丼丼屋 (德福廣場) (已結業)

丼丼屋本來有留給我几好既印象, 但今次一役, 徹底改觀了!

放工時間唔洗排隊, 果然有D野, 價錢算中價, 我本來都有D期望, 但質素比起几年前, 確確實實下降了。

雜錦魚生丼，份量太少，而且佔了3/4碗都只是雞蛋，三文魚，吞拿魚等平價食材，只有2粒帆立貝，絶對係好唔抵！

雜錦魚生丼

三文魚芝士焗烏冬，面頭既芝士同埋三文魚都几好食，但內面既烏冬真係嚇親人，勁多水，又冇味。

三文魚芝士焗烏冬

蕃茄牛肉麵，都几攪笑架，有咖喱味，點解呢？

蕃茄牛肉麵

滑蛋吉列豬扒丼, 個份量又勁大, 同雜錦魚生丼相比, 差唔多係DOUBLE 份量, 係豬扒有少少鞋, 味道算係呢餐最好架喇!

滑蛋吉列豬扒丼