丼丼屋 (德福廣場) (已結業)

琴日中午，幫襯下丼丼屋叫左個咖哩豬扒飯同鰻魚三色丼點知........1.價錢好貴 每人120元結賬2.汁唔夠 問侍應拎汁 原來餐廳規定份量就係唔夠咖哩汁等於食白飯3.咖哩豬排飯d粉好厚4.鰻魚三色丼，好奇怪咁有一壺似湯既物體侍應小姐叫我地可以加落d飯到食！點知...個湯好似揾木魚煲既水！好難飲順帶一提鰻魚飯又係無汁 搞到要撈豬扒汁！呢間野只食一次就夠！

約左朋友食午餐， 係德福見到依度有位就嚟左， 12點3都未到就坐低。 午餐選擇較多， 價錢屬中檔。 我叫左鹽燒鯖魚定食， 朋友叫左滑蛋雞肉定食。 有沙律前菜， 湯同飯， 鯖魚份量夠大， 連一杯餐飲約$77，性價比算唔錯。沙律既醋汁夠酸， 健康開胃， 先爬左少少飯， 粒粒分明， 但可惜唔夠熱。 好彩份鯖魚唔錯，皮脆魚肉夠乾身， 鹽燒得嚟唔止魚皮有鹽味， 魚肉亦夠濃味， 燒得均勻。 比起另一日式連鎖集團既鯖魚定食，依份勝在夠大， 啖啖肉夠送飯。 餐湯就一般， 溫度夠熱， 但味道較淡， 無乜配料。朋友份餐就要追左三次先上到菜。其實果時1點都未夠， 餐廳又未坐爆， 成餐飯傾得計嚟又要追餐， 好無癮姐！

今晚唔知點解好肚餓，見好似有一排無去飯堂，加上有張食滿淨價＄200可扣＄30，所以今晚又去丼丼屋。先來一客【松葉蟹沙律】【松葉蟹沙律】＄６３生律菜新鮮嫩綠又爽口，配上蟹甜蟹肉、蝦籽和柚子醋，依舊美味鮮甜。【特上盛大蝦海鮮丼】$128 另加$15 改為定食定食的沙律依家無以前咁好味，以前係車厘茄羅馬生菜，依家用咗椰菜絲青瓜片同大玉茄定食的前菜小食今次係黃豆漬物，味道甜甜地，都可以呀！【特上盛大蝦海鮮丼】＄１２８喜歡來丼丼屋吃海鮮／刺身丼的原因係海鮮每次也是保持一貫水準，蝦大大隻當然啖啖肉，不過魚子比一般細粒，整體是新鮮可口令人滿意的！【蟹肉玉子卷】＄５３一碟４件既蟹肉玉子卷雖然內裡的蟹肉份量唔算多，但層層疊疊的蛋皮有番些少厚度而又暖呼呼的，吃落有蛋香又有些少蛋汁唔會＂乾爭爭＂＂硬頒頒＂，保持水準！以＄２５要個甜品，今次揀咗朱古力（原價＄３８）【朱古力脆脆新地】＄３８→＄２５賣相都幾討好，以為杯內白色果Ｄ都係雪糕......可惜果Ｄ全部係甜忌廉，忌廉既份量實在太多，對於一般香港人而言，相信唔會太喜歡！見咁多忌廉，真係怕怕，試一次便夠！

丼丼屋，是我久不久便會回頭的食店，十分喜歡這種家庭風的日式居食堂，特愛它的午市套餐。雖然價格跟晚市相去不遠，但套餐多了湯、沙律和飲品供應，感覺圓滿一點。三文魚親子丼定食($95)份量乍看是比晚市少一點，但仍能感受到到三文魚和三文魚籽的澎湃，十分吸引。三文魚算是肥美，三文魚籽本身帶醬油香，不會太咸。飯溫是暖的，是海鮮丼固有的做法。最欣賞的是芥末是鮮磨的，而且份量慷慨，與飯拌勻來吃很是刺激。每次吃到這種丼飯，總是回味遊北海道時天天吃海鮮丼的情景。十勝帶廣名物豚丼(並盛)定食($88)這款一直是我的丼飯心水之一，可惜這次卻感覺有點退步。依舊是富肉香的，但油花卻是遜於以往，肉汁不多，不夠鬆軟。飯依然是飽滿煙靱，不過相比之下還是三文魚親子丼更吸引。北海道3.6牛乳製軟雪糕(+$10)加$10的雪糕不算太大杯，冰感較重，奶味算濃，脆筒夠脆身，食得過!定食當中還包括野菜沙律、麵豉湯，都是大路貨色，較為欣賞的是有橙汁、菠蘿汁供應，感覺很健康。橙汁該是果汁先生一類吧，不過確是比咖啡或茶更好的選擇。凍咖啡奶和糖分上，啡香略淡，感覺一般般吧!

天氣仲熱, 好想食d 冷既食物。就去左丼丼屋叫左個沙律同一碗蝦魚生飯。先講沙律，真係好足料, 大大條蟹肉, 而且唔係整碎, 係一塊塊, 充滿触既質感同鮮甜。另外, 雖然今日無左紅色既沙律菜，但係生菜low埋沙律醬,都非常好味, 酸酸地,勁爽同勁翠。另外, 魚生飯有大大條蝦, 成個碗咁大, 要分4咬先食得曬, 膠質口感 好彈牙，仲有紋理分明既三文魚4塊同中型大小既帶子同1/3範圍既蟹子, 食到我好開心。飯方面都唔差, 傑身同彈牙。加15蚊仲有加套餐tim。

同友人去到九龍灣想食日本野揀無可揀下揀左依間 ⋯⋯魚生飯既魚生算新鮮，但飯既份量如果多一些就好了十勝豚肉飯，友人話肉燒得好好味道～～～～但係依個飯等左勁耐，起碼在45分鐘～～～～～

晏咗放工，再做完埋運動已經九點幾，但又有點餓所以諗住去丼丼屋食烏冬之前消費完送咗set coupon,可以$48蚊叫碗泡菜豚肉湯烏冬（原價$62）睇相咁紅紅橙橙好似好辣，一於試下今晚九點幾人唔多，但竟然比平時反而仲耐⋯一上檯⋯我望住依碗乜東東？只是豚肉頂層放咗一小堆疑似泡菜嘅野，個湯底好渾濁平時相同實物基本上係九成以上相似，一向水準都保持得好好，今次發生乜事？真係失望⋯

丼丼屋本來有留給我几好既印象, 但今次一役, 徹底改觀了!放工時間唔洗排隊, 果然有D野, 價錢算中價, 我本來都有D期望, 但質素比起几年前, 確確實實下降了。雜錦魚生丼，份量太少，而且佔了3/4碗都只是雞蛋，三文魚，吞拿魚等平價食材，只有2粒帆立貝，絶對係好唔抵！三文魚芝士焗烏冬，面頭既芝士同埋三文魚都几好食，但內面既烏冬真係嚇親人，勁多水，又冇味。蕃茄牛肉麵，都几攪笑架，有咖喱味，點解呢？滑蛋吉列豬扒丼, 個份量又勁大, 同雜錦魚生丼相比, 差唔多係DOUBLE 份量, 係豬扒有少少鞋, 味道算係呢餐最好架喇!

有意外驚喜的丼飯第一次會依間丼丼屋,原因係九龍灣想食日式都幾難揾再加上一行三人同唔駛等位,入到去待應姐姐安排左Bar位比我地,之後就開始揀餐……………想到D丼飯都幾正wor,於是決定一人一個套餐喇!今次我地揀左1.2.3.總括而言,連鎖集團中丼丼屋依間分店都算係有驚喜,冇太大伏野,唯獨係上菜時間比較慢Waiting左20分鐘同D職員臉上冇咩笑容,最後埋單$327!應該會有下次既

因為想去《留住立體回憶》，放工後跟蝦子餅去了九龍灣德福廣場，還未夠七時，周圍等位吃晚飯的人已不少，丼丼屋坐吧枱的話不用等，便進去了。每次光顧丼丼屋總會點十勝帶廣名物豚丼($88)，豚肉烤得很香但不會很乾身，味道有點像豬肉乾。另外點了一客特上天婦羅餅配冷烏冬($90)，特上天婦羅餅的材料非常豐富，有松葉蟹、帆立貝、三文魚、海老、蘆筍、淮山、牛蒡、本菇、茄子和粟米粒，很地道的日本風味。對冷烏冬有一點失望，中間部分還有點硬，蝦子餅說還是熱的烏冬比較好吃。

早前路過，見到午市定食換了新餐目，好奇停步細看，咦！？「香蔥吞拿魚蓉丼定食」回歸了耶！曾經期間限定推出的「香蔥吞拿魚蓉丼」，是令我念念不忘的其中一款丼飯…見現在有賣就毫不猶豫進去吃午飯。這裡的吞拿魚蓉新鮮即打，滲出啖啖油脂，沒有雪藏味，連同味噌湯、沙律、飲品，才港幣 $108，抵食。如果吞拿魚蓉是預先打好再放雪櫃的話，油脂會凝結，香氣就會大大減低，口感亦不夠油潤滑嫩，寧願花費功夫，也絕不馬虎，有這樣的心，值得讚賞。惠顧午市套餐只需加港幣 $10 就有北海道 3.6 牛乳特製的軟雪糕，奶味香濃，同行的小朋友都嚷著要吃。午市餐廳新品還有「汁燒金菇牛肉卷定食」及「香蔥牛肉丼定食」，下次再試。

第一次去丼丼屋食lunch，一來地點離我公司偏遠，要走到德福商場一期的最盡頭，一來是對這裡的印象是一般但偏貴(好耐之前吃過一次晚飯)。今次誤打誤撞去了丼丼屋，事緣係因為我本來打算去對面的元氣，只是元氣到1點8還是要等位，所以我才過了對面…^-^"看看餐牌，食物的價錢還可以，不算太貴。調味齊備，亦有水供應。等食需時，事前已通知要等15-20分鐘，心裡有點怕，食物來到我還要吃，那有這麼多食飯時間﹖好彩只等了十分鐘左右就有了﹗﹗不過我也見到有人等了一段時間，來這裡吃還是預多一點時間會比較好﹗看到這個Set餐，心裡有點impress，賣相原來也很不錯，喝了湯，不錯的麵豉湯味道，還有醃漬豆小食，有點醬油味道，也很可口。而金菇肥牛的配菜有青瓜、蕃茄及檸檬，剛好可以去除肥牛的油膩感及平衡醬汁的咸道。最後點了咖啡，也是很impress，這間日本餐廳也來杯奶啡分開的咖啡，咖啡味道ok，奶亦不錯﹗雖然侍應的服務一般，但我仍然會再來，當工作疲倦的時候，吃這個set lunch能差電呢﹗ 

星期日去左呢度食LUNCH, 因為見到佢唔洗點等位等左5分鐘左右姐我叫左一個"蛋黃醬吉列雞排定食"吉列雞排, 炸得岩岩好, 肉質夠嫩又唔會炸到好乾, 肥油都係好少少, 點埋蛋黃醬一齊食, 感覺無咁熱氣~哈哈飯都好軟熟, 好好味"特上大蝦海鮮丼"D蝦好好好大隻, D肉又鮮又甜, 但係魚子比一般魚子有D細粒~不過一樣好新鮮帶子又係好大隻, 仲有三文魚同吞拿魚,全部都好鮮甜~蟹肉玉子卷一份有4件, 一層層整得好有心機, 蟹肉係真既蟹肉, 味道都OK, 不錯不錯食飽飯仲加左個"士多啤利新地", 正呀

揉合了現代與傳統的日式料理概念，以日本新潟縣的秋田小町米製作丼飯(日式碗飯)。店內裝潢以時尚樸實為本，感覺舒適和優閑。 丼（Donburi）是日文漢字，是一種日式飯食，以大瓷碗盛載著白飯，飯上覆以各款食材。傳統丼包括：牛丼 - 烹煮牛肉與洋蔥後覆於飯面親子丼 - 以雞肉、蛋及洋蔥烹煮覆於飯面。豬扒丼 - 是將豬扒裹上麵包糠後，經油炸而成，油的高溫將肉汁鎖在肉內，混合洋蔥、雞蛋覆於飯面。 什錦刺身丼定食 - 三文魚、吞拿魚、帶子都十分新鮮，肉質軟滑，款款厚切，完全沒有冷凍感覺和雪藏味道；在拌勻蟹籽及青瓜片後進食，感覺爽口清新。【推介之選】❤❤❤ 三文魚親子丼定食 - 三文魚又厚又滑，同樣地沒有冷凍感覺和雪藏味道，配合大大粒魚籽，感覺豐盛，味道一絕。【推介之選】❤❤❤ 宇治金時新地 - 雪糕幼滑，充滿日本奶香味，一綠一白糯米球，十勝紅豆又甜，加上脆卜卜的粟米片和頂上淋滿抹茶醬，賣相非常獨特吸引，整體口感香甜。【推介之選】❤❤❤ 凍日式炭燒咖啡 - 曾經在其他食店飲過炭燒咖啡，印象味道苦澀；但發現丼丼屋的炭燒咖啡不苦，喜出望外。【注意事項】：❶ 每款食品都是即叫即製

午飯時間，德福每間餐廳都充斥住等位嘅上班族，幸好朋友先去攞位先唔使等咁耐。睇完餐牌，叫左侍應幾次先有人黎同我地落單(仲要落錯單), 不過發現佢係新人之後，就算啦 我選了$88的刺身飯，午飯套餐包前菜，沙律，湯和飲品，所有食物都合乎預期，沒什麼特別。刺身飯內有蟹子，蛋，三文魚粒，吞拿魚粒，少量帶子粒和蝦粒，每種食物都失去了它獨有的味道，份量亦算細，價錢相對就貴左啲啦