丼丼屋 (創紀之城五期(apm))

营业中

休息中

今晚我們喺觀塘附近做完嘢之後去咗apm商場嘅「丼丼屋」食晚飯！我們叫咗唐揚鷄丼配溫泉玉子「就咁睇」個賣相已經好吸引，因鷄肉係好整齊咁圍著一個圈，再將溫泉玉子放喺中間，至於鷄肉就燒得好惹味，而且燒汁亦滲透晒入軟滑嘅鷄肉入面，再加埋灑喺表面嘅蔥花芝麻一齊食，令到味道更加芳香！特上盛大蝦海鮮丼有：三文魚、吞拿魚、帆立貝、玉子、三文魚籽同大蝦，大蝦果然係相當大隻，而且都幾爽甜彈牙，但其他嘅刺身就唔算好新鮮，祇係一般般！牛肉泡菜丼嘅牛肉份量相當多，而且都幾大件，但肉質就唔係好鬆軟，至於泡菜就不過不失！鰻重嘅鰻魚都算大件厚身，但飯嘅份量就略嫌比較少，如果一個「大男孩」嘅話，可能要兩份食先可以夠飽！