丸和食堂 (已結業)

好耐都無去過上水，咁啱今日要送貨過嚟，當然唔好錯過食好西嘅機會，入嚟嘆下返靚晚餐！店舖地方闊落，坐得較舒服，今次可以坐到卡位必定拖介依家店舖嘅刺身，每樣都好新鮮，最重要嘅係刺身夠凍，帶子爽口鮮甜彈牙，油甘魚夠晒肥美，甜蝦連頭可以啜埋蝦頭d膏燒三文魚頭份量好足，連埋魚較，啖啖肉海膽軍艦，滿滿海膽，一啖放落口，真係人生最享受嘅一刻，一d都唔腥，鮮甜不在話下，呑咗仲有陣回甘炒雜菜就失色咗少少，因為真係切得太碎，無咩咬口整體我比依間店舖95分以上，值得再食！

個女今日生日話想食日本菜，後來上OpenRice 睇啲食評，最後搵咗呢間，餐廳位置尚可唔難搵，開頭諗住冇book 位，唔知有冇位，但係喺武漢肺炎影響下，跟本係唔需要等位😅，餐廳內環境尚可，坐底後，打開個餐牌選咗幾個推介，果然係推介啲野食真係唔錯，由其係嗰個和風洋蔥豬頸肉粒飯，連我唔食洋蔥嘅人都覺得好正，用平民價錢食到呢啲質素，絕對超值，啲服務員工作態度都友善，我地一家都食得好滿足😌，不過埋單就唔收信用咭，記住帶夠現金😅一定會再幫襯。👍

一直都想試呢間日本野，終於食到喇。我同朋有一行二人，環境ok,有兩層，好彩咁岩唔洗等位Menu 推介呢個芝士魚塊，就試下，點知.......真係要大大推介，流心芝士，滲出濃濃的芝士，加上魚塊的配搭，芝士控必食有圖有真相炸蝦卷好好食，有八舊，飯好軟身，蟹籽滿滿的唔記得左咩野卷，加州卷（唔肯定）不過得一款，蟹籽好多值得推介海膽好鮮甜會再食刺身鮮甜，新鮮牡丹蝦都好甜好好食總結，價錢唔貴，性價比高食物好有誠意，又好食，服務好，會繼續支持溫馨提示：只收現金，唔收信用咭。

店內爆滿 有2 層 店員冇停手 但服務都不錯 食物份量不少 足料 兩個人食左三百幾蚊 燒牛舌係厚切架 好少有 枝豆又大碟 刺身新鮮 但唔夠凍 焼三文魚頭抵食 佢除左魚頭 連埋魚鮫架會有第二次 👍🏻

上水不嬲出咗名多嘢食，嚟到就梗係要搵下有啲咩想試啦！行過經過呢間叫丸和食堂諗都唔諗就入去試吓啦見到佢有二人餐諗咗好耐叫唔叫好，最尾都係決定散叫，見佢價錢唔錯下次都可以試吓先來嘅係三色刺身，你睇到相都知道佢份量幾足夠啦，刺身好厚同埋夠晒新鮮加州卷，份量好足夠！味道亦都唔錯啲蟹子好似唔駛錢咁想食菜嘅我諗都唔諗就叫咗個串燒翠玉瓜鹽燒七吋珍寶海蝦，好大隻啖啖肉！新鮮熱辣炸起真係好吸引！最後怕同行嘅朋友唔夠飽就另外叫多咗個牛肉飯！埋單$300到真係好抵食！

芝麻八爪魚配紙菜飯糰一開始見到餐牌覺得幾得意就叫左，佢分開兩碟裝，一碟係八爪魚，一碟係飯糰。我覺得咁樣食幾特別，因為可以八爪魚可以當前菜咁食，又可以放入飯團一齊食。佢既八爪魚醃料好香，唔會太鹹，就咁食都錯。丸和便當佢既丸和便當超豐富。佢有蟹子水密桃沙律。佢既蟹籽鋪滿晒成個面都係。佢仲刺身，炸薯餅。但最難忘都係佢既蟹蓋，佢既蟹蓋有手掌咁大，而佢既蟹膏係成隻蓋滿晒！係滿晒！超抵！佢仲有一個饅魚飯，但個饅魚唔老好值得欣賞。紫心芋頭地瓜球我覺得佢唔油係做得唔錯，但咬落唔硬，好脆。食落個餡都好ok

經過見到呢間日式餐廳座無虛席，於是決定同屋企人入去一試。首先，餐牌選擇好多，而且都有啲新奇嘅菜式例如辣油三文魚壽司，見到係咁特別加咗辣油，於是叫嚟一試。果然唔錯，有驚喜。另外，我幾鍾意食佢嘅豬頸肉粒洋蔥飯，豬頸肉切成粒好易咬，配上洋蔥特別有口感，而且個飯有幾多汁，食唔停口。叉燒和風拉麵都唔錯，有三大塊叉燒，而且好遠，一啲都唔難咬。而且入邊隻糖心蛋好入味，大贊！最後，喺度食埋甜品，叫咗日本即送雲呢拿千層蛋糕，價錢唔貴，頗有口感。

個日一家三口去食lunch, 叫左2個餐。落單係要自己寫，但入左去10分鐘都無侍應俾menu我哋，但個時都未係full house，之後我地問示意落單時侍應就指左一指個點單紙筒，就無再出聲，就行開左。第一次黎真係唔係咁個訂🤣食物好食，叫左個便當，個咖哩 甜甜地幾好食， 七味粉豬頸肉都好夠味，個魚就有少少過熟但脆口。 叫左個茶蒸碗好滑。 整體嚟講食物好好食，仲可以加$12至$15追加小食。餐廳環境簡潔，有bb餐椅提供。

芝麻八爪魚配紙菜飯糰一開始見到餐牌覺得幾得意就叫左，佢分開兩碟裝，一碟係八爪魚，一碟係飯糰。我覺得咁樣食幾特別，因為可以八爪魚可以當前菜咁食，又可以放入飯團一齊食。佢既八爪魚醃料好香，唔會太鹹，就咁食都錯。丸和便當佢既丸和便當超豐富。佢有蟹子水密桃沙律。佢既蟹籽鋪滿晒成個面都係。佢仲刺身，炸薯餅。但最難忘都係佢既蟹蓋，佢既蟹蓋有手掌咁大，而佢既蟹膏係成隻蓋滿晒！係滿晒，但有d腥...佢仲有一個饅魚飯，但個饅魚好老，食落冇咩味。唔知食緊咩咁。紫心芋頭地瓜球我覺得佢唔油係做得唔錯，但咬落好硬，唔脆，食落個餡一般般。

呢到座位幾多，有2層，所以黎到唔洗等位可以入座。最抵食應該係便當，有3隻大虎蝦，幾新鮮，仲有刺身。個咖哩飯就一般般，個飯太淋。壽司類都還好，一試無坊，但未必會突登過黎。

今日又要一丁友去食飯 經過上水呢間丸和食堂就食下日本嘢啦味付螺肉 配紫菜飯團 味付螺肉好多地方都有 但係咁大粒嘅就比較少見 接近有魚蛋咁大粒 咬落口感特別好食 紫菜飯團用上珍珠米 加上紫菜分開放可以自己包 唔怕淋曬汁燒金菇牛肉捲雖然係得四件但上菜嘅份量好大份可能切細咗肥牛入麵包住金菇口感豐富而且加上甜甜地嘅日式燒汁 送飯一流日本直送抹茶千層蛋糕 千層蛋糕就食得多 但來自日本嘅就比較少食 入口非常creamy完全感覺唔到蛋糕皮嘅存在 但同時滲出蛋香 抹茶味濃郁有少少苦澀 不過加上香甜紅豆餡 正正可以中和返抹茶嘅苦澀味

難得下班約到朋友，來到上水丸和食堂，吃個日式晚餐才回家吧！看到餐牌，覺得喜歡吃壽司、刺身的話，真的要來試試，特別是三文魚控。厚切挪威三文魚刺身四件$48/4片， 見到三文魚脂肪分佈均勻，色澤油亮，很新鮮呢！吃下充滿魚油香，滑嘟嘟的口感，就是吃三文魚刺身的享受。味附帆立貝裙邊，配紫菜飯團$42, 朋友胃口小，吃這個已經可以當主食，因為一個飯團已經很夠飽，有兩片紫菜用來包飯團，賣相漂亮，又可增加紫菜香。味附帆立貝裙邊，有香濃的醬汁，本來裙邊淡淡的，就愛日式食物的醬料味，微咸帶甜，伴著飯團吃，很開胃。香脆的紫菜，增加爽口感覺，吃得不多的話，這個飯團真的夠滿足了。靜岡辣油燒挪威三文魚壽司$25/2件。三文魚真的超美味，燒過後入口即溶，魚肉非常香滑，重點是在上面的一小堆辣油，像醬xo醬一樣，帶蝦乾香味，味道只是微辣，朋友不吃辣的也覺得很好吃。日式叉燒湯拉麵$60。有三片厚切的叉燒，合起來真有一塊豬扒的份量，這算是我吃過的拉麵之中，肉類份量最多的。 叉燒表面有微微烤焦，顏色漂亮之餘，吃下很香口。拉麵麵質煙韌，在湯裏放久了都沒有浸軟。喜歡配料還有半隻糖心蛋，中間微微流心的，吃下 又香又滑。豬骨湯底味

上水一直都沒有太多日式料理店難得有一間店剛剛開業立馬找好友去食，試試看看看它的水準有多高。店家推介特色卷物 - 炙燒芝士大蝦飯卷($62/8件)飯卷裡的炸蝦略嫌偏細，不夠熱，有點硬，芝士燒得不太透徹，口感一般，比較普通。丸和拼盤 - 田園三盛 ($58)這個包括：有紫心香芋丸、木魚燒茄子、照燒翠玉瓜。紫心球挺有水準，外皮不會過硬過厚，薄薄的蘇炸外皮，外脆內軟，應該都是即點即炸。茄子、翠玉瓜串燒，薄切片後沾上燒汁，灑上鰹魚乾，變成可以送飯的一道素菜串燒，個人特別喜歡這道菜。

今日到上水找朋友，她推介有間新店想食，我就同佢由火車站出發行左大約五分鐘就到，位於馬會道的丸和食堂椒鹽燒珍寶牛舌，上枱時已見到十分，急不及待即刻要將佢放入口，咬落去好爽口，帶有小小咸薩摩流心芝士魚餅咬開芝士魚餅已見到流心芝士，簡直係湧住岀來的我點左份丸和便當 -蟹味噌甲羅燒-香芒鱈場蟹棒蟹籽粟米沙律-紫薯甘粟餅-照燒北海道帆立貝2件-刺身三款(挪威三文魚2件、北海道帶子2件、北海有頭甜蝦1件)食甲羅燒當然要配脆餅食啦兩大塊鰻魚已完全遮蓋左我碗飯，食落還有微溫朋友點左份和哥山便當-鹽燒7吋珍寶海蝦3件-汁燒金菇牛肉卷2件-刺身三款(挪威三文魚2件、北海道帶子2件、北海有頭甜蝦1件)-咖哩飯-味付螺肉餐牌上還有很多其他推介上水有間高質日式料理，以後我又多一個選擇

聽聞上水最近少咗好多內地人 就梗係要去逛逛 經過呢間位於馬會度嘅丸和食堂 晚餐時段竟然座無虛席 梗係要食下啦可能太好生意 所以枱櫈都比較迫刧 坐得唔太舒服吉列大蝦手卷 手捲份量正常 吉列炸蝦炸得脆卜卜再加上邪惡嘅沙律醬同埋海量蟹子同青瓜 味道梗係好食靜岡辣油挪威三文魚腩加州反捲 好搶眼嘅紅色辣油味道唔太辣 不過配上火炙左嘅三文魚腩 極度惹味香口魚油爆發出嚟 和歌山便當 估唔到便當有咁豐富嘅嘢食 首先有味付螺肉 粒粒都大個手指公非常爽口仲有刺身有三文魚 帶子同甜蝦 三文魚超級厚切 口感十足 金菇肥牛卷用咗燒汁去做 好惹味 炭燒巨型虎蝦 虎蝦有三大隻 肉質彈牙夠新鮮飯底再配上香甜微辣嘅咖哩汁 非常完美