丼丼屋 (創紀之城五期(apm))

营业中

休息中

周末陪媽媽食中午飯，攞位等十分鐘左右不算耐。餐廳坐位闊落坐得舒適，菜單有好多選擇，樣樣都好吸引，點左兩個主食加$25多個輕量定食，要收加一價錢尚算合理。鰻重 ($98)鰻魚飯賣相吸引，鰻魚肉厚肥美無腥味，而且大份好有滿足感，甜甜地鰻魚汁濃令鰻魚肉好入味感覺好多汁，飯粒飽滿沾上鰻魚汁更食得滋味。另外，可自行撒上少許山椒粉，增加多份香味，但山椒太搶不宜撒多，以免搶走鰻魚味。鰻重定食確係有質素價錢合理，所以次次來都總會點來食。滑蛋吉列豬扒丼 ($98)吉列豬扒炸得幾好，炸粉不厚，有外脆內嫩感，份量十足確抵食，豬扒已切成六塊食起上來方便，滑蛋好嫩滑鋪滿成碗，好有蛋味撈飯食好正。輕量定食 (+$25)和風湯清清地湯料有昆布金針菇，個人比較喜歡麵豉湯濃味，薯蓉食完唔覺有食。沙律用左柚子汁食起來開胃嫌份量較少。玉子卷大件質較實，做得一般而已。前菜定食做得不算出色，但加少少錢就有，叫下亦無妨。

平日午飯時間， 有很多人取票等侯。天氣炎熱 ，坐近窗邊，冷氣不夠清涼。滑蛋和牛丼定食$78滑溜的雞蛋融合了惹味的和牛肉， 配以香甜洋蔥，蓋在米飯上， 內層珍珠米軟綿， 夠熱度 ，有飯香， 大大碗， 好豐富！沙律菜車厘茄、粟米粒、蟹柳， 沙律生菜……湯有香菇 、昆布、 金菇、 蔥花， 日式味道， 好飲。凍果茶午餐定食可免費餐飲有茶香味， 甜甜地， 不錯。價錢超值午市定食餐單 ，提供不同加配的選擇，加配優惠:A. +$5轉橙汁、汽水、咖啡或茶B. +$13 迷你泡芙(3件)C. +$15花畑牧場芝士豚肉薯餅(1件)D. +$18 炸芝麻雞翼(2件)E. +$28 是日刺身(4件)

星期五晚想係APM搵餐廳食飯真係一件難食....本來以為金記冰室會有位，點知去到勁多人排隊元氣壽司就更加唔洗諗，平日都勁多人去，今日星期五又點會少呢?經過丼丼屋見到入面有張兩人枱得一位女仕坐，就問下門口嘅侍應一個人嘅話可唔可以搭枱。果然可以即時入座辛勞左幾日，難得今日星期五可以準時收工，一於食好少少慰勞下自己於是乎就叫咗和牛石燒定食等左10分鐘左右就上餐啦~有六大片牛肉，望落都幾靚仔下餐湯完全飲唔出係咩味道....入面有少少海澡同金菇，個湯係好淡好淡嘅咸味....除此之外都諗唔到點形容好牛肉兩面各燒兩分鐘左右就OK，一邊燒一邊聞到牛肉嘅香味真係流哂口水....牛肉食落好淋好有肉味，仲帶有少少油脂香點埋佢配嘅汁食都好正！不過可能我大食啦....食完成個SET都係啱啱好夠飽

Donburi❤️ Suji Mayo Don Set🍱🥢 with Kimchi✨..「名物牛筋丼」定食 配韓式酸辣泡菜配泡菜🥬 / 溫泉玉子🥚`沙律`和風湯行街見到丼丼屋又有新餐點🍴。來自大阪🇯🇵 拉麵店 既人氣丼物 ，於三屆 獲得金賞🏆，亦深受大阪👘 當地人歡迎。既然講到咁犀利，而一向鍾意食牛筋 又係一枚飯筒既我👻 當然唔會錯過呢。呢款充滿大阪特色🇯🇵 既日式牛筋肉，用秘製醬汁炒香`肉質柔軟`帶有嚼勁。同平時食既牛筋好唔同，肉連住筋比例均勻 香口又惹味。再配上蛋黃醬，再按自己偏好 選配韓式🇰🇷酸辣泡菜🥬 或溫泉玉子🥚，特別有韓日風味 好豐富 岩晒丼迷既我😋。..簡簡單單食個丼 都係一個唔錯既選擇。..

今日食午飯嘅時間，諗唔到食乜嘢行吓行吓就嚟到丼丼屋。一坐低發現個裝修唔同咗，多咗一排比一個人坐嘅單人位，感覺就算一個人食都唔會好尷尬。今日睇住個餐牌諗左一陣試吓佢個魚生飯啦，仲有一杯凍嘅果茶送。等左一陣嘢食終於嚟啦，試吓啲魚生飯先都幾新鮮喎，仲有個蟹柳沙律同埋有個海帶湯送埋比你，都算抵食。食物質素OK魚生都算鮮甜，個海帶湯有少少菇所以飲落都幾鮮甜。食完仲有杯凍嘅果茶飲吓，果茶唔算太甜小小酸酸甜甜咁幾開胃。今次食嘢整體感覺都唔錯，下次會再嚟食。

I haven't been exactly active on the foodblogging recently, and I am quite surprised this is the dish that brings me back to the ge again. I went to the Kwun Tong #dondonya to have the premium steak rice, only to find out they only carry it at more premium locations like the element (Has that one closed down though? Someone pls correct me)Anyways I settled for the close second, a grass fed Australian beef bowl with onions. The beef is on par with the price tag, and the money for value is A game

星期五晚喺大商場搵食都唔易，周圍都人山人海，見到呢間日本野比較少人等位就決定試下！menu幾特別！介紹左日本不同地方嘅特別美食。第一個上嘅係十和田燒和牛洋蔥丼飯，就咁望差唔多牛肉仲多過飯！牛肉同洋蔥嘅份量好多，絕對夠食哂成碗飯。味道亦幾濃，不錯！第二個叫嘅係滑蛋吉列大蝦丼。蝦幾大隻，亦係即炸，所以好脆。蛋嘅部分真係幾滑，半生熟撈飯口感很不錯👍🏻。另外加左玉子卷，但唔係新鮮整的，所以麻麻，沙律同湯就中規中矩啦！

丼丼屋一向都是走較中上路線的日本餐廳，食物簡單但質素唔錯。十勝帶廣名物䐁丼定食，Large 有6片䐁肉。叫了Regular 有4片䐁肉，䐁肉大大的薄薄一片一片，伴有肥肉。肉質鬆軟無乜彈性，個醬汁亦沒有特別，並不能做到提鮮的作用。配有沙律、湯，味道正常。加$可任轉飲料或加食品，A 至E都可全部點的。加了$28，有刺身：2片三文魚、2片北寄貝，新鮮但以此價錢就有些貴了。加$18，炸芝麻雞翼，炸得香脆，如採用更香口的芝麻，那這雞翼便更可口。附送凍果茶，一入口嚐到淡淡桃味，唔甜。

呢間已有一段時間無幫襯，今晚經過門口見唔駛等好耐就食！呢客特上盛鮮蝦海鮮丼賣相吸引，加＄15有湯，沙律及薯泥！湯有昆布雜菇，非常清，用來送飯都唔錯！講返個丼，有三文魚、吞拿魚、帶子、大蝦及甜蛋，材料幾豐富，三文魚及吞拿魚薄切，帶子少少鮮甜！隻蝦確係大隻，食起黎相當彈牙又有口感！飯份量唔少又帶少醋味，食完飽曬！

終於有新丼啦！ 推出來自日本大阪老店「喝鈍」嘅人氣美食「滑蛋吉列豬扒丼」😆 開立至今已有36年歴史。 創辦人渡邊國雄先生知道兒子兩兄弟鍾意食滑蛋豬扒丼，於是開始咗炮製滑蛋吉列豬扒丼，希望將最好味嘅丼物帶俾兩兄弟同食客😌 「喝鈍」丼物最近更獲得金賞丼物嘅美譽👏🏻 足見佢嘅吸引力！。滑蛋吉列豬扒丼以秘製高湯炮製，配上日本產豚肉及雞蛋，食材簡單但滋味十足～ 吉列豬扒外脆內嫩，配上滑蛋味道層次豐富，一啖豬扒蛋一啖飯好滿足！另外見咗兩款特別口味，芝士番茄滑蛋吉列豬扒丼同泡菜滑蛋吉列豬扒丼～芝士蕃茄味道濃郁，泡菜配吉列豬扒原來都好夾！別有一番風味😋

今日同朋友1:30pm嚟食lunch,唔洗等咁啱有窗口位.我哋點咗豬軟骨溫泉玉子丼定食&滑蛋炭燒雞肉丼定食,另加炸芝麻雞翼&芝士豚肉薯餅.定食附上凍果茶.唔知點解隻玻璃杯可以咁殘,果茶正正常常易入口.沙律 - 有蟹柳丶車厘茄丶沙律菜丶粟米粒,不過不失海帶蜆肉湯 - 湯鹹度適中,蜆肉好嫩滑,有驚喜! 豬軟骨溫泉玉子丼 - 豬軟骨甜得剛好,又夠腍,隻溫泉蛋一切開蛋漿就湧出嚟,唯獨大根可以再腍少少但夠入味,整個丼係好食嘅滑蛋炭燒雞肉丼定食 - 賣相唔錯,啲蛋好香,雞肉食落似雞肉串燒咁甜甜哋,但就稍為鹹咗啲.炸芝麻雞翼 - 一啲都唔油,但好香脆,好食芝士豚肉薯餅 - 外面鬆脆丶入面薯蓉軟滑丶芝士味香,好正以呢個價錢享用一個坐得舒服丶食得豐富丶味道又唔錯嘅午餐,我同朋友都幾滿意!

上次試咗🎏丼丼屋x全國丼連盟🏮嘅雞丼🐥今日見到佢哋又再合作啦🙆🏻🙆🏻🥚🐷滑蛋吉列豬扒丼 $105 (單品 $98)呢個丼飯同平時食開嘅丼飯有啲唔同🧐平時食開嘅丼飯豬扒同汁會鋪喺面🥘今次呢個就分開咗飯同埋豬扒🍚🐽咁嘅做法係可以令到丼飯有兩個食法✌🏻開頭食嘅時候可以夾一嚿豬扒同啲飯一齊食面頭啲飯唔會俾啲汁浸住就可以食到米嘅甜🤓🤓食食下就可以將個汁同豬扒倒落去個飯度🍛自己調較濃淡味 又唔會驚啲飯浸得太耐😎講返個丼飯 醬汁用咗秘製嘅高湯 配埋日本產嘅🐖豚肉同埋雞蛋豬扒好大塊 食落啖啖肉 雞蛋都煮得好滑😋😋套餐仲配埋🥙沙律同埋🍵和風湯另外仲有兩款創新口味有芝士蕃茄同埋泡菜🧀芝士係可以拉絲㗎 配埋🍅蕃茄都幾夾泡菜酸酸地食落都幾開胃👍🏻

幫襯過好幾次丼丼屋，以前食品款式比依家多，依家價錢仲越黎越貴，閒閒地一個牛肉烏冬已經接近$100，今日坐到入去都唔知揀乜野食好🤔最終幫小朋友揀左兒童餐，大人就食定食！兒童餐其實幾豐富，又可以選擇要飯定烏冬，不過小朋友食沙律菜就唔太好，甜品豆沙餅偏乾同甜左啲，食左一件已經食唔落～大人叫左個炭燒雞肉丼同溫泉玉子牛肉丼，可能燒汁偏埋一邊，所以比較咸，但雞肉好嫩，如果再多啲蔥花就更好👍🏻至於溫泉玉子牛肉丼味道剛好，可惜牛肉好「鞋」，應該係over cooked 。

今晚媽媽懶得煮飯，於是就去左apm睇下有咩食😍😍 諗住食日本野 拎左幾張舖頭ge飛 丼丼屋最快有位 就同媽咪入去試下我地叫左滑蛋鰻魚飯同炭燒雞肉丼😋😋媽媽的鰻魚飯比我想像大條 入口好滑 好入味 滑蛋好香 撈飯食好好味😍😍😍我果個炭燒雞肉丼份量好大 雞肉都好入味 呢個丼都充滿炭燒味 米飯係珍珠米 粒粒分明 好煙un 價錢吾貴 CP價好高🥰😝😝😝下次再試下其他丼飯先推薦:⭐️⭐️⭐️⭐️

今晚我們喺觀塘附近做完嘢之後去咗apm商場嘅「丼丼屋」食晚飯！我們叫咗唐揚鷄丼配溫泉玉子「就咁睇」個賣相已經好吸引，因鷄肉係好整齊咁圍著一個圈，再將溫泉玉子放喺中間，至於鷄肉就燒得好惹味，而且燒汁亦滲透晒入軟滑嘅鷄肉入面，再加埋灑喺表面嘅蔥花芝麻一齊食，令到味道更加芳香！特上盛大蝦海鮮丼有：三文魚、吞拿魚、帆立貝、玉子、三文魚籽同大蝦，大蝦果然係相當大隻，而且都幾爽甜彈牙，但其他嘅刺身就唔算好新鮮，祇係一般般！牛肉泡菜丼嘅牛肉份量相當多，而且都幾大件，但肉質就唔係好鬆軟，至於泡菜就不過不失！鰻重嘅鰻魚都算大件厚身，但飯嘅份量就略嫌比較少，如果一個「大男孩」嘅話，可能要兩份食先可以夠飽！