丼丼屋 (創紀之城五期(apm))

营业中

休息中

就算是平日，apm的晚上都挺多人的。元氣條龍更加不用考慮。幸好這丼丼屋都不算等好耐，不然肚子都餓扁。等的期間朋友還向我分享了好多人生故事給我聽，總覺得我獲得的道理，比準備用餐的享受得著更多。（離題了）這兒的裝潢都幾明亮順眼。地方略嫌迫咗少少，枱與枱之間的距離很窄。鄰座說什麼都聽到。不過香港寸金尺土，唔放多兩張枱，又點賺錢？不過，就當是縮短我們排隊時間的好處吧 哈哈。我點了菜單上標了推薦的十勝豚丼。我本來想加份甜薯，但沒貨。明明只是7點半，也太快了吧。這幾粒青豆有點莫名其妙🤣肉質不錯，但未去到嫩滑。肉味略為不足，但醬汁調配得恰當！ 配上飯都很好吃！早知叫特盛，起初我想慳錢所以叫了regular size, 結果飯量不太夠。這兒的量比較細，男生是不會夠飽。朋友叫了温泉玉子丼，加了雞翼套餐和特飲。飯我沒有試，不過我代為清了她不喜歡的沙律。沙律尚算新鮮。飲品我飲了一口。酒味不嗆喉。不過我飲的時候，飲料已經放了一段時間，雪糕已是半溶掉狀，飲落好濁。這飲品我覺得只屬一般水準。

星期六午市時段，剛剛過了十二點已經坐滿客。餐牌跟星期一至五不一樣，價錢雖然差不多，但就無個湯，當然食物的味道是相同。今次叫了每日限量廿份的黑天麩羅飯，有魚有蝦有蔬，黑色效果是源於炸粉內混入了醬油，提升鹹味，製造視覺效果，撇除這個特色，天麩羅皮和餡料的質感，跟一般中下價同類食品無乜差別，材料亦只是大路貨式，欠缺鮮甜及彈性。友伴的十勝帶廣豬肉飯特盛，保持一貫高水準，飯面舖上六件薄切豬肉片，肉質甘香鮮嫩，仲可以要求多汁，增強調味，所以價錢亦稍高，但性價比取勝。

話說去完日本旅行之後...有成個月無食日本野~~~呢期又不停落雨,,近近地去APM同朋友食個飯6點幾入座未算好多人~而呢度選擇都算多, 以為朋友會叫魚生飯點知落完雨又冷氣好大關係, 都係叫個熱食~~我就叫左風味醬汁吉列豚丼跟餐加左個玉子卷, 就有埋沙律同海帶湯吉列豚丼好大份,, 飯的份量好多.. 炸粉好薄身, 吉列豚炸得好脆 而且有滿滿的蔬菜係吉列豚下面, 唔會好油膩玉子卷好滑又夠厚身湯就有點兒清,, 整體黎講都算唔錯

今晚約左朋友係apm睇deadpool 2，順便係呢到食埋夜晚。朋友想食日本野，丼丼屋又未食過，之前已經想試，今次有機會終於可以試下。星期五晚都幾多人，差不多都等左成個鐘先有位，咁多人食應該都唔差。meun上好多刺身丼飯都好吸引，但今晚大家都想食熱啲既野，所以叫左個滑蛋丼飯，我地都係滑蛋系列既fans。特上刺身定食$48-叫任何丼飯都可以加錢要沙律、炸雞、薯餅、刺身等。我同朋友都叫左呢個刺身定食，有2片三文魚、2片帶子同1住甜蝦。刺身幾新鮮，三文魚正常，帶子同蝦好鮮甜。仲包埋昆布湯、沙律、漬物。湯好清，唔錯。其他都正常，$48有齊咁多野，都ok。滑蛋饅魚丼$118-到主食la一上饅魚丼見到都好滿足，蛋好香而且好滑，撈飯一流，仲有啲洋蔥絲甜甜地。饅魚份糧都唔少，一大塊上，夠熱而且肥美，成個丼飯真係好好食。滑蛋豬扒丼$98-朋友叫的豬扒丼，同樣係滑蛋同樣好食。豬扒炸得啱啱好，又熱又脆，而且豬扒唔會好鞋，食落好鬆軟，有肉汁，好食。買單300幾加一，仲送張$20優惠卷下次用。整體嚟講唔錯，下次會再食。

上個週末跟媽咪兩人同遊apm，去接回我可愛既小兒甥途中肚打鼓於是就地係apm食個下午餐地方都幾大，夠晒寬闊可以比半年大既小兒甥安全咁坐梳化個面，另外設bb凳但小兒甥未坐得穩所以都係要抱餐牌內頁多，選擇都不少，但小妹早已target鰻重所以唔需要諗就可以下單鰻重 $99 ★★★★ 跟基本沙律定食加$15鰻魚份量都算足夠，但比預期既期望差份量略少可以再多啲就更好飯量都是普通，男生好有可能唔夠食基本沙律定食餐 加$15 ★★本來不貴 但原來多加$5就已經有齊開胃小前菜、沙律、湯及芝麻雞奕一隻，那加$15這個定食餐就太不劃算了，但小妹睇餐牌時唔夠用心所以冇得怨整體就係一般，仍有進步空間，但侍應服務及態度不錯份量不太足夠之下價格稍為高了點，性價比只係中水平純屬個人意見

靚靚嘅窩蛋牛肉飯，食日本版就最穩陣，佢哋一定會做到好滑好嫩，一定唔會煮到d蛋熟曬，又仲會有蛋汁，所以特別有蛋味😋😋牛肉佢就用咗肥牛，都得仍林林的，又唔會話太肥膩，撈埋落啲蛋到非常好味呀！ 飯方面，當然係用上珍珠米啦！圓圓滑滑嘅口感，永遠都喜愛😚再加個麵豉湯同埋鮮菜沙律，成個set都好有日本feel!哈哈! 忍唔住叫多個北寄貝同三文魚刺身，仲有雞翼，今餐超級滿足三文魚都好新鮮好香，雞翼炸得好脆，仲有芝麻味呢

小妮子成日都好中意去食日本野架，拉麵🍜，壽司🍣，定食🍱，放題🥘等等。。。如果真係想試一間日式食肆既水準呢 ，我建議一定要試距既鰻魚飯(當然要距有呢個菜式先得啦)！而今次試既係APM裡面既<丼丼屋>，究竟係咩質素呢？ 🤔🤔🤔 作為一隻專業既吃貨🐱 懷著好奇既心態我係決定試個平時最愛既鰻魚飯！ 一試便知龍與鳳😳果然，好厚肉好juicy，亦都好入味好冧！鰻魚汁都好夠，我成碗飯清曬一粒都無剩Hahaha.. 好少可真係食到咁高水準既鰻魚飯！

約左e小姐黎apm食下午茶, 佢揀左呢間之前食過兩次, 今次第一次食下午茶。下午茶個menu同午餐係一樣既坐得都舒適, 店員勤快坐低我想叫個二貝烏冬, 但冇哂就叫左個滑蛋烤雞肉飯。好大碗, d雞肉好味, 但d蛋太生。 餐飲就跟凍果茶。可以叫少冰或走冰, 我叫左走冰係室溫正合我意叫少冰走冰份量唔會少左。 定食類會配個湯同沙律。 湯有兩個蛤仔, 紅蘿蔔同白蘿蔔。 蘿蔔煮唔夠耐係硬硬地沙律有菜, 粟米, 同炸左既脆脆。 份量同味道一般朋友叫既豬肉飯, 佢話好咸但送飯一流。佢果碗係細過我既

Have been planning to come again since last time lunch in this place. High quality food with fair price, I love to visit this place whenever I want to have Japanese food. Unfortunately, my favourite Tempura meal set has been sold out AGAIN! Gonna visit earlier next time!

復活節假期，出街難免遇上很多很多親子遊，一家大細出門開飯自然想要平靚正我們未坐下來便「被通知」用餐時間只有1.5小時，好，那坐下來就快點餐吧；我們點了一客滑蛋豬扒、一客滑蛋雞、一客三文油甘魚丼、玉子卷等個滑蛋雞賣相還可以，雞肉幾滑招牌吉列滑蛋豬，明顯賣相靚，但要趁熱食，凍咗唔得，肉好硬跟了個野菜set，幾抵食呢個三文魚油甘魚丼，削咗啲，CP值低，無下次呢客玉子卷係難食，去過唔同地方食，呢客食半嚿已停手，其實好大機會係叫現成貨，如果係即做會好味啲

今次黎到觀塘，就試吓Apm間丼丼屋。放工時候要預咗等位☺好彩今次等咗唔耐😎未入座已經睇定餐牌，務求一坐底就有得食😂 叫咗個限定“德島阿波尾雞白味噌鍋定食鍋” 鍋內配有： 福袋,芋絲,蘿蔔,豆腐,雞,大蔥自覺味道一般，沒有太大意外定食仲配有白飯，味噌湯，沙律，刺身，特飲其中：柚子蕃茄沙律有驚喜😋柚子配蕃茄，帶出蕃茄嘅甜味蜆肉味噌湯😋都有三粒蜆肉👍另外，仲叫咗個特上盛大蝦海鮮丼大大隻蝦遮住咗其他海鮮😆 要攞出黎再影其中有：三文魚, 吞拿魚, 三文魚子, 帶子, 蛋, 大蝦 😍 都好豐富❤ 刺身又新鮮。由於怕唔夠飽，仲加咗$15要前菜，沙律，味噌湯😎味噌湯同之前個定食一樣，都有三粒蜆肉。但沙律同前菜就。。。 可以唔需要試總括，除咗加錢個前菜同沙律，其他都滿意😋當想埋單走嘅時候，店員提我原來個定食仲有甜品送架😅賣相普通，但當雲呢拿雪糕配拔絲蕃薯條😍😍😍原來好好味架🤗岩我😁

多次經過門口看見餐牌挺吸引的，終於有時間來一試了，不過等位等了30分鐘以上哦！我點了個炙燒海鮮丼（$88)加了個可樂（+$10），是罐裝的。如果是汽水機的就不化算了飯是溫熱的，不是珍珠米。除了蝦，海鮮都是半生熟，蟹子新鮮彈牙，三文魚半生熟，既保存了原本的鮮味，又可使口感更加豐富。男友點了個特上盛大蝦海鮮丼（$128）全生的，蝦是新鮮的，三文魚子則不要抱大期望！不能說不新鮮，但味道就是不甜！值得一提的是蝦頭，廚師很細心的剪開了蝦頭，並把腥的部份除去。食客既在吃的時候方便，又可讓怕腥的客人淺嘗蝦頭的鮮味。男友升級了餐，唐揚定食（+$28）其實不甚吸引，但總算填滿肚子。總結：就是細碗了一點！味道挺鮮的。

是日午餐menu：我呢個刺身怪就梗係叫個「四色海鮮丼定食」($108)啦~話明係定食，包一份沙律、一碗麵豉湯(味噌湯)沙律有生菜、蕃茄仔、粟米，仲有d類似煎魚片乾的東西，蠻好吃的。麵豉湯就普普通通的，上檯時微暖的。跟住吃的是主菜了！四色丼的四色刺身有：三文魚、吞拿魚、油甘魚，以及帶子。今日午餐的刺身不算太新鮮，個人反而喜歡吃刺身上的生薑片其實丼丼屋的定食，應該不會太陌生。以定價來說，都算是不錯吧！

估唔到三點都仲要等位, 好彩等咗10分鐘左右就有位, 不過個位超大風, 凍死人, 坐咗一陣都係頂唔順, 問可否調位, 好彩果個時段陸續有人走, 如果唔係都調唔到枱, 未食已經凍死, 仲要等佢上菜等咗鬼死咁耐~ 炭燒風味雞肉丼早知佢咁多蔥就叫定走蔥啦~ 好彩我朋友食蔥, 所以我夾哂比佢, 但淨係夾蔥都夾咗幾分鐘, 夾完都凍哂~比我想像中多好多雞肉, 每粒都係一口size, 而且燒得好香口, d燒汁又好味, 用嚟撈飯真係正~ 唐揚定食呢個係中間價錢的追加定食, 話貴唔貴, 話平唔平囉~麵豉湯 -> 唔算好麵豉味, 蔥多過豆腐粒沙律 -> 有啲好似魚乾的物體, 仲有粟米、生菜、車厘茄果d, 最衰有啲汁, 如果唔係我就執哂去碗麵豉湯浸下啲菜先食小食 -> 好似比人食淨咁, 雖然個碗唔係大, 但入面啲嘢寥寥可數, 有蘿蔔、本耳、蒟蒻炸雞 -> 唔知係咪等佢, 等到差不多食完個飯先嚟個定食, 因為熱辣辣, 一定係新鮮炸, 好香好脆比錢時見到用某張佔用咭簽夠二百蚊, 送廿蚊coupon, 咁啱我地二百零幾, 可以有張coupon留返下次有機會食~

鰻魚飯 d飯全部一舊舊 ！。。。。。。完全冇珍珠米飯粒粒嘅感覺 。。。。。。。。。茶餐廳嘅飯都好味過佢。。。。。。。。鰻魚 吃到有些作嘔 🤮！天婦羅 炸到好油 好膩 !!!!!!!!!!!!!!!!!!麵算係最好味.....價錢不符食物質素。。。。。。。。。。埋單$228。。。。。。。。。。。。貴得黎 !!!!!!難食 !!!!!!!!!!!!!!!!!!!!!!!!!!!!!!得個樣!!!