饅魚可以，汁少左啲；個滑蛋呢，底熟面生，其實唔稱得上係滑蛋，一般； 炙燒海鮮丼，唔知點解三文魚無味（但刺身有味嫁！），其他都不過不失啦兩丼加刺身加埋一，三舊水多啲，一小時多啲完成✅

丼丼屋Lunch time 去APM 食丼丼屋，真系要排下隊先😂講番環境先，肥雞覺得幾寬敞，有二人座位同埋四人坐位，隔得幾遠，坐得幾舒服😉肥雞嗌左個味噌吉列豬扒温泉蛋丼飯唔…個味噌直情系系老母用黎蒸魚嘅面鼓醬，肥雞直接用匙羹不走佢🤣因為冇咗嗰啲味噌醬所以成個豬扒係偏光呢個時候肥雞好後悔冇嗌到滑蛋吉列豬扒飯個吉列豬扒炸得幾穌同脆，豬扒有d肥，食到一舊舊肥膏😁個沙律系漬章魚青瓜片同麻醬沙律菜，味噌湯偏淡但係啲沙律菜都係屬於新鮮嘅整體黎講，中上，可以一試。

晚上時間7點幾開始就都有好多人排隊不過好彩等1-2張枱就到我今次其實係第一次食呢間，因為成日覺得呢間係好貴朋友話都係第一次食，所以一於試下佢我叫左個大分南蠻雞丼定食，盛為 $85 (最抵食既丼定食)呢個丼好彩係包埋湯、沙律、漬物不過其實就咁食飯都已經好飽因為除左多飯之外，雞件都好多...而雞件好厚切，大件得黎炸得恰當，唔會feel到食緊炸粉配上南蠻同他他醬，口感好豐富但唔知點解飯面都有就奇怪左啲雖然無咁齋，但好鬼濟朋友叫左味噌吉列豬扒丼配溫泉玉子 $88一個丼一開始以為味噌會好咸，但食落又發現幾夾同唔咸不過豬扒有啲肥，好膩另外仲叫左個芝士豚肉薯餅真係唔叫仲好....無咩特別芝士無味，而且太過over左價錢又唔抵食整體黎講等上菜時間有啲慢而且仲寫錯單呀....下次可以2人叫一個定食一齊share 就會無咁飽同濟~叫小食之前要諗諗先呀!推介： /5

今日lunch食丼丼屋嘅大分南蠻雞丼，以連鎖店質素黎講，個雞肉真係好高質。炸雞一啲油膩感都無，皮薄，仲要肉質好厚實嫩滑。但係個南蠻同他他醬汁稍嫌太甜，個人覺得拌飯食好滯。有椰菜絲伴飯都係亮點之一。

Dondonya is a Japanese food chain. Last time tried the dessert molten chocolate cake and found it really bad. So we didn’t go there for long time. This time we came here for lunch and the environment is so neat. I ordered fried pork with ginger & poached egg don set. The set comes with salad dishes and miso soup. Stirring poached egg into fried pork rice and it’s such a good combination. With ginger, seaweed, sesame and other seasoning, it’s so yummy and appetizing. I normally can’t finish a who

同朋友一行4人黎到觀塘搵野食，見到好多間都人頭湧湧，黎到呢間都唔例外，但好好彩，等左一陣就有位啦！打開餐牌每樣都好吸引咁，最後叫左一個鰻魚飯、滑蛋牛肉飯、雞肉飯同溫泉蛋豚肉飯。仲追加左玉子卷、魚生同芝士豚肉薯餅，佢追加都好正，有埋前菜、沙律同湯。本身仲想嗌甜品，但太飽冇叫到！整體濃味左少少，但都好好食！抵食之選～

事關觀塘食日本野都算多選擇，今次終於排到丼丼屋！四個人食大約$700，價錢唔平，但勝在水準有保障！因為食日本野太容易中伏！魚生飯啲刺身就算新鮮嘅，不過魚生份量就唔係好夠喉囉。食晒啲魚生但仲有大半碗飯。呢個石版燒牛肉反而有啲驚喜！牛肉比想像中有肉味！燒完都唔覺得老！初頭驚塊熱石去到最後唔夠熱燒最後嗰啲肉，但其實係我諗多左！自己可以控制啲牛肉嘅生熟程度！有得食！有得玩！滑蛋鰻魚飯就最穩陣之選！有成半條鰻魚！零失手！

我係丼丼屋十勝豚肉丼嘅忠實fans，所以每次去丼丼屋食飯， 我都會叫佢嘅十勝豚肉丼。 今日同朋友一齊去食lunch， 有啲朋友未食過丼丼屋， 所以我就極力推介去食十勝豚肉丼。 而我自己呢， 因為見到佢哋有新產品： 二重貝烏冬定食， 所以就決定要試下新產品。十勝豚肉丼一上枱， 就聞到非常香嘅醬油同埋豚肉味道， 嗰下我即刻有少少後悔自己冇叫到豚肉丼， 啲同事一食就即刻話好好味，仲一路食一路講咗幾次好味添， 見到啲同事 咁滿意， 我自己都覺得開心。 十勝豚肉丼一如既往嘅好味， 醬汁香甜好味，豚肉又香又淋， 用嚟送飯就啱曬。而二重貝烏冬定食裏面就有兩款唔同嘅貝殼類，一種係平時食開嘅蜆，而另一款就係不知名嘅貝殼。 蜆肉鮮甜冇腥味，而另外嘅貝殼類嘅肉， 味道就比較濃烈，味道都幾特別。 而下面嘅烏冬， 煮得非常有咬口， 湯底既鮮且香， 忍唔住飲咗好多。 而set lunch嘅定食仲包埋湯、沙律同埋鮮果茶。 整體而言，質素好，非常滿足，值得推介。今日仲有個熊本file送添，真係喜出望外。

已經9:30了，apm丼丼屋仍然咁多人，要排六張枱，呢度唔係第一次幫襯，上次食過刺身好新鮮，所以今次再嚟食，今次叫了三色海鮮刺身丼定食， 天婦羅烏冬先講三色海鮮刺身丼定食，海鮮仍然係咁鮮甜，飯做得好好，酸醋落得好適中，不錯天婦羅烏冬，我朋友話烏冬好煙韌，但係天婦羅睇樣睇外貌已經覺做得不好，炸得不夠靚，好油膩嘅感覺，食落口更加成口油，做得好差整體嚟講，丼丼屋食刺身真的不錯，但天婦羅 。。。。算了，以後都不會再選擇