丼丼屋 (創紀之城五期(apm))

营业中

休息中

係apm睇完戲揾野食，就見到丼丼屋，之前成日係facebook啲廣告睇到，想試好耐，於是就入去試下，由於當時係放飯時間都幾多人吓，好彩我自己一個所以好快有位，叫左個十勝豚肉飯同芝士薯餅加汽水，豚肉幾厚肉不過啲汁就普通了，cp值唔太高，芝士薯餅哩啲來貨野要整得難食應該都幾難，不過最令我不滿就係汽水了，明明見出餐位放左好耐，由於我唔確定係咪我所以冇點追佢，好喇我食完我叫既野喇佢都仲未黎，我就同個侍應講我要既汽水仲未到，佢就話應該出緊，連去幫我確認都冇，而出餐位罐汽水就繼續孤寧寧一個係度，好喇終於見有其他侍應有所行動喇，因為當時有好多飲品要出，罐汽水終於可以去佢既歸屬喇，原來罐汽水真係我架，飲既時候已經唔太凍喇，係既，係我衰應該大膽啲同佢地講個度有罐汽水叫佢check下係咪我先岩

今日老公早咗放工，之後呢我哋就約咗喺觀塘apm等， 突然間好想食日式嘢， 諗起apm有丼丼屋, 我哋嗌咗兩個定食1) 海老野菜天丼定食-$ 75跟餐包一碗麵豉湯同細沙律,餐飲係果茶天婦羅炸蝦好大隻，炸粉唔會太厚，蝦非常 新鮮，裏面仲有炸南瓜同炸矮瓜，飯係日本米，總結嚟講好好味2) 滑蛋炭燒雞肉丼 $ 65跟餐包一碗麵豉湯同細沙律,餐飲係果茶雞肉係用炭燒方式去燒，所以好香口

金獅子烤牛肉配日式滑蛋丼雖然外表好靚，表面有好多北海道產牛肉，但價錢真係太貴啦。一個定食差唔多$200 ，但係食完唔係好飽。而且牛肉唔算好嫩滑，完全食唔出係慢煮，滑蛋都算可以，好彩個秘製辣汁比較好味。觀塘店有蛋黃哥裝飾，周圍都係蛋黃哥嘅相，蛋黃哥迷可以一試打下卡。呢餐蛋白質爆曬錶，好彩跟餐有沙律同埋湯。沙律啲菜都算新鮮，但係個湯就真係冇咩味，好似水一樣。咁嘅價錢一個人食都唔係好飽，又唔算好好味，有少少失望。

梳乎蛋登陸丼丼屋喇，而觀塘apm丼丼屋仲變身做梳乎蛋主題店。餐廳周圍都有梳乎蛋插畫，簡直咩角度都見到梳乎蛋，超幸福❤️！.❤️「金獅子烤牛肉配日式滑蛋丼」定食 丼丼屋聯乘北海道人氣燒肉專門店「金獅子」，帶嚟超吸睛嘅日本丼物選手權入圍丼物🤩。表面鋪滿慢煮北海道產牛肉，好豪華！食落肉味香濃又juicy，配上辣椒油，味道一流😋。滑捋捋嘅炒蛋仲用咗北海道3.6牛乳！定食附送沙律同埋和風湯，營養更均衡👍🏻。.❤️甜蝦三文魚籽蛋白茶碗蒸蒸蛋白食落口感嫩滑，蛋白同上湯嘅比例完美，火候同蒸嘅時間亦把握得好好🥰。甜蝦鮮甜彈牙，三文魚籽一啲都唔腥！大人細路都鐘意食😋。

丼丼屋※蛋黃哥最近丼丼屋係觀塘apm到搞左個以蛋黃哥為主題嘅分店，成間店無論係牆身、招牌、地板、窗同Menu 四周圍都會見到蛋黃哥嘅梳乎樣，令人好開心同放鬆😍金獅子烤牛肉配日式滑蛋丼定食🍱一見到個名就覺得好特別，係到諗個丼究竟同金色嘅獅子有咩野關係呢🤔再望望menu嘅介紹先知原來「金獅子」係北海道嘅一間人氣燒肉專門店，佢地嘅慢煮北海道產牛肉係深受當地人歡迎，而依個丼重係"日本丼物選手權"嘅入圍丼物添😯講到咁特別，當然要試試先得啦，無可否認牛肉🐂的確烤得好入味，口感好細嫩，再加嘅秘製醬汁同日式北海道3.6牛乳滑蛋的確幾有風味 (評分：8/10)梳乎蛋玉子卷好熱好好味，蛋味勁香甜甜地，而且好厚好滑，一咬落去就覺得好滿足，加埋蛋黃哥個樣真係又好睇又好食呀 (評分：9/10)北海道產千層蛋糕🍰我鍾意佢唔太甜同膩，雖然雪得有D凍同冰，不過咁熱嘅天氣，當雪糕蛋糕咁食都唔錯嘅😂 (評分：7/10)

觀塘APM 期間限定蛋黃哥主題分店餐廳以趣緻、得意蛋黃哥裝飾， 蛋黃哥嘅粉絲， 不用錯過去朝聖， 仲可以同蛋黃哥影相添！.金獅子烤牛肉定食， 牛肉份量蠻多，堆成像一個小山丘， 賣相可愛 ， 牛肉來自北海道人氣燒肉專門店「金獅子」， 在2018年亮相「日本丼物選手權」後，深受歡迎，成為人氣名物， 牛肉用慢煮嘅方法烹調， 入口嫩滑、 細緻， 配上北海道3.6牛乳炒蛋， 香甜滑溜， 拌飯一流， 仲有沙律菜和昆布湯，好豐富。.北海道千層蛋糕，餅皮柔軟濕潤， 口感輕盈， 每層忌廉幼滑香甜， 奶香誘人， 啖啖窩心。

有時候都幾鐘意啲餐廳crossover 一啲唔同既系列 可以有多啲新鮮感🤹🏻‍♀️最近經過觀塘 見到丼丼屋聯乘蛋黃哥有新搞作 立即想試下💁🏻‍♀️丼丼屋之前都介紹過 係馬鞍山美食既清泉💧所以對丼丼屋出品都幾有信心💗今次聯乘蛋黃哥 成間舖頭都有蛋黃哥擺設除左食野 仲可以影下相😍.🦁金獅子烤牛肉配日式滑蛋丼🐮原來呢個丼飯大有來頭 係日本丼物選手權入圍丼物🏆而「金獅子」就係北海道人氣燒肉專門店🥩用上慢煮北海道產牛肉加上北海道3.6牛乳炒蛋舖係粒粒分明既珍珠米🍚淋上醬汁 仲有少少微微辣既辣椒🌶每一口都係嫩嫩既牛肉同煙靭軟糯既白飯對得住呢個價錢🙃.🍰北海道產千層蛋糕飯後甜品order左件千層蛋糕🍴滑滑既cream加埋層次分明既餅皮🥛 yum yum 😋.🥚茶碗蒸為食既小編都偏好茶碗蒸🤤呢個係凍食既 第一次試😌滑滑既質感好似食緊鹹布甸 🍮加埋甜蝦同三文魚籽幾得意🙃.人均消費：$200推介指數：👅👅👅👅👅👅👅👅（8/10）Encore指數：🤙🏻🤙🏻🤙🏻🤙🏻🤙🏻（5/10）

觀塘吃日本菜也有不少選擇，而我經常來吃這家，今天晚上幸好排隊不用等太久。初試~三文魚🍣親子牛油果🥑丼，感覺一般，辣椒油味道太重，不過牛油果非常之新鮮，配上辣椒油稍微太濃味了。還有京蔥，味道不太搭。三文魚和親子份量挺足。還是特上大蝦海鮮丼有水準~之前每次來都是叫這個飯，有不同材料亦很抵吃，但係大蝦果然夠大，亦不會不夠新鮮。玉子非常鮮甜。最近推出了蛋黃哥一系列，配上牛肉的飯餐連餐廳的裝潢也換了，可以一試呢。

看見他近期做蛋黃哥主題就被吸引入去了 我認為非常適合大小朋友去這間餐廳有不少打卡位 雖然我是中午時段去但都不太多人不需要等太久就優惠了 我叫了刺身飯還送那杯果茶我覺得非常不錯 而且不需要另加收費才有飲品 刺身飯刺身種類也繁多而且特別喜歡他的Wasabi 下次再試試其他分店

原來想食隔離的壽司店，無奈晚市6點來到排隊都要等十幾張枱，加上要預時間睇戲，所以決定立即轉場到已經好耐無食過既型丼丼屋。最近丼丼屋正舉行和蛋黃哥的合作推廣，因此整間舖和店員的制服都印有蛋黃哥，十分可愛名古屋鳥開親子丼丼丼屋價錢屬中上，但質素穩定合理。蛋汁香濃，滑溜的蛋汁包住每一粒飯，真的十分享受！ 雞肉不會過老，保持嫩滑👍🏻👍🏻十勝帶廣明物豚丼(並盛)有去過北海道便知此為北海道明物，曾經在香港食過豬肉處理得好鞋，但丼丼屋的不會，而且份量十足,想再食多d肉既朋友，還有特盛選擇。炸芝麻雞翼普普通通，不過不失，可以一吃。加$10可以叫一杯飲品，有果汁，汽水和茶等選擇

作為蛋黃哥迷，本來是為了蛋黃哥主題才去丼丼屋，但去到才覺得中伏了...如果是為了朝聖而去嘅朋友大概會失望了😟講番野食先，我地見佢啲石燒系列都幾吸引，就決定試哂兩款～和牛石燒定食 $165和牛幾好食，香而不膩～ 可以自己控制生熟度呢點唔錯，建議唔好煎得太熟～ 沙律、湯呢類配菜味道都唔錯～海鮮石燒定食 $138刺身都被預先塗上食油，以防煎嘅時候黐底，幾貼心👍🏻 海鮮幾有鮮味，同樣地不宜燒得過熟～ 呢個沙律有炸蝦頭，幾香脆惹味～日式炸豆腐 我地仲加 $28 試左個日式炸豆腐，包埋湯、沙律、薯蓉～ 我地都幾中意呢個炸豆腐，內裡豆腐夠軟滑！ 薯蓉加入左粟米、蔬菜、沙律醬等食材混合而成，幾好味😋整體來講，味道唔錯，但性價比唔算高，我覺得市面上會有其他更實惠嘅選擇～

呢間分店係蛋黃哥做主題, 有蛋黃哥LOGO GE 食物。叫左個泡菜豚肉飯, 好多泡菜, 5會太咸太辣, 岩我, 豚肉都好多, 個飯正正常常LA。叫左個蛋黃哥玉子燒一件, 有蛋黃哥個樣GE, 暖暖的,少少甜, 又有少少上湯味, 好食。另叫埋蛋黃哥個千層CAKE, 係普通CREAM GE 味道, 但無蛋黃哥個樣....BTW,佢地服務同上菜都快

平時經過APM六樓，晚飯時間都見到好多人等位，今次六點幾去，輕鬆入座。限時90分鐘，我地入座之後冇幾耐就見到等位既人龍。炭燒風味雞肉丼 ($58)好多醬汁，絕對夠撈成碗飯炭燒味不重，不過雞肉調得好好味只要惠顧主食就可以加配其他定食我加左 輕盈定食 玉子卷 ($25)玉子卷甜甜地都好食，一定要趁熱食有個沙律球入面有唔同既配菜，口感不錯，岩我口味另外仲有沙律菜同昆布湯，睇落都覺得豐富友人就叫左三文魚飯，厚切三文魚飯量適中，但胃口大既朋友可能要加配其他食品選擇

其實上一次係食過，不過上次叫左個"信州風味醬汁吉列豚丼定食"，真心伏😑D汁唔好食，吉列豚肉炸到好乾，汁少更乾。。。唔啱我食😑不過都決定再試另一樣心目中想試既，所以今次再去一次🤣叫左個"十勝帶廣名物豚丼定食"，油香既醬汁燒一塊塊薄身豚肉，唔流好好味🥰個汁送飯一流👍不過D青豆就。。。🤡其實一係比多少少，一係就算數，幾粒咁你話伴碟又唔係好睇🤣🤣當然仲要係無調味加工過放落去，感覺係食之無味棄之可惜，都食左佢唔好浪費食物😗加左UPGRADE去刺身定食，三文魚無味（雪到無味），已經唔可以話鮮唔鮮甜，個蝦就都無乜甜味，所以下次可以只食丼飯唔洗加錢食呢個細刺身🤔不過個豚肉丼飯係值得去試既🙆‍♀️

晚飯時間嚟到APM，間間餐廳都排曬長龍，拎完票要等成80個位都有😥要揀一間少人d但食物質素都唔差嘅，揀咗丼丼屋就啱啱好啦👍🏻之前都有食過佢哋嘅午餐，個人認為都唔差架👍🏻價錢唔算好貴，質素都ok！個人認為加錢變刺生套餐就唔太抵食，但就咁叫個飯就非常高質👍🏻不論係豚肉丼定係親子丼嘅味道都好好😋另外今次仲叫多咗一條鹽燒鯖魚，個人認為味道鹹咗少少，不過都唔算太差👍🏻午市嚟食嘅話性價比就最高啦👍🏻